عبداللہ حیدر

اسلام کی دو حیثیتیں ہیں۔ ایک حیثیت میں وہ دنیا کے لیے اللہ کا قانون ہے۔ دوسری حیثیت میں وہ نیکی و تقوٰی کی جانب ایک دعوت اور پکار ہے۔
پہلی حیثیت کا منشا دنیا میں امن قائم کرنا، اس کو ظالم و سرکش انسانوں کے ہاتھوں تباہ ہونے سے بچانا اور دنیا والوں کو اخلاق و انسانیت کے حدود کا پابند بنانا ہے جس کے لیے قوت و طاقت کے استعمال کی ضرورت مسلم ہے۔
لیکن دوسری حیثیت میں وہ قلوب کا تزکیہ کرنے والا، ارواح کو پاک کرنے والا، حیوانی کثافتوں کو دور کرکے بنی آدم کو اعلیٰ درجہ کا انسان بنانے والا ہے جس کے لیے تلوار کی دھار نہیں بلکہ ہدایت کا نور ،دلوں کا جھکاؤ اور جسموں کی پابندی نہیں بلکہ روحوں کی اسیری درکار ہے۔ اگر کوئی شخص سر پر چمکتی ہوئی تلوار دیکھ کر لا الہ الا اللہ کہہ دے مگر اس کا دل بدستور ما سوی اللہ کا بتکدہ بتا رہے تو دل کی تصدیق کے بغیر یہ زبان کا اقرار کسی کام کا نہیں، اسلام کے لیے اس کی حلقہ بگوشی بیکار ہے۔
دینِ حق تو خیر بڑی چیز ہے دنیا کی معمولی تحریکیں بھی جن کا منشا محض دنیوی مقاصد کا حصول ہوتا ہے اپنی کامیابی کے لیے ایسے پیرووں پر بھروسہ نہیں کرسکتیں جو صرف زبان سے ان کے موید ہوں۔ پھر وہ دن جو تمام عالم بشری کی اصلاح کا عظیم مقصد لے کر اٹھا ہو کیا یہ ممکن تھا کہ وہ اپنی دعوت کا کام تلوار کی گونگی زبان کے سپرد کرتا۔ کیا وہ ایسے پیرو حاصل کر کے مطمئن ہو سکتا تھا جن کے دل اللہ کے خوف سے خالی مگر تلوار کی ہیبت سے معمور ہوں؟ کیا ایسے بزدل اور بودے آدمیوں کو وہ کوئی وزن دے سکتا تھا جو محض جان بچانے کے لیے کسی عقیدے کو جس کی صداقت کے وہ قائل نہ ہوں، قبول کر لیں؟ اور اگر ایسا ہوتا تو کیا اسے وہ کامیابی حاصل ہو سکتی تھی جو اس نے فی الحقیقت حاصل کی؟
اس بحث سے یہ حقیقت تو اچھی طرح واضح ہو گئی کہ اسلام اپنی صداقت پر ایمان لانے کے لیے کسی کو مجبور نہیں کرتا۔ بلکہ دلائل و براہین کی روشنی میں ہدایت کی راہ کو ضلالت کی راہ سے ممتاز کر کے دکھا دینے کے بعد ہر شخص کو اختیار دیتا ہے کہ چاہے غلط راستے پر چل کر نامرادی کے گڑھے میں جا گرے اور چاہے سیدھے راستے پر لگ کر حقیقی اور دائمی کامیابی سے بہرہ اندوز ہو۔ اس میں شک نہیں کہ تبلیغ میں تلوار نہیں چلتی لیکن اس تبلیغ کے ساتھ کچھ چیزیں اور بھی ہیں جن کے تعاون سے دنیا میں اسلام کی اشاعت ہوتی ہے اور وہ یقینًا تلوار کی اعانت سے بے نیاز نہیں ہیں۔
اگر اسلام صرف چند عقائد کا مجموعہ ہوتا اور اللہ کو ایک کہنے، رسالت کو برحق ماننے، یوم آخر اور ملائکہ پر ایمان لانے کے سوا انسان سے وہ کوئی اور مطالبہ نہ کرتا تو اسے کسی سے لڑنے ضرورت پیش نہ آتی۔ لیکن واقعہ یہ ہے کہ وہ صرف ایک عقیدہ ہی نہیں بلکہ ایک قانون بھی ہے۔ ایسا قانون جو انسان کی عملی زندگی کو اوامرو نواہی کی بندشوں میں کسنا چاہتا ہے۔ اس لیے اس کا کام صرف پند و موعظت ہی سے نہیں چل سکتا بلکہ اسے نوکِ زبان کے ساتھ نوکِ سنان سے بھی کام لینا پڑتا ہے۔ اس کے عقائد سے سرکش انسان کو اتنا بُعد نہیں ہے جتنا اس کے قوانین کی پابندی سے ہے۔ باطل نظام اور باطل عقائد کا غلبہ انسانوں کی اکثریت کو دین کی طرف متوجہ نہیں ہونے دیتا یا اسے قبول کرنے میں مانع بنتا ہے۔
رسول اللہ صلی اللہ علیہ و آلہ وسلم نے تیرہ سال مکے میں دعوت دی، مضبوط دلائل دیے، واضح حجتیں پیش کیں اور کوئی ذریعہ نہ چھوڑا جو حق کے اظہار و اثبات کے لیے مفید ہو سکتا تھا لیکن اسلام قبول کرنے والوں کی تعداد چند سو سے زیادہ نہ تھی۔ ہجرت کے بعد پہلے معرکے بدر میں کل مردان جنگی تین سو تیرہ تھے جن میں بچے بھی شامل تھے۔ لیکن جب اللہ کے رسول صلی اللہ علیہ وآلہ وسلم نے تلوار ہاتھ میں لی، ملک میں ایک منظم اور منضبط حکومت قائم کر دی تو صرف دس سال کے اندر جانثاروں کی تعداد ہزاروں تک پہنچ گئی۔ فتح مکہ کے موقع پر دس ہزار کا لشکر ہمراہ تھا اور خطبہ حجۃ الوداع میں ایک لاکھ سے زائد مسلمان موجود تھے۔
اس کی وجہ صرف یہی تھی کہ اسلام نے ان پردوں کو چاک کر دیا جو دلوں پر پڑے ہوئے تھے، اس فضا کو صاف کر دیا جس کے اندر کوئی اخلاقی تعلیم پنپ نہیں سکتی تھی، ان حکومتوں کے تختے الٹ دیے جو حق کی دشمن اور باطل کی پشت پناہ تھیں، ان بدکاریوں کا استیصال کر دیا جو دلوں کو نیکی و پرہیزگاری سے دور رکھتی ہیں۔
پس جس طرح یہ کہنا غلط ہے کہ اسلام تلوار کے زور سے لوگوں کو مسلمان بناتا ہے، اسی طرح یہ کہنا بھی غلط ہے کہ اسلام کی اشاعت میں تلوار کا کوئی حصہ نہیں ہے۔ حقیقت ان دونوں کے درمیان میں ہے اور وہ یہ ہے کہ اسلام کی اشاعت میں تبلیغ اور تلوار دونوں کا حصہ ہے جس طرح ہر تہذیب کے قیام میں ہوتا ہے۔ اسلام کسی کی گردن پر تلوار رکھ کر کلمہ پڑھوانے کی اجازت نہیں دیتا جیسا کہ امام ابن کثیر "لا اکراہ فی الدین" کی تفسیر میں لکھتے ہیں:
'' کسی شخص کو دین اسلام میں داخل ہونے پر مجبور نہ کرو کیونکہ وہ اس قدر بین و واضح ہے اور اس کے دلائل و براہین اس قدر روشن ہیں کہ کسی شخص کو اس میں داخل ہونے پر مجبور کرنے کی ضرورت ہی نہیں ہے۔ اللہ نے جس شخص کو ہدایت دی ہو گی اور جس کا سینہ قبول حق کے لیے کھول دیا ہو اور جس کو بصیرت کا نور عطا کیا ہو وہ دلیل واضح کی بنا پر خود اسے اختیار کرے گا، اور جس کی سماعت و بینائی پراللہ نے مہر کر دی ہو اس کا مارے باندھے دین میں داخل ہونا بیکار ہے۔''
لیکن اسلام کی تلوار ان لوگوں کی گردنیں کاٹنے میں ضرور تیز ہے جو اسلام اور مسلمانوں کو مٹانے کی کوشش کرتے ہیں یا اللہ کی زمین میں فتنہ و فساد پھیلاتے ہیں۔ اور کوئی نہیں کہہ سکتا کہ اس تیزی میں وہ حق بجانب نہیں ہے۔

(ماخوذ از الجہاد فی الاسلام)

عبداللہ آدم

(((((((((پس جس طرح یہ کہنا غلط ہے کہ اسلام تلوار کے زور سے لوگوں کو مسلمان بناتا ہے، اسی طرح یہ کہنا بھی غلط ہے کہ اسلام کی اشاعت میں تلوار کا کوئی حصہ نہیں ہے۔ حقیقت ان دونوں کے درمیان میں ہے اور وہ یہ ہے کہ اسلام کی اشاعت میں تبلیغ اور تلوار دونوں کا حصہ ہے جس طرح ہر تہذیب کے قیام میں ہوتا ہے۔ ))))))))

خلاصہ یہی ہے۔۔۔۔۔۔۔۔۔۔۔۔جزاک اللہ عبداللہ بھائی

sahj

السلام علیکم بھائی عبداللہ حیدر

جزاک اللہ

شاہ جی 90

تو گویا اللہ کے دشمن سے لڑنے کے لیئے تلوار ضروری ہے لیکن دلوں کو مسخر کرنے کے لیئے تلوار غیر ضروری ہے ، اس کے لیئے حسن اخلاق ضروری ہے
اب کوئی مسلمان ہو گا تو دل سے ہو گا نہ کہ مجبور ہو کر
تو آپ یہ کہ سکتے ہیں کہ دشمنان اسلام کا مقابلہ کرنے کے لیئے تو تلوار ضروری ہے لیکن اسلام کو پھیلانا ہے تو اس کا واحد طریقہ حسن سلوک ہے جو کہ کوئی بڑی مشکل بات بھی نہیں ہے
کیا میں درست سمجھا ہوں ؟

عبداللہ حیدر

السلام علیکم، مختصرا یوں سمجھیں‌کہ تلوار دعوت کے راستے میں حائل رکاوٹوں‌کو دور کرتی ہے، پھر دعوت دلوں‌کو مسخر کرتی ہے۔
والسلام علیکم

شاہ جی 90

لیکن بھیا اگر تاریخ اسلام کا مطالعہ کریں تو ہمیں معاملہ الٹ نظر آتا ہے
دعوت سب سے پہلے نظر آتی ہے اور تلوار کا استعمال انتہائی مجبوری میں جب جنگ مسلط کی جا رہی ہو اس وقت نظر آتا ہے یا اس وقت جب کہ اللہ کے گھر کو کفار سے چھڑانے کا معاملہ ہو ۔ ایک بات یاد رکھنے کی ہے اور وہ یہ کہ جہاد کی اہمیت سے ہمیں بالکل انکار نہیں ، لیکن دعوت کی اہمیت زیادہ ہے اسی لیئے تو ہر جہاد سے قبل مشرکین کو دعوت دی جاتی رہی ہے ،
تو ترتیب تو یہ ہوئی کہ پہلے دعوت اور اگر دعوت قبول نہ کی جا رہی ہو اور مسلمانوں اور اسلام کے خلاف طاقت کے استعمال کا خدشہ ہو تو پھر جہاد
کیا خیال ہے اس بارے میں

عبداللہ حیدر

شاہ جی آپ کی بات ایک‌حد تک درست ہے لیکن جو علاقے صحابہ کرام نے فتح کیے وہاں پہلے تلوار پہنچی پھر دعوت آئی۔ موجودہ شام، لبنان، مصر، فلسطین، عراق، یمن وغیرہ کی تاریخ اٹھا کر دیکھ لیجیے۔ بہرحال، دعوت کی اہمیت سے انکار نہیں‌کیا جا سکتا۔ جہاد کی مثال ہل کی ہے جس سے زمین کا سینہ چیرا جاتا ہے اور دعوت کی مثال بیج کی ہے جو برگ وبار لاتی ہے۔
والسلام علیکم

عبداللہ آدم

اصل مراسلہ:شاہ جی
(((((((((((لیکن بھیا اگر تاریخ اسلام کا مطالعہ کریں تو ہمیں معاملہ الٹ نظر آتا ہے
دعوت سب سے پہلے نظر آتی ہے اور تلوار کا استعمال انتہائی مجبوری میں جب جنگ مسلط کی جا رہی ہو اس وقت نظر آتا ہے یا اس وقت جب کہ اللہ کے گھر کو کفار سے چھڑانے کا معاملہ ))))))))))

شاہ جی اتنی دعوت دی جاتی تھی کہ
1۔اسلام قبول کر لو
2۔جزیہ دے کر امان مین ا جاؤ
3۔فیصلہ تلوار سے کروا لو

ان کے علاوہ کبھی بھی کسی مسلمان لشکر نے کسی قیصر و کسری پر چڑھائی کرتے ہوئے کوئی دعوت نہیں دی۔۔۔۔۔۔۔۔۔اور نہ ہی باقاعدہ طور پر مبلغ بھیجے کہ اسلام کو افراد میں پھیلائیں۔۔۔۔۔۔۔۔۔۔جب حکومت مسخر ہو جاتی تو اگلا معاملہ پھر کیا جاتا۔۔۔۔۔۔۔۔۔۔

طلحہ

کچھ دشمنان اسلام یہ دعوی کرتے ہیں کہ اسلام تلوار کی نوک سے پھیلا ہے ، توآّپ اس کا رد کس طرح کرتے ہیں ؟

الحمد للہ
دین اسلام اس شخص کی نسبت توحجت ودلیل اوربیان وضاحت کے ساتھ پھیلا ہے جودین اسلام کی تبلیغ کوسنتا اورقبول کرتا ہے ، لیکن جس نے دین اسلام کونہیں مانااوراس کا انکار کیا اس کے خلاف سازشیں کیں اس کی نسبت دین اسلام قوت وطاقت اور تلوار کی نوک سے پھیلا حتی کہ وہ اس پرغالب ہوا اوراس کی دشمنی جاتی رہی تواس بنا پروہ مسلمان ہوگيا ۔ .
دیکھیں : فتاوی اللجنۃ الدائمۃ ( 12 / 14 )
Islam Question and Answer - کیا اسلام تلوار کی نوک سے پھیلا ہے

احمد بلال

ااسلام کے ماننےاور عمل کرنے والوں کو اللہ نے ہمیشہ طاقت کی بلندیوں‌پہ رکھا ہے۔۔
اسلام کا درس ہے Proud to be a muslim یعنی اللہ کے آگے سر جھکا نے میں فخر محسوس کریں۔۔
اسی لئے یہ تین باتیں تھیں‌۔۔
۔اسلام قبول کر لو
2۔جزیہ دے کر امان مین ا جاؤ
3۔فیصلہ تلوار سے کروا لو
اور جب اللہ کے حکم سے ان پہ غالب آ جاو تو ان کے ساتھ حسن سلوک کرو۔ دعوت دو۔



لیکن آج ہم خود اسلام پہ عمل نہیں کر رہے تو اللہ نے اپنی مدد بھی واپس لے لی۔اور ہمیں مصلحتیں نظر آنے لگیں ۔۔۔اب ہم طاقت دکھا نہیں سکتے اور دعوت ہم دیتے نہیں کیونکہ ہمارے اندد وہ اخلاق بھی منقود ہیں‌جو نبی صلی اللہ علیہ والہ وسلم کے تھے ۔۔

شمشاد احمد

جو قر‏آن پوری دنیا کیلئے نظام لایا ہے اس نے اس نظام کے نفاذ اور اس کی نشر و اشاعت کا طریقہ بھی بتا دیا ہے۔
ادعوا الی سبیل ربک بالحکمة والموعظة الحسنة و جادلہم بالتی ہی احسن۔
ترجمـ: اللہ کے راستے کی طرف حکمت اور ا‌چھی نصحیت کے ساتھ بلاؤ اور( اگر وہ نہ مانے اور جدال کی نوبت ‏آ ہی جائے تو )ان سے جدال کرو ا‌چھے طریقے سے۔

خلاصہ یہ کہ: پہلے دعوت: ‌چاہے نہ مانیں تو تلوار۔

تفصیل میں جائیں تو عموما اس زمانے میں جو طرز حکومت اور جغرافیائی حالات تھے ان میں دعوت ان کے حکمرانوں کو دی جاتی تھی۔۔۔ نہ ماننے پر ا ن سے ہی تلوار فیصلہ کرتی تھی۔۔۔۔۔۔۔ اور تلوار کے اس فیصلہ میں بھی اسلام کے اصول جہاد کو بہر حال مد نظر رکھا جاتا تھا۔۔۔۔۔۔۔۔۔ کامیابی ملنے پر۔۔۔۔۔۔۔ عوام جزیہ دے کر رہنا شروع ہو جاتے تھے اور۔۔۔۔۔۔۔ صحابہ کرام کا عمل دیکھ کر اسلام قبول کر لیتے تھے۔۔۔۔۔۔۔ یہی طریقہ بعد میں بھی جاری رہا۔۔۔۔ یہاں تک کہ امت مسلمہ عروج سے زوال کی طرف ‌چل دی۔۔۔۔۔۔

محمدخلیل

اسلام تلوار کے بغیر بس کربلا تک ہی پھیلا تھا
اس کے بعد تلوار سے ہی پھیلا ہے ؎
اور جہاں یہ تلوار سے پھیلا تھا
وہ اب اس کا نام نشان بھی نہیں ہے
مسجد قرطبہ اس کی زندہ مثال ہے

__________________
جب تک میری انفریکشن ختم نہیں ہوگی میں فورم میں نہیں آونگا۔

شمشاد احمد

خلیل صاحب

کیوں تاریخ کے اوراق مسخ کر رہے ہیں۔۔۔۔۔۔

کربلا کا موضوع ہی نازک سا ہے۔۔۔۔ اس لئے اس پر تو میں بات شروع نہیں کرتا۔۔۔۔۔۔ اگر کہیں ‌چلی ہوئی نظر ‏آ گئی اور وقت ہوا تو اپنی گذارشات پیش کر دوں گا۔

رہی بات مسجد قرطبہ کی
تو جناب ا‌چھا یاد دلایا ‏آپ نے مسجد قرطبہ تو اس کی بہترین مثال ہے کہ اسلام تلوار کے زور سے نہیں پھیلا۔۔۔۔۔۔ سپین میں مسلم فاتحین داخل ہوئے انھوں نے تلوار اٹھائی مگرسپین کے ان حکمرانوں کے خلاف جنھوں نے دین اسلام کی دعوت کو قبول کیا اور نہ جزیہ دینا قبول کیا۔۔۔۔۔
فتح کے بعد وہاں کی غیر مسلم عوام نے جذیہ دے کے اپنے مذہب کے مطابق رہنے کا ہی فیصلہ کیا۔۔۔۔۔۔۔۔ اور جو اسلام کی حقانیت اور مسلمانوں کے قول و فعل کو دیکھ کر بخوشی اسلام لے ‏آئے ۔ ان پر کوئی جبر نہیں کیا گیا۔۔۔۔۔۔۔۔۔۔۔۔۔۔۔۔۔۔ یہی وجہ ہے کہ سپین کی فتح کے 9000 سال بعد بھی جب قرطبہ کا سقوط ہو رہا تھا تو یہی عیسائی وہاں اہم کر دار ادا کر رہے تھے جن کے باپ دادا کو مسلمانوں کے بزور شمشر اسلام میں نہ تو داخل کیا۔ نہ ان کو علاقے سے بے دخل کیا اور نہ ہی ان کا قتل عام کیا۔۔۔۔۔۔۔۔۔۔۔ جیسا کہ 900 سال بعد ان کی ‏آل ا ولاد نے مسلمانوں کی نالائقی کی وجہ دیکھا۔