عبدالقدوس

فاروق سرور خان
23 مارچ 1988
یونیورسٹی آف سنسناٹی میں 1981 کے پہلے کوارٹر کے دوران میں نے انٹر ایکٹیو کمپیوٹر گرافکس کے آخری ٹیسٹ کے لئے ڈاکٹر برگس نے کلاس کو اپنی پسند سے کسی بھی ممکنہ تصویر، آؤٹ لائین ، سکائی لائین یا کسی بھی قسم کے شیپ کو فارمولوں اور پروگرامز کی مدد سے کمپیوٹر، گرافکس ٹرمینل اور پلاٹر کی مدد سے ڈرائنگ کرنے کے لیئے کہا۔ پلاٹر پر پلاٹ کرنا تو شاید ایک آسان کام ہوتا، لیکن اس سے بھی مشکل کام یہ تھا کہ کیا بنایا جائے۔ مجھے خیال آیا کہ اردو کے حروف تہجی الف سے یے تک لکھتا ہوں۔ ان کو کروی لینئیر فارمولوں میں بیزئیر قوسوں کی مدد سے بناتا ہوں، بچپن کا تختی لکھنا کام آیا، پہلے حروف ہاتھ سے لکھے اور پھر ان کو قوسوں اور لکیروں کی شکل دی، بیزئیر اوزان لگائے اور چند دنوں میں صرف آؤٹ‌لائین والے اور بھرے ہوئے دونوں طرح کے کوئی 36 حروف میرے سامنے تھے۔ جو میں نے کسی خواب و خیال کے بغیر اپنے اسائنمنٹ کے لئے جمع کرادئیے۔ کوارٹر کے آخری دن، حسب عادت و دستور، ڈاکٹر برگس نے طالب علموں کے نام لے کر ان کے اسائنمنٹ واپس کرنے شروع کئے۔ میرا نام پکارا مسٹر خان! میں اٹھ کر چلا تو اسی دوران اس نے میرا جمع کیا ہوا کام ساری کلاس کو دکھاتے ہوئے کہا ،--- بہترین کام، میری بیوی کو یہ یورڈو کیریکٹرز بہت پسند آئے۔ ---
ستاروں‌ بھری آنکھوں نے بڑا سا A بہت بعد میں دیکھا اور اردو کو جدید ٹیکنالوجی کے آسمان پر طلوع ہوتے ہوئے پہلے دیکھا! یہ اسی وعدہ کی تکمیل کا دن ہے۔ مجھے معلوم ہے کہ وہ دن دور نہیں، جب آپ کے اردو پیغامات الیکترونی مواصلاتی نظام سے گذرتے ہوئے آپ تک پہنچیں گے۔ مجھے یقین ہے کہ آنے والے وقت میں مجھ سے بہتر، ذہین اور محنتی برادران اس کام کو مزید آگے بڑھائیں گے۔

۲ نومبر ۲۰۰۸ء
ہاں!۔۔۔ یہ فاروق سرور خان کے دیکھے ہوئے خواب کی تکمیل کا ایک اور عہد ساز دن ہے۔ شائد اس بار تقدیر کےپرندے کو میرے سر پر متمکن ہونا تھاتاکہ یہ عظیم خدمت میرے ہاتھوں سے انجام پا سکے۔ لیکن ۔۔۔یہ تو اس کارواں کا ایک عارضی پڑاؤ ہے ۔۔۔۔۔آگے ہر قدم ۔۔۔ہر گام پر ۔۔نئی منزلوں ۔۔۔ نئے راستوں پر یہ کارواں اپنی فتوحات کا جھنڈا گاڑتا چلا جائے گا۔ہم ہوں نہ ہوں ہمارے بعد کتنے اور لوگ اس عہد کو نبھانے کا عزم لے کر اس کارواں کے ہم رکاب بنتے رھیں گے اوریوںمرزا جمیل احمد کا چلایاہوا یہ کاروانِ عہد ہر دور میں اپنی منزل کی طرف اسی شان سے رواں دواں رہے گا۔ آج اسی کارواں کے ایک ادنی ٰمسافر کی حیثیت سے میں اسی عزم کوپھر دوہرانے کی سعادت حاصل کروں گا کہ ٹیکنالوجی کا آسمان جتنا بھی بلند کیوں نہ ہوتا جائے ہم اس پر اپنی قومی زبان کے ستارے کو ہمیشہ چمکتا دمکتا اور سب سے روشن دیکھنا چاہیں گے۔ ہمارے ارادے جوان ہیں اور نگاہیں آسمان پر ہیں یہی تو اس قوم کی خاصیت ہے۔

آج کا دن فاروق سرور خان کے نام جن کی وطن سے محبت اور خلوص سے مجھے اور میرے جیسے نمعلوم کتنے اور لوگوں کو ایک جذبہ اور جدوجہد کا ولولہ ملا اوریقیناًملتا رہے گا۔ یوں یہ سلسلہ قائم و دائم ہے ۔

اس فانٹ کی تیاری میں محترم شاکر القادری صاحب کی ہرلمحہ کی حوصلہ افزائی کا بے انتہا شکر گذار ہوں۔ جنہوں نے اپنی قیمتی وقت اور پرخلوص دعاوں سے ہر ممکنہ مشاورت دی۔ اسی طرح القلم فورم کو سالگر ہ کی مبارکباد دینا بھی اپنا فرض سمجھتا ہوں۔ جس پر مجھے بہت زیادہ اپنائیت ملی۔ اتنا خلوص اور محبت تو میرے جیسے کم مایہ انسان کی توقعات کی بلندیوں سے بھی بہت بڑھ کر ہے۔ اللہ آپ ساتھیوں کو کو ترقی و عظمت سے نوازے۔

اور اب شائد آپ شدت سے اس گھڑی کے انتظار میں ہوں گے جب علوی نستعلیق آپ کے ہاتھوں میں ہو تو میرے خیال میں وہ لمحہ اب آگیا ہے میں آپ کے اور علوی نستعلیق کے درمیان مزید حائل نہیں ہونا چاہتا۔ یہ اب آپ کی دسترس میں ہے۔ آپ اس کے سکرین شارٹس سے بخوبی آشنا ہیں۔ اس لئے مزید کسی سکرین شارٹس کی ضرورت نہیں۔ یہ فانٹ اپنے آپ کو خود منوانے کی صلاحیت رکھتا ہے۔

فانٹ کا لنک درج ذیل ہے۔


http://www.urdushare.net/alvi/Alvi_Nastaleeq_1_0_0.zip

ایک تخلیق کار کی حیثیت سے میں ہر لمحہ اس میں تبدیلی کا خواہش مند رہا۔ اور ابھی بھی اس سے مطمئن نہیں۔ آپ بھی اس کو استعمال کرنے کے بعد شائد اس میں بے شمار چیزوں کی توقع رکھیں لیکن پھر بھی ہر ممکن سعی کی گئی ہے کہ یہ فانٹ کسی موڑ پر ناکام نظر نہ آئے۔ سب سے دشوار منزل ایک کیریکٹر بیسڈ فانٹ کی تکمیل تھی۔ جو نستعلیقی خوبصورتی کی حامل بھی ہو اور اس کی رفتار کو متاثر بھی نہ کرے۔ جیسا کہ ماضی میں مختلف دوستوں کی انتہائی محنت سے بنائے گئے فانٹس میں نظر آتا تھا۔یہ دشوار مرحلہ بھی صدف سافٹ وئیر کے خط رعنا کی مدد سے کسی نہ کسی طرح طے ہوا جس کے بعد مزید مشکل مرحلہ اس فانٹ کے اندر لیگیچرز کی شمولیت تھی ۔ یہ صحیح معنوں میں ایک محنت طلب اور تھکا دینے والے کام تھا جس کے دوران کئی بار ہمت جواب دے جاتی لیکن خدا معلوم وہ کون سی طاقت تھی جو میرے عزم اور حوصلے کو پھر سے تازہ دم کردیتی اور اگلے لمحے میں اس پر پھر سے کام شروع کردیتا۔ میری VBA کی پروگرامنگ کی پریکٹس نے مجھے اس کام میں بہت مدد دی۔ جس سےلیگیچرز کے لک اپس تیار ہوئے۔ لیگیچرز کی شمولیت نے فانٹ کی سپیڈ کو مزید بڑھا دیا۔ اس کی رفتار کا مشاہدہ آپ اس فانٹ کو دیگر فانٹس سے موازنہ کرکے بخوبی اندازہ کرسکتے ہیں۔ یہی رفتار اس کو ویب پر بھی ممتاز بناتی ہے اگرچہ اس فانٹ کی بنیاد ویب کی ضروریات کو مدنظر رکھ کر نہیں کی گئی تھی اس لئے اس حوالے سے اس میں کافی تشنگی رہ گئی لیکن یہ پھر میری توقع سے بہتر رزلٹ دے رہا ہے۔مزید برآں لینکس سے عدم واقفیت اور عدم استعمال کی وجہ سے مجھے اس کا لینکس پر رزلٹ کا اندازہ نہیں اس کے بارے میں آپ لوگ بہتر رائے دے سکتے ہیں۔

بہرحال یہ اردو فانٹس کے حوالے سے یک نئے دور کی ابتداء ہے ۔اس کی خامیوں کو دیکھنے سے قبل اس کی خوبیاں ضرور دیکھئے گا۔ میری کوشش ہوگی کہ اگلے ورژنوں میں اس کے اندر پائی جانے والی تمام خامیوں کو درست کردیا جائے۔ انشاء اللہ۔

اس فانٹ کوصرف اور صرف ترویج و ترقی ٔاردو کی ضروریات کو مدنظر رکھ کر بلاقیمت دیا جارہا ہے۔ یہ کوئی کمرشل پراڈکٹ نہیں ہے۔ اس لئے اس کا کسی بھی کاروباری حوالے سے استعمال قطعا ممنوع ہے اور ایسے کسی بھی استعمال کے لئے اس کے تخلیق کار سے قبل ازیں اجازت لیناضروری ہے۔ شکریہ۔

اور ایک آخری بات کہ فانٹ کا نام عین آخری لمحات میں تھوڑا سا بدل کر Alvi Nastaleeq v1.0.0 رکھ دیا گیا اس لئے اگر القلم اور اردو محفل کے فورم میں موجود سٹائل شیٹ میں فانٹ کے نام کو ٹھیک کرلیا جائے تو شائد فورم کے ساتھیوں میں سے کسی کو زحمت نہ ہو۔


علوی نستعلیق ۔ ایک نئے دور کی ابتداء - اردو محفل فورم

علوی نستعلیق کو ڈانلوڈ کرنے کے لیے یہاں کلک کریں

ڈانلوڈ مکمل ہونے پر فائل پر دایاں کلک کرتے ہوئے ایکسٹریٹ کا آپشن منتخب کریں


آپ کے سامنے ایک ایسی فائل ہوگی


اس فائل کو کاپی کریں اور C:\WINDOWS\Fonts
میں پیسٹ کردیں
اس کے بعد پاک نیٹ صحفہ اول پر إٕٕٓئیں

سانچوں میں سے پاک نیٹ علوی نستعلیق کا انتخاب کریں

لیں جناب اب آپ پاک نیٹ پر اردو نستعلیق باآسانی دلکش انداز میں دیکھ سکتے ہیں

Attached Files

Alvi_Nastaleeq_1_0_0.zip (6.27 MB, 53 views)

__________________

منتظمین

فاروق بھائی اپ تو چھپے رستم نکلے ہیں۔۔۔۔ ہمیں اس فانٹ کے تاریخی تناظر کا انتظار اپکے قلم سے شدت سے رہے گا۔

اس وقت موجودہ فانٹ کا مسلہ ایکسپلور میں تو کافی حد تک مناسب طور پر کام کرنا ہے لیکن گوگل کروم میں‌یہ بہت ہی بھدا نظر آ رہا ہے- اس فانٹ کی دوسری خامی اس کے سائز کا کافی زیادہ ہونا بھی ہے۔ اگرچہ علوی صاحب کہ چکے ہیں کہ ان کا نکتہ نظر ایک ویب فونٹ کی تشکیل نہیں تھا لیکن میرا خیال ہے کہ یہ عام اراکین کی بجائے ویب پر ہی زیادہ استعمال ہو گا۔

اپ سب کی رائے کا شدت کے ساتھ انتظار رہے گا۔

__________________
تم سپاہی نہیں ہو پیشہ ور قاتلو!

عبدالقدوس

امجدبھائی کا کہنا ہے
17,000 لیگیچرز جگہ تو لیتے ہیں۔بس ایک دفعہ ڈاون لوڈ کی زحمت ہے پھر دیکھیئے گا۔

منتظمین

پاک نیٹ پر علوی نستعلیق کو استعمال کرنے کے لیے اپ کو فورمزپر لاگ ان ہونا ہو گا۔ اور لاگ ان ہونے کے بعد فورمز میں سب سے نیچے جا کر پاک نیٹ علوی نستعلیق والا تھیم منتخب کرنا ہوگا۔ جس سے پورے کا پورا فورمز اپ کے پاس علوی نستعلیق میں نظر آنا شروع ہو جائے گا اور اپ علوی نستعلیق میں لکھ بھی سکیں گے۔

ندیم رفیع

یہ علوی نستعلیق تو بہت عمدہ کام کر رہا ہے۔۔۔

فاروق سرورخان

براد ر من منتظمین سلام
سب سے پہلے تو یہ وضاحت کردوں کہ یہ تمام کا تمام کام جناب امجد حسین علوی صاحب کا کیا ہوا ہے۔

اور جی نہیں ، میں نے کچھ نہیں چھپایا۔ اردو محفل پر میں نے نستعلیق کی ماہیت کے بارے میں ایک طویل مضمون میں نے لکھا تھا۔ اس مضمون میں بنیادی طور پر صدف اردو نستعلیق کے نستعلیق کے انجن کے اندرونی ڈیزائین کی تفصیلات بتایا تھا۔ صدف خلیل اھمد اقبال صاحب نے لکھا تھا جو کہ آج کل سعودی نیوی میں کام کرتے ہیں اور ریاض میں مقیم ہیں۔ صدف کا نستعلیق کا انجن میں نے لکھا تھا۔ اور ایک فونٹ خط رعنا کے نام سے بنایا تھا جس میں کوئی 400 کیریکٹر تھے۔ خلیل نے خط ریما کے نام سے ایک خط بنائا تھا۔ اپنے اس مراسلے میں میں نے خط رعنا اور نستعلیق کے سورس کوڈ کی مدد سے یہ واضح‌کیا کہ ایک نستعلیق کے انجن کی بنیادی خصوصیات کیا ہیں۔

جناب امجد حسین علوی صاحب نے مجھ سے خط رعنا استعمال کرنے کی اجازت چاہی، جو میں نے بہ خوشی دے دی، اور ساتھ میں صدف کا ایک بہت پرانا ونڈوز کا ورژن بھی۔ میں‌دیکھتا ہوں‌کہ امجد صاحب نے اس سے صرف اور صرف یہ سیکھا کہ حروف کے کتنے شیپ درکار ہیں، باقی تمام کام انہوں‌نے نہ صرف اپنی عقل سے کیا بلکہ انہوں نے بہت بہتر شیپ استعمال کئے۔ گویا اینے معمولی سی انڈرسٹینڈنگ کے علاوہ انہوں نے سب کام اپنی عقل اور محنت سے کیا۔ جس کی میں ان کو داد دیتا ہوں۔ چونکہ مجھے اندازہ ہے کہ یہ کام بہت محنت طلب ہے اس لیے میں ان کے اس کام کی دل سے حوصلہ افزائی کرتا ہوں۔

بہت سلام و شکریہ

عبداللہ حیدر

امجد صاحب کے ساتھ ساتھ آپ کو بھی بہت مبارک کہ آپ کا بیس سال پرانا کام ان انقلابی فونٹ کی بنیاد بنا ہے۔

arifkarim

کوئی یہاں بھی تو دیکھے

محمدخلیل

یار اس کا کیا فائیدہ ہے اور اس کو کہاں استعمال کیا جاتا ہے اگر کسی نے استعمال کیا ہے تو مجھے دیکھائے۔۔پلیز

عبدالقدوس

خلیل بھائی یہ بہت کمال چیز ہے اس کو پاک نیٹ پر استعمال کیا گیا ہے آپ اس کو ڈانلوڈ کریں تو آپ کو بھی پتا چلے کتنا مزے دارہے

nsa47

بہت ہی اچھا کام کیا گیا ہے آفرین صد آفرین

wajee

ایڈمن بھائی جان میں اس کو ڈانلوڈ کر رہا ہو اس کا سائز ٣۔٦ ایم بی ہے ڈانلوڈ ہونے کے بعد استعمال کرو گا پھر اس کے بارے میں راۓ دو گا

nsa47

بہت بہت مبارکباد علوی صاحب اور ان کے تمام ساتھیوں کو بھی

عبدالقدوس

ضروربھائی وقاص انتظار رہے گا

محمد کاشف حبیب

ابھی ڈانلوڈ کرتا ہوں ابھی