منتظمین

پاکستان کی آواز – پاکستان کے فورمز کے ممبران کے لیے اسلامی سیکشن کے قوانین
1- یہ قوانین‌ فورمز کے منشور کے قوانین کی مذہبی حصے سے متعلقہ قوانین کی مزید تشریح کرتے ہیں اور کوئی بھی ایسا قانون‌ جو کہ فورمز کے منشور سے متصادم ہوتا ہو اس پر فورمز کے منشور کے قوانین کو فوقیت حاصل ہو گی۔
2- مذہبی سیکشن میں ہر نیا موضوع ،اس سے مراسلہ مراد نہیں، مکمل طور پر ماڈریٹ ہوتا ہے۔ ماڈریٹ سے مراد انتظامیہ کی مذہبی ٹیم کا اس موضوع کو پرکھنا اور اس کے بعد اس کی اجازت دینا یا پھر رد کرنا یا پھر اس میں مناسب ردو بدل کرنا ہے-
3- اسلام کے کسی بھی رکن، حکم ضابطہ یا پابندی کے بارے میں طنزیا، مذاق اڑانے والا، دل آزاری والاموضوع یا مراسلہ انتہائی سختی سے ممنوع ہے اور اس سلسلے میں کسی قسم کی کوئی صفائی قبول نہیں کی جائے گی۔ لیکن اس بات پر بحث کی جاسکتی ہے کہ اس بات کا حکم کیوں دیا گیا اور اس کے پیچھے کیا حکمت یا معاشی/معاشرتی وجوہات تھیں۔ جیسا کہ یہ بحث کی جاسکتی ہے کہ اسلام میں عورت کا کیا مقام ہے؟، چار شادیوں کا کیا حکم ہے ؟، پردے کا حکم کیوں ہے؟، اور یا پھر ایسی کوئی بحث جس سے انسانی اخلاق اور سوچ کی تعمیر ہو اور مذہب کو سمجھنے میں آسانی ہو۔
4- کسی بھی فقہ کے فرد کو یہ اجازت نہیں کہ وہ کسی دوسرے فقہے پر تنقید، تضحیک، توہین یا پھر اس سے نفرت کا اظہار کرے۔ اس میں یہ سب باتیں شامل ہیں کہ کسی فقہے کا نام لے کر، بلاواسط یا پھر براہ راست حملہ کیا جائے۔
5- فورم پر کسی قسم کا کوئی اختلافی موضوع /اختلافی مراسلہ بنانے، ڈالنے کی اجازت نہیں۔ اختلافی مراسلے سے مراد یہ ہے کہ کوئی ایسا موضوع ڈالا جائے جو کہ مندرجہ بالا شق نمبر 3 اور 4 سے متعلقہ ہو۔ کسی ایسے اسلامی موضوع سے متعلقہ ہو جو کہ صدیوں سے چلا آ رہا ہو اور اس پر امت کا اختلاف ہو۔ان معاملات پر دلیل کے نام پر بحث کو مکمل طور پر ممنوع قرار دیا جاتا ہے۔ جو معاملات ہزاروں سالوں سے حل نہیں ہو سکے وہ ہم اس فورم پر بھی حل نہیں کر سکتے ہیں۔ اس لیے اختلافی موضوعات، دوسرے فرقوں کی تذلیل صاف یا پھر ڈھکے چھپے الفاظ میں قابل قبول نہیں ہو گی۔
اگر کوئی رکن انتباہ کے باوجود معتصیبانا یا تفرقہ بازی کے مضامین ڈالتا ہے تو اس پرایک دفعہ تنبیہ کے بعد مستقل طور پر پابندی لگا دی جائے گی۔
اگر آپ اپنے فقہ کے لیے کوئی مضمون لکھتے ہیں اور اس میں کوئی ایسی بات نہ ہو جس سے کسی کی دل آزاری ہوتی ہو تو فورم کی انتظامیہ اسکو ڈالنے کی اجازت دیتی ہے۔لیکن اس موضوع میں واضح طور پر اس فقہے کا نام لکھا جائے گا، جس فقہے کے پیروکاروں کے لیے یہ لکھا گیا ہو گا۔اگر انتظامیہ کو کسی قسم کی شکایت وصول ہو تو انتظامیہ کسی بھی قسم کا ایکشن لینے کا حق مخفوظ رکھتی ہے۔ اور ایسا موضوع لکھنے سے پہلے اسلامی سیکشن کے ناطمین سے اجازت لینا ضروری ہو گی۔
اگر آپ اپنے فقہ کی طرف سے کوئی موضوع لکھتے ہیں تو اس موضوع میں اس بات کا خاص خیال رکھا جائے کہ اس میں کسی دوسرے فقہ کی توہین نہ ہو۔
6 - پاک نیٹ پر اسلامی سیکشن کی جو تقسیم کی گئی ہے اس کے مطابق بنیادی مسائل اور عام نصیحت والے مراسلات اور مضامین قبول کیے جائیں۔
7 - انبیا علیھم السلام اور صحابہ رضوان اللہ علیہھم کے علاوہ دیگر شخصیات کا ذکر نہ کیا جائے ، صحابہ کرام کی شان میں کسی قسم کی کمی یا گستاخی کی اجازت نہیں‌ہے۔ کیونکہ اپنی اپنی پسندیدہ شخصیات کا اپنے اپنے انداز میں ذکر کرنا باہمی منافرت کے بڑے اور معروف اسباب میں سے ایک ہے ۔
8 - مذہبی سیکشن کے لیے کاپی پیسٹ ، سکین شدہ صفحات(بغیر یونی کوڈ کی لکھائی)، بیرونی سائٹس کے حوالہ جات کو مکمل طور پر ممنوع قرار دیا جاتا ہے۔ اور خلاف ورزی پر انتظامیہ ایکشن لینے کی مجاز ہو گی۔
9 ۔ اگر آپکی نظر میں کوئی اختلافی موضوع یا مراسلہ موجود ہے تو شکایت سیکشن میں اطلاع دیں۔
10 ۔ کسی بھی ممبر کو یہ حق حاصل نہیں کہ وہ کسی دوسرے ممبر پر کسی بھی مراسلہ یا موضوع میں تنقید کرے۔
11 ۔ اگر کسی ممبر کو کسی دوسرے ممبر سے کسی قسم کی کوئی بھی شکایت ہے تو وہ اسکو تھانے والے سیکشن میں رپورٹ کرے۔
12 ۔ اپنے طرز عمل سے یہ کوشش کریں کہ آپس میں نفرت کی بجائے پیار، محبت اور بھائی چارہ پروان چڑھے۔
13 ۔ غیر مہذ بانہ اور غیر اخلاقی مضامین اور مراسلہ جات کے معاملہ میں کسی بھی ممبر کوانتظامیہ پر تنقید کرنے کی اجازت نہیں۔
14 ۔ یہ قوانین صحت کے لحاظ سے تمام مضامین و مراسلوں کو لاگو ہوں گے۔

__________________
تم سپاہی نہیں ہو پیشہ ور قاتلو!

Ilyas Ahmed Qadri

اسلام علیکم : میں نے عالم کےلئے آپ کی پیشکش پڑھی، میں بریلوی مکتبہ فکر سے تعلق رکھتا ہوں ۔ علمَ دین میں نے سیـد اکبر الحق قادری شاہ صاحب (دارلعلوم انوار القادریہ( سے حاصل کی۔اس کے علاوہ ادیب فارسی اور عالم فارسی کا کورس بورڈ آف سیکنڈری ایجوکیشن سے کیا ہوا ہے۔ اور اس کے علاوہ اردو گرافکس اور کمپوزنگ اور ہارڈوئیر کا کام بھی جانتا ہوں۔ اگر فورم کے لئے آپ کو میری خدمات درکار ہوں تو میں دل و جان سے حاضر ہوں۔ فقط والسلام الیاس احمد قادری

شاہ جی 90

لیجئیے جناب کوئی ایک صاحب تو voluntarily سامنے آئے
منتظمین بھائی کی توجہ درکار ہے

منتظمین

ہم اپکو دل و جان سے خوش آمدید کہتے ہیں۔ اپ اسلامی سیکشن کا تفصیلی چکر لگائیں‌اور بتائیں‌کہ اس میں بہتری کیسے کی جا سکتی ہے۔ اسلامی سیکشن میں ہونے والے مباحثوں‌میں حصہ لیں‌تاکہ اپ کے اخلاق اور علم کے بارے میں‌مناسب طور پر آگاہی ہو سکے۔ اسی دوران اپ فورمز کے طریقہ کار اور اراکین سے بھی متعارف ہو جائیں گے۔

ہمارے پاس اس وقت وہابی مسلک کے نامزد عالم ہیں‌ (عادل سہیل) اپ دیوبندی مسلک کی نمائندگی کر سکتے ہیں۔ کنعان اور آصف ویرانی صاحب بریلوی مسلک کی نمائندگی کر رہے ہیں‌۔ شعیہ مسلک کی نمائندگی کے لیے کوئی عالم درکار ہے۔ انشاءاللہ اپ سب صاحبان کے طرز اسلوب اور علمی سطح کو مدنظر رکھتے ہوئے علماء‌کا ٹائٹل دے کر مجلس شوری کو پھر سے بحال کر دیا جائے گا۔

والسلام

Ilyas Ahmed Qadri

نہیں‌جناب۔ دیوبندی مسلک کی نمائندگی میں نہیں کر سکتا ۔ کوئی مسئلہ نہیں ہے۔ بریلوی مسلک کے جو نمائندہ ہیں میں ان کی بھرپورمدد کروں گا۔ انشاء اللہ تعالٰی الکریم

Ilyas Ahmed Qadri

مجھ سے forilyas@gmail پر رابطہ کر سکتے ہیں۔

منتظمین

مجھے شائد سمجھنے میں غلطی لگی ہے۔ میں سمجھ رہا تھا کہ اپ دیو بندی ہیں۔ غلطی کے لیے معذرت خواہ ہوں۔ لیکن اگر اپ بریلوی مسلک کے ہیں تو بھی ہماری آفر اپ کے لیے پہلے جیسی ہی ہے۔

مسافر

bھائی یہاں پر سب مسلکی نمائندہ حضرات ہی ہیں کیا کوئی مسلمانوں کا نمائندہ بھی ہے اگر نہیں تو میں چاہوں گا اس کے لیے مجھے موقع دیا جائے

سحر

تمام مسالک کے علماء سے صرف اتنی التماس ہے کہ آپ سب مل کر مسلمانوں کو یکجا کرنے کی کوشش کریں ۔
اور ہم کو جن کو کسی مسلک کے بارے میں صحیح علم نہیں ان کو صحیح راستہ تلاش کرنے میں مدد کریں ۔
شکریہ

تفسیر حیدر

اللہ ہم سب کو سیدھے راستے پر چلنے کی توفیق دے۔

منتظمین

مسافر بھائی کسی بھی موضوع میں اپنے خیالات کا اظہار کریں تو پھر فیصلہ کرنے میں سہولت رہے گی۔

مسافر

اللہ ر ب العزت سے توفیق تو ضرور مانگیں مگر خود بھی عمل کی کوشش کریں

شاہ جی 90

میری تمام علما بھائیوں سے ایک گزارش ہے ۔
اگر آپ کے علم میں قرآن و حدیث کے حوالے سے کوئی احکامات ، ان کے حقوق کو متعین کرنے والا کوئی واقع ، یا ان کے مسائل کا حل ، ان کے حقوق اور ان کے بارے میں نارمل انسانوں کے فرائض ، وغیرہ غرض سپیشل لوگوں کے بارے میں کچھہ بھی علم قرآن و حدیث کی روشنی میں ہو تو پلیز مجھے ضرور بتائیں‌،
میں شدت سے آپ سب کے جوابات کا منتظر رہوں گا

عبداللہ حیدر

السلام علیکم، شاہ جی، آپ اپنا سوال اسلامی سیکشن میں پوسٹ کر دیں۔

gazali

[ہمارے پاس اس وقت وہابی مسلک کے نامزد عالم ہیں‌ (عادل سہیل) اپ دیوبندی مسلک کی نمائندگی کر سکتے ہیں۔
جناب عالی سلام مسنون
تعجب ہے دیوبندی مسلک کی نمائندگی کیلئے کوئی عالم نہیں مل سکا۔

gazali

دوستو
السلام علیکم
کیا دیوبندی عالم میں کوئی ایسا نہیں جو نمائندگی کر سکے۔پلیز وقت کی اہم ضرورت ہے کہ کوئی عالم وفاضل آگے بڑھےاور یہ ذمہ داری سنبھالے۔شکریہ