تلوار ایک قدیم ترین ہتھیار ہے جو پوری انسانی تہذیب سے منسلک رہی ہے۔ رومی ایک چھوٹی اور سیدھی تلوار استعمال کرتے تھے جبکی بعد کے یورپ میں لمبی اور سیدھی تلواریں استعمال ہوتی تھیں۔ مسلمانوں میں ان کے علاقے کی روایات کے مطابق خمیدہ تلوار کا رواج تھا تاہم انکے پاس سیدھی تلواریں بھی ہوتی تھیں۔ تاتاریوں اور وسطی ایشیا کی تلواریں خمیدہ اور سرّے پر چوڑی ہوتی تھیں۔ جاپانی باریک، خمیدہ اور سرّے تک متوازی تلواریں‌ استعمال کرتے تھے۔ ہندوستان میں تلوار کا پہلے رواج نہ تھا۔ نیزہ، خنجر(کٹار)، تیر کمان اور ترشول یہاں کے ہتھیار تھے۔ تلوار کو مسلمانوں نے ہندوستان میں متعارف کرایا اور بعد میں ہندی تلوار اپنی ایک الگ پہچان رکھنے لگی۔
تلواروں ‌کی کل چودہ قسمیں ہیں۔ 1۔یمان 2۔ہندی 3۔قلقی 4۔سلیمانی 5۔نصیبی 6۔مرّیخی 7۔سلمانی 8۔مولد 9۔بحری 10۔دمشقی 11۔مصری 12۔حنیفی 13۔ نرم لوہا 14۔ قراجوری۔ ان کی مذید ذیلی قسمیں بھی ہیں۔ قدیم دستور کے مطابق بچّہ جب سات دن کا ہو تو اسکے ساتھ تلوار رکھنی چاہئے جس سے وہ دلیر ہوگا۔ گھر یا کمرے میں تلوار کی موجودگی گھر والوں کے لئے سکون اور اطمینان کا موجب ہوتا ہے۔ سرہانے کے نیچے یا چارپائی ساتھ خنجر رکھ کے سونے والا سکون کی نیند سوتا ہے۔
مغرب والوں‌نے اپنی سیدھی تلوار کو اکثر صلیب سے تشبیہہ دے کر اس جیسی شکل بھی دی ہوتی ہے۔ تلوار سے دشمن پر وار کرنا اتنا آسان اور کھیل کا کام نہیں جس طرح‌ عام تماشوں اور عکسبندی میں دکھائی جاتا ہے کہ آپس میں دیر تک ٹکراتے رہتے ہیں۔ مخالف پر تلوار سے چند وار کرنے کے بعد ایک مظبوط مرد بھی پوری طرح تھک جاتا ہے کیونکہ ایک تو لوہے کو اس وزن کے ساتھ قوّت سے لہرانا پڑتا ہے اور دوسرا اس وار کا زور جس سے حقیقت میں ضرب لگائی جاتی ہے۔
غیر صحتمندانہ مشاغل کو زیادہ اہمیّت دینے کی وجہ سے شائد ہی اس وقت ہمارے ملک میں روایتی تلوار کا دھنی موجود ہو۔ ہمارے ہاں سیالکوٹ اور درّہ آدم خیل کے علاقے میں‌ دوسرے ہتھیاروں کے ساتھ خنجر وغیرہ بھی بنتے ہیں مگر ان پر پابندی کی وجہ سے یہ کھلے بازار میں نہیں آتی ہیں جبکہ مغربی ملکوں کا اسلحہ اور انکی تلواریں اور خنجر چور بازاروں میں دستیاب رہتی ہیں ۔ بہترین لوہا ہمارے پاس ہے مگر ایک شریف شہری اسکے استعمال سے قاصر رہتا ہے۔