شاکرالقادری

بسم اللہ الرحمن الرحیم
تمام اراکین کی خدمت میں سلام مسنون
اور نیک تمنائوں کا ہدیہ

مجھے پاکستان کی آواز اور پااکستان کے فورمز
پر شمولیت اختیار کرکے یک گونہ روحانی مسرت ہوئی
فورم کے نام اس کی ترتیب و تدوین اور فورم کے لیے منتخب کیے گئے رنگ فورم کی زبان غرض ہر چیز سے حب الوطنی اور پاکستان دوستی کی جو مہک آرہی ہے اس نے میرے قلب و جان کو سرشار کردیا اور مجھے یک گونہ اطمینان نصیب ہوا کہ ابھی کچھ لوگ ایسے ہیں جو اپنے قومی تشخص کی بحالی اور اس کے فروغ کے لیے کوشاں ہیں

انٹر نیٹ پر اردو کے نام پر اردو زبانسے مزاق تو بڑی دیر سے جاری ہے لوگ رومن حروف میں اردو لکھ لکھ کر اپنی قومی زبان کے الفاظ کے معانی اور ہجے تک فراموش کر چکے ہیں
لیکن ایسے میں بھی کچھ لوگوں کی موجودگی ہمارے لیے غنیمت ہے جو انٹر نیٹ پر فروغ اردوں کے لیے انتہائی خلوص کے ساتھ اپنی بے لوث کوششوں میں شبانہ روز مصروف ہیں ایسے ہی لوگوں میں اس فورم کے منتظمین بھی شامل ہیں جو یقینا ہمارے لیے بااعث افتخار ہیں ہم انکی خدمات کو سلام پیش کرتے ہیں
تاہم ـــــ میں نے محسوس کیا ہے کا اس فورم کی لغت پر بہت زیادہ توجہ کی ضرورت ہے یہاں پر اردو ترجمہ کرنے والے صاحبان نے غریب﴿ یعنی اجنبی﴾ نامانوس اور غیر فصیح الفاظ کو استعمال کیا ہے اس فورم کی لغت پر مکمل طور پر نظر ثانی کی ضرورت ہے
میری تجویز ہے کہ یہاں باقاعدہ ایک سلسلہ گفتگو آغاز کیا جائے جس میں پڑھے لکھے اراکیں سے فورم کی زبان کے بارے میں تجاویز طلب کی جائیں اور مجوزہ الفاظ ومرکبات کو مشورہ کے بعد آہستہ آہستہ تبدیل کیا جاتا رہے
اس طرح یہ اہم کام غیر محسوس طور پر انجام پا جائے گا
اور ہم اپنی قومی زبان کے فروغ کے معاملہ میں سرخرو ہو سکیں گے

محمدعدنان

جناب سب سے پہلے تو خوش آمدید امید ہے کہ آپ کا اور ہمارا ساتھ بہت اچھا گذرے گا انشااللہ۔

جناب بہت مہربانی کہ آپ نے اتنی باریک بینی سے فورم کا مشاہدہ کیا۔

جناب آپ کی بہت مہربانی ہوگی کہ اگر آپ پوائینٹ آئوٹ کردیں کہ کہاں کہاں درستگی کی ضرورت ہے۔

ایک دفعہ پھر بہت شکریہ

__________________

منتظمین

والسلام!
شاکر بھائی اپ کے فورمز کا ممبر بننے پر جتنی خوشی مجھے ہوئی ہے اپ اس کا سوچ بھی نہی سکتے۔۔
اپ کی نیک خواہشات اور نیک جذبات کا نہائت تہ دل سے شکریہ۔

جہاں‌تک اپ نے لغت کا ذکر کیا ہے اس میں کچھ بہت ہی غلط قسم کے الفاظ بھی شامل تھے جو رفتہ رفتہ نکال دیے گے ہیں۔ اگر اپ ہمارا ساتھ دیں تو ہم اس کو فصیح قسم کی زبان میں بدل سکتے ہیں۔ ہم فورمز کے اردو ترجمہ کرنے والے حضرات کے تہ دل سے شکرگزار ہیں- لیکن جیسا کہ اپ نے فرمایا ہے اس پر ابھی بہت کام ہونے والا ہے۔۔۔

میرا پرابلم یہ ہے کہ میں ایک ٹیکنیکل قسم کا بندہ ہوں- اور اسی قسم کے کاموں میں ماہر ہوں۔ میں اپنی مقدور بھر کوشش کرتا ہوں اس معاملے میں مگر اپ جیسے ماہر ملیں گے تو کچھ کام آگے بڑھے گا۔۔۔

اپکی رائے اور توجہ کے طلب گار۔۔

__________________
تم سپاہی نہیں ہو پیشہ ور قاتلو!

وقار احمد

بسم اللہ الرحمن الرحیم
تمام اراکین کی خدمت میں سلام مسنون


عدنان بھائی آپ تو چھا گئے ھین۔ اللہ آپ لوگوں کو کامیاب کرے۔

Have a nice day with u

شکریہ!

زبیر

شاکر قادری صاحب آپ یقیں نہیں‌کریں گے کہ مجھے آپ کے یہا ں آنے سے کتنی خوشی ہوئی ہے اگر آپ کا ساتھ ہمارے ساتھ رہا تو انشاءاللہ تمام اردو لغت کی غلطیاں ختم ہو جائے گی ۔ ہمیں‌امید ہے کہ ہمارا آپ سے ساتھ بہت اچھا رہے گا ۔ میں‌آپ کو فورمز پر خوش آمدید کہتا ہوں

__________________
[SIGPIC][/SIGPIC]

محمدعدنان

شاکرالقادری

سب سے پہلے تو اس قدر گرمجوشی سے استقبال کرنے پر تہہ دل سے امڈتے ہوئے شکر گزاری کے جذبات کو قبول فرمایئے
جس انداز میں آپ لوگوں نے مجھے خوش آمدید کہا ہے اس سے مجھے گمان ہوتا ہے کہ شاید آپ لوگوں کے لیے میں نیا نہیں ہوں
گویا تعارف کرانے کی چنداں ضرورت نہیں
البتہ میں فورم کے دیگر ارکان سے بالعموم اور منتظمین سے بالخصوص متعارف ہونا چاہوں گا
میں کوشش کروں گا کہ حتی المقدور آپ لوگوں کے ساتھ مل کر فورم کی بہتری کے لیے کام کروں میں اگر کسی کام آسکوں تو مجھے خوشی ہوگی
اردو محفل اور ایسے ہی کئی دوسرے فورممز موجود ہیں جن پر اردودان طبقہ کی ایک کثیر تعداد اپنے ذوق کی تسکین کرتی ہے اور ان اردو چوپالوں پر بطور رکن ان کے استعمال اور ان سے استفادہ کی ابتدائی معلومات تقریبا تمام لوگوں کو ہیں اور لوگ ایک لغت کے عادی ہو چکے ہیں
گوکہ ان تمام اردو چوپالوں پر لغت کا معیار بہت بہتر نہیں لیکن چونکہ لوگ اس لغت سے مانوس ہو چکے ہیں اس لیے کوشش یہ ہونا چاہیے کہ اس فورم پر بھی تمام تر جدت پسندی کے باوجود دوسرے فورموں کی لغت اور سکن﴿پوشاک﴾ سے کچھ اس طرح کی مطابقت ضرور رہنا چاہیے کہ وہاں کے عادی لوگ یہاں آکر اپنے آپ کو یکسر اجنبی ماحول میں نہ پائیں اور انہیں ایک مرتبہ پھر نئے تراجم اور نئی پوشاک کی تفہیم میں الجھن نہ ہو
اس طرح نہ صرف فورم کے اراکین کو سہولت ہو گی بلکہ تمام اردو چوپالوں کے اراکین کے مابین روابط بھی استوار رہیں گے اور آسانیاں بھی پیدا ہونگی

محمدعدنان

منتظمین

شاکر بھائی ہم اپکے ساتھ ٹیم کے کچھ ممبر اور میں خود بھی لگ جاتا ہوں‌اور میرا خیال ہے کہ کچھ ہی دنوں‌میں‌ہم لغت کا مسلہ حل کر لیں گے۔ میں اج اپکو ذاتی پیغام بھیجتا ہوں اس کے بعد ایک پورا نظام کار بنا لیتے ہیں۔

والسلام

محمدعدنان

بالکل صحیح فرمایا جناب نے

عبدالقدوس

شاکر بھائی اسلام علیکم

ہمارے لیے یہ ایک خوش آئند بات ہے کہ آپ اس فورم پر آئے اور میرے لیے تو خاص کر ہو گئ کیونکہ مجھے تو آپ سے سیکھنے کا مزید موقعہ میسر آئے گا.انشا اللہ

__________________

شاکرالقادری

آپ تمام احباب کی ذرہ نوازی ہے ورنہ بندہ کس قابل

میں نے ذاتی پیغامات بھیجنے کی کئی بار کوشش کی لیکن ہر بار ناکام رہا

میں دراصل اسلامی شعبہ کے لیے اپنی طالب علمانہ خدمات پیش کرنا چاہتا تھا

لغت کے معاملہ مییں گزار ش ہے کہ میں یہاں ایک فہرست مرتب کرتا جائوں گا اور پھر تمام اراکین اس پر بات چیت کر کے مناسب الفاظ کا چنائو کرتے جائیں اور انتظامیہ تبدیلی کے عمل کو انجام دیتی رہے گی

تو بسم اللہ کرتا ہوں

1ـــ رائے دہی ـــــــــــــــــ رائے شماری
2ـــ اقتباس ڈالیں ــــــــــــ اقتباس لیں
3ـــ کیلنڈر ــــــــــــــــــــــ تقویم
4ـــ ممبران ـــــــــــــــــــــ اراکین
5ـــ ممبر ــــــــــــــــــــــــ رکن
6ـــ گھر ـــــــــــــــــــــــــ صفحہ اول
7ـــ مراسلہ کیا گیاـــــــــ مرسلہ
8ـــ آخری پیشی ـــــــــــ آخری آمد
9ـــ میرے پیغامات ــــــــــ ذاتی پیغامات
10ـ پروفائل ـــــــــــــــــــ رکن کے کوائف

جاری ہےـــــــــــــــــــــ!

منتظمین

بہت زبردست۔۔۔ میرا خیال ہے کہ اپکو سٹاف کا درجہ دے دیا جائے تو زیادہ آسان ہو جائے گا۔

انشاءاللہ اج یہ ہو جائے گا۔۔۔

منتظمین

شاکر صاحب اپکی تجویز کردہ تبدیلیاں کر دی گئی ہیں۔ میں اقتباس ڈالیں کو تلاش نہیں‌ کر سکا۔۔ اور کیلنڈر تقویم سے زیادہ اچھا اور عام فہم ہے۔۔ اپ کی طرف سے مزید کا انتظار رہے گا۔

آپ نے مذہبی سیکشن میں‌ شمولیت کی خواہش کی تھی اس کے لیے ذاتی پیغام بھیجیں۔

اپکے تعاون کا شکر گزار۔۔

اینڈی

بہت خوب شاکر بھائی،،،،،، جزاک اللہ