ابو کاشان

کراچی (اسٹاف رپورٹر) چیف الیکشن کمشنر کی طرف سے پولیس افسروں کے اعلیٰ سطح کے تبادلوں کا نوٹس لینے اور آئی جی سندھ سے وضاحت طلب کرنے کے بعد بھی منگل کو ڈی آئی جی ایسٹ زون کرچی سائیں رکھیو میرانی کا تبادلہ کردیا گیا اور انہیں ایس اینڈ جی اے ڈی رپورٹ کرنے کی ہدایت کی گئی۔ ان کی جگہ تقرری کے منتظر پولیس افسر سلیمان سید کو ڈی آئی جی ایسٹ زون کراچی تعینات کیا گیا ہے ۔ اس ضمن میں حکومت سندھ کے ایک ذمہ دار نے رابطہ کرنے پر بتایا کہ یہ تبادلہ لانڈھی بم دھماکے کی وجہ سے کیا گیا ہے ۔ یہ انتظامی نوعیت کا تبادلہ ہے۔ اگر کوئی افسر اپنے فرائض میں غفلت کا مرتکب پایا گیا تو اس کا تبادلہ ہوسکتا ہے ۔ اس تبادلے کا انتخابات سے کوئی تعلق نہیں ہے۔