حیدر

اُسکا اصل نام سعد اللہ خآن تھا لیکن دنیا اُسے مُلا مستان کے نام سے جانتی ہے۔ اسکو سر تور فقیر کے نام سے بھی موسُوم کیا جاتا ہے۔ لوگ اُسے فاتح مالا کنڈ کے نام سے یاد کرتے ہیں۔ اور اسکے جانی دشمن انگریز اُسے دیوانہ مُلا یا MAD MULLAHکے نام سے حٰیرت و نفرت سے یاد کرتے تھے۔

مُلا مستان یا سر تور فقیر وہ مجاہد تھا جس نے اپنے انتہائی چھوٹے سے لشکر کے ساتھ انتہائی بے سروسامانی کے عالم میں مالاکنڈ کی انگریزی چھاؤنی پر دھاوا بول دیا۔ اس پر قبضہ کر کے اسلحہ اور گولہ بارود اپنے قبضہ میں لے لیا۔ اس کے اس حیرت انگیز کارنامے نے انگریز افواج کو حیرت و ششدر میں ڈال دیا۔

مُلا مستان ۔ ۔ ۔ بُنیر (سوات) کے ایک معزز قبیلے کا رکن تھا۔ اس نے حصول علم کی خآطر ہندوستان کے کئی شہروں کی خآک چھانی اور کافی عرصہ اجمیر شریف میں بھی قیام پذیر رہا۔۔ وہ ایک زاہد ع عابد شخص تھا اور لوگ اسکی روحانی عظمت کے بھی قائل تھے۔ اس نے وسطی ایشا میں کوئی دس سال تک قیام کیا۔ پھر کابُل آ گیا۔ 1895 میں وہ واپس اپنے آبائی وطن آیا اور اپنے عوام کو برطانوی سامراج کے خلاف جہاد کے لیے تیار کرنا شروع ہوا۔ لیکن ناکم رہا۔ تاہم کچھ ہی عرصہ میں اسکی نیک فطرت کی وجہ سے وہ عوام و خواص میں مقبول ہونا شروع ہو گیا۔ وہ انگریز سامراج کے خلاف دیوانگی کی حد تک تقریر کیا کرتا تھا۔ اسکی اسی دیوانگی کی وجہ سے اُسے مُلا مستان پکارا جانے لگا۔ اُسکی جنون آمیز کوششوں کی بدولت جلد ہی اسکا ڈاکٹرائن کہ انگریز افواج کو قتل کر دو ۔ ۔ ۔ قبائلیوں میں مقبول ہونے لگا۔

اس نے سوات و بونیر کے کے دیگر علاقوں کا بھی دورہ کیا اور ایمانی قوتوں کے دشمن کے خلاف جہاد کے لیے ابھارا۔ اس دوراں اس کی ملاقات ۔ ۔ ۔ ایک اور انگریز دشمن قوت ۔ ۔ ۔ جسکو انگریز "ہڈہ مُلا" کے نام سے یاد کرتے تھے، سے ہوئی۔ جلد ہی اسکا پیغام دور و نزدیک ہر طرف پھیلنے لگا۔
سوات، بونیر، مالاکنڈ، و باجوڑ وغیرہ میں قابض افواج کے خلاف بے چینی اور نفرت پیدا ہو گئی۔ سر تور فقیر کی خواہش تھی کہ کوئی نہ کوئی جہاد کا اعلان کرے ۔ ۔ ۔ لیکن قبائلی زعما اور امرا اس سے خآئف تھے۔ اس پر مُلا مستان نے خود ہی جہاد کا اعلان کر دیا۔

مُلا مستان کے بارے میں مافوق الفطرت باتیں بھی مشہور ہیں۔ اسکے بارے میں انگریز مصنفین لکھتے ہیں کہ اس کے چاہنے والے دعویٰ کرتے تھے کہ وہ غائب ہو سکتا ہے۔ اناج غلہ بڑھا سکتا ہے وہ اپنے ہزاروں پیروکاروں کو کھانا کھلا سکتا ہے غائب سے۔ اسکے ساتھ غیر مرئی افواج ہیں۔ ایک انگریز مصنف کے مطابق ایک مرتبہ ایک ملک نے اسے 50 روپے تحفے کے طور پر بھیجے تو اس مفلوک الحال نے اسے 100 روپے واپس کر دئیے کہ مجھے پیسوں کی نہیں ضرورت۔ اللہ میری ہر ضرورت پوری کر دیتا ہے۔(Woosnan Mills)

انگریروں کا شک تھا کہ اس کو افغانستان اور ہندوستان سے پیسوں کی امداد ہوتی ہے۔ جسی کی مدد سے اس نے اپنے بارے میں مافوق الفطرت باتیں پھیلا رکھی ہیں۔
انگریزوں نے اسکو کبھی قابل توجہ نہ سمجھا تھا ۔ ۔ ۔ کیونکہ وہاں کے پولیٹیکل ایجنٹ مسٹر ڈین کا خیال تھا کہ اسکو اہمیت دینا اسکو طاقتور بنانے کے برابر ہے۔

1897 میں پورے سرحد کے قریباِِ سبھی قبائل فرنگی اقتدار کے خلاف اٹھ کھڑے ہوئے۔ لڑائی کا زیادہ زور مالا کنڈ، سوات ، چکدرہ، پر تھا، جہاں ار گرد کے یوسف زئی قبائل نے انگریزوں کا ناطقہ بند کر رکھا تھا۔۔ ملا مستان ہر جگہ جاتا اور اس انداز میں جہاد کا درس دیتا کہ سبھی نوجوان اس کے گرد اکھٹے ہوتے چلے گئے۔ وہ اپنی جمعیت کے ساتھ تھانہ پہنچا تو ایک کثیر تعداد نے اسکا ساتھ دینا قبول کر لیا۔ اسکی آمد کی خبر جنگل میں آگ کی طرح پھوٹ پڑی۔ انگریزوں نے مردان سے مزید دستے منگوا لیے۔ امان کوٹ اور مالا کنڈ میں اپنی پوزیشن کو مزید مضبوط بنا لیئا۔

لیکن تور فقیر کا حملہ اس قدر سرعت کے ساتھ تھا کہ انگریزوں کو اپنے اسلحے تک پہنچنے کا بھی موقعہ نہ ملا۔ تور فقیر نے مالاکنڈ اور چک درہ پر اکھٹے ہی حملہ کر دیا تھا۔ اور درجنوں انگریزوں کو کھیت کرنے کے بعد 26 جولائی کو چھاؤنی پر قبضہ کر لیا۔
اس پر انگریزوں نے مزید افواج طلب کر لیں ۔ چناچہ ہائی کمانڈ کی طرف سے سکھ رجمنٹ کو مسٹر ڈین کی مدد کے لیے بھیجا گیا۔
چناچہ شدید جنگ کے بعد انگریز افواج نے یکم اکست کو مالاکنڈ چھاؤنی پر دوبارہ قبضہ کر لیئا اور تور فقیر کو پسپا کر دیا گیا۔
Woosman mills میڈ ملا کی اس شکست کو لمبی جنگ کی منصوبہ بندی کے نہ ہونے، وسائل کی عدم دستیابی، مکمل فتح سے قبل اپنی فتح کے اعلان کر دینے پر محمول کرتا ہے۔


باوجود اس کے کہ مُلا کو واپس دھکیلا جا چُکا تھا اور اس کے ساتھی راہ فرار اختیار کر چُکے تھے ۔ ۔ ۔مُلا مستان نے اپنی کوششیں جاری رکھیں۔ مختلف علاقوں میں انگریز کے خلاف جہاد کی تقاریر کرتا رہا ۔ تاہم اس بار اُسے وہ کامیابی نصیب نہ ہو سکی۔ تاہم 1998 میں اسنے دیر سے مالاکنڈ کی طرف پیش قدمی شروعع کر دی۔ مکموہن کے مطابق انگریز افواج کے لیے دوبارہ سے پچھلے سال کی طرح کے بدترین حالات پیدا ہونا شروع ہو گئے ۔لیکن ملا مستان نے نا معلوم وجوہات کی بنا پر پیش قدمی روک دی۔
اس تعطل کی وجہ سے عبداللہ نامی ایک سردار جو اسکا دشمن ہو چُکا تھا۔ ۔ ۔ اس نے اسکی افواج پر حملہ کر دیا۔ جسکی وجہ سے اسکو کافی پیچھے ہٹنا پڑ گیا۔ اب صورت حال کافی حد تک بدل گئی۔ بجائے اس کے کہ قبائل متحد ہو کر انگریز افواج کے خلاف اٹھ کھڑے ہوتے ۔ ۔ ۔اب ایک مسلمان دوسرے مسلمان کی گردن کاٹنے کے چکر میں پرگیا۔ دیر قبائل کی طرف سے اس غیر متوقع دشمنی کی بنا پر تور فقیر کو دوبارہ کوہستان کی طرف پسپا ہو جانا پڑا۔

انگریزوں نے اپنی "تقسیم کر اور حکومت کرو" پالیسی کو پروئے کار لاتے ہوئے کافی قبائل سے اس کے خلاف معاہدے کر لیے۔ جس کے نتیجے میں وہ مسلسل تنہا ہوتا چلا گیا۔ بالآخر اس چال کے نتیجے میں اسکو انگریز کے ساتھ ہاتھ ملانے پر مجبور ہونا پڑا۔ انگریز حکومت نے اسکا دوستی کا ہاتھ خوشدلی کے ساتھ قبول کیا۔ انکے درمیان اچھے الفاظ اور تحائف کا تبادلہ بھی ہوا۔
یہ تبادلئ تحائف کافی عرصہ تک جاری رہا۔ اس کی وجہ سے سر تور فقیر کی مقبولیت میں کافی کمی
آ گئی۔ اس کے خلاف ہونے والا پروپیگنڈہ اس قدر شدید تھا کہ اس کے تردید کو بھی تسلیم نہیں کیا جاتا تھا اور مقامی قبائلی تیزی سے اسکے خلاف ہوتے جا رہے تھے۔

تاہم وہ زیادہ عرصہ خاموش نہ رہا اور اس نے دوبارہ سے انگریزوں کے خلاف جہاد کی ترغیبات دینا شروع کر دیں۔ لیکن اس مرتبہ اسکی پے درپے شکستوں اور اس کے خلاف ہونے والے جھوٹے سچے پروپیگنڈے کی وجہ سے اسکو کامیابی نصیب نہ ہوئی۔ کچھ روایات کے مطابق وہ انگریزوں کے خلاف کسی جھڑپ میں مارا گیا جبکہ کچھ روایات کے مطابق 1917 میں وہ فتح پور کے علاقے میں طبعی موت مرا۔ واللہ عالم

اسکی شکست کی وجوہات
1: قبائلیوں کو اپنی طرف کشش کرنے کے لیے اپنی غیر مرئی طاقتوں کا دعویٰ کرنا۔ اسی وجہ سے جب اس پر مصیبت آئی تو وہ اپنی غیر مرئی طاقتوں کا ظہور نہ کر پایا۔ جس کی وجہ سے قبائلیوں کا اس پر سے اعتماد آتھتا چلا گیا۔
2: کسی بھی قسم کی جنگی منصوبہ بندی کا نہ ہونا۔ کہ کیسے جنگ کرنی ہے، وسائل کہاں سے آئیں گے، جوابی دباؤ کا سامنا کیسے کیا جائے گا۔ کون سی سمت سے حملہ کیا جائے وغیرہ۔ وہ جنگ کو پرانے دور کی جنگ سمجھتا تھا۔
3: انگریزوں کے ساتھ ہاتھ ملانا اور تحائف کا تبادلہ۔ اس کے خلاف اس بنیاد پر اس قدر شدید پروپیگنڈا کیا گیا کہ وہ علاقے میں اپنا اثر و رسوخ کھو بیٹھا۔

عادل سہیل

السلام علیکم ورحمۃ اللہ و برکاتہ ،
فاروق بھائی ان مثالوں کا کوئی سیاق وسباق ، کوئی وجہء ارشاد ، کوئی تشریح بھی بیان کر دیتے تو واضح ہوتا کہ کس نے کہا اور کیوں کہا ؟
ویسے اس میں کوئی شک نہیں کہ عابد اور مجاھد کی اذان میں بہت بڑا فرق ہوتا ہے اور اسے وہ دونوں ہی سمجھتے ہیں اور ہم جیسے کئی طالب علم بھی سمجھتے ہیں ،
عربی کا ایک قیصدہ جو کہ امام عبداللہ ابن المبارک رحمہ اللہ تعالیٰ کی طرف منسوب کیا جاتا ہے ملاحظہ فرمایے ،
يا عابد الحرمين لو أبصرتنا لعلمت أنك بالعبادة تلعب ::: اے حرمین میں عبادت کرنے والے اگر تم ہمیں دیکھو تو جانو کی گویا تم عباد ت کے ساتھ کھیل کر رہے ہو
من كان يخضب خده بدموعه فنحورنا بدمائنا تتخضب ::: اُس ( حرمین کے عابد ) کی گال (عبادت میں روتے ہوئے) آنسووں سے رنگدار ہوتی ہے اور ہماری گردنیں ہمارے خون سے رنگدار ہوتی ہیں
أو كان يتعب خيله في باطل فخيولنا يوم الصبيحة تتعب ::: کیا وہ جس کا گھوڑا خوامخواہ کی بھاگ دوڑ میں تھکتا ہے اور ہمارے گھوڑے جہاد کے دن میں تھکتے ہیں ( تو کیا وہ عابد اور ہم مجاھد ایک جیسے ہیں )
ريح العبير لكم ونحن عبيرنا رهج السنابك والغبار الأطيب ::: تُم لوگوں کے لیے صبح صبح پھولوں کی خوشبو لے کر چلنے والی ہوا ہے اور ہمارے صبح کی خوشبو دار ہوا گھوڑوں کی سُموں سے اڑانے والی مٹی اور غبار ہیں ، جو زیادہ بہتر ہیں ۔
تو بھائی جی ، عابد اور مجاھد کی اذان میں ہی نہیں ہر عمل اور قوت عمل میں بڑا فرق ہوتا ہے ، پر اسے آپ اپنے """ محبوب مُلاء """ کی کمزوری کے طور پر کیوں بیان کر رہے ہیں ؟؟؟
ابھی ابھی تو آپ نے کہا تھا کہ آپ ملاء کو عالم یا مولوی یا امام نہیں کہتے ، اور اب آپ کی اس آدھے شعر کی مثال سے یہی لگ رہا ہے کہ """ مُلاء """ کی زد میں یہ سب آ رہے ہیں ،
بلکہ یہی آتے ہیں ، جب تک آپ """ ملاء """ کی اصطلاحی تشریحی نہینں فرمائیں گے ، ہم یہی سمجھتے رہیں گے ، بلکہ بھائی بدر الزمان کے کہنے مطابق بات دھیرے دھیرے مولویوں ، علماء اور اماموں سے اوپر پہنچتی جائے گی ،
اللہ ہم سب کو ہر شر سے محفوظ رکھے ، و السلام علیکم۔

__________________
اب نہ ہو گا کہیں کوئی نزول کتاب ::: بند کر دیا رب العالمین نے یہ باب
ہے جو بھی صحیح سنت رسالت مآب ::: بے شک ہے وحیء رب الارباب

عادل سہیل

السلام علیکم ورحمۃ اللہ و برکاتہ ،
میں نے ابھی ابھی لکھا تھا کہ """"" جب تک آپ """ ملاء """ کی اصطلاحی تشریحی نہینں فرمائیں گے ، ہم یہی سمجھتے رہیں گے ، بلکہ بھائی بدر الزمان کے کہنے مطابق بات دھیرے دھیرے مولویوں ، علماء اور اماموں سے اوپر پہنچتی جائے گی """""
اور اب کہتا ہوں کہ بات اماموں تک پہنچ ہی گئی ہے ، بھائی فاروق سرور نے یہاں جو صفائی پیش کی ہے ، ایک اور جگہ بڑی صفائی سے اس کی صفائی کر دی ہے ،
ابھی ابھی میں نے """ یہاں """ کچھ مراسلات بھیجے ہیں ، ان شاء اللہ جلد ہی نشر ہو جائیں گے ، انہیں ملاحظہ فرمایے ، اور بھائی فاروق صاحب کے اپنے ہی قول کے خلاف کام دیکھیے ، و السلام علیکم۔

حیدر

جی ہاں عادل بھائی ۔ میں نے پڑھی ہیں وہاں موجود پوسٹس۔ اور افسوس ہی کر سکتا ہوں۔ تاہم اگر فاروق بھائی میری اس جسارت کو اپنی کردار کشی نہ سمجھیں بلکہ یہ سمجھیں کہ میں ۔ ۔ ۔ پیدا ہونے والی غلط فہمی (یعنی یہ کہ وہ تمام علما کے خلاف ہیں) کو ختم کرنے کی سعی کر رہا ہوں تو میری اس پوسٹ کو بھی پڑھ لیں۔ جس میں ۔ ۔ ۔ میں نے انکی چند تحریروں کا تجزیہ کیا ہئے۔

POST # 9

فاروق سرور خان کی خدمت میں

اللہ ہی بہتر جانتا ہئے کہ اس کے پیچھے میری کسی قسم کی بد نیتی کام نہیں کر رہی۔ ۔ ۔ بلکہ میں برادرانہ خلوص سے چاہتا ہوں کہ فاروق بھائی اپنی اس غلطی کی اصلاح کر لیں جو ان سے بار بار ہو رہی ہے۔

شاہد جمیل حفیظ

یہ حدیث قدسی ہے اس کا بھی مطالعہ کریں

Attached Thumbnails

 

سراج

میں سمجھتاہوں پاکستان کی بنیاد ہی غلط ہے اگر یہی کچھ ھاصل کرنا تھا تو قیام پاکستان کی ضرورت ہی کیا تھی کیا ضرورت تھی لاکھوں لوگوں کو بے گھر کرنے کی اور لاکھون کو شہید کروانے کی؟ اور پورا ہندوستان ہندووں کو دے کر ایک بے دین کرپٹ لوگوں کیلئے ایک چھوٹاسا ٹکراحاصل کرنے کی؟ موجودہ حالات میں میں نہیں سمجھتا کہ قائد اعظم نے ہمارے اوپر کوئی احسان کیا ہے بلکہ اپنے اقتدار کے حصول کیلئےسیاست کی ہے فقط ۔۔

حیدر

بھائی ۔ ۔ ۔ ہم اپنے کرتوتوں کی سزا قائد اعظم کی گردن میں کیوں ڈالیں۔ ہر کسی کو اپنے اعمال کی جواب دہی کرنی ہے۔ اب ہمارے پاس ایک ملک ہے جس میں مسلمان نام رکھنے والوں کی اکثریت ہے ۔ ضرورت اس بات کی ہے کہ یہ مسلمان نام ۔ ۔ ۔ ۔مسلمان بن جائیں اور اسلامی حکومت قائم کر ڈالیں۔ اس سے قائد اعظم منع تو نہیں کر گئے۔ اگر ہم اس ملک کو اسلامی فلاحی مملکت نہیں بنا پا رہے تو اس میں ہمارا قصور ہے نہ کہ قائد اعظم کا ۔وہ اپنے رب کے حضؤر پیش ہو چکے اب ہم کو تیاری کرنی ہے کہ نا جانے کب پروانہ طلبی آ جائے

ھارون اعظم

میرے خیال میں ہم لوگ صرف نام پر کسی کے اچھے اور برے ہونے کا فیصلہ کر دیتے ہیں، اچھے برے ہر طبقے میں موجود ہیں- ان کے اچھے کاموں کی تعریف کرنی چاہیے، اور غلطیوں پر تنقید۔ صرف نام دیکھ کر رایے دینا ٹھیک نہیں۔

عادل سہیل

السلام علیکم ورحمۃ اللہ و برکاتہ ،
خوش آمدید بھائی ہارون اعظم ،
آپ نے بہت اچھی باتیں لکھی ہیں ، واقعتآ ہمیں کسی چیز کے نام کو دیکھ سن کر اس چیز پر کوئی حکم لگانے سے پہلے اس نام کی پیچھے اس چیز کی حقیقت جان لینا چاہیے ، نام تو اکثر دھوکہ دہی کے لیے بھی رکھ لیے جاتے ہیں ،
شراب کو آب حیات یا انگور کی بیٹی وغیرہ کہنے سے اس کی حقیقت نہیں بدل جاتی اور رسول اللہ صلی اللہ علیہ وعلی آلہ وسلم کی سنت مبارکہ کو ایک طرف کر دینے کو موافق القران ، قران فہمی کہنے سے حقیقت نہیں بدل جاتی ،
زنا کو متعہ کہنے سے حقیقت نہیں بدل جاتی ،
یہ بات رسول اللہ صلی اللہ علیہ وعلی آلہ وسلم نے ہمیں ان الفاظ میں سمجھائی ((((( يشرب ناس من أمتي الخمر يسمونها بغير اسمها يضرب على رؤوسهم بالمعازف والقينات يخسف الله بهم الأرض ::: میری امت میں سے لوگ شراب پیئیں گے اور اس کو کچھ اور نام دیں گے ان کے سروں پر باجے بجائے جائیں گے اور ناچنے والیاں ناچیں گیں اللہ ان کو زمین میں دھنسا دے گا )))))
اور ائمہ رحمہم اللہ نے اس حدیث کی بنا پر ایک قانون اپنا لیا ، جو اسول افقہ میں مروج چلا آ رہا ہے، جسء کچھ یوں بیان کیا جاتا ہے کہ """ حکم الشی علی حقیقتہ و لیس علی اسمہ """
اللہ تعالیٰ ہمیں حق کی پہچان اور اسے قبول کرنے کی توفیق عطا فرمائے اور اسی پر ہمارا خاتمہ فرمائے ، و السلام علیکم۔

مسافر

برادرم فاروق صاحب۔۔۔۔۔
آپ فرماتے ہیں کہ آپ نے کھبی کسی مدرسے سے نکلے ہوئے فرد کو ڈاکڑ یا انجینئیر بنتے نہیں دیکھا۔۔۔
1- پھر تو آپ نے کسی میڈیکل کالج سے کسی انجنئر کو بھی نکلتے نہیں دیکھا
میں نے کسی زرعی یونیورسٹی سے کبھی کسی کو ایٹمی سائینسدان نکلتے نہیں دیکھا
اور تو اور میں نے کبھی کسی انجینرنگ کالج سے کسی پائلٹ کو یا اینیمل ڈاکڑ کو بھی نکلتے نہیں دیکھا

تو کیا اس سے یہ دلیل لی جائے کہ یہ سب ادارے اور ان میں پڑھائے جانے والے سارے علوم اور ان اداروں سے پڑھ کر نکلنے والے سبھی افراد کسی قابل نہیں ہیں ۔۔۔۔۔ تو جناب ایسا توممکن نہیں ہے
جب ان اداروں میں یہ ممکن نہیں ہےتو پھر بیچارے مدرسوں پر حملہ کیوں۔ ۔۔۔ ۔ ۔
پھر آپ کی یہ سوچ صرف تعصب ہی کہلائے گی کہ آپ مدرسوں پر سارا الزام لگا دیں
جبکہ میڈکل کالج میں کبھی انجینرنگ کا نصاب نہیں پڑھایا جاتا
تو جناب نے کبھی انکو تو ایسے خطاب سے نہیں نوازا کہ آپ کسی تعلیم دے رہے ہیں


ہا ں صرف مدرسے ہیں جہاں پر آپ چاہتے ہیں کہ دنیا جہاں کے سب علوم پڑھائے جائیں اگر نا پڑھائے جائیں یا بند کرنے ہوں تو اسلامی علوم کو بند کر دیا جائے

یہ کسی سوچ ہے بھائی آپکی۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ افسوس

فاروق سرورخان

میں‌ آپ کی پوری بات سے اتفاق کرتا ہوں۔

آپ کا بہت شکریہ۔

والسلام

فاروق سرورخان

بہت ہی اچھی سوچ ہے ، مکمل قرآن تمام اسکولوں میں اور مکمل نصاب تمام مدرسوں میں۔ فقہ و حدیث اعلی کلاسوں میں جیسا کہ میڈیکل اور انجینئیرنگ کی اعلی تعلیم کے لئے ہوتا ہے۔

اچھے ماہر علماء کے لئے ضروری ہے کہ ان کو بھی مقابلہ سے انتخاب ہو جیسا کہ میڈیکل اور انجینئیرنگ کالجز کے لئے ہوتا ہے ۔

جب آپ علاج کے لئے ڈنگر ڈاکٹر کے پاس نہیں جانا چاہتے تو کیا وجہ ہے کہ معاشرہ اور مذہب کی بیماریوں کے علاج کے لئے کسی بھی طور پر ایک بے علم اور تعلیم میں‌پیچھے رہ جانے والے شخص سے اس کا علاج کرائیں؟

اس لئے ضروری ہے کہ دینی اعلی تعلیم کے لئے بھی کوئی معیار مقرر کیا جائے۔

__________________
فاروق سرور خان
ترے ضمیر پہ جب تک نہ ہو نزول کتاب
گرہ کشـا ہے نـہ رازی نـہ صـا حب کشـاف

ھارون اعظم

السلام علیکم- حوصلہ افزائی کا شکریہ- میرے خیال میں ہمارا معاشرہ صرف ملا کے بارے میں ہی نہیں بلکہ دوسرے طبقات کے بارے میں صرف نام دیکھ کر ہی رائے قائم کرتا ہے- مثال کے طور پر ایک اصطلاح 'ترقی پسند' استعمال کی جاتی ہے، آج کل کے سیکولر نظریات کے حامل افراد کے لیے، خواہ وہ لوگ معاشرے کو ذلت اور بے حیائی کی پستیوں میں کیوں نہ دھکیل رہے ہوں۔
اس بات کو ذہن میں رکھنا چاہیے کہ ہمیں ملا کے عمل سے اختلاف ہوسکتا ہے، کیونکہ وہ جو درس اور وعظ دیتے ہیں، اس پر خود عمل نہیں کرتے، لیکن ان کی غلطیوں کو بنیاد بنا کر اسلامی اقدار سے انکار اور فرار کا کوئی جواز نہیں۔

ھارون اعظم

پاکستان کے وجود کا کیا اتنا فائدہ کافی نہیں کہ آپ آزادی کے ساتھ اپنی رائے کا اظہار کر رہے ہیں؟