باذوق

حجیتِ حدیث پر مناظر احسن گیلانی کی کتاب "تدوینِ حدیث" کے مقدمہ میں علامہ سید سلیمان ندوی (رحمة اللہ علیہ) لکھتے ہیں :
علوم القرآن ۔۔۔ اگر اسلامی علوم میں دل کی حیثیت رکھتا ہے تو علمِ حدیث شہ رگ کی۔ یہ شہ رگ اسلامی علوم کے تمام اعضاء و جوارح تک خون پہنچا کر ہر آن اُن کے لیے تازہ زندگی کا سامان پہنچاتا رہتا ہے۔ آیات کا شانِ نزول اور ان کی تفسیر ، احکام القرآن کی تشریح و تعیین ، اجمال کی تفصیل ، عموم کی تخصیص ، مبہم کا تعیین ، سب علمِ حدیث کے ذریعے معلوم ہوتی ہیں۔
اسی طرح حاملِ قرآن محمد رسول اللہ صلی اللہ علیہ وآلہ وسلم کی سیرتِ طیبہ و اخلاق و عاداتِ مبارکہ ، آپ (ص) کے اقوال و افعال اور آپ (ص) کے سنن و مستحبات اور احکام و ارشادات ، سب اسی علمِ حدیث کے ذریعہ ہم تک پہنچے ہیں۔
اسی طرح خود اسلام کی تاریخ ، صحابہ کرام رضی اللہ عنہم کے احوال اور ان کے اعمال و اقوال اور اجتہادات و مستنبطات کا خزانہ بھی اسی کے ذریعہ ہم تک پہنچا ہے۔
اس بنا پر اگر یہ کہا جائے تو صحیح ہے کہ اسلام کے عملی پیکر کا صحیح مرقع اسی علم کی بدولت مسلمانوں میں ہمیشہ کے لیے موجود و قائم ہے اور ان شاءاللہ تاقیامت رہے گا۔

مولانا شاہ معین الدین احمد ندوی (رحمة اللہ علیہ) لکھتے ہیں :
آنحضرت صلی اللہ علیہ و آلہ وسلم کی بعثت ، اسلام کا ظہور ، اس کی تبلیغ ، اس راہ کی صعوبتیں ، غزواتِ اسلام کا غلبہ و اقتدار ، حکومتِ الٰہیہ کا قیام ، اس کا نظام ، رسول اللہ صلی اللہ علیہ وآلہ وسلم کی حیات طیبہ ، آپ صلی اللہ علیہ و آلہ وسلم کی سیرت معلوم کرنے کا ذریعہ صرف حدیث ہے۔ اگر اسی کو نظرانداز کر دیا جائے تو اسلام کی بہت سی تعلیمات اور تاریخ اسلام کے بہت سے گوشے مخفی رہ جائیں گے۔ اس لیے احادیثِ نبوی صلی اللہ علیہ و آلہ وسلم ، اسلام اور اسلامی تاریخ کا بڑا قیمتی سرمایہ ہیں اور اسی پر ان کی عمارت قائم ہے۔
بحوالہ : تذکرة المحدثین ، ج:1 ، ص:7

محمد سہیل خان

اسلام علیکم
اس موضوع پر اتنا کہنا چاہوں گا کہ حدیث نبوی صلی اللہ علیہ و سلم کے بغیر دین واضح نہیں ہوتا۔ قرآن میں احکامات نازل ہوئے ہیں انکی مکمل تفصیل احادیث سے ملتی ہے۔ اگر کوئی حدیث کو نہیں مانتا(جیسا کہ اجکل بہت سے لوگ اسے رد کرنے کا کہتے ہیں) تو وہ اسلام کو سمجھ ہی نہیں سکتا۔ جنت کا راستہ نبی صلی اللہ علیہ و سلم کی اطاعت اور اتباع میں ہے اگر اسے چھوڑ دیا جائے تو پھر انسان کے پاس بھٹکنے کے علاوہ کچھ نہیں رہتا۔
اس بارے مین مزید معلعمات کے لےwww.therealislam.netپر پڑھا جا سکتا ہے۔

عادل سہیل

السلام علیکم و رحمۃ اللہ و برکاتہ ،
جزاک اللہ خیراجزا ، بھائی محمد سہیل خان ، بالکل درست فرمایا آپ نے ، جس نے رسول اللہ صلی اللہ علیہ و علی آلہ وسلم کی ہدایت و راہنماءی کو چھوڑا مکمل طور پر یا جزوی طور پر وہ یقینا گمراہی کا شکار ہو کر رہتا ہے ، اللہ ہم سب کو یہ حقیقت سمجھنے اور اس شر سے محفوظ رہنے کی توفیق عطا فرمائے ، و السلام علیکم۔

__________________
اب نہ ہو گا کہیں کوئی نزول کتاب ::: بند کر دیا رب العالمین نے یہ باب
ہے جو بھی صحیح سنت رسالت مآب ::: بے شک ہے وحیء رب الارباب