عرفان حیدر

سلام،

یہاں پر ممبران اس پابندی پر تبادلہ خیال کرسکتے ہیں۔

وسلام

فاروق سرورخان

جب لوگوں‌کے پاس دلیل ختم ہوجاتی ہے تو وہ ذاتیات پر اتر آتے ہیں۔ ایسا کرنا ایک معیوب کام ہے۔ ایسی حرکت کی ہمت شکنی کرنی چاہئیے اس کے لئے پابندی لگانا ضروری نہیں ، لیکن تحریر کے وہ حصے جس میں ذاتی حملہ ، کردار کشی یا کسی کے جذبات، ایمان و ایقان، مذہب، رنگ، ملت کا مذاق اڑایا جائے اس کو ایک مرتبہ منع کیا جائے اور اس پر صرف ایک ہفتے کی پابندی لگا دی جائے۔

عرفان حیدر

سلام،

اور اگر وہ پھر بھی باز نہ آئے تو اس صورت میں کیا کیا جائے؟؟؟؟

وسلام

فاروق سرورخان

آپ نے بہت اچھا طریقہ اختیار کیا ہے۔ اصول سازی کسی بھی فرد واحد کے ہاتھ میں نہیں ہونا چاہئے ، میں‌صرف اور صرف تجویز کرسکتا ہوں ، میری تجویز یہ ہے کہ ایسے شخص کو معافی مانگنے کے لئے کہا جائے۔ اور اس سے کہا جائے کہ وہ کردار کشی، ذاتی حملوں‌ اور ذاتیات کی برائی اور ممانعت پر ایک مضمون لکھے ، جس میں موجودہ نکات سے کوئی نیا نکتہ پیش کرے۔ تمام مضامین ایک ہی دھاگہ میں لکھے جائیں تاکہ ایسا کرنے والا اسے سمجھ سکے کہ ذاتی حملہ اور کردار کشی ایک برا کام ہے۔ اصل بحث معاملہ پر ہونی چاہئے نہ کہ کسی کی شخصیت پر۔

اس کے بعد بھی اگر وہ ذاتی حملوں اور کردار کشی کی برائی کو نہ محسوس کرے تو اس کے بعد اس کا نام ایک ناپسندیدہ اور کم عزت افراد کی فہرست میں لکھ دیا جائے، اور اس کو موقع دیا جائے کے وہ یا تو چلا جائے یا اپنی حرکات کو درست کرنے کے لئے مثبت کام کرے تاکہ اس کو عقل آئے۔برے لوگوں کا ایک دھاگہ بنایا جائے جہاں لکھا جائے کہ زید ایک برا آدمی ہے، یہ کردار کشی کرتا ہے۔ اور ہر وہ شخص جو زید کو ناپسند کرتا ہو وہ اپنا شکریہ ادا کرے تاکہ پتا چلے کے کتنے لوگ ایسے ذاتی حملہ کرنے والوں کو ناپسند کرتے ہیں۔

ہم کردار کشی کیوں‌ کرتے ہیں؟
کردار کشی یا ذاتی حملہ کے پیچھے شخصیت پرستی، یا ہیرو پرستی کا جذبہ چھپا ہوتا ہے۔ درپردہ کردار کشی کرنے والا شخص اپنے لیے ایک نئے بھگوان کا بت تراشنا چاہتا ہے۔ جب وہ دیکھتا ہے کہ ایک شخص اس کے لئے ایک نیا خدا ثابت نہیں ہورہا ہے تو پھر یہ کردار کشی کرنے والا شخص اپنے غیر تراشیدہ بت کی برائیاں شروع کردیتا ہے۔ جو لوگ ایک اللہ پر یقین کامل رکھتے ہیں وہ کسی کی کردار کشی نہیں کرتے۔

کردار کشی ایک طرح سے کسی شخص کے کردار کو موت دینا ہے۔ گویا نظریاتی اختلافات کی سزا میں دوسرے شخص‌کو موت دے دی جائے۔ چاہے یہ موت جسمانی ہو یا کردار کی۔ جبکہ اللہ تعالی ---- لَكُمْ دِينُكُمْ وَلِيَ دِينِ (سو) تمہارا دین تمہارے لئے اور میرا دین میرے لئے ہے --- کا حکم دیتے ہیں۔

Farrukh

السلام و علیکم
اس سلسلے میں میرے ذھن میں ایک سوال اٹھا ہے، اور وہ یہ کہ "ذاتی حملوں یا کردار کشی" کا دائرہ کار کس طرح معین کیا جائے؟

مثلآ اگر میں کسی کو یہ بتاؤں کہ ان کا رویہ منافقانہ ہے اور اس سلسلے میں مناسب دلائل بھی دوں تو یہ کردار کشی اور ذاتی حملوں میں تو نہیں‌آتا، بلکہ کسی کو ان کے روئیوں‌کے بارے میں آگاہ کرنے کا طریقہ ہے۔ لیکن میں‌سمجھتا ہوں‌ اس دائرہ کار کے تعین کے لیئے کچھ اصول وضع کر دیئے جائیں۔۔۔

ہاں‌البتہ جیسا فاروق نے کہا کہ اگر کوئی بغیر دلیل کے یا بے بنیاد حملہ کرے یا لعن طعن کرے تو پھر اس ممبر کو سب سے پہلے وارننگ دی جائے اور بتایا جائے کہ ان کا رویہ غلط نہج پر جارہا ہے۔ اور اگر ان کا رویہ زیادہ ہی خراب ہو تو ایک ہفتے کی پابندی لگائی جا سکتی ہے۔ اس سے کچھ فوائید کی اُمید کی جاسکتی ہے، مثلآ وہ اپنے رویئے پر غور کر سکتے ہیں کہ اس وجہ سے پابندی لگی، اور اتنے عرصے میں ان کا غصہ یا جذباتی وبال کنٹرول میں‌ آسکتا ہے اور وہ اپنے رویے پر نظر ثانی کر سکتے ہیں وغیرہ وغیرہ۔

اور اگر اس ایک ہفتے کے ٹائم کے باوجود بھی وہ اپنا رویہ نہ تبدیل کریں تو پھر ظاہر ہے ان پر مکمل یا لمبے عرصے کی پابندی مجبوری بن جائے گی۔۔

میاں شاہد

جناب اس سلسلے میں‌پاک نیٹ‌اور تقریبآ ہر فورم پر واضع قوانین موجود ہیں‌ اور میرا کیال ہے کہ مناسب قوانین ہیں‌، ایسی حرکت کے مرتکب کو ایک یا دو یا تین وارننگ دی جاتی ہیں‌الفاظ‌کو حذف کر دیا جاتا ہے پھر کچھ دن کے لئے اس پر پابندی بھی لائی جاتی ہے اور جب دیکھا جائے کہ ممبر بار بار ایک ہی حرکت کا مرتکب ہو رہا ہے تو اس پر ہمیشہ ہمیشہ کے لئے پابندی لگادی جاتی ہے اور یہی ہر جگہ ہو رہا ہے بٹن دباکے اور یہ ایک ایسا قانون یا اصول ہے کہ اس کا صحیح‌استعمال بھی ہوتا ہے اور غلط بھی، اس میں کوئی پیمانہ نہیں ہے ، اگر ہم یہاں‌تبادلہ خیال کر کے کچھ ایسے پیرامیٹرز تجویز کر لیں جس سے اس قانون کا غلط استعمال رک جائے تو یہ کام کی بات ہے ورنہ میں‌نہیں سمجھتا کہ اس حوالے سے ہم کوئی نئی بات کر سکیں گے۔

__________________

ماسٹر مقسود

میں سمجھتا ہوں کہ پہلی غیطی پر معذ رت ضرور ہونی چاہیے
اور ایک موقع دیا جانا چاہیے
اس کے بعد کوءی پابندی ہونی چاہیے
ساری کارواءی کیونکہ کھلے عام ہی ہو گی ا سلیے ہمیں انتظامیہ پر اعتماد کرنا چاہیے

تانیہ رحمان ستارہ

میں ایک اور اخبار میں نگراں ھوں میرا طریقہ کار یہ ھے کہ میں وہ تحریر ھی ہٹا دیتی ھوں ۔ اس کا یہی طریقہ ھونا چاہئے ۔جب آپ کو اندازہ ھو رہا ھے کہ کوئی کسی کی ذاتیات پر حملہ کر رہا ھے۔ اور بات اپنی اہمیت کھونے لگی ھے تو اس تحریر کو ھی ختم کر دیا جائے ۔ اور سب کو بتایا جائے۔ تاکہ کوئی دوسرا ایسی کوئی حرکت نا کر پائے۔ یہ میری رائے ھے باقی آپ جو مناسب سمجھو

عبداللہ حیدر

میں شاہد بھائی کی بات سے اتفاق کرتا ہوں کہ اس بارے میں قوانین پہلے سے موجود ہیں اور بوقت ضرورت ان کا اطلاق بھی ہوتا رہتا ہے۔ تاحیات پابندی لگانا ٹھیک نہیں ہو گا، ایک ہفتے کی پابندی ٹھیک ہے، زیادہ تنگ کرنے والوں پر پابندی کی مدت بتدریج بڑھائی جا سکتی ہے۔ مثلا پہلی دفعہ ایک ہفتہ، دوسری دفعہ دو ہفتے پھر ایک ماہ اور آخر میں مکمل پابندی۔ فورم پر گفتگو کا سلیقہ سیکھنے میں بسا اوقات کئی ماہ لگ جاتے ہیں اور اس دوران رکن کئی غلطیاں کرتا ہے۔ پہلے ہی مرحلے میں مستقل پابندی لگا دینا ناانصافی ہو گی۔
میں اس حق میں بھی نہیں ہوں کہ الگ تھریڈ کھول کر وہاں ایسے ارکان کی برائی بیان کی جائے۔ یہ بذات خود ذاتیات پر حملے اور کردار کشی ہی کی ایک شکل ہے۔

میاں شاہد

اور اس کے ساتھ ہی ساتھ میں‌ایک اضافہ بھی کردوں کہ ذاتیات سے زیادہ سخت اور بدترین بات اسلامی شعائر کی توہین اور انکا مذاق اُڑانا اور ان کا تحقیر آمیز انداز میں‌تذکرہ کرنا ہے، اور یہ ایک ایسی بات ہے جس میں‌نہ تو کسی وارننگ کی ضرورت ہے اور نہ ہی سمجھانے کی ، اگر کوئی رکن اس قسم کی غلظ حرکت کا مرتکب ہے تو اسے نہ تو کسی وارننگ کی ضرورت ہے اور نہ ہی سمجھانے کی ، ایسے بد بحت کو فی الفور تاحیات فورم سے نکال دیا جائے اور اسکی بے ہودہ تحریر کو مکمل حذف کیا جانا چاہئے، تاہم اس کام کو کرنے کے لئے کسی قدر ایمانی غیرت کی بھی ضرورت ہوتی ہے اللہ پاک ہم سب کو نصیب فرمائے

محمد يونس

آپ نے یہ بہت اچھا فیصلہ کیا ھے ۔ بھت شکریہ

شاہد جمیل حفیظ

بہت ہی اچھا فیصلہ ہے تمام ممبران کو اس فیصلہ کا دل سے احترام کرنا چاہیے
اچھے اخلاق
ہمارے لیے ۔۔۔۔۔۔۔۔۔۔ ہمارے پاک وطن کےلے۔۔۔اور۔۔۔۔۔۔۔۔ہمارے دین کے لیے عزت و وقار کی علامت ہیں

فاروق سرورخان

اقتباس:
اور اس کے ساتھ ہی ساتھ میں‌ایک اضافہ بھی کردوں کہ ذاتیات سے زیادہ سخت اور بدترین بات اسلامی شعائر کی توہین اور انکا مذاق اُڑانا اور ان کا تحقیر آمیز انداز میں‌تذکرہ کرنا ہے،

سوال یہ ہے کہ کس فرقہ کے اسلامی شعائر؟ اس ضمن میں ایک فرقہ کے خیالات سے دوسرے فرقہ کو "اپنے"‌ اسلامی شعائر کی توہین نظر آتی ہے۔ مزید یہ کہ نظریات کے فرق کو توہین اسلام کا نام دیا جاتا ہے۔ ایسی جذباتی صورت حال کا فیصلہ کون کرے گا؟

میاں شاہد

اس مسئلے کا حل پاک نیٹ پر بہت پہلے سے موجود ہے اور تمام اسلامی فرقوں سے تعلق رکھنے والے افراد کی ایک مجلس شوریٰ ان معاملات کو سمبھالتی ہے اور ایسے امور جن پر مسلک کا اختلاف ہونے کا امکان ہوتا ہے اسے کافی عرصے سے بخیر و خوبی نمٹایا جارہا ہے اور انشا اللہ یہ سلسلہ جاری رہے گا

فاروق سرورخان

تو آپ کی مجلس شوری کے نزدیک اختلاف رائے اور توہین شعائر اسلام میں کیا فرق ہے۔ اس ڈسکشن کا کوئی پوائنٹر فراہم کیجئے تاکہ ہم جیسوں‌کو اندازہ ہوسکے۔