چاچا کمال

صوبہ سرحد کے ضلع سوات سے پہلی مرتبہ ایک ایسی ویڈیو منظر عام پر آئی ہے جس میں حلیے سے طالبان معلوم ہونے والے افراد ایک لڑکی کو سرعام کوڑوں کی سزا دے رہے ہیں۔تاہم حکومت اور طالبان نے اس خاص واقعہ کی تردید کی ہے تاہم اس بات کی تصدیق کی کہ ماضی میں خواتین کو کوڑوں کی سزائیں دینے کے واقعات پیش آئے ہیں۔

موبائل فون سے بنائی گئی یہ دو منٹ کی ویڈیو اب سرعام دستیاب ہے۔ ویڈیو میں سرخ جوڑے میں ملبوس ایک جوان سال لڑکی کو دکھایا گیا ہے جسے زمین پر الٹا لِٹاکر کوڑے مارے جارہے ہیں۔

ویڈیو میں یہ بھی دکھایا گیا ہے کہ طالبان کے حُلیے میں ایک شخص لڑکی کو پشت پر کوڑے برسارہا ہے جبکہ ایک شخص اس کے پیروں اور دوسرے نے جسم کے اوپر کے حصے کو دبوچا ہوا ہے۔ اس موقع پر درجنوں افراد دائرے میں کھڑے اس منظر کو دیکھ رہے ہیں۔

سزا دینے والے افراد آپس میں پشتو زبان میں بات کرتے ہیں اور لڑکی چیختی چلاتی پشتو میں فریاد کرتی ہے کہ ’میرے باپ کا توبہ ، میرے دادا کا توبہ آئندہ ایسا نہیں کرونگی۔‘ وہ شدت درد سے بار بار التجا کرتی ہے کہ ’خدا کے لیے کچھ صبر کرو‘ مگر مارنے والا شخص کہتا ہے کہ ’تم نے کہا تھا مجھے ماردو مگر اب تو میرے پاس چھری بھی نہیں ہے۔‘

پندرہ سے زائد کوڑے مارنے کے بعد وہ لوگ لڑکی کو چھوڑ دیتے ہیں اور اٹھتے ہی لڑکی شٹل کاک برقعہ میں ملبوس نظر آتی ہے۔ اس وقت ان میں سے بڑی داڑھی والا ایک شخص اس سے قریب واقع ایک کمرے میں لے جاتا ہے۔ چیخ و پکار اور باتوں سے وہ تقریباً بارہ سے سترہ سال کے درمیان کی عمر کی معلوم ہوتی ہے۔

اس سلسلے میں دس کے قریب مقامی لوگوں سے رابطہ کیا گیا تو کافی مشکلات کے بعد انہوں نے صرف واقعہ کی تصدیق کی اور کہا کہ واقعہ سوات کی تحصیل کبل کے کالا کلی میں پیش آیا ہے۔ مقامی لوگ بظاہر خوف کی وجہ سے مزید معلومات دینے سے انکار کررہے ہیں۔ یہ بھی معلوم نہیں ہوسکا کہ لڑکی کون ہے اور انہیں کس بات پر سزا دی جارہی ہے۔

طالبان ترجمان مسلم خان سے رابطہ کیا گیا تو انہوں نے کہا کہ خواتین کو کوڑے مارنے کی سزا کا واقعہ حالیہ دنوں میں پیش نہیں آیا ہے۔ انہوں نے اس خاص واقعہ سے بھی لاعلمی کا اظہار کیا البتہ انہوں نے اس بات کی تصدیق کی کہ امن معاہدے سے قبل مولانا فضل اللہ کے حکم پر خواتین کو سزائیں دی جاتی تھیں۔

انہوں نے کہا کہ ماضی میں خواتین کو سرعام سزائیں نہیں دی گئیں بلکہ مولانا فضل اللہ نے حکم دیا تھا کہ خواتین کو جب بھی سزا دینی ہو تو انہیں کمرے کے اندر کوڑے مارے جائیں۔ مسلم خان کے بقول انہوں نے ماضی میں ایسی خواتین کو سزائیں دی ہے جو بقول ان کے گھر سے بھاگ گئی تھیں یا پھر انہیں مبینہ طور پر ' غیر اخلاقی حرکات' میں ملوث پایا گیا تھا۔

ملاکنڈ ڈویژن کے کمشنر سید محمد جاوید سے بھی جب اس بابت رابطہ کیا گیا تو انہوں نے بھی اس طالبان ترجمان مسلم خان کے مؤقف کی تائید کی اور کہا ممکن ہےماضی میں خواتین کو ایسی سزائیں دی گئی ہوں۔ان کے بقول امن معاہدے کے بعد طالبان نے اپنی نجی عدالتیں ختم کردی ہیں۔

ابھی تک یہ معلوم نہیں ہوسکا ہے کہ آیا یہ واقعہ حکومت اور طالبان کے درمیان ہونے والے امن معاہدے سے پہلے یا بعد میں پیش آیا ہے لیکن یہ اس لحاظ بہت ہی سنگین واقعہ ہے کہ سوات میں ایک خاتون کو سرعام کوڑوں کی سزادی جارہی ہے۔اس سے قبل طالبان نے کئی دفعہ ان مرد حضرات کو لوگوں کے سامنے کوڑوں کی سزائیں دی تھیں جن پر مختلف نوعیت کے الزامات لگائے گئے تھے۔


اگر کسی کے پاس اصل ویڈیو ہو تو لگائیں۔۔۔۔ ویسے تالی بانوں کے حمائتی اس کے حق میں بھی کچھ نہی کچھ نکال لائیں گے۔۔۔

محمد الیاس

شاف ریشہ صاحب، مرد اور عورت کی بات نہیں ہے مجرم جو بھی ہو جیسا بھی ہو اسکو اسکی قرار واقعی سزا ملنی چاہئے۔

فاروق سرورخان

کل بروز اتوار، اس موضوع پر میں ہیوسٹن ریڈیو 1050 اے ایم پر امریکی سینٹرل ٹائم 6 سے 7 بجے کے دوران بات چیت کروں گا۔ جو حضرات انٹرنیٹ‌پر سننا پسند فرمائیں وہ درج ذیل لنک سے سن سکتے ہیں۔
KCHN Website - Home

shafresha

پہلے تو آپ shahfresha کا اردو تلفظ درست کریں‌یہ شاف ریشہ نہیں‌ "شافریشہ" یا "شافریشا" ہے۔ میں‌ایک زمانے تک "علماء" کی جوتیاں‌اُٹھانے کا شرف حاصل کرچکا ہوں اور جانتا ہوں کے جب کسی کی تقصیر کرنی مقصور ہو تو اُس کے نام میں‌کس طرح تظمین کی جاتی ہے مثلاّ "قادیانی" کو "کادیانی" وغیرہ کہا جاتا ہے۔ اُمید ہے کے اس تصریح کے بعد آپ کا تلفظ درست ہوجائے گا۔
میں نے مردوں کا ذکر آپ کی جانب سے ایک "عورت" کی مثال دیئے جانے پر کیا تھا۔ حالانکہ اس "کاروبار" میں‌دونوں فریقین ہی ملوث ہیں۔

عبداللہ حیدر

آج امریکی ڈرون نے حملہ کر کے 3 عورتوں اور 4 معصوم مسلمان اور پاکستانی بچوں کو قتل کیا ہے لیکن مجھے ہزار فیصد امید ہے کہ اس کے خلاف کسی نام نہاد مسلمان کی غیرت جوش میں نہیں آئے گی اور نہ اس پر اتنی لمبی بحث ہو گی۔

فیصل ناصر

کاش یہ موقع ہمیں مل سکے آپ تو وہی بات کروگے جو وہ چاہتے ہیں

فیصل ناصر

ابھی تک اس تھریڈ میں کی گئی پوسٹ نمبر 70 کا جواب کا منتظر ہوں

طالبان کی نو عمرلڑکی کو کوڑوں کی سزا

عبداللہ حیدر

فیصل بھائی‌آپ لاکھ چیختے رہیں، جرم‌ضعیفی کی سزا مرگ مفاجات ہے۔ طالبان کے پاس ڈالر ہوتے تو ان کے خلاف بولنے والے امریکہ کے‌خلاف بول رہے ہوتے۔

فیصل ناصر

امریکہ طالبان نہیں ہے '
اس لئے سب معاف ہے

عبداللہ حیدر

آیت کا ترجمہ آپ کی ویب سائٹ ہی سے لیا ہے اور اس کا آن لائن لنک بھی شامل کر دیا تھا۔ بریکٹ میں لکھے الفاظ مترجم نے شاید تفسیر کے طور پر لکھے ہیں، بہرحال میں یہاں رجم کے جواز کی بحث شروع نہیں کرنا چاہتا۔
جہاں تک اس واقعے کا تعلق ہے تو میں‌ اس پر کوئی تبصرہ میڈیا رپورٹس کو دیکھ کر نہیں‌کر سکتا۔ میڈیا کی دیانت اور غیرجابنداری کے کئی واقعات خود میری آنکھوں سے گزر چکے ہیں کیونکہ کسی زمانے میں میں بھی چھوٹی موٹی کالم نگاری کیا کرتا تھا۔

محمد الیاس

[QUOTE=shafresha;155217]پہلے تو آپ shahfresha کا اردو تلفظ درست کریں‌'
ٹھیک ہے جناب ! جو آپ نے ہجے لکھے ہیں اس کے مطابق اب میں شاہ فریشا کہوں گا۔ بات یہ ہے کہ اسکا اُردو سے کوئی میل ہو ۔ آپ کی یہ بات درست نہیں کہ یہ مذاق اُڑایا جا رہا ہے یا آپکے بقول حروف کی مدد سے تحریف کی جارہی ہے۔ آپ نے مجھے مذہبی شخص سمجھا ہے اور پچھلے شوشے میں‌بھی اسکا ذکر فرمایا ہے جبکہ میں ایک دنیا دار آدمی ہوں۔
شاہ فریشا صاحب! آپ ایک نام سے شرماتے ہیں تو رکھتے ہی کیوں ہیں۔ کہیں تو جناب کو جواب ہی نہ دوں۔

عبداللہ حیدر

فیصل بھائی، آپ نے ٹھیک کہا۔ کوئی بتائے گا کہ افغانستان میں‌ جو سینکڑوں اور ہزاروں عورتیں اور لاکھوں مسلمان ان طیاروں کے‌حملوں میں‌مارے گئے جو ہمارے ہوائی اڈوں سے اڑ کر جاتے تھے، ان کا حساب کس کے ذمے ہے؟ شور مچانے والو، کبھی اپنے گریبان میں‌بھی جھانک کر دیکھ لیا کرو۔ تم خود لاکھوں فرزندان توحید کے قاتل ہو، شرم نہیں آتی اسلام کا نام لیتے ہوئے؟

فیصل ناصر

اس بات پر تو سانپ سونگھ جاتا ہے

shafresha

جی ہاں ان بے سہارا "طلا بان" کے پاس ڈالر نہیں صرف کلاشن کوف یا ہیروئن ہوتی ہے جس کی فروخت سے یہ اپنے دھندے چلاتے ہیں۔
طالبان دور حکومت میں‌ہیروئن کی کاشت پر پابندی تھی صرف "طلابان" کے اپنے کارندے اس زہر کو اُگاتے تھے اور "ظالم امریکہ" کے خلاف لڑنے میں اُس کی آمدنی استعمال کرتے تھے۔ اُن کے پاس اپنے جواز کے لیئے اُن کے اپنے "الوما" کے کالے فتوے تھے۔

فاروق سرورخان

بھائی عبداللہ حیدر ، آپ بھی اور بھائی فیصل ناصر بھی ایک ہی بات کررہے ہیں۔ وہ یہ ہ دیکھئے اتنی زور سے مارا ہے ، اتنا درد ہو رہا ہے۔ اور آپ اصل بات پر نظر نہیں‌رکھ رہے۔ چلئے میں‌آُ سے پوچھتا ہوں۔

فرض‌کیجئے آُ کی شکایت اتی ہے کہ آُ نے چوری کی ہے تو آپ کو کیا طریقہ پسند ہے :

1۔ آپ دروازہ کھولیں اور "بے اختیار" لوگوں کی ایک فوج ظفر موج آُپ کو نظر آئے جو آُ کے کھینچتی ہوئی بذریعہ "طاقت"، بنا کچھ سنے ہوئے ، آُپ کے پیر میں‌رسی باند کر کھینچتی ہوئی ایک "بے اختیار " قاضی کے پاس لے جائے جو "اپنے علم " کے لحاظ سے جو چاہے آُپ کو سزا دے ؟

2۔ آپ دروازہ کھولیں اور آُپ کو "بااختیار افراد" باقاعدا فرد جرم بتا کر گرفتار کرکے لے کر جائیں ، اور معاشرہ کی طرف سے " ایک با ا ختیار قاضی" ، جس کو لوگوں نے باہمی مشاورت سے چنا ہو ، آپ کو، ان قوانیں‌کی مدد سے جو کہ اللہ اور اس کے رسول کے احکامات کی روشنی میً "باہمی مشورہ " سے قبول کرکے بنائے گئے ہوں، آپ پر الزام کے سلسلے میں آُپ کی بات سن کر آپ کے جرم کے بارے میں‌فیصلہ کرے۔

آپ کو کونسا طریقہ کار پسند ہے؟ ذرا اپنے اوپر رکھ کر دیکھئے ؟‌ اور خلوص سے بتائیے۔

بات یہ ہے کہ جن معاملات پر "علماء " میں‌اختلاف ہے، ان معاملات کو زبردستی ایک گروہ دوسرے گروہ پر تھوپ نہیں‌سکتا ہے ۔ اگر آُ طالبان کے ساتھ ہیں اور "اپنی من پسند شریعت " کے نفاذ کے لئے قوت کا استعمال کرنا چاہتے ہیں تو پھر یہ ذہن میں‌رکھنا چاہئیے کہ بات چیت، باہمی مشاورت ، اور جمہوریت کا دامن تالی بانوں نے چھوڑا ہے۔ اور "طاقت استعمال "‌ کرنے کا راستہ اپنایا ہے۔ تو اب رحم کی امید کیسی، یہ تو جنگ شروع کرنے سے پہلے سوچنا ہوتا ہے کہ ہم اپنی عورتوں ، بچوں کو کیسے بچائیں گے، اور سب سے بڑھکر خود کس طرح‌بچیں‌گے۔

دنیا میں ایسے مسلمانوں کی کمی نہیں ہے جو تالی بانوں کے اسلام سے متفق نہیں ہیں۔ اور دنیا میں ایسے لوگوں کی تعداد بہت زیادہ ہے جو تالی بانوں کی غیرا انسانی حرکتوں‌ کو پسند نہیں‌کرتے ۔

یہی جواب بھائی فیصل ناصر کے اس مراسلے کا ہے جس کے جواب کی وہ توقع کررہے ہیں۔

والسلام

فاروق سرورخان

سلام برادر من جناب فیصل ناصر، بصد خلوص و احترام اور محبت یہ عرض ہے کہ۔ چلئے آپ سے وعدہ کے جو آپ کہیں‌گے وہ کہوں گا، شرط ہے کہ حق ہو۔ آپ کے آگے بات رکھ رہا ہوں آُ انتخاب فرمائیے۔

اب آپ انتخاب کیجئے۔

1۔ اللہ اور رسول کے قانون کی روشنی میں تمام لوگوں اور تمام فرقوں کے اتفاق سے باہمی مشاورت سے قانون سازی ، مقننہ، عدلیہ اور انتظامیہ
2۔ تالی بان ایک فرقہ ہے، جن کے نظریات سے ، ان کی قرآن کی تفسیر سے ، ان کے فقہ سے پاکستان اور دنیا بھر کے مسلمانوں‌کی اکثریت متفق نہیں، یہ لوگ اپنا نظریہ قوت و طاقت کے بل پر دوسروں‌پر تھوپنا چاہتے ہیں۔ تمام فرقون کے درمیان باہمی مشاورت کی ان کے نزدیک کوئی قدر نہیں ۔

آپ ایک یا دو میں‌سے ایک کا انتخاب کرلیجئے۔ کہ آپ کیا پسند کرتے ہیں اور وہ حق کیوں ہے، جبکہ بیشتر مسلمان طالی بانی نظریات کو اسلام تسلیم نہیں کرتے۔ ان میں اور قادیانیوں میں کیا فرق ہے۔ ایک کا نبی قادیانی اور دوسرے کا نبی بخاری۔
یہی جواب ہے آُ کے مراسلہ نمبر 70 کا تما خلوص و احترام کے ساتھ

والسلام