گوہر

100 مراسلات مکمل ہونے پر ایک مختصر سا تعارف جو کہ ایک مقامی میگزین کی زینت بنا!
تعارف
"محمد الطاف گوہر ، لاہور کے ایک تعلیمی ادارہ کے سربراہ ہیں ،جبکہ انکی تعلیم ماسٹرز ان کمپیوٹر سائنسز کے علاوہ ایم ایس سی سائیکالوجی ہے اور اب، پی ایچ ڈی کے طالبعلم ہونے کے ساتھ ساتھ انٹرنیٹ کی تقریباً تمام اردو ویب سائٹس کے رائٹر بھی ہیں۔ انکی تحاریر افکار تازہ اور جدت کو سمیٹے ہوئے متحرک، مگر زندگی سے بھرپور الفاظ کی مالائیں ہیں جو کہ مائنڈ سائنس ، تصوف، ممکنات کی روشن راہیں ، نفسیاتی، سماجی و معاشی مسائل کے حل ، جدت اور اسلامی موضوعات کے موتیوں کو پروئے ہوئے ، ہر عمر اور شعبہ زندگی کے ا فراد کو جمود سے ایک دعوت ِعمل اور نئی راہ ِ منزل دیتی ہیں۔ "لذتِ آشنائی" انکی زیر طباعت کتاب کا نام ہے جسکے مضامین گاہے بگاہے اردو قومی اخبارات ، میگزین اور انٹرنیٹ کی دنیا کی مشہور اردو ویب سائٹس کے علاوہ دنیا کے واحد آن لائن انسائیکلوپیڈیا ، وکیپیڈیا کی زینت بنتے رہتے ہیں جن میں سے مراقبہ کے موضوع پر انکی لاثانی تحاریر پوری دنیا میں ایک مکمل ماخذ کی حیثیت رکھتی ہیں۔علاوہ ازیں اکثر اوقات، انکے تخلیقی، تحقیقی اور معلوماتی مضامین تمام اردو محافل اور فورم میں موضوع ِ بحث بھی رہتے ہیں"۔

سائرہ علی

گوہر بھائی 100 پوسٹس مکمل ہونے پر آپکو مبارک ہو اور آپ کے بارے میں‌جان کے بہت اچھا لگا
اور بھائی کیا آپ مجھے بتاسکتے ہیں کہ ایک اچھا رائٹر بننے کےلئے کیا کیا خصوصیات موجود ہونی چاہئیے ایک انسان میں کیوں کہ مجھے لکھنے کا بہت شوق ہے مگر میں جھجکتی ہوں لکھتے ہوئے

__________________
مجھے تم سے محبت ہے !

shafresha

مُبارک ہو گوہر بھائی اب آپ "مقبول" بن چکے ہیں!

گوہر

شکریہ آپکی آرا کا!
اچھا رائٹر یا اچھا لکھاری میرے نزدیک وہی فرد ہو سکتا ہے کہ جسکا علم زیادہ ہو، مشاہدہ گہرا ہو اور کسی بھی عنوان پر لکھتے ہوئے اس کے تمام پہلو کو ملحوظ خاطر رکھے، اسکے علاوہ اردو زبان جو کہ مختلف زبانوں کا لشکر ہے صرف اس پر اکتفا نہ کرے بلکہ فارسی کے الفاظ کو استعمال کرکے دریا کو کوزے بند کرتا رہے۔ مسلسل لکھتا رہے لکھتا رہے ، اور ۔۔۔۔۔رانجھا رانجھا کردی نی میں آپے رانجھا ہوئی ۔۔۔۔۔۔ امید ہے کہ ایک وقت میں وہ اچھا رائٹر بن جائے گا/گی۔
البتہ اگر کہیں سے چشمہ الفاظ جاری ہوجائے تو اس کی کیا کہنے ، ہر لکھنے والے کا اپنا ہی ایک انداز ہوتا ہے جو اسے دوسروں سے ممتاز کرتا ہے ۔۔۔ میرا لکھنے کا سفر صرف دو ماہ کا ہے ، یعنی ایک سال پہلے ایک ماہ میں چند مضامین لکھے اور اب دوبارہ ماہ رمضان میں سلسلہ شروع کیا تو یہ اب تک قائم ہے ۔۔۔۔

سائرہ علی

بھائی بہت شکریہ آپ نے بہت کارآمد باتیں بتائی ہیں
اگر میں لکھنا چاہو تو مجھے سب سے پہلے کیا لکھنا چاہئے

گوہر

لکھ دیجئے اک ۔۔۔۔۔
تحاریر کسی موضوع کی محتاج نہیں ہوتیں بلکہ موضوع تحریر کے بطن سے جنم لیتے ہیں۔۔۔
وہ احساسات، خیالات کی بہتی رو جو تندئ طولانی میں ہو ۔۔۔اظہار چاہتی ہے ۔۔۔۔۔
میرے پاس تو میرے تحریری کردار لڑ رہے ہیں کہ اب کسی کی باری ہے کہ آشکار ہو۔۔۔
جو کچھ احساسات میں ہے ، تصورات میں ہے اور من میں ہے لکھ دیجئے ۔۔۔۔ خود ہی تحریر بن جائے گی۔۔۔

سائرہ علی

بھائی بہت شکریہ راہنمائی کا
میں کوشش کرتی ہوں کچھ نہ کچھ لکھنے کی پھر آپ کو دیکھائوں گی

یاسر عمران مرزا

گوہر صاحب، ہاں میں نے آپ کو کافی جگہ پر دیکھا ہے، جیسے فیس بک، اردو فورمز اور بلاگنگ کی دنیا میں ، آپ کی تحاریر میں کافی پختگی ہے۔ بہت شکریہ

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

عامرشہزاد

گوہر بھائی 100 پوسٹس مکمل ہونے پر آپکوبہت بہت مبارک ہو

ملک بھائی

گوہر بھائی ہمیشہ خوش رہیں اور ہمارے لئے کچھ نہ کچھ لکھتے رہیں
اللہ آپ کی عمر دراز کرے

ایس اے نقوی

اسلام و علیکم!
قابل احترامم گوہر صاحب سب سے پہلے تو معذرت کہ آپ کی سو پوسٹ مکمل ہوئیں اور انکی مبارک کےلئے نیلم یہاں موجود نہ ہیں ورنہ وہ دھماکہ کر دیتی وہ تو اس کےلئے ماہر ہے
اور آپ کو مبارک ہو انتظامیہ کی جانب سے اور مبارک کہ اب آپ مقبول بھی بن چکے ہیں اور انشاء اللہ وہ وقت دور نہیں جب آپ فورم کی جان بھی بن جائیں گے
پاک نیٹ انتظامیہ کی جانب سے سو مراسلات مکمل ہونے پر آپ کو 500 پوائینٹ انعام دیا جاتا ہے

ڈاکٹرنور

الطاف گوہر بھائی
السلام علیکم
آپ سے یک طرفہ تعارف تو پہلے سے ہے۔۔
فیس بک پر آپ کی تحریریں پڑھی ہیں اور فالوور بھی ہوں۔۔
ماشاءاللہ بہت اچھا لکھ رہے ہیں
لیکن تعارف مکمل چا ہیے آپ کا ۔۔۔
اتنا ادھورا تعارف ۔۔۔
نہیں چاہیے۔۔
اگر سیکورٹی رسک نہ ہو تو مکمل تعارف سے نوازیں

حیدر

گوہر صاحب 100 پوسٹس مکمل ہونے پر آپکوبہت بہت مبارک ہو

محمدخلیل

مائنڈ سائنس کے بارے میں میری بھی بہت سٹڈی ہے۔۔
میں ڈاکٹر مہیظ سے بھی ملا ہوں اس سلسلے میں

__________________
جب تک میری انفریکشن ختم نہیں ہوگی میں فورم میں نہیں آونگا۔

گوہر

آپ سب کا بہت شکریہ !
میرا مکمل تعارف تو میری تحاریر سے جھلکنا چاہیے کیونکہ نہ تو میں پروفیشنل رائٹر ہوں اور نہ ہی یہ میرا روزگار ہے ورنہ قلم کا جھکاو اپنا تعارف خود کروا دیتا ہے۔
بچپن سے مظاہر قدرت کا نظارہ کرنا اور فطرت کے رموز و اسرار میں دلچسپی رہی ، نوجوانی میں " لذتِ آشنائی" کا "شوق" پیدا ہوا ، در در کے دھکے کھائے اور صرف نیم حکیم خطرہ جان نما لوگوں سے شناسائی ہوئی ۔البتہ " پر اسرار بندوں" کی تلاش جاری رہی ۔۔مگر ساتھ ساتھ سلسلہ تعلیم بھی جاری رہا۔ نوجوانی میں ایک بار کراچی کی ایک شخصیت " رئیس امروہوی" کو رہنمائی کی خاطر رابطہ کیا اور "لذتِ آشنائی" کا تذکرہ کیا مگر جناب نے تشنہ لب سیراب تو نہ کئے البتہ روزنامہ جنگ میں اپنے ایک کالم میں میرا تذکرہ کر کے مجھے متعارف کروایا جوکہ میر ے لئیے زحمت ثابت ہوا ، کہ کم عمری بھی اور ملنے والوں کی آمدورفت بھی ۔۔
کمپیوٹر سائنس کی تعلیم کے بعد ایک تعلیم ادارہ کی سربراہی اور فارن سٹڈیز کی مشاورت شروع کی، یورپ کی مفت تعلیم متعارف کروائی جبکہ 2004 میں پنجاب بار کونسل نے اپنا ایڈوائزر فارن سٹڈیز مقرر کیا جو تا حال برقرار ہے۔۔۔
علاوہ ازیں قلمی سفر بہت کم ہے جو کہ میرا اور پرنٹ میڈیا کا پل بنا۔
گذشتہ برس ماہ رمضان میں "لذتِ آشنائی" جو کہ لذت کے شبنمی موتیوں کیطرح میری روح اور قلب کو سیراب کرتی ہے ، کو احاطہ تحریر میں لایا مگر صرف ذاتی ڈائری کی شکل میں ۔ "لذتِ آشنائی" میرے ذہن ، روح اور قلب کی یکسوئی کی پرواز ہے جو ایک شہکار ثابت ہوئی ۔ ابھی چار اقساط لکھی تھیں کہ الفاظ کو پر لگ گئے اور نہ چاہتے ہوئے بھی روزنامہ نوائے وقت لاہور کو بجھوا دیے اس شرط پر کہ نظامی صاحب صرف ایک بار پڑھ ضرور لیجیے گا اگر قابل اشاعت ہو تو شائع کر دیجئے گا اگر ناقابل اشاعت ہوئے تو کم از کم اسکو ردی کی ٹوکری کی زینت نہ کیجئے گا کیونکہ اس تحریر کی واردات میں ایک ایک موتی میں نے چن کر پرویا ہے اس مالا کو میں بکھرتا دیکھ نہیں سکتا ۔۔۔۔۔
روزنامہ نوائے وقت کا میں مشکور ہوں جو تحریر شناس ہونے کے ساتھ ساتھ جوہر شناس بھی ہیں کہ انہوں تسلسل کے ساتھ "لذتِ آشنائی" کی پرواز کو بلند کر دیا اور اپنے ملی ایڈیشن میں شائع کرکے اسے ناقابل تسخیر کردیا۔۔۔ میری بے باکی اور منفرد اسلوب کے باعث مجھے کچھ خدشات بھی ہوئے مگر اللہ کا فضل و کر شامل حال ہے۔
اس بار کی رمضان میں دوبارہ لکھنے کا منطقہ سلسلہ شروع کیا جو گزشتہ برس کیطرح عید پر اپنے انجام کو پہنچ گیا۔۔
مگر اس کے بار قارئین اور چند ایک ”تشنہ” لب جو سیراب ہونے کو ہیں ۔۔۔ ان کی فرمائش پر اپنے قلم کو تحریروں سے شناسا رکھا ۔۔۔۔۔۔
الفاظ ہیں کہ بیتاب ہوتے ہیں ۔۔۔ میرے متعارف کردہ کردار ہیں کہ احاطہ تحریر میں آنے کی خاطر لٹر تے ہیں ۔۔۔ موضوع ہیں کہ آشکار ہونے کو ہیں ۔۔۔ امید ہے کہ ادھوری " لذتِ آشنائی" جلد مکمل ہو جائے گی اور تشنہ لب بھی سیراب ہو جائیں گے ۔۔۔البتہ دیگر معاملات اور موضوعات بھی احاطہ تحریر میں آتے رہیں گے ۔۔۔۔و سلام
الطاف گوہر- لاہور