چاچا کمال

صوبہ سرحد کے ضلع سوات سے پہلی مرتبہ ایک ایسی ویڈیو منظر عام پر آئی ہے جس میں حلیے سے طالبان معلوم ہونے والے افراد ایک لڑکی کو سرعام کوڑوں کی سزا دے رہے ہیں۔تاہم حکومت اور طالبان نے اس خاص واقعہ کی تردید کی ہے تاہم اس بات کی تصدیق کی کہ ماضی میں خواتین کو کوڑوں کی سزائیں دینے کے واقعات پیش آئے ہیں۔

موبائل فون سے بنائی گئی یہ دو منٹ کی ویڈیو اب سرعام دستیاب ہے۔ ویڈیو میں سرخ جوڑے میں ملبوس ایک جوان سال لڑکی کو دکھایا گیا ہے جسے زمین پر الٹا لِٹاکر کوڑے مارے جارہے ہیں۔

ویڈیو میں یہ بھی دکھایا گیا ہے کہ طالبان کے حُلیے میں ایک شخص لڑکی کو پشت پر کوڑے برسارہا ہے جبکہ ایک شخص اس کے پیروں اور دوسرے نے جسم کے اوپر کے حصے کو دبوچا ہوا ہے۔ اس موقع پر درجنوں افراد دائرے میں کھڑے اس منظر کو دیکھ رہے ہیں۔

سزا دینے والے افراد آپس میں پشتو زبان میں بات کرتے ہیں اور لڑکی چیختی چلاتی پشتو میں فریاد کرتی ہے کہ ’میرے باپ کا توبہ ، میرے دادا کا توبہ آئندہ ایسا نہیں کرونگی۔‘ وہ شدت درد سے بار بار التجا کرتی ہے کہ ’خدا کے لیے کچھ صبر کرو‘ مگر مارنے والا شخص کہتا ہے کہ ’تم نے کہا تھا مجھے ماردو مگر اب تو میرے پاس چھری بھی نہیں ہے۔‘

پندرہ سے زائد کوڑے مارنے کے بعد وہ لوگ لڑکی کو چھوڑ دیتے ہیں اور اٹھتے ہی لڑکی شٹل کاک برقعہ میں ملبوس نظر آتی ہے۔ اس وقت ان میں سے بڑی داڑھی والا ایک شخص اس سے قریب واقع ایک کمرے میں لے جاتا ہے۔ چیخ و پکار اور باتوں سے وہ تقریباً بارہ سے سترہ سال کے درمیان کی عمر کی معلوم ہوتی ہے۔

اس سلسلے میں دس کے قریب مقامی لوگوں سے رابطہ کیا گیا تو کافی مشکلات کے بعد انہوں نے صرف واقعہ کی تصدیق کی اور کہا کہ واقعہ سوات کی تحصیل کبل کے کالا کلی میں پیش آیا ہے۔ مقامی لوگ بظاہر خوف کی وجہ سے مزید معلومات دینے سے انکار کررہے ہیں۔ یہ بھی معلوم نہیں ہوسکا کہ لڑکی کون ہے اور انہیں کس بات پر سزا دی جارہی ہے۔

طالبان ترجمان مسلم خان سے رابطہ کیا گیا تو انہوں نے کہا کہ خواتین کو کوڑے مارنے کی سزا کا واقعہ حالیہ دنوں میں پیش نہیں آیا ہے۔ انہوں نے اس خاص واقعہ سے بھی لاعلمی کا اظہار کیا البتہ انہوں نے اس بات کی تصدیق کی کہ امن معاہدے سے قبل مولانا فضل اللہ کے حکم پر خواتین کو سزائیں دی جاتی تھیں۔

انہوں نے کہا کہ ماضی میں خواتین کو سرعام سزائیں نہیں دی گئیں بلکہ مولانا فضل اللہ نے حکم دیا تھا کہ خواتین کو جب بھی سزا دینی ہو تو انہیں کمرے کے اندر کوڑے مارے جائیں۔ مسلم خان کے بقول انہوں نے ماضی میں ایسی خواتین کو سزائیں دی ہے جو بقول ان کے گھر سے بھاگ گئی تھیں یا پھر انہیں مبینہ طور پر ' غیر اخلاقی حرکات' میں ملوث پایا گیا تھا۔

ملاکنڈ ڈویژن کے کمشنر سید محمد جاوید سے بھی جب اس بابت رابطہ کیا گیا تو انہوں نے بھی اس طالبان ترجمان مسلم خان کے مؤقف کی تائید کی اور کہا ممکن ہےماضی میں خواتین کو ایسی سزائیں دی گئی ہوں۔ان کے بقول امن معاہدے کے بعد طالبان نے اپنی نجی عدالتیں ختم کردی ہیں۔

ابھی تک یہ معلوم نہیں ہوسکا ہے کہ آیا یہ واقعہ حکومت اور طالبان کے درمیان ہونے والے امن معاہدے سے پہلے یا بعد میں پیش آیا ہے لیکن یہ اس لحاظ بہت ہی سنگین واقعہ ہے کہ سوات میں ایک خاتون کو سرعام کوڑوں کی سزادی جارہی ہے۔اس سے قبل طالبان نے کئی دفعہ ان مرد حضرات کو لوگوں کے سامنے کوڑوں کی سزائیں دی تھیں جن پر مختلف نوعیت کے الزامات لگائے گئے تھے۔


اگر کسی کے پاس اصل ویڈیو ہو تو لگائیں۔۔۔۔ ویسے تالی بانوں کے حمائتی اس کے حق میں بھی کچھ نہی کچھ نکال لائیں گے۔۔۔

فیصل ناصر

آپ کئی چیزوں کو گڈ مڈ کرررہے ہیں
میں انشااللہ اس کا تفصیلی جواب دیتا ہوں
ابھی تو دیر بہت ہوگئی ہے صبح ہوا چاہتی ہے

آپکی بات سے امید ہے آپ دلیل کو مانیں گے مرغے کی ایک ٹانگ والا معاملہ نا ہوگا

فاروق سرورخان

بھائی فیصل ناصر، مجھے بہت خوشی ہوگی آپ کے دلائل سن کر۔

میں اپنی بات دہراتا ہوں۔ کہ یہ بنیادی مسئلہ ہے۔
1۔ مسلمانوں کے بہت سے فرقے ہیں اور ہر فرقہ کے اپنے خیالات ہیں۔ ان فرقوں‌میں ہر شخص کے اپنے خیالات ہیں۔ ایک بڑی مسلمان قوم میں‌قوانین بنانے کا طریقہ کار مشاورتی ہونا چاہئیے یا کہ طاقت کا استعمال؟
2۔ اگر ایک فرقہ اپنے نظریات اسلام بنا کر سب پر بذریعہ بندوق ٹھونسے گا تو دوسرا فرقہ کو بھی حق حاصل ہے کہ وہ بندوق استعمال کرے ۔ ایسا فیصلہ کرنے سے پہلے خود اپنے امن و امان کا، اپنی عورتوں اور بچوں کے بارے میں سوچ لینا چاہئیے کہ ان کا کیا ہوگا۔
3۔ جو سزا اوپر لکھی گئی ہے وہ جس جرم کی ہے اس جرم کو ثابت کرنے کے لئے چار گواہوں کی ضرورت ہے۔ ایک مکمل عدالتی کاروائی کی ضرورت ہے۔ کسی کو شبہ کی بناء پر سزا نہیں دی جاسکتی۔ اس سزا سے کسی کو انکار نہیں۔ عدالتی کاروائی کا نہ ہونا ، جرم کے ثابت ہونے کا ریکارڈ نہ ہونا ، بذات خود ایک جرم ہے۔

والسلام

احمد غزنوی

میں یہاں انسانی حقوق کے تمام نام نہاد علمبرداروں سے یہ پوچھنا چاہوں گا کہ۔۔۔ ایک لڑکی کو کوڑے مارے جانا (قطع نظر اس کے کہ یہ کن کا کام ہے، اور اس سے فائدہ کون اٹھا رہا ہے؟ یہ صحیح‌ تھا یا غلط) بڑا جرم ہے یا دینی مدارس کی سینکڑوں‌ معصوم بچیوں پر آتش و آہن کی بارش کرنا؟ یہ سب اُس وقت کہاں‌ تھے؟ وطنیت سے متاثر ذہنوں کو دیکھتے ہوٕئے کہا جاسکتا ہے کہ جب افغانستان، یا کسی اور مسلم ملک پر جارحیت ہوتی ہے تو اس وقت یہ اپنے ضمیر کو یہی تھپکی دے کر سلادیتے ہوں گے کہ یہ تمہارے ہموطن نہیں‌۔ لیکن جامعہ حفصہ کی بچیاں تو پاکستانی تھیں، کسی سرحدی یا "غیر" علاقے میں ‌بھی یہ سب نہیں‌ ہوا بلکہ دارالحکومت میں‌ یہ بربریت بپا کی گئی۔ عاصمہ جہانگیر نے اس وقت کوئی پریس کانفرنس بلا کر ایسے الفاظ کیوں نہیں کہے کہ یہ بم ان بچیوں پر نہیں‌ بلکہ ہم سب پاکستانیوں پر گرائے گئے ہیں؟ (واضح‌ رہے کہ جمعہ کے دن پریس کانفرنس میں عاصمہ جہانگیر نے یہ بات کہی تھی کہ یہ کوڑے اس لڑکی کو نہیں، ہم سب پاکستانیوں کی پشت پر پڑے ہیں۔۔۔ اللہ رے یہ غیرت و حمیت)۔

shafresha

"جامعہ حفصہ" کی معصوم روحوں کو سلام!
اُس وقت بھی اہل حق نے آرمی ایکشن کی مذمت کی تھی۔ اس سے یہ نتیجہ کہاں نکلتا کے اب بھی خاموش رہا جائے؟ محض اس ایک مفروضے کی بنیاد پر کے "وہ ویڈیو جعلی ہے یا یہ کے وہ لوگ طالبان نہیں ہیں"

فیصل ناصر

اس بات نے میرے دل میں اپنے دوست کی قدر اور بھی بڑھادی
جیو

فاروق سرورخان

بہت ہی شکریہ احمد غزنوی صاحب ۔

کس بات کا شکریہ؟

اس بات کا شکریہ کہ آپ ہم سب کو نام نہاد کہہ رہے ہیں۔ یعنی یہ مان رہے ہیں کہ آپ کے اور ہمارے خیالات میں فرق ہے جس سے آپ متفق نہیں۔ بھائی میں بھی یہی کہہ رہا ہوں‌کہ میں آپ سے متفق نہیں ۔

تو اس بات کا شکریہ کہ ہم دونوں کا اپس میں ایک بات پر تو اتفاق ہے کہ ہم ایک دوسرے سے متفق نہیں۔

اس نااتفاقی کےو اتفاق میں‌بدلنے کے لئے ہی ہم نے ایک پارلیمینٹ‌بنائی کہ آپس میں‌مل جل کر قوانین بنا سکیں۔ کم از کم اس پر تو اتفاق کیجئے کہ ہم آپس میں بیٹھ کر باہمی مشاورت سے قانون سازی کریں ، ہماری عدالتیں متفقہ ہوں۔۔ ہماری ریکارڈ کیپنگ یکساں ہو۔

یا پھر آپ طے کرلیں کے آپ قوت کا استعمال کریں گے اور جواب میں‌ دوسرے فرقوں کو بھی قوت استعمال کرنے کی اجازت ہوگی؟ اس طرعیقے میں‌خامی یہ ہے کہ پھر جس کا بم بڑا ہوگا وہی جیتے گا۔ انسانیت کا راستہ اختیار کیجئے اور غیر انسانی سلوک کی مذمت کیجئے۔

کوئی ریکارڈ نہیں‌ہے کہ اس لڑکی نے کیا جرم کیا تھا، کن لوگوں‌نے گواہی دی تھی، جس نے فیصلہ کیا تھا وہ کس لائق تھا اور اس کو یہ اجازت کس نے دی تھی۔ ذہن میں‌رکھئے کہ حکومت کرنے کے لئے صرف علم کافی نہیں، آپ کو اختیار بھی چاہئیے ہوتا ہے۔ یہ اختیار عوام عطا کرتے ہیں کے حکومت کے نمائندہ کون ہونگے اور پھر یہ نمائندہ ہی قاضی یا جج کو اپائنٹ کرتے ہیں۔ تو بھائی اس طریقہ کے حامی کس طور نام نہاد انسانیت پرست ہوئے؟‌ کچھ حق کی بات کیجئے ۔

والسلام

فاروق سرورخان

ذرا یہ لنک دیکھئے، جس شخص نے ویڈیو بنائی ہے اس کا نام شوکت ہے۔ اس کا کہنا ہے کہ اس لڑکی نے ایک تالی بان سے شادی سے انکار کردیا تھا اس لئے اس کو یہ سزا دی گئی۔ یہ لنک روزنامہ ڈان کا ہے۔
DAWN.COM | + Pakistan | Man who made Swat flogging video speaks to DawnNews

احمد غزنوی

آپ کے شکریے کا شکریہ فاروق صاحب

میں‌ بھی دل سے قائل ہوا آپ کی صلاحیت کا

کس صلاحیت کا؟

بات کا رُخ دوسری جانب موڑنے اور اصل موضوع گول کردینے کی صلاحیت کا۔۔۔

آپ نے خود کو "انسانی حقوق کے نام نہاد علمبرداروں" میں‌ خود کو پانچواں‌ سوار تو آپ ہی کیا ہے ان کے دفاع کی کوشش کرکے۔ ورنہ میں‌ نے بطور خاص کسی کو مخاطب نہیں‌ کیا تھا۔

کیا آپ نے میری قوسین میں‌ لکھی تحریر دیکھی تھی؟

کیا میں نے یہاں‌ لڑکی کو کوڑے مارے جانے کے اس فعل کی حمایت کی؟

کیا میں‌ نے خود کو طالبان کا ترجمان ظاہر کیا تھا فاروق صاحب! کہ آپ نے یہ بات کہی:

فاروق صاحب! جو باتیں میں‌ نے کیں‌ ہی نہیں‌ آپ انہیں‌ مجھ سے کیوں‌ منسوب کررہے ہیں؟‌

کیا واقعی ہی میں نے اس طریقہ کے خلاف کچھ کہا ہے؟ یا اس طریقہ کے حامیوں کو نام نہاد انسانیت پرست کہا ہے؟ اس سے تو یہ تاثر ملتا ہے کہ جامعہ حفصہ پر جو جارحیت کی گئی وہ پارلیمنٹ میں ملک و قوم کے منتخب نمائندوں کی کسی متفقہ قرارداد کی منظوری کے بعد ہوئی تھی؟ اگر ہاں‌ تو پھر آپ حق بجانب ہیں یہ بات کہنے میں کہ "کچھ تو حق کی بات کیجیے" وگرنہ اپنی بات پر ذرا دیر کیلئے غور بھی کرلیں۔ بولنے کے بعد ہی اسے تول لیں۔۔

ذہن میں‌ رکھیے فاروق صاحب! میں یہاں‌ سوات واقعے کی حمایت میں‌ کچھ لکھنے نہیں آیا کیونکہ اُس معاملے کے حقائق فی الوقت کم از کم مجھ پر پوری طرح واضح‌ نہیں ہیں۔ میرا اصل سوال اب بھی اپنی جگہ باقی ہے اور اگر آپ "انسانی حقوق کے نام نہاد علمبرداروں" کی نمائندگی کرنے میں عز و شرف محسوس کرتے ہیں‌ تو اُس کا جواب فراہم کیجیے۔ بصورت دیگر بے وجہ میری بات کو اصل سیاق سے ہٹا کر اُس بنیاد پر بحث کرنے سے اجتناب ہی کریں تو بہتر ہے۔

فیصل ناصر

آج میں بھی ایک بیان لگادوں

کہ یہ ویڈیو میں نے بنائی ہے اور یہ پنٹاگون کے اسٹوڈیو میں تیار کی گئی ہے
جس طرح اسامہ کی ویڈیو تیار کی جاتی رہی ہیں

تو کیا آپ مان لیں گے ؟؟

ذرا اس پر بھی نظر ڈال لیں
میرے مطابق : سوات میں لڑکی کی سزا اور امن معاہدہ

فاروق سرورخان

روزنامہ ایکسپریس قابل اعتماد روزنامہ نہیں اور ابرار حسین صاحب کا آج تک پتہ نہیں کہ یہ کون ہیں۔

فیصل ناصر

چلئے اگر آپ بی بی سی کو ہی قابل اعتبار سمجھتے ہیں تو " میں ایسا بلکل نہیں سمجھتا "

‭BBC Urdu‬ - ‮پاکستان‬ - ‮ویڈیو جعلی ہے، حکومت کا اصرار‬

فاروق سرورخان

احمد غزنوٰی صاحب جو نکات آپ کو دئے گئے آپ اس کے یکسر خلاف ہیں ۔ یہ سرف انسانی حقوق کا مسئلہ نہیں ہے۔ یہ ہے تالی بان کے قوت کے ذریعے بے جا اثر و نفوذ کا، تالی بانی نظریہ کے بذریعہ قوت نفاذ کا جو دیگر مسلمانوں کا نطریہ نہیں ہے ۔ ہم اس پر سے فوکس نہیں ہٹائیں گے۔ اس لئے کہ اس کے بعد باری ہے ہماری خواتیں اور بچوں کی۔ یہ سارا عتاب آخر عورتوں پر کیوں ٹوٹتا ہے؟

shafresha

مجھے آپ کی اس بات سے اختلاف ہے۔

فیصل ناصر

انسانی حقوق کا مسئلہ صرف مجاھدین کی باری پر یاد کیوں آتا ہے
عورتوں پر مظالم کی داستانیں تو طویل ہیں پاکستان میں

اور ہم میں سے کوئی بھی عورتوں پر ظلم کا حامی نہیں ہے



حالانکہ گھریلو قسم کے شوہروں پر بیوی کے مظالم بھی کچھ کم نہیں ہوتے لیکن اس پر بھی کوئی بات نہیں کرتا
(ایڈیٹر کا مراسلہ نگار کی رائے سے متفق ہونا ضروری نہیں)
نوٹ : اس کو آپ بیتی نا سمجھا جائے

ابرارحسین

آپ میرے بارے میں‌کیا جاننا چاہتے ہیں جس کے بعد میں‌قابل اعتبار ہو جاؤں ، ویسے جو کچھ میں‌نے شیئر کیا ہے وہ میر انہیں ہے بلکہ پاکستان کے ایک معروف تجزیہ نگا ر کا تجزیہ ہے، اور ایک معروف اخبار کی رپورٹ ہے۔