عبدالقدوس

فاروق سرور خان
23 مارچ 1988
یونیورسٹی آف سنسناٹی میں 1981 کے پہلے کوارٹر کے دوران میں نے انٹر ایکٹیو کمپیوٹر گرافکس کے آخری ٹیسٹ کے لئے ڈاکٹر برگس نے کلاس کو اپنی پسند سے کسی بھی ممکنہ تصویر، آؤٹ لائین ، سکائی لائین یا کسی بھی قسم کے شیپ کو فارمولوں اور پروگرامز کی مدد سے کمپیوٹر، گرافکس ٹرمینل اور پلاٹر کی مدد سے ڈرائنگ کرنے کے لیئے کہا۔ پلاٹر پر پلاٹ کرنا تو شاید ایک آسان کام ہوتا، لیکن اس سے بھی مشکل کام یہ تھا کہ کیا بنایا جائے۔ مجھے خیال آیا کہ اردو کے حروف تہجی الف سے یے تک لکھتا ہوں۔ ان کو کروی لینئیر فارمولوں میں بیزئیر قوسوں کی مدد سے بناتا ہوں، بچپن کا تختی لکھنا کام آیا، پہلے حروف ہاتھ سے لکھے اور پھر ان کو قوسوں اور لکیروں کی شکل دی، بیزئیر اوزان لگائے اور چند دنوں میں صرف آؤٹ‌لائین والے اور بھرے ہوئے دونوں طرح کے کوئی 36 حروف میرے سامنے تھے۔ جو میں نے کسی خواب و خیال کے بغیر اپنے اسائنمنٹ کے لئے جمع کرادئیے۔ کوارٹر کے آخری دن، حسب عادت و دستور، ڈاکٹر برگس نے طالب علموں کے نام لے کر ان کے اسائنمنٹ واپس کرنے شروع کئے۔ میرا نام پکارا مسٹر خان! میں اٹھ کر چلا تو اسی دوران اس نے میرا جمع کیا ہوا کام ساری کلاس کو دکھاتے ہوئے کہا ،--- بہترین کام، میری بیوی کو یہ یورڈو کیریکٹرز بہت پسند آئے۔ ---
ستاروں‌ بھری آنکھوں نے بڑا سا A بہت بعد میں دیکھا اور اردو کو جدید ٹیکنالوجی کے آسمان پر طلوع ہوتے ہوئے پہلے دیکھا! یہ اسی وعدہ کی تکمیل کا دن ہے۔ مجھے معلوم ہے کہ وہ دن دور نہیں، جب آپ کے اردو پیغامات الیکترونی مواصلاتی نظام سے گذرتے ہوئے آپ تک پہنچیں گے۔ مجھے یقین ہے کہ آنے والے وقت میں مجھ سے بہتر، ذہین اور محنتی برادران اس کام کو مزید آگے بڑھائیں گے۔

۲ نومبر ۲۰۰۸ء
ہاں!۔۔۔ یہ فاروق سرور خان کے دیکھے ہوئے خواب کی تکمیل کا ایک اور عہد ساز دن ہے۔ شائد اس بار تقدیر کےپرندے کو میرے سر پر متمکن ہونا تھاتاکہ یہ عظیم خدمت میرے ہاتھوں سے انجام پا سکے۔ لیکن ۔۔۔یہ تو اس کارواں کا ایک عارضی پڑاؤ ہے ۔۔۔۔۔آگے ہر قدم ۔۔۔ہر گام پر ۔۔نئی منزلوں ۔۔۔ نئے راستوں پر یہ کارواں اپنی فتوحات کا جھنڈا گاڑتا چلا جائے گا۔ہم ہوں نہ ہوں ہمارے بعد کتنے اور لوگ اس عہد کو نبھانے کا عزم لے کر اس کارواں کے ہم رکاب بنتے رھیں گے اوریوںمرزا جمیل احمد کا چلایاہوا یہ کاروانِ عہد ہر دور میں اپنی منزل کی طرف اسی شان سے رواں دواں رہے گا۔ آج اسی کارواں کے ایک ادنی ٰمسافر کی حیثیت سے میں اسی عزم کوپھر دوہرانے کی سعادت حاصل کروں گا کہ ٹیکنالوجی کا آسمان جتنا بھی بلند کیوں نہ ہوتا جائے ہم اس پر اپنی قومی زبان کے ستارے کو ہمیشہ چمکتا دمکتا اور سب سے روشن دیکھنا چاہیں گے۔ ہمارے ارادے جوان ہیں اور نگاہیں آسمان پر ہیں یہی تو اس قوم کی خاصیت ہے۔

آج کا دن فاروق سرور خان کے نام جن کی وطن سے محبت اور خلوص سے مجھے اور میرے جیسے نمعلوم کتنے اور لوگوں کو ایک جذبہ اور جدوجہد کا ولولہ ملا اوریقیناًملتا رہے گا۔ یوں یہ سلسلہ قائم و دائم ہے ۔

اس فانٹ کی تیاری میں محترم شاکر القادری صاحب کی ہرلمحہ کی حوصلہ افزائی کا بے انتہا شکر گذار ہوں۔ جنہوں نے اپنی قیمتی وقت اور پرخلوص دعاوں سے ہر ممکنہ مشاورت دی۔ اسی طرح القلم فورم کو سالگر ہ کی مبارکباد دینا بھی اپنا فرض سمجھتا ہوں۔ جس پر مجھے بہت زیادہ اپنائیت ملی۔ اتنا خلوص اور محبت تو میرے جیسے کم مایہ انسان کی توقعات کی بلندیوں سے بھی بہت بڑھ کر ہے۔ اللہ آپ ساتھیوں کو کو ترقی و عظمت سے نوازے۔

اور اب شائد آپ شدت سے اس گھڑی کے انتظار میں ہوں گے جب علوی نستعلیق آپ کے ہاتھوں میں ہو تو میرے خیال میں وہ لمحہ اب آگیا ہے میں آپ کے اور علوی نستعلیق کے درمیان مزید حائل نہیں ہونا چاہتا۔ یہ اب آپ کی دسترس میں ہے۔ آپ اس کے سکرین شارٹس سے بخوبی آشنا ہیں۔ اس لئے مزید کسی سکرین شارٹس کی ضرورت نہیں۔ یہ فانٹ اپنے آپ کو خود منوانے کی صلاحیت رکھتا ہے۔

فانٹ کا لنک درج ذیل ہے۔


http://www.urdushare.net/alvi/Alvi_Nastaleeq_1_0_0.zip

ایک تخلیق کار کی حیثیت سے میں ہر لمحہ اس میں تبدیلی کا خواہش مند رہا۔ اور ابھی بھی اس سے مطمئن نہیں۔ آپ بھی اس کو استعمال کرنے کے بعد شائد اس میں بے شمار چیزوں کی توقع رکھیں لیکن پھر بھی ہر ممکن سعی کی گئی ہے کہ یہ فانٹ کسی موڑ پر ناکام نظر نہ آئے۔ سب سے دشوار منزل ایک کیریکٹر بیسڈ فانٹ کی تکمیل تھی۔ جو نستعلیقی خوبصورتی کی حامل بھی ہو اور اس کی رفتار کو متاثر بھی نہ کرے۔ جیسا کہ ماضی میں مختلف دوستوں کی انتہائی محنت سے بنائے گئے فانٹس میں نظر آتا تھا۔یہ دشوار مرحلہ بھی صدف سافٹ وئیر کے خط رعنا کی مدد سے کسی نہ کسی طرح طے ہوا جس کے بعد مزید مشکل مرحلہ اس فانٹ کے اندر لیگیچرز کی شمولیت تھی ۔ یہ صحیح معنوں میں ایک محنت طلب اور تھکا دینے والے کام تھا جس کے دوران کئی بار ہمت جواب دے جاتی لیکن خدا معلوم وہ کون سی طاقت تھی جو میرے عزم اور حوصلے کو پھر سے تازہ دم کردیتی اور اگلے لمحے میں اس پر پھر سے کام شروع کردیتا۔ میری VBA کی پروگرامنگ کی پریکٹس نے مجھے اس کام میں بہت مدد دی۔ جس سےلیگیچرز کے لک اپس تیار ہوئے۔ لیگیچرز کی شمولیت نے فانٹ کی سپیڈ کو مزید بڑھا دیا۔ اس کی رفتار کا مشاہدہ آپ اس فانٹ کو دیگر فانٹس سے موازنہ کرکے بخوبی اندازہ کرسکتے ہیں۔ یہی رفتار اس کو ویب پر بھی ممتاز بناتی ہے اگرچہ اس فانٹ کی بنیاد ویب کی ضروریات کو مدنظر رکھ کر نہیں کی گئی تھی اس لئے اس حوالے سے اس میں کافی تشنگی رہ گئی لیکن یہ پھر میری توقع سے بہتر رزلٹ دے رہا ہے۔مزید برآں لینکس سے عدم واقفیت اور عدم استعمال کی وجہ سے مجھے اس کا لینکس پر رزلٹ کا اندازہ نہیں اس کے بارے میں آپ لوگ بہتر رائے دے سکتے ہیں۔

بہرحال یہ اردو فانٹس کے حوالے سے یک نئے دور کی ابتداء ہے ۔اس کی خامیوں کو دیکھنے سے قبل اس کی خوبیاں ضرور دیکھئے گا۔ میری کوشش ہوگی کہ اگلے ورژنوں میں اس کے اندر پائی جانے والی تمام خامیوں کو درست کردیا جائے۔ انشاء اللہ۔

اس فانٹ کوصرف اور صرف ترویج و ترقی ٔاردو کی ضروریات کو مدنظر رکھ کر بلاقیمت دیا جارہا ہے۔ یہ کوئی کمرشل پراڈکٹ نہیں ہے۔ اس لئے اس کا کسی بھی کاروباری حوالے سے استعمال قطعا ممنوع ہے اور ایسے کسی بھی استعمال کے لئے اس کے تخلیق کار سے قبل ازیں اجازت لیناضروری ہے۔ شکریہ۔

اور ایک آخری بات کہ فانٹ کا نام عین آخری لمحات میں تھوڑا سا بدل کر Alvi Nastaleeq v1.0.0 رکھ دیا گیا اس لئے اگر القلم اور اردو محفل کے فورم میں موجود سٹائل شیٹ میں فانٹ کے نام کو ٹھیک کرلیا جائے تو شائد فورم کے ساتھیوں میں سے کسی کو زحمت نہ ہو۔


علوی نستعلیق ۔ ایک نئے دور کی ابتداء - اردو محفل فورم

علوی نستعلیق کو ڈانلوڈ کرنے کے لیے یہاں کلک کریں

ڈانلوڈ مکمل ہونے پر فائل پر دایاں کلک کرتے ہوئے ایکسٹریٹ کا آپشن منتخب کریں


آپ کے سامنے ایک ایسی فائل ہوگی


اس فائل کو کاپی کریں اور C:\WINDOWS\Fonts
میں پیسٹ کردیں
اس کے بعد پاک نیٹ صحفہ اول پر إٕٕٓئیں

سانچوں میں سے پاک نیٹ علوی نستعلیق کا انتخاب کریں

لیں جناب اب آپ پاک نیٹ پر اردو نستعلیق باآسانی دلکش انداز میں دیکھ سکتے ہیں

Attached Files

Alvi_Nastaleeq_1_0_0.zip (6.27 MB, 53 views)

__________________

عبدالقدوس

فوراََ کرو کاشف بھائی آپ کو مزا آجائے گا

محمد کاشف حبیب

ڈانلوڈنگ مکمل ہو گی ہے Extraction کر لی ہے اب کیا کرنا ہے؟

عبدالقدوس

فائل کو ونڈوز کے فونٹس فولڈر میں انسٹال کریں بھائی
انسٹال کرنے کے لیے فائل کو صرف پیسٹ کریں اور پھر پاک نیٹ پر آئیں

محمدخلیل

واہ بھائی مزاآگیا ہے ایسا لگ رہا ہے کہ جیسے پیسے پورے ہوگئے ہیں واہ کیا بات ہے

مزمل فاروق

واقعی بھائی بہت زبردست ہے مزہ آگیا -

wajee

جناب میں نے ڈانلوڈ کر کے کنڑول پینل میں فونٹ کے فولڈر میں پیسٹ کر کے جب چلایا تو انگش ہی لکھ رہا ہے اسکا کوئی فائدہ نہیں ہوا مجھے کو اگر کوئی اور طریقہ ہو تو مجھے بتاٶ میں منتظر ہو ایڈمن صاحب شکریہ

عبدالقدوس

بھائی وہاں پر چلانے سے اردو ہی آئے گا آپ جس کی تلاش میں ہے وہ یہاں ہے
http://pak.net/%D8%B4%D8%B9%D8%A8%DB...92%DB%94-5137/

wajee

شکریہ ایڈمن صاحب جی یہ بھی کر کہ دیکھ لیتا ہو پھر بتاتا ہو

میاں شاہد

بہت خوب اور بہت عمدہ اس سلسلے میں‌محنت کرنے والے تمام احباب مبارکباد کے مستحق ہیں ، امید ہے کہ مستقبل میں‌مذید عمدہ اور بہترین کام دیکھنے کو ملے گا

__________________

مون لائیٹ آفریدی

ما شا ء اللہ۔ مجموعی لحاظ سے بہت ہی اچھا فونٹ ہے ـ میری طرف سے تمام اردو شائقین خاص کر " جناب امجد علوی " اور ساتھ میں فاروق صاحب کو بہت بہت مبارک ہو ـ امید ہے کہ وقت کے ساتھ ساتھ اس میں مزید بہتری لائی جائی گی ۔
میرے ساتھ ایک مسئلہ اس میں آرہا ہے ۔(فائرفوکس میں) پاک نیٹ فورم پر اور اردو محفل پر ۔ البتہ ابھی تک اردو مجلس پر کوئی مسئلہ نہیں ہے ۔
سکرین شاٹ ملاحظہ کریں ۔

__________________

فاروق سرورخان

اس کا ایک فائیدہ یہ بھی ہے کہ اب کسی بچہ کو تختی نہیں لکھنا پڑے گی

Real_Light

یہ فانٹ واقعی بہت کمال کا ہے ۔۔۔۔۔۔۔۔۔۔۔۔۔۔۔۔۔ پڑھنے اور لکھنے میں بہت جازبِ نظر اور دلکش۔۔۔۔۔۔۔۔۔۔۔۔۔۔۔
تمام افراد کا بےحد شکریہ کہ جنہوں‌نے اس کام میں کسی بھی طریقے سے حصہ لیا او ر سلام ہے ان تمام لوگوں کو جن لوگوں کی شب و روز محنت سے پاکستان کے لئے کچھ کام ہوسکا ۔ ورنہ آئی ٹی میں پاکستان کس مقام پر یہ سب جانتے ہیں۔ اللہ تعالیٰ آپ تمام لوگوں کو اس کا اجر دے اور مزید اس کی اگر کوئی خامی ہے تو اس کو دور کرنے کی توفیق مرحمت فرمائے۔ الہٰی آمین

__________________

wajee

بہت ہی زبردست فونٹ ہے لیکن یء یہ ایک ساتھ نہیں لکھیں جا رہیں ہیں ویسے بہت ہی عمدہ کام اللہ ان کے علم میں مزید اضافہ کریں

عبدالقدوس

بھائی آپ ونڈوز کا یونی کوڈ کلیدی تختہ استعمال کررہے ہیں اس لیے نہیں ساتھ لکھ رہا جب کہ دیکھیں‌میں نے بھی تو لکھا ہے

عبدالقدوس

ایک بات یاد رکھیں‌کہ پاکستان آئی ٹی میں‌بھارت سے زیادہ آگے ہے اس بات کی گواہی انٹل کارپوریشن والے دے چکے ہیں