اصل مراسلہ منجانب : معظم

السلام علیکم!

اگر زندگی اور حالات نے اجازت دی تو انشاءاللہ پورے وطن کی سیر کرنی ہے۔۔

اصل مراسلہ منجانب : فاروق سرورخان

بلوچستان کے جغرافیہ کے بارے میں میں پڑھتا رہتا ہوں۔ کچھ مزید معلومات شئیر کرنا چاہوں گا۔

ہزار گنجی نیشنل پارک کے بارے میں یہ لنک بھی دیکھئے۔

بلوچستان معدنیات کی دولت سے مالا مال ہے، لیکن سطحی طور پر زیادہ تر بنجر ہے۔ اس کے ہزار گنجی (‌ہزار خزانہ والا) نیشنل پارک کے علاوہ ہنگول نیشنل پارک خوبصورت علاقہ ہیں۔ ہنگول بلوچستان کا طویل ترین دریا ہے، جو کہ تقریباً 350 میل تک بہتا ہے۔ یہ دریا کوئٹ کے جنوب میں واقع پہاڑوں کی برف سے نکلتا ہے اور بہت سے برساتی ندی نالہ اس میں آکر ملتے ہیں جو بہتے بہتے بحیرہ عرب میں جا گرتے ہیں۔ ہنگول نیشنل پارک کے لئے یہ لنک دیکھئے ۔ کہا جاتا ہے کہ مائی ہنگول نام کی ایک ہندو عورت یا شہزادی کے نام سے ہنگول مندر مشہور ہے۔ یہ دریائے ہنگول کے کنارے پر ایک چھوٹے سے غار میں واقع ہے۔ ہندو پاکستان بننے سے پہلے سے اس مقام پر جاتے رہے ہیں۔ اس مندر کا تذکرہ ہندو دیو مالائی کہانیوں میں‌ ملتا ہے۔ آج بھی ہندو زائرین یہاں پر کراچی اور گرد و نوح سے آتے ہیں۔

ایک تیسرا اہم مقام بھی بلوچستان میں ہے۔ یہ ایک ایسی جھیل تھی جو پہاڑوں کے اوپر واقع تھی۔ اس کے اب صرف نشان رہ گئے ہیں۔ آپ اب بھی اس لیک کو گوگل میپ gurad, Pakistan اور balaru کے درمیاں کچھ مغرب میں دیکھ سکتے ہیں۔ اس جھیل کا شمالی حصہ سلامت ہے ، لیکن جنوب مغربی حصہ ٹوٹ چکا ہے جس کی وجہ سے اس جھیل میں اب پانی نہیں ہے۔ البتہ بارشوں کے دورن کئی چھوٹے بڑے ندی نالے اس سے نکل کر بحیرہ عرب میں بہتے ہیں۔ صدیوں میں‌ہونے والی تبدیلیوں نے پانی کے بہت بڑے بڑے دائرے نما نشانات ارد گرد کے پہاڑوں پر چھوڑے ہیں، جس سے اندازہ ہوتاہے کہ کس طرح آہستہ آہستہ یہ جھیل وقت کے ساتھ ساتھ بہہ گئی۔ یہ جھیل غز آب سے ارمارا یا اومارا تک کے علاقہ کے کے شمال میں واقع تھی۔

اسی طرح کی ایک جھیل جس میں کہیں کہیں پانی ہے۔ مکران کوسٹل ہائی وے کے جنوب میں قلات کے علاقہ میں ماکولا کے جنوب میں‌بھی دیکھی جاسکتی ہے۔ یہ جھیل بھی امتداد زمانہ کا شکار ہے ، سمندر سے مل جانے کی وجہ سے کہیں کہیں اس کا پانی کھارا ہے۔ ممکن ہے مستقبل میں بند باندھ کر اس کو باقاعدہ جھیل بنایا جاسکے۔

بنیادی بات وہی ہے جو ام طلھہ نے کہی ہے کہ امن امان کے بغیر اس علاقہ میں گھوما پھرا نہیں جاسکتا۔