آٹے کی قلت دور کرنے کیلئے10لاکھ ٹن گندم درآمدکرنے کے انتظامات مکمل
آٹے کی قلت دور کرنے کیلئے10لاکھ ٹن گندم درآمدکرنے کے انتظامات مکمل
اسلام آباد(جنگ نیوز)نگراں وزیر اعظم محمد میاں سومرو کی ملک میں گندم کی بڑھتی ہوئی قیمتوں کو روکنے اور گندم کی شدید قلت کے تاثر کو دور کرنے کے لئے ہدایات پر وزارت خوراک وزراعت نے دس لاکھ ٹن گندم کی فوری درآمد کے انتظامات کو حتمی شکل دے دی ہے جس کے تحت تین لاکھ 65ہزار ٹن گندم دسمبر کے دوران پاکستان پہنچ جائے گی۔ہفتہ کو یہاں وزارت خوراک وزراعت کے ذرائع نے"اے پی پی "کو بتایا کہ نگراں وزیراعظم نے ملک میں گندم خاص طور پر آٹے کی حالیہ قلت کا سخت نوٹس لیتے ہوئے فوری اقدامات کی ہدایت کی اور وزارت خوراک وزراعت سے کہا گیا کہ وہ 10لاکھ ٹن گندم کی فوری درآمد کے انتطامات کرے تاکہ ملک میں گندم کی شدید قلت کا تاثر ختم ہوسکے۔ذرائع کے مطابق وزارت خوراک وزراعت نے ٹریڈنگ کارپوریشن آف پاکستان کے تعاون سے گندم کی فوری درآمدکے انتطامات کو حتمی شکل دیتے ہوئے پوری دنیا سے گندم کی سپلائی کرنے والے اداروں سے ٹینڈر طلب کرلئے ہیں اور اب تک 9لاکھ ٹن سے زائدگندم کی سپلائی کے سودے طے کئے جاچکے ہیں جبکہ گندم کی ترسیل کے انتطامات تکمیل کے مختلف مراحل میں ہیں۔
__________________
http://voobuzz.com it's the place where you can talk about things you find interesting, Share updates, photos, videos, and more.
|