محمدخلیل

اسلام و علیکم۔
سب سے پہلے میرا فرض بنتا ہے کہ میں سب کا شکریہ ادا کروں جہنوں نے میرے بھائی کے ایکسیڈنٹ پر میری بہت بہت بہت مدد کی۔ شکریہ۔۔
اور اب اہم بات۔

بات یہ ہے کہ کچھ عرصہ پہلے میں ایک دوسرے فورم پر تھا تو وہاں ہم اتنظامیہ نے مل کر ایک تنظیم بنائی تھی جس کا چئیرمین میں تھا۔ اور اس میں ہم یہ کرتے تھے کہ اپنی حثییت کے مطابق اس کوئی نہ کوئی فنڈ یا چندہ جمع کرتے رہیتے تھے اور اس فورم پر یا پھر فورم کے باہر فورم کے اراکین کے رشتے دار کو کوئی مسئلہ درپیش ہوتا تو اس کی مالی امداد کر دیا کرتے تھے۔ اس کے سلسلے میں ہم نے بنک میں اس فورم کے نام اور میرے نام کا ایک اکاونٹ بھی کھولا تھا تاکہ سب ممبران اس میں کوئی نہ کوئی پیسے جمع کرواتے رہتے تھے۔
اس سے یہ ہوا کے ہم نے کچھ بچوں کی تعلیم کا بندوبست بھی کیا تھا۔ اور وہ بچے ماشاء اللہ اب پانچویں کلاس میں ہیں۔
خیر یہ تو تھا تھوڑا سا بیک گراونڈ۔
اصل بات
وہ یہ ہے کہ پاک نیٹ کے تمام صاحب حثییت ممبر کیا ایسی سوچ رکھ کر ایسا کر سکتے ہیں کہ ہم بھی ایک بنک میں کوئی نہ کوئی جو فطرانہ زکوٰۃ یا کوئی اور صدقہ ۔ جمع کروا دیا جائے اور مشکل حالات میں‌کسی کی مدد کی جائے؟

اس کے بارے میں اگر کوئی اور بات کرنا چاہتا ہے یا اپنی رائے دینا چاہتا ہے تو سر آنکھوں پر۔
محمد خلیل

__________________
جب تک میری انفریکشن ختم نہیں ہوگی میں فورم میں نہیں آونگا۔

شاہ جی 90

دیکھیں یہ چھوٹا پروجیکٹ ہے
اور اس میں زیادہ فنڈنگ بھی ممکن نہیں
لیکن ہم اس پر کوشش کر کے دیکھہ سکتے ہیں
اگر یہ کامیاب ہو جاتا ہے تو اسی نام یعنی پاک نیٹ سے این جی او کا آغاز کیا جا سکتا ہے
کیا خیال ہے
ویسے بھی محدود کام کا مزا نہیں آتا اور نہ ہی اس میں برکت ہوتی ہے
لامحدود سوچ کے ساتھہ آغاز کریں تو اللہ تعالی دنوں میں سالوں کی ترقی بھی عطا کر دیتے ہیں

منتظمین

کافی سارے اراکین کی جانب سے ایسے فنڈز اور این جی اوز کی تجویز آ چکی ہے۔ لیکن مسلہ معاملات کو احسن اور شفاف طریقے سے چلانا ہے۔ پاک۔نیٹ کے نام سے کوئی چیز شروع کرنے سے پہلے انتظآمیہ کا اس بارے میں واضح نقطہ نظر ہونا بہت ضروری ہے۔ اس کے ساتھ ساتھ شفافیت ایک اہم عنصر ہے کیونکہ آج تک پاک۔نیٹ کی طرف سے کسی قسم کی بددیانتی اور بدعنوانی کا کیس سامنے نہیں آیا ہے۔ پاک۔نیٹ کی ساکھ بہت اہم ہے۔

اس لیے کچھ بھی شروع کرنے سے پہلے اس پر سیر حاصل بحث اور تنظیمی امور کا تفصیلی جائزہ لینے کی ضرورت ہے۔ اگر شاہ صآحب اور خلیل کو اس بارے میں معلومات ہیں تو ان کو تما تر جزئیات کے ساتھ پیش کریں۔ تاکہ کوئی حتمی فیصلہ لیا جا سکے۔

والسلام

__________________
تم سپاہی نہیں ہو پیشہ ور قاتلو!

شاہ جی 90

آمدن اور اخراجات کی شفافیت کے لیئے تو ایک ہی تجویز ہے اور وہ بھی کار آمد ترین
جو جو آمدن جہاں جہاں سے ہو اس کو اوپن فورم پر شایع کیا جائے
جو جو اخراجات جہاں جہاں بھی ہوں ان کو بھی سب سے شئیر کیا جائے
فورم کے ہر ایک ممبر کو یہ حق ہو کہ وہ آمدن کی جمع تفریق اور اخراجات جس مد میں کیئے گئے ان کو چیک کر کے اعتراضات کر سکے ۔
اگر اعتراض درست ہو گا تو ہمارا اپنا کام بہتر ہو گا اور غلطیاں فوری طور پر درست ہوتی رہیں گی اور اگر غلط ہو گا تو اس کا ثبوط فراہم کر دیا جائے گا ۔
جس شہر میں بھی کام کیا جائے اس شہر کے یا علاقے کے قریب ترین رہنے والا فورم کا کوئی بھی ممبر اس کام کو کسی بھی وقت چیک کر سکتا ہے
بس ایک بات کا خیال رکھا جائے کہ
جن کی مدد کی جائے ان کی دل آزاری کسی صورت نہ ہو

مزمل فاروق

این جی او میں آمدن کے کیا کیا زرائع ہوسکتے ہیں ؟ یہ ایک بہت اہم سوال ہے -
ایک طریقہ تو یہ ہے کہ ہم ہر کسی سے چندہ جمع کرتے رہیں ایسا ہر مہینے کرنا پڑےگا - جیسے ستار ایدھی کو آج بھی 40 سے 50 سال گزار جانے کے باوجود چندہ جمع کرنا پڑتا ہے -
یا پھر کوئ ایسا ذریعہ ڈھونڈیں جس کی مدد سے آمدنی خود بہ خود جنریٹ ہو- جیسے کسی اسلامی بینک میں فکس ڈپوزٹ یا پھر کوئی اور منافع بخش کام جس سے کسی بے روزگار کو روزگار بھی مل جائے اور این جی او کے لیے فنڈ ریزنگ بھی ہوتی رہے -

ڈاکٹرنور

میں نے آج ہی یہ تما م تجاویز اور ان پر ہونے والی بحث پڑھی ہے۔
میں سب سے پہلے تو خلیل کا شکریہ ادا کرتا ہوں کہ انہوں نے ممبران کو ایک نیک کام کی ترغیب دی ہے۔ جزاک اللہ

میرا اس سلسلے میں کافی تلخ تجربہ ہے
آج سے دس بارہ سال پہلے میں نے ایک اسی طرح کے کام کا آغاز کیا ۔
اور ایک سال کے اندر ہی اسکی فنڈنگ ہماری توقعات سے کہیں بڑھ گئی ۔
لیکن وقت کے ساتھ کام کرنے والوں کا جذبہ ماند پڑتا گیا ۔
ہم نے نادار بچوں کی تعلیم، غریب بچیوں کی شادی اور حادثے یا
فوتگی وغیرہ کی صورت میں نقد امداد، یا کپڑے، کتابیں وغیرہ کے ذریعے کا فی لوگوں کی مدد
کی۔
میرے ساتھ ایک ٹیم تھی ۔ اور سب کے سب بغیر کسی معاوضے کے کام کرتے تھے۔
تاہم آہستہ آہستہ لوگ چھوڑتے گئے اور آخر میں ایک میں ہی بچ گیا۔

خیر یہ تو ایک الگ بحث ہے

جو تجویز پیش کی جا رہی ہے اس میں چند باتیں میں عرض کر دیتا ہوں

یہ معاملہ فی الحال صر ف پاک نیٹ کے ممبران کے تعاون سے چلایا جائے
کچھ ممبران اسکی تنظیم کیلئے منتخب کیے جائیں
ایک تین ممبروں کا مشترکہ اکاوئٹ کھولا جائے
جو ممبر اس مقصد کیلئے شیئر کرنا چاہتا ہے وہ بذریعہ چیک، بنک ڈرافٹ وغیرہ رقم جمع کروائے
بنک سٹیٹمنٹ ہر تین ماہ کے بعد پاک نیٹ پر شائع کی جائے۔

اور ایک کمیٹی بنائی جائے جو مستحق افراد کی نشاندہی کرے اور انہیں رقم بذریعہ چیک دی جائے
مناسب ہو گا ۔ ایک اکاونٹ زکوات، صدقات کیلئے ہو - جس میں جمع کروائی جانے والی رقم
کا استعمال زکوات کے اہل لوگوں کیلئے ہو۔ بہتر ہے نقد بذریعہ چیک ، ڈرافٹ دی جائے

اور ایک اکاونٹ عام ممبران کی مالی امداد کیلئے جن پر زکوات کا اطلاق نہیں ہوتا۔ یہ رقم قابل واپسی ہو اور باقاعدہ اسٹامپ پیپر پر تحریری ضمانت کے بعد جاری کی جائے۔ اور آسان اقساط میں واپسی کی جائے

اگر وسعت کا ارادہ ہو تو کراچی ، لاہور،اسلام آباد ، پشاور اور کوئٹہ میں ذیلی اکاونٹ کھولے جائے- جن میں بوقت ضرورت رقم ٹرانسفر کی جائے۔
تاہم کم ازکم تین ممبران کی مرکزی کمیٹی تمام صوبائی اکاونٹس میں رقم ٹرانسفر کرنے کی منظوری دے۔
مزید اس میں کچھ ایسے کیا جا سکتا ہے کہ باقاعدہ ہر ماہ ایک مخصوص رقم تمام ذیلی اکاونٹس میں بھیجی جائے۔ تاکہ تمام صوبوں کو برابر شیر ملے۔

__________________
آنسو اور مسکرا ہٹ دو انمول خزانے ہیں-پہلے خزانے کواپنے تک محدود رکھواور دوسرے کولوگوں پر نچھاور کردو(حضرت علی)
Visit My Blog
http://www.homeopathypakistan.blogspot.com

ڈاکٹرنور

اس سلسلے ایک اہم نکتہ
ابتدائی ایک سال کیلئے اکاونٹ کو فریز رکھا جائے۔ میرا مطلب کسی سکیم میں رکھا جائے
اور ایک سال کے بعد جب رقم مناسب حد تک جمع ہو جائے تو تقسیم کا سلسلہ شروع کیا جائے

نیز ایک مخصوص رقم کو یا تو کسی پراجیکیٹ میں انویسٹ کردیا جائے یا کسی گورنمنٹ سکیم
میں لگایا جا ئے تاکہ منافع جنریٹ ہوتا رہے۔

یہ تو تجاویز ہیں
مزید بہتری کی یقینا گنجائش ہے

شاہ جی 90

ڈاکٹر صاحب کی تجاویز قابل قدر ہیں
این جی اوز کی فنڈنگ کا سب سے ماڈرن طریقہ تو یہ ہے کہ بڑی این جی اوز جن کا ایک اہم کام فنڈز مہیا کرنا ہے ان کو اپنے پراجیکٹ کی افادیت پر قائل کیا جائے اور اس فنڈ سے کام کیا جائے
دوسرا طریقہ چندہ جمع کرنے کا ہے اور یقین مانئیے کہ لوگ جب کام دیکھتے ہیں تو لاکھوں چلتے چلتے دے جاتے ہیں ۔
انویسٹ کر کے پرافٹ سے چلنا زرا مشکل ہو جاتا ہے
اس کا واحد طریقہ تو یہ ہی ہے کہ جتنا بڑا پرا جیکٹ ہو اس کی اسیسمنٹ کر کے اس مقدار میں فنڈنگ کر لی جائے