وجدان

سندھ اسمبلی میں بدھ کو سابق وزیر اعلیٰ سندھ ڈاکٹر ارباب غلام رحیم کی چھٹی کی درخواست منظور کر نے سے سرکاری ارکان نے انکار کردیا، ڈپٹی اسپیکر شہلا رضا نے یہ درخواست اگلے اجلاس تک موخر کردی۔ اس سے قبل ڈپٹی اسپیکر نے ایوان سے پوچھا کہ کیا یہ درخواست منظور کی جائے تو پیپلزپارٹی کے ارکان ”نونو“ کے نعرے لگانے لگے اس موقع پر اپوزیشن لیڈر جام مدد علی نے کہا کہ یہ ان کی پہلی درخواست ہے۔ پیپلزپارٹی جمہوریت کا دعویٰ کرتی ہے میری اپیل ہے کہ یہ درخواست منظور کی جائے۔ صوبائی وزیر داخلہ ذوالفقار مر زا نے کہا کہ ایوان کا اس پر اتفاق نہیں ہے لہٰذا اس درخو است کو اگلے اجلاس تک موخر کردی جائے، وزیر قانون ایاز سومرو نے بھی اس کی تائید کی جس کے بعد ڈپٹی اسپیکر نے یہ درخواست اگلے اجلاس تک موخر کردی اب یہ درخواست جمعہ کو دوبارہ پیش کی جائے گی۔