عبدالقدوس

کراکس …وینزویلامیں آئینی ترامیم کے لیے کرائے گئے ریفرنڈم میں صدر ہوگیو شاویز کو شکست ہو گئی ہے ۔ کراکس میں الیکشن کمیشن کے مطابق عوامی ریفرنڈم میں صدر شاویز کی آئینی ترامیم کی حمایت میں انچاس اعشاریہ انتیس فیصد ووٹ جب کہ مخالفت میں پچاس اعشاریہ سات فی صد ووٹ ڈالے گئے۔ وینزویلا میں ریفرنڈم کا مقصد صدر کے عہدے کی میعاد چھ سال کے بجائے سات سال کرنا،صدارتی انتخاب میں دو بار سے زائد مرتبہ حصہ لینا اور صدارتی اختیارات میں اضافہ کرنا تھا۔ریفرنڈم کے نتائج کے اعلان کے بعد پریس کانفرنس سے خطاب میں صدر ہوگیو شاویز نے شکست تسلیم کرتے ہوئے کہا کہ انہیں اس کا کوئی دکھ نہیں ہے ان کا کہنا تھا کہ انہیں بہت کم فرق سے شکست ہوئی ہے۔ انہوں نے کہا کہ اس سے ملک میں سیاسی تناؤ میں کمی ہوگی ۔

__________________