فرحان دانش

ناظم کرا چی سید مصطفی کمال نے ”کراچی ڈیولپمنٹ ٹرسٹ“ کے قیام کا اعلان کرتے ہوئے کہا ہے کہ ملک یا صوبے کے معاشی اور دیگر حالات کیسے بھی ہوں آئندہ کر اچی کی ترقی کو رکنے نہیں دیں گے ہر شہری جہاد سمجھ کر کم سے کم ہر ماہ 5/ روپے ٹرسٹ کے اکاؤنٹ میں جمع کر ائے تو ہر مہینے ساڑھے چار کروڑ روپے جمع ہوجایا کریں گے۔ کراچی ڈیولپمنٹ ٹرسٹ کے باقاعدہ قیام کا اعلان انہوں نے منگل کو نیشنل اسٹیڈیم میں سٹی گورنمنٹ اور ٹاؤنز کے ملازمین کے ایک بڑے جلسے سے خطاب کرتے ہوئے کیا جس میں ہزاروں ملازمین، ڈی سی او کراچی جاوید حنیف، ٹاؤن ناظمین ای ڈی اوز اور دیگر افسران سمیت شرکت کی۔ سٹی ناظم نے اپنے خطاب میں کہا کہ کر اچی ملک کو 70/ فیصد ریونیو کما کر دیتاہے مگر ہمیں 2/ فیصد سے بھی کم ملتا ہے لہٰذا ہم نے فیصلہ کیا ہے کہ اب کراچی کی ترقی میں شہری از خود اپنا کردار ادا کریں گے اب ہم کسی سے بھیک نہیں مانگیں گے بلکہ اپنے و سائل سے ترقی کا سفر جاری ر کھا جائے گا کر اچی میں ر ہنے وا لا ہر فرد اپنی ماہانہ آمدنی میں سے کم از کم 5/ روپے اور زیادہ جتنا چاہے اپنا حصہ دے گا شہر میں اس وقت مختلف بینکوں میں 90/ لاکھ اکاؤنٹس ہیں اگر ہر اکاؤنٹ ہولڈر بینکس کو فارم بھر کر دے دے تو خود بخود ہر ماہ رقم ان کے اکاؤنٹ سے منہا ہو کر ٹرسٹ کے اکاؤنٹ میں چلی جائے گی صرف ان اکاؤنٹس سے ہر ماہ ساڑھے چار کروڑ روپے صرف5/ روپے جمع کرا نے سے حاصل ہوسکتے ہیں انہوں نے ٹرسٹ کی مزید تفصیلات بتاتے ہو ئے کہا کہ یہ 5/ افراد پر مشتمل ہوگا اور یہ پانچوں شخصیات غیر متنازعہ اور غیر سیاسی ہونگی انہوں نے مثال کے طور پر سابق گورنر اسٹیٹ بینک ڈاکٹر عشرت حسین، جسٹس (ریٹائرڈ) ناصر اسلم زاہد اور ممتاز سرجن ڈاکٹر ادیب رضوی کے نام پیش کئے انہوں نے کہا کہ جمع ہونے والے فنڈ کو سٹی ناظم، ڈی سی او کو استعمال کرنے کا اختیار نہیں ہوگا اور نہ ہی اسے ملازمین کی تنخواہوں یا کسی اور مقاصد کے لئے استعمال کیا جائے گا اس ٹرسٹ کے فنڈز کا ہر تین ماہ بعد آڈٹ ہوگا۔ سید مصطفی کمال نے کہا کہ آج ملازمین کو جمع کرکے اس کام کا آغاز اپنے گھر سے کیا ہے آئندہ ماہ کرا چی کے لوگوں کے پاس جاؤں گا کسی ملازم سے زبردستی یہ فنڈ نہیں لیا جائیگا۔ انہوں نے کہا کہ آج پہلے روز سٹی حکومت اور ٹاؤن کے ملازمین کی جانب سے 29/ لاکھ 70/ ہزار ایک سو پندرہ روپے طور عطیہ جمع ہوئے ہیں جبکہ سٹی ناظم نے اپنی آمدنی سے ہر ماہ ایک ہزار روپے دینے کا اعلان کیا۔ سٹی ناظم نے اپنے تفصیلی خطاب میں اپنے چار سالہ دور میں کرا چی میں کئے جانے والے کاموں پر تفصیلی روشنی ڈالتے ہوئے کہا کہ پاکستان کی تاریخ میں اتنی کم مدت میں کسی شہر میں اتنے منصوبے مکمل نہیں ہوئے ہمارے چار سالوں کے کام گزشتہ 60، 62 سالوں سے زیادہ ہیں ان ساری چیزوں کا کریڈٹ میرے قائد الطاف حسین اور میری لیڈرشپ کو جاتا ہے جنہوں نے مجھے اس کام پر لگایا اس کے بعد کراچی کے لوگوں کو جاتا ہے۔ جنہوں نے حق پرست گورنمنٹ پر بھرپور اعتماد کیا انہوں نے کہا سٹی گورنمنٹ کے ملازمین کا بھی کرا چی کے شہریوں کی جانب سے شکریہ ادا کیا انہوں نے کہا کہ ہم خود پاور پلانٹ لگائیں گے، ماس ٹرانزٹ سسٹم اپنے پیسوں سے چلائیں گے۔

ماخذ: جنگ

__________________

راشد احمد

شاہد بھائی

بات یہ ہے کہ ہماری قوم کسی قیادت پر اعتماد نہیں کرتی، اس کی وجہ قیادت کا باربار عوام سے دھوکہ ہے۔
نواز شریف نے قرض اتارو ملک سنوارو شروع کی لیکن ملک نہیں سنورا
اگر میں نیگیٹو میں لوں تو شریف برادران پیسہ کھاگئے۔ اگر مثبت انداز میں لوں تو چند ماہ بعد ان کی حکومت اتر گئی۔

جنرل مشرف نے زلزلہ زدگان کے لئے صدارتی فنڈ قائم کیا لیکن آج بھی لوگ بے گھر ہیں۔
یوسف رضاگیلانی نے متاثرین کے لئے وزیراعظم فنڈ قائم کیا لیکن متاثرین کی حالت نہیں سدھری۔
صدر زرداری نے امریکہ اور دیگر ممالک سے بھیک مانگی لیکن بھیک کے پیسوں سے عوام کی حالت نہیں سدھری
امریکہ، ورلڈبنک، یورپی یونین، آئی ایم ایف نے کئی بار پاکستان کو قرضہ دیا لیکن آج تک وہ پیسہ عوام تک نہیں پہنچ سکا۔

جس قیادت پر عوام اعتماد کرنے لگے وہی قیادت صحیح معنوں میں ملک وقوم کی خدمت کرتی ہے۔ عوام اسی قیادت پر اعتماد کرتی ہے جو بے لوث، عوام سے مخلص ہو جبکہ ہماری قیادت شاندار محلوں میں‌رہتی ہے، بڑی بڑی گاڑیوں میں گھومتی ہے، روزانہ کسی نہ کسی تقریب میں شرکت کرتی ہے۔ عیاش قیادتیں ملک کی خدمت نہیں کرتی۔

جہاں تک مصطفٰی کمال کا تعلق ہے۔ وہ ایک مخلص شخص ہے لیکن اگر ایم کیو ایم کی قیادت کے بارے میں پوچھیں تو اس کی شہرت اچھی نہیں ہے۔ شہرت تو خیر سے مسلم لیگ ن، ق لیگ، پیپلزپارٹی کی بھی اچھی نہیں ہے۔

__________________
حکمران کے محبوب ہونے اور فرعون بننے میں رویے کا فرق ہے۔

فرحان دانش

سندھ میں پی پی صرف ہرسرکاری اداروں کو بے نظیر سے منسوب کر رہی ہے
اس علا وہ اسے کچھ نہیں کرنا

رضی

جب غریبوں کے لیئے کام کر رہا ہے یہ بندہ تو کیا یہ عورت غریب نہیں
اس نے تو اپنے باپ کے علاج کے لیئے اپیل کی ہے ۔ تمہارے پاس اختیار ہیں دولت ہے کروا سکتے ہو ۔ اگر نہیں کروانا نا کرواؤ پر ی رد عمل کیا زیب دیتا ہے
کیا یہی کر رہے ہیں یہ غریبوں کے لیئے ۔
سب لٹیرے ہیں یہاں پر

میں تو اسے اچھا انسان سمجھتا تھا

__________________

اپنی ملت پر قیاس اقوام مغرب سے نہ تر
خاص ہے ترکیب میں قوم رسول ہاشمی

فرحان دانش

اس عورت نےکیا حرکت کی تھی آپ نے یہ نہیں دیکھی۔ اب کسی انسان کو شفاء تو مصطفی کمال نہیں دے سکتا۔
5 روپے میں ICUکی سہولت اور اس عورت کو کیا چاہیے مصطفی کمال سے۔
ایک تحقیق کے مطابق اس عورت کا تعلق جماعت اسلامی سے تھا اور اس عورت نے مصطفی کمال کی کردار کشی کی ناکام سازش کی تھی۔

رضی

اچھا۔۔۔۔ و ضاحت کا شکریہ ورنہ میں بھی سوچ رہا تھا کہ یہ شخص بھی۔۔۔۔۔۔

سحر

آپ لوگوں کے معاملے میں ہر بات کا کھرا جماعت اسلامی سے ہی جاکر ملتا ہے ۔
پتہ نہیں آپ لوگوں کو پورے کراچی پر قبضہ کرلینے کے بعد بھی جماعت اسلامی سے کیا مسئلہ رہتا ہے ۔

shafresha

جی ہاں رضی بعد میں ایم کیو ایم کی تحقیقات نے ثابت کردیا تھا کے اُن خواتین کا براہ راست تعلق تو جماعت اسلامی سے نہیں‌تھا مگر جماعت اسلامی کے ایک رکن کے ایماء پر اُنہوں نے یہ حرکت کی تھی۔

راشد احمد

اب تو ایم کیوایم نے 12 مئی کے واقعات کا ذمہ دار جماعت اسلامی کو ٹھہرادیا ہے۔ دوسال بعد ایم کیو ایم کو پتہ نہیں کیسے یاد آگیا کہ 12 مئی کے واقعات میں‌جماعت اسلامی بھی ملوث ہے۔