عبدالقدوس

اسرائیل اور حماس کے درمیان امن معاہدے پر عملدرآمد شروع
غزہ. . . . .غزہ پٹی میں اسرائیل اور حماس کے درمیان امن معاہدے پر عملدرآمد شروع کر دیا گیا ہے۔ادھر اسرائیلی فوج کی فائرنگ سے ایک فلسطینی شہری جاں بحق ہو گیا۔غزہ میں حماس کے ترجمان سمیع ابو زہری نے بتایاکہ غزہ پٹی میں اسرائیل اور حماس کے درمیان امن معاہدے پر عملدرآمد مقامی وقت کے مطابق صبح چھ بجے سے شروع کیا گیا ہے ۔ان کا کہنا تھا کہ حماس امن معاہدے کی پاسداری کرے گی۔امن معاہدے کے تحت غزہ سے اسرائیل پر راکٹ حملے بند کر دیے جائیں گے اور اس کے جواب میں اسرائیل مغربی کنارے سے رکاوٹیں ہٹائے گا ۔امن معاہدہ چھ ماہ کے لیے کیا گیا ہے۔امن معاہدے پر عملدرآمد شروع ہونے سے چند منٹ قبل ہی غزہ پٹی میں اسرائیلی فوج کی فائرنگ سے ایک فلسطینی شہری جاں بحق ہو گیا۔حماس اسرائیل امن معاہدے میں مصر نے ثالث کا کردار ادا کیا ہے ۔

__________________