ھارون اعظم

مجھے بہت حیرت ہوئی جب ایک پوسٹ میں پاک نیٹ کے ذیلی ناظم wajee نے یہ کہا کہ پاکستان بنا کر بہت غلطی کی۔ ہر کسی کی اپنی رائے ہوسکتی ہے، اور کسی کو اپنی رائے کے اظہار سے نہیں روکنا چاہیئے۔ لیکن پاک نیٹ کو ہم مِنی پاکستان سمجھتے ہیں اور اگر پاک نیٹ کے ذیلی ناظمین اس طرح کی باتیں کریں گے تو نہایت ہی نامناسب بات ہے۔

میری انتظامیہ سے درخواست ہے کہ wajee صاحب سے اس کی وضاحت طلب کی جائے۔ میں بہت افسوس کے ساتھ یہ درخواست کر رہا ہوں کیونکہ ہمارے آپس کے اختلافات کتنے بھی زیادہ کیوں نہ ہوں، لیکن بات پاکستان کے خلاف ہو، مجھ سے برداشت نہیں ہوا۔ اس لئے میری درخواست کو براہِ کرم کسی ذاتی پسند اور ناپسند سے بالاتر ہو کر دیکھا جائے۔ امید ہے انتظامیہ مجھے مایوس نہیں کرے گی۔

نیچے اس پوسٹ کا لنک دے رہا ہوں۔

شہر قائدکا الميہ

shafresha

ھارون بھائی السلام علیکم،
یہ وجیہہ صاحب کا اپنا نقطہِ نظر ہے اور فورم کی انتظامیہ اُن کے اس نقطہ نظر کی حمایت نہیں کرتی!

ھارون اعظم

مجھے ان کے ذاتی نقطہ نظر کا احترام ہے، لیکن پاک نیٹ کے ناظمین کے لئے کوئی ضابطہ اخلاق نہیں ہے کیا؟ اور یہ پوسٹ میں نے اس لئے لکھا کہ مجھے بہت دکھ پہنچا، ورنہ مجھے کسی کی شکایت کرتے ہوئے خود بھی بہت برا لگ رہا تھا۔

wajee

جناب مجھے بھی کسی نے یہ کہہ کر لکھوایا ہے اگر آپ کے گھر والوں کے ساتھ وہ سلوک ہو تو پھر پتہ چلے ۔ جس پر بتتی ہے یہ اُس سے پوچھوں۔ ٹارگیٹ کلینگ ، جوبوں کا نہیں دینا صرف زبان پر ، دھماکوں میں بھی ہم تو۔۔۔۔۔۔۔۔۔۔۔

__________________

فیضان صديقی ,سندھ

ميں پاک نيٹ کا نووارد ممبر ہوں اور يہاں کا ماحول ديکھ کر مجھے اپنائيت سی محسوس ہوئ- پر جب مينے اپنی ہی پوسٹ ميں فورم کے ايک ”عہديدار” کو ملک اور ہجرت کرکے آنے والوں کے خلاف لکھتے ديکھا تو مجھے شديد حيرت ہوئِ-

ھارون اعظم

ہمارے مہاجر بھائیوں کے ساتھ جو کچھ امتیازی سلوک ہوا ہے، اس کی کوئی بھی ذی شعور پاکستانی حمایت نہیں کرسکتا۔ لیکن ان باتوں کو بنیاد بنا کر پاکستان کی بنیادوں کو کھوکھلا کرنے کی کسی بھی کوشش کو ہم کبھی بھی برداشت نہیں کریں گے۔
اور پھر کچھ شرپسند عناصر نے جس طرح کراچی کا امن تباہ کیا ہے، وہ بھی کسی سے پوشیدہ نہیں ہے۔ تالی ایک ہاتھ سے نہیں بجتی!!!

wajee

آہ امتیازی سلوک جب کسی کو اسکا حق نہیں دیا جاتا تو بڑے سے بڑے سانحے جنم لیتے ہیں۔ یہ تو حقیقت ہے ۔ اور ہاں ہم مہاجر نہیں اردو ہیں

فرحان دانش

مہاجروں کے ساتھ بہت امتیازی سلوک ہوا ہے ۔ لیکن کبھی کسی مہاجرنے پاکستان کے خلاف کوئی بات نہیں کی ۔ اور ایک مہاجر ہونےکے ناطے میری خواہش ہے کہ پاکستان کے خلاف لکھے جانے والے تمام الفاظ کو فورم کی کاروائی سے حذف کیا جائے۔

__________________

ھارون اعظم

فرحان بھائی کی تائید کرتا ہوں۔

فیضان صديقی ,سندھ

میں بھی آپ حضرات سے متفق ہوں

حیدر

ہوں حیران دنیا کیا سے کیا ہو جائے گی۔ پاک نیٹ تو بہت بدل چُکا اتنے دنوں میں

راجہ اکرام

یہ سچ ہے کہ ہر کسی کا اپنا نقطہ نظر ہے، لیکن ہر نقطہ نظر ہر جگہ پر بیان نہیں کیا جاتا ۔ ورنہ مسائل جنم لیتے ہیں
یہ بھی سچ ہے کہ جس پر بیتتی ہے اسے ہی معلوم ہوتا ہے ۔۔۔ جذبات میں انسان بہت کچھ کہہ جاتا ہے، لیکن۔۔۔۔ کمال یہ ہے کہ جذبات میں بھی انسان اپنے اوپر قابو رکھے، اور کوئی ایسی بات نہ کہے جس پر بعد میں پریشانی کا سامنا کرنا پڑے۔
انسان کا پتہ ہی دو حالتوں میں چلتا ہے، یا عیش میں یا پھر طیش میں، اور جو ان میں اپنے حال پر قابو پا گیا وہ کامیاب انسان ہے۔

اس لئے میری یہ تمام احباب سے گزارش ہے کہ اپنے جذبات کا اظہار کیجئے، لیکن ایسا کچھ مت کہیئے جس سے کسی کی دل آزاری ہو، جس سے وطن عزیز پر کوئی حرف آئے یا جس سے اتحاد و اتفاق کی فضا خراب ہو سکتی ہو۔

__________________
محتاج اصلاح و دعا

فیصل ناصر

کیا آپ لوگوں کو یہ محسوس نہیں ہورہا کے ہم پٹرول سے آگ بجھانے کی کوشش کررہے ہیں
وقاص نے اگر کچھ کہا ہے تو اس کا تجزیہ کرنے کی ضرورت ہے اور اس کو باور کرانا چاہئے کے تمہاری سوچ میں کیا کمی اور غلطی ہے نا کہ ڈنڈا اٹھا کر اس کے پیچھے لگ جائیں " پڑھ نماز کر سجدہ "
وقاص کو میں اچھی طرح جانتا ایک مخلص اور محب وطن بچہ ہے
لیکن اس وقت سیاسی اداکاروں اور فارن ایجنسیوں کے پے رول پر موجود ہائر اتھارٹیز نے اس ملک جو حال کر دیا ہے اس نے ہمارے نوجوان طبقے کو خاص طور پر فرسٹیڈ کیا ہوا ہے کیونکہ اس طبقے کو اپنا مستقبل کیا نظر آتا ہوگا ؟
غصے میں بھرے ان نوجوانوں کو استعمال کرنا بہت آسان ہوجاتا ہے

میرے کسی بچے کے ذہن میں کوئی غلط سوچ پروان چڑھے گی تو میں اس کو حقائق بتانے اور صحیح سمت کی نشاندہی کروں گا ناکہ اس کو گھر سے نکال دونگا

یہاں وقاص کو ہم ایک مثال کو طور پر لیں تو کیا ہمارا بحیثیت ایک پاکستانی قوم کیا پورے ملک میں‌ہمارا یہی رویہ نہیں ہے ؟
اگر ہاں‌ ! تو ہمیں اپنی سوچ کو بڑا کرنے کی ضرورت ہے

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

شریف

مہاجروں بہت امتیازی سلوک ہوا ہے لیکن کبھی کسی مہاجرنے پاکستان کے خلاف کوئی بات نہیں کی ۔میری خواہش ہے کہ پاکستان کے خلاف لکھے جانے والے تمام الفاظ کو فورم کی کاروائی سے حذف کیا جائے۔
فرحان بھائی کی تائید کرتا ہوں۔

دوسری بات یہ کہ ہر آدمی جس نے ہجرت کی چاہے وہ اردو ، سندھی ، بلوچی ، پشتو ، پنجابی کوئ سی زبان بولتا ہو وہ مہاجر ہے ۔ اگر وہ نہیں کہلواتا تو دوسری بات ہے ۔ لیکن ہے وہ مہاجر ہی

منتظمین

مہاجر ہونا کیا وراثت میں ملتا ہے؟ کیا انے والی اگلی دس نسلوں کو بھی اپ مہاجر ہی کہیں گے؟

__________________
تم سپاہی نہیں ہو پیشہ ور قاتلو!