عبداللہ حیدر

السلام علیکم و رحمۃ اللہ و برکاتہ،
قرآن مجید کا ایک ترجمہ جس کے درست ہونے پر بریلوی، دیوبندی اور اہل حدیث علماء نے اتفاق کیا ہے درج ذیل لنک پر تصویری شکل میں‌ موجود ہے جہاں سے ایک ایک پارہ پی ڈی ایف میں اتارا جا سکتا ہے۔

بریلوی، دیوبندی اور اہل حدیث کا متفق علیہ ترجمہ قرآن

انتشار و افتراق کے اس دور میں‌ ایسا ترجمہ میسر آ جانا یقینٓا اللہ تعالیٰ کی رحمت ہے۔ لیکن افسوس کہ یونی کوڈ میں عدم دستیابی کی وجہ سے ابھی تک یہ انٹرنیٹ پر قابل استعمال نہیں ہے۔ میں اپنے طور پر اس کام کو شروع کرنا چاہتا تھا لیکن پھر سوچا کہ باقی دوستوں سے مدد مل جائے تو مہینوں‌کا کام ہفتوں میں ہو سکتا ہے باذن اللہ۔ لہٰذا ہاتھ کھڑا کریں کہ کون کون اس کام میں حصہ لینا چاہے گا۔ پہلے، دوسرے اور تیسرے پارے پر کچھ کام ہو چکا ہے۔ جو ارکان حصہ لینا چاہیں وہ یہاں بتا کر چوتھے پارے سے کام شروع کر دیں۔ ٹائپننگ کا کام ایکسل فارمیٹ میں ہو تو اچھا ہے۔ ایک سیل میں ایک آیت۔ یہ مشکل ہو تو ورڈ یا نوٹ پیڈ میں ٹائپ کر کے یہاں اپ لوڈ کر دیں میں اسے ایکسل میں ترتیب دے دوں گا ان شاء اللہ۔ اور فی الحال صرف بامحاورہ ترجمہ ٹائپ کیا جائے گا۔
رسول اللہ صلی اللہ علیہ و علی آلہ وسلم کا صحیح ثابت شدہ فرمان ہے جسے امام مسلم نے روایت کیا ہے:
( إِذَا مَاتَ الْإِنْسَانُ انْقَطَعَ عَنْهُ عَمَلُهُ إِلَّا مِنْ ثَلَاثَةٍ إِلَّا مِنْ صَدَقَةٍ جَارِيَةٍ أَوْ عِلْمٍ يُنْتَفَعُ بِهِ أَوْ وَلَدٍ صَالِحٍ يَدْعُو لَهُ رواه مسلم. (صحیح مسلم کتاب الوصیۃ باب ما یلحق الانسان من الثواب بعد وفاتہ)
"جب انسان مر جاتا ہے تو اس کے سارے ہی عمل منقطع ہو جاتے ہیں سوائے تین چیزوں کے۔ صدقہ جاریہ اور وہ علم جس سے نفع اٹھایا جاتا رہے اور صالح اولاد جو اس کے لیے دعا کرتی رہے"
"علم ینتفع بہ" کا مطلب ہے کہ وہ اپنے پیچھے کوئی ایسا علمی کام چھوڑ جائے جس سے لوگ فائدہ اٹھاتے رہیں۔
نہ معلوم کب تک لوگ اس ترجمے سے فائدہ اٹھاتے رہیں گے اور انٹرنیٹ کے ذریعے سمٹتی ہوئی دنیا میں نہ جانے کتنے لوگوں تک اسے کے ذریعے اللہ تعالیٰ کا فرمان پہنچے گا۔ ایسے منافع بخش عمل میں حصہ لینے سے محروم نہ رہیے، اس کی قدر و قیمت قیامت کے دن پتہ چلے گی۔
(آدھا پارہ ٹائپ کرنے پر میری طرف سے 1000 اور پورا پارہ ٹائپ کرنے پر 2000 پوائنٹس تحفے کے طور پر دیے جائیں گے ان شاء اللہ۔)

محمدعمر

کس قسم کی مدد درکار ہے؟

عبداللہ حیدر

اس ترجمے کو یونی کوڈ میں ٹائپ کرنے کےلیے مدد چاہیے۔ یعنی جس طرح پہلے کچھ ساتھیوں نے اسے ورڈ یا ایکسل میں لکھا ہے اسی کام کو آگے بڑھانا ہے۔

کنعان

السلام علیکم

جناب آپ کو کس قسم کی مدد درکار ھے اگر مالی معاونت کی ضرورت ھے تو وہ بھی حسب توفیق کر دی جائے گی۔

والسلام

__________________

ابرارحسین

اگر ورڈ یا ایکسل میں‌لکھا ہوا ہے تو وہ تو یونیکوڈ میں ‌ہی ہوا (بات کچھ سمجھ میں‌نہیں‌آئی)
آپ اس کو کس طرح‌آگے بڑھانا چاہتے ہیں۔

عبداللہ حیدر

و علیکم السلام و رحمۃ اللہ، مجھے ایسے ساتھی چاہئیں جو تصویری شکل سے یونی کوڈ میں ٹائپ کر کے دے سکیں۔مراسلہ نمبر 1 میں بالتفصیل ساری بات لکھی ہے۔ ورڈ یا ایکسل میں کچھ پارے ٹائپ کیے جا چکے ہیں، باقی رہ جانے والے پاروں کو ٹائپ کرنا ہے۔
کنعان بھائی، مالی مدد کی پیشکش کے لیے شکریہ، لیکن میرے اطراف میں کوئی ایسا شخص نہیں ہے جو اجرت پر اردو ٹائپننگ کرتا ہو لہٰذا بہتر یہی ہے کہ جو جتنا کر سکتا ہے اتنا حصہ ٹائپ کر کے پوسٹ کرتا جائے۔ قطرہ قطرہ مل کر دریا بنتا ہے۔
والسلام علیکم

عبداللطیف

جناب ڈاکٹر سید سعید عابدی صاحب الحمد اللہ اب خیریت و عافیت سے ہیں اور اب مکمل صحت مند ہیں ۔

جلالپوری

ماشاءاللہ بہت ہی اچھا کام ہے

اللہ آپ کو یہ کام پورا کرنے کی ہمت دے

محمد عاصم

عبداللہ بھائی آپ نے یہ پوسٹ 07-2009 میں کی تھی مجھے بتا سکتے ہیں کہ اب تک کتنا کام ہو چکا ہے اس پر یعنی یونی کوڈ میں کتنے پارے لکھے جا چکے ہیں؟
میں زیادہ تو نہیں ایک پارہ ضرور لکھوں گا ان شاءاللہ۔

__________________
http://muslim-islamicpoint.blogspot.com

عبداللہ حیدر

السلام علیکم، بھائی عاصم!‌آپ گیارہواں پارہ ٹائپ کر سکتے ہیں۔ فرصت ملنے پر تفصیل عرض‌کر دوں گا ان شاء اللہ۔
والسلام علیکم

محمد عاصم

والسلام علیکم
جزاک اللہ خیرا
ٹھیک ہے ان شاءاللہ میں ایک دو دن میں شروع کرتا ہوں۔

اویسی

السلام علیکم
عبداللہ حیدر بھائی اس مشن میں ، میں اپنی خدمات پیش کرنے کو تیار ہوں میرے ذمہ جو بھی کام لگائیں گے میں انشاءاللہ کر دوں گا۔
حکم کریں۔ میرا مطلب مجھے بھی کوئی پارہ اسائن کر دیں۔ شکریہ

__________________

باخدا دیوانہ باشد بامحمد ہوشیار!
طالبان اور امریکہ کا ایک ہی مقصد ۔ مسلم کشی

رفیع انجم