ابن جلال

اسلام آباد: وائس آف امریکہ رپورت

آٹے کی قلت، بجلی کی لوڈشیڈنگ ،اشیاء خودر نوش کی بڑھتی ہوئی قیمتیں اور عالمی منڈی میں تیل کی قیمتیوں میں کمی کے باوجود اس کے اثرات پاکستان میں کیوں نظر نہیں آرہے ۔ یہ وہ سوالات ہیں جو ہر محفل ، حتی کہ گلیوں اور بازاروں میں بیٹھے ہوئے افراد کی زبان سے بھی سننے میں ملتے ہیں بلکہ یہ کہنا بھی بے جا نہ ہو گا کہ یہی مسائل آپس کی گفتگوکے آغاز کا سبب بنتے ہیں۔جبکہ دوسری جانب وزراء یہ کہتے سنائی دیتے ہیں کہ حکومت کو ان سب معاملات کانہ صرف مکمل ادراک ہے بلکہ وہ ان کے حل کے لیے بھی پوری طرح کوشاں ہیں۔

ملک میں طویل دورانیے کی لوڈشیڈنگ کی ہی مثال لی جائے توپانی وبجلی کے وفاقی وزیر راجہ پرویز اشرف نے اس بحران پر قوم کو صبر کی تلقین کرتے ہوئے کہا ہے کہ قوموں پر ایسے کڑے وقت آتے رہتے ہیں اور موجودہ حکومت اس بحران پر قابو پانے کے لیے ہر ممکن کوشش کر رہی ہے۔پرویز اشرف بجلی کے اس بحران پرآئندہ سال کے آخر تک قابو پانے کا دعوی توکر تے نظر آتے ہیں لیکن یہ کیسے ہوگا اس کا واضح جواب اُن کی جانب سے سامنے نہیں آسکا ہے کیونکہ حکومتی عہدیدار یہ کہہ چکے ہیں کہ ایک بڑے ڈیم بنانے کی تعمیر کے پانچ سے دس سال کی مدت درکار ہوتی ہے اور ایران سے 1000 میگاواٹ بجلی کی درآمد کے منصوبے کا ابھی تک آغاز بھی نہیں ہو سکا ہے۔

شاید اسی لیے ناقدین کا کہنا ہے کہ بجلی کے بحران پر قابو پانے کے حکومتی دعوے محض اس معاملے سے وقتی طور پر توجہ ہٹانے کے مترادف ہیں۔ پانی وبجلی کے سابق وفاقی وزیر امیر مقام نے وائس آف امریکہ سے بات کرتے ہوئے کہا کہ گزشتہ سال ان کے دورِ حکومت میں لوڈشیڈنگ نہیں تھی اوراُنہوں نے حکومت سے مطالبہ کیا کہ وہ اس بات کی وضاحت کرے کی اُن کے برسراقتدار آنے کے بعدملک میں بجلی کی مانگ میں ایسا کیا اضافہ ہوا ہے کہ اس طرح کی لوڈشیڈنگ کرنی پڑرہی ہے۔۔

امیر مقام کا کہنا ہے کہ حالیہ بحران وزرات پانی و بجلی کی بدانتظامی اور نااہلی کے باعث سامنے آیااور اسی وجہ سے تیل سے بجلی پیدا کرنے کے مختلف بجلی گھر بند پڑے ہیں، اور اُنہیں ایسا نہیں لگتا کہ دعوی کے باوجود حکومت آئندہ سال کے آخر تک اس مسئلے پر قابو پانے میں کامیاب ہو سکے گی۔ اُن کا کہنا ہے کہ جب ایک ہی وزیر کے پاس کئی وزارتوں کے قلمدان ہونگے تو وہ ایسے اہم معاملات پر بھرپور توجہ نہیں دے سکتے۔امیر مقام نے الزام لگایا کہ سوات سے ملحقہ اُن کے ضلع شانگلہ میں گزشتہ 64 دنوں سے بجلی نہیں ہے اوراس بارے میں پانی وبجلی کے وفاقی وزیر آگاہ تک نہیں ہیں۔

پاکستان میں توانائی خاص طور پر بجلی کے بحران سے نہ صرف عام لوگ متاثر ہور ہے ہیں بلکہ طویل دورانیے کی لوڈ شیڈنگ سے ملک میں صنعتوں کی پیدوار میں بھی کمی واقع ہوئی ہے جس سے ان صنعتوں پر انحصار کرنے والے درمیانے اور چھوٹے درجے کے تاجر وں کے کا روبار بھی بری طرح متاثر ہو ئے ہیں۔


چھوٹے دوکاندا ر اور عام لوگ تو یہ کہہ رہے کہ بجلی کے نرخوں میں حالیہ دنوں میں 30 فیصد سے زائد اضافے نے اُن کی گزر اوقات تو پہلے مشکل بنادی تھی اب لوڈشیڈنگ کے باعث ان کا کام نہ ہونے کے برابر ہے۔ جبکہ وہ دہاڑی دار مزدور جن کا کام بجلی سے جڑا ہوا ہے ہاتھ پر ہاتھ دھرے بیٹھے نظر آتے ہیں۔

ابن جلال

اس حوالے سے کوئٹہ کی ایک تصویر
۔۔۔۔۔۔۔

Attached Thumbnails