منتظمین

سلام!
دوستو! آپ سب کو یہ اطلاع دیتے ہوئے نہایت خوشی ہو رہی ہے کہ پاک نیٹ فورم پر بھیجے جانے والے باضابطہ مراسلات کی تعداد ایک لاکھ سے تجاوز کر چکی ہے۔ اس پر مسرت موقع پر فورم انتظامیہ آپ سب کو مبارکباد پیش کرتی ہے۔ اس کامیابی پر تمام اراکین کو جتنی بھی مبارکباد دی جائے وہ کم نہیں۔ یہ ان اراکین کا ساتھ ہی تھا کہ ہم یہ کام سر انجام دے سکے۔

آج سے تقریبا 14 ماہ پہلے پاک۔نیٹ کی انتظامیہ ( اس وقت منتظمین، زبیر، عبدالقدوس) نے پاک۔نیٹ کے اجراء کا سوچا۔ ہمارا ارادہ مکمل طور پر ایک پاکستانی اردو فورم شروع کرنے کا تھا- اس وقت بمشکل دو تین ہی مکمل اردو کے فورمز تھے۔ لیکن ان میں سے کوئی بھی پاکستانی اردو فورم کہلانے کا مستحق نہیں تھا۔ جب حلقہ احباب اور دوسرے رومن اردو فورمز کے ناظمین سے رابطہ کیا گیا تو ہر طرف سے حوصلہ شکنی ہی ملی۔ لیکن جب نیت صاف اور توکل اللہ ہو تو پھر کچھ بھی ناممکن نہیں ہے۔ ہم نے اللہ پر توکل کرتے ہوئے اس کارخیر کی بنیاد رکھ دی۔ اس موقع پر مکرم نبیل کا ساتھ بلاشبہ غنیمت تھا۔

ابتدا میں جس کسی کو بھی اس کام میں شمولیت کے لیے دعوت دیتے بجائے شمولیت اور حوصلہ افزائی کے مایوس کن ردعمل ہی دیکھنے کو ملا۔ بڑے بڑے جید اردو کے لکھنے والوں کی طرف سے مایوسی کے بعد ہم نے عام قارئین اور ایک "عام" پاکستانی کی طرف نظریں دوڑائیں اور اللہ کے فضل کرم سے ہمیں عام پاکستانی نے مایوس نہ کیا اور پاکستانیوں‌ نے فورمز پر شمولیت شروع کر دی۔ اللہ کے کرم سے ہمیں تین چار دن کے فرق سےامریکن، عدنان، خرم شہزاد خرم اور پاکستانی مل گئے۔ ان بے لوث افراد کی شمولیت نے فورمز کی ٹیم کو ایک نئی جہت اور قوت دی۔ فورمز کی ٹیم نے دن رات بے لوث ہو کر ایسی تن دہی کے ساتھ کام شروع کیا کہ ہر روز فورمز پر کچھ نہ کچھ مثبت آضافے ہونے شروع ہو گئے اور عام پاکستانیوں کا فورمز کی طرف دھیان جانے لگا۔۔۔۔۔۔۔

فورمز کی انتظامیہ ان افراد کی خدمات کا صلہ کبھی بھی ادا نہ کرپائے گی۔ ان کی شبانہ روز کی محنت کے نتیجے میں بلال عباسی، عبداللہ حیدر، شیخ ہمدان، ذوالفقار، وجدان، مسٹر رائٹ، پاکستانی لڑکی، طاہر خلیل ،سرمد اور عادل سہیل جیسے محنتی اراکین نے ہمارے ساتھ شرکت کی۔ (نام حسب شمولیت کی تاریخ) اور فورمز کو چار چاند لگا دیے۔ اس کے بعد یہ روشنی پھیلتی ہی چلی گئ اور اس کاروان کے ساتھ لوگ ملتے ہی چلے گئے۔ فورمز کے نام کو اس وقت مزید چار چاند لگ گئے جب فاروق سرور خان نے ہمیں pak.net پاک۔نیٹ ڈومین دی۔ جس کے لیے ہم ان کے مشکور ہیں۔ اس سفر میں ہمارے ساتھ، خلیل، عرفان حیدر، میاں شاہد، سیدہ ثوبیہ ناز، چمپین پاکستانی، بالی 87،رئیل لائٹ،yashka, زین نے ساتھ دے رہے ہیں۔
اس سفر کے دوران کئی دوست اور کرم فرما ہمارےشریک کار بنے؛ جنہوں نے ہمارا ساتھ دیا- میں سلام کرتا ہوں ان سب کو جو آج ہمارے ساتھ نہیں لیکن ان کی یادیں اورمہربانیاں ہم کبھی بھی بھلا نہ پائیں گے۔انشااللہ جب تک یہ فورم ہے ان لوگوں‌کا نام زندہ رہے گا-

اس دوران کافی ساری مشکلات بھی آئیں لیکن اللہ کی مدد اور اراکین کی حوصلہ افزائی سے ہم ان مشکلات میں سے نکلنے میں کامیاب ہوئے۔ پاک۔نیٹ کی ایک بڑی کامیابی اس کے منشور کی تشکیل اور بعد میں اس پر عمل ہے۔ اس منشور پر عمل نے ہی ہمیں پاک۔نیٹ کو ایک فیملی فورم بننے میں مدد دی۔ ہم بجا طور پر کہ سکتے ہیں کہ پاک۔نیٹ پر کسی بھی گھر کے تمام اراکین بلاجھجک شمولیت اختیار کر سکتے ہیں۔
پاک۔نیٹ کی دوسری بڑی کامیابی دوسرے فورمز پر لاشعوری طور پر اثرانداز ہونا اور اس کے نتیجے میں پاکستانیت کو فروغ دینا ہے۔ اب اپ بہت سارے فورمز کے ساتھ پاکستانی کا لفظ دیکھ سکتے ہیں۔ اللہ کا شکر ہے ہم اپنے مقاصد میں کامیاب رہے۔ اسلامی فورمز کے حوالے سے شوری کا قیام اور شوری کے قوانین پر عمل ہمیں‌دوسرے تمام اردو فورمز سے ممتاز کرتا ہے۔ جس پر ہم اللہ کے شکر گزارہیں۔
پاک نیٹ کی کئی دیگر منفرد خصوصیات میں سے ایک اس کا مکمل اردو زبان میں ہونا ہے، اگر چہ ابھی کچھ مقامات پر مزید اصلاح کی ضرورت ہے تاہم سیکھنے اور سکھانے کا عمل الحمد اللہ مکمل طور پر اردو زبان میں جاری ہے اور یہ سہولت بہت کم فورمز کے پاس دستیاب ہے، جبکہ ایک لاکھ مراسلات کی تکمیل تو اس وقت گنتی کے چند فومزپر ہی ممکن ہو پائی ہےجو کہ پاک نیٹ کی مقبولیت اور اسکی علمی افادیت کی ایک واضح دلیل ہے۔ ہم بجا طور پر پاک۔نیٹ کو پاکستان کا اردومیں سب سے بڑا فورم ہونے کا دعوا کر سکتے ہیں۔

ہم اللہ سے دعا کرتے ہیں کہ اللہ ہمیں اپنے مقاصد میں کامیاب کرئے اور اس کارخیر کو ہمارے لیے باعث نجات بنا دے۔ اور اپ تمام پاکستانیوں کا ساتھ ہمیشہ اسی طرح قائم رہے۔ اور پاک۔نیٹ کو صیح معنوں میں "پاکستان کی آواز - پاکستان کے فورمز" بنا دے۔

پاکستان زندہ باد


منجانب فورمز کی انتظامیہ

__________________
تم سپاہی نہیں ہو پیشہ ور قاتلو!

ابن جلال

پاک۔نیٹ فورم کی انتظامیہ اور تمام ممبران کو دلی مبارک ہو۔
سن کر بہت خوشی ہوئی کہ ایک لاکھ مراسلات مکمل ہوگئے۔

عبداللہ حیدر

السلام علیکم
اللہ تعالیٰ اس فورم کو مزید ترقی عطا فرمائے اور اسلام اور پاکستان کے لیے فائدے کا باعث بنائے۔ آمین
بہت شکریہ منتظمین بھائی۔
والسلام علیکم

منتظمین

میں فورمز کی تمام ٹیم اور اراکین کا شکر گزار ہوں۔ یہ سب کو ای میل بھی کر دیا گیا ہے۔ تمام دوستوں سے گزارش ہے کہ اس کو جتنا زیادہ پھیلا سکیں پھیلائیں۔


واسلام

سیپ

اللہ تعالیٰ اس فورم کو مزید ترقی عطا فرمائے

ابن جلال

آمین۔ِِِِِِِِِِِِِِِِِِِ

Haya 786

پاک نیٹ کی پوری ٹیم کو بہت بہت مبارک ھو پاک نیٹ سب اراکین کو بھی ۔۔۔۔۔۔ اللہ تعایٰ مذید ترقیوں سے نوازے آمین ۔۔۔۔۔۔۔
جو لوگ پاکستان سے دور ھیں ان کا تعلق پاکستان سے جوڑنے میں پاک نیٹ معاون ثابت ھو رھا ھے
میری نیک تمنائیں اور دعا آپ کے ساتھ ھے

champion_pakistani

پاک۔نیٹ فورم کی انتظامیہ اور تمام ممبران کو بہت بہت مبارک ہو۔

Farrukh

ماشاءاللہ، بہت خوب
اللہ تعالٰی اس فورم کو اور زیادہ ترقی عطا فرمائے۔ آمین

محمدعدنان

پاک ڈاٹ نیٹ کی انتظامیہ اور تمام اراکین کو میری طرف سے بہت بہت مبارکباد
اور ایسے دوستوں کو خصوصی مبارکباد اور سلام جو کہ اپنی مجبوریوں کی وجہ سے آج ہمارے ساتھ نہیں ہیں

__________________

سلمان رومی

آپ سب کو بہت بہت مبارک ہو اور مجھے بھی

عبدالقدوس

میں اکیلا ہی چلا تھا جانبِ منزل مگر
لوگ ملتے گئے اور کارواں بنتا گیا

اس سلسلے میں میں تمام اراکین اور انتظامیہ کا مشکور ہوں کہ جن کی بدولت پاک نیٹ آج اس مقام کو حاصل کر پایا

__________________

تفسیر حیدر

السلام علیکم
اللہ تعالیٰ اس فورم کو مزید ترقی عطا فرمائے

ابن جلال

آمین۔

کہاں ہو ، تفسیر حیدر صاحب آج کل بہت غائب رہتے ہو۔

عبدالقدوس

اپنے بھائی کی شادی کی تیاریاں کر رہے ہیں‌