خرم شہزاد خرم

اس سال تقریباً 16/لاکھ مسلما ن فریضہٴ حج ادا کریں گے



مکہ مکرمہ (شاہد نعیم) سعودی سفارت خانوں اور قونصل خانوں نے اس سال 15/ لاکھ 75/ ہزار 214/ عازمین حج کے ویزے جاری کئے ہیں۔ سعودی وزارت خارجہ کے حکام کے مطابق اس سال سب سے زیادہ عازمین حج انڈونیشیا سے آرہے ہیں جن کی تعداد 2/ لاکھ 14/ ہزار 886/ ہے اور سب سے کم ارجنٹائن سے جن کی تعداد صرف 15/ ہے۔ پاسپورٹ ایڈمنسٹریشن سے جاری کئے گئے اعداد و شمار کے مطابق اب تک مکہ پہنچنے والے عازمین کی تعداد 1,133,648 ہے۔ انہوں نے بتایاکہ اس سال چین سے آنے والے عازمین حج کی تعداد قابل ذکر اضافہ کے ساتھ 10/ ہزار ہوگئی ہے۔