رضی

انفارمیشن ٹیکنالوجی میں چار عالمی ریکارڈ قائم کرنے والے پاکستان کے 12 سالہ بابر اقبال نے دبئی میں 3 روزہ انفارمیشن ٹیکنالوجی کی بین الاقوامی کانفرنس میں ایک اور اعزاز حاصل کر لیا اور اسے امریکہ میں اعلیٰ تعلیم کیلئے منتخب کر لیا گیا۔ ڈیرہ اسماعیل خان کے رہائشی بابر اقبال جنہوں نے 9 سال کی کم عمری میں کمپیوٹر کے میدان میں پہلا ورلڈ ریکارڈ قائم کیا وہ 12 سال کی عمر تک چار ورلڈ ریکارڈ قائم کر چکے ہیں۔ وہ دبئی میں رواں ہفتے شروع ہونے والی بین الاقوامی انفارمیشن ٹیکنالوجی کانفرنس جس میں دنیا بھر سے متعلقہ شعبے کے ماہر تجزیہ کار افراد مدعو تھے، میں پاکستان اور مشرق وسطیٰ کی نمائندگی کر رہے ہیں۔ کانفرنس میں مہمان خصوصی ہونے کیساتھ ساتھ کانفرنس کی اختتامی تقریر بھی کریں گے، کو ان کی کمپیوٹر، انفارمیشن ٹیکنالوجی کے میدان میں چار ورلڈ ریکارڈ قائم کرنے اور بہترین خدمات نو عمری میں سرانجام دینے پر انہیں مائیکرو سافٹ کے نائب صدر نے امریکہ میں مفت اعلیٰ تعلیم کیلئے چن لیا ہے۔ کانفرنس میں آئی ٹی کے میدان میں دنیا بھر سے کثیر تعداد میں تکنیکی ماہرین مدعو ہیں۔ انہوں نے پاکستان کے 12 سالہ نوجوان بابر اقبال کو بہترین انداز میں خراج تحسین پیش کیا۔
اس ویڈیو میں صرف دو ہفتے میں تیار کردہ ایپلیکیشن جو کہ مائیکروسافٹ کی جدید تیکنالوجی مائیکروسافٹ سرفیس میں اس نے بنائی ہے وہ دیکھا رہا ہے
بابر ہمیں تم پر فخر ہے ۔

خبر کا سورس

__________________

اپنی ملت پر قیاس اقوام مغرب سے نہ تر
خاص ہے ترکیب میں قوم رسول ہاشمی

منتظمین

سرورق کے لیے پیش کریں۔

سائرہ علی

بابر ہمیں تم پر فخر ہے ۔

یاسر عمران مرزا

لیکن کیا بابر کی تعلیم و قابلیت سے پاکستان کو کوئی فائدہ ہو گا؟
یا بابر بھی انہیں ہزاروں لاکھوں میں شامل ہو جائے گا، جو غیر ملکی اداروں میں خدمات انجام دے کر فقط پاکستان کا نام اونچا کر رہے ہیں؟

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

راجہ اکرام

بہت ہے بہترین ماشاء اللہ

اس کا مطلب ہے کہ محنت سے کچھ بھی ممکن ہے لیکن ہم جی چراتے ہیں محنت سے

__________________
محتاج اصلاح و دعا

رضی

بالکل ہوگا۔ جہاں بھی کام کرے لیکن اپنے ملک کے خلاف نہ کام کرے تو بالکل ہوگا بے شک جہاں مرضی کام کرے۔ پاکستان کا نام تو روشن ھوگا۔

رضی

اپنا بھی یہی حال ہے۔

محمدخلیل

امریکہ۔۔۔۔۔۔۔۔۔۔۔۔۔۔۔۔۔بس یہی لوگوں کا ٹارگٹ ہے۔۔۔۔۔۔۔۔۔۔۔اور کچھ نہیں

یاسر عمران مرزا

لیکن پاکستان کو اپنا نام روشن کروانے سے زیادہ ضرورت اپنے لیے اچھے انجینئروں، ڈاکٹروں، سرجنوں، کمپیوٹر کے ماہرین، کامرس اور بزنس کے ماہرین اور اساتذہ کی ہے۔ اگر بابر اور اس جیسے ہزاروں جنہیں‌پاکستان کی دھرتی نے پیدا کیا، رزق دیا، رہنے کےلیے گھر دیا، تعلیم کے مواقع دیے، دوسرے ملکوں میں جا کر ہمیشہ کے لیے وہیں کے ہو جائیں گے تو ایسے چیتے بے فائدہ ہیں۔ اگر تو بابر اپنی تعلیم مکمل کر لینے کے بعد پاکستان میں آ کر پاکستان کو فائدہ پہنچاتا ہے تب اس دھرتی کا قرض ادا ہو جائے گا۔

رضی

میں آپ سے متفق ہوں لیکن میرا ایک اور پوئینٹ آف ویو ہے ۔ باقی ٹھیک ہے اس بے فائدہ والے فقرے میں مجھے تھوڑا اختلاف ہے۔

شاہ جی 90

وہ جہاں بھی چلا جائے ہمارا ہی بچہ ہے اور رہے گا
دوسری بات یہ کہ کیا اس کے ٹیلینٹ سے پاکستان میں کوئی فائدہ اٹھانے والا بھی ہے ، کیا پاکستان میں موجود سرخ فیتہ اسے کوئی مفید کام کرنے دے گا ؟
پاکستان کے محسن ڈاکٹر عبدالقدیر خان سے ہم نے کیا سلوک کیا کہ اب ہم مزید ٹیلینٹ کو حب الوطنی کا واسطہ دے کر پاکستان میں محدود کرنا چاہتے ہیں ،
ہمیں یقین ہے کہ اگر ہم اپنے حالات بدلنے کی کوشش کریں اور خلوص دل سے اپنے وطن کے لیئے مفید کام کر سکنے والے لوگوں کے لیئے سازگار ماحول مہیا کریں تو پاکستان کے تمام چیتے اس کی حفاظت کے لیئے نہ صرف اس پاک سر زمین پر ہوں گے بلکہ سر دھڑ کی بازی بھی لگا دیں گے

یاسر عمران مرزا

صحیح ہے۔ لیکن اس کا یہ مطلب تو نہیں، ہم اغیار بلکہ خاص طور پر اپنے دشمنوں کو اپنا ٹیلنٹ دے دیں‌؟
امریکہ میں رہ کر یہ چیتا امریکہ کی مدد کرے گا ، انہی غیر ملکیوں کی بدولت آج امریکہ کہاں سے کہاں پہنچ چکا ہے، انہیں غیرملکیوں کی بنائی ہوئی ٹیکنالوجی کو بیچ بیچ کر اس کے پاس دیگر ممالک کو آنکھیں دکھانے اور جنگوں میں جھونکنے کے لیے پیسے آتے ہیں۔ ایسے ہی چیتوں کے بنائے ہوے ایف سولہ حاصل کرنے کے لیے ہم کب سے امریکہ کی منتیں کر رہے ہیں، اگر یہ چیتے وہاں ایف سولہ بنانے کی بجائے یہاں ہی بنا لیں تو ۔۔۔۔۔ ؟
اگر یہی حال رہا تو کل ہم اپنے جیالے جاں باز فوجی بھی امریکہ کو بھیجنے لگ جائیں گے، اور کہیں گے، ہے تو ہمارا ہی بچہ نہ، پھر جب اس بچے کی کلاشنکوف گولیاں اگلے گی، آگے کوئی فلسطینی آئے گا، کوئی افغانی، کوئی عراقی، کوئی سوڈانی یا کوئی یمنی تو ہمیں کیسا لگے گا ؟

جب تک ہم امریکہ کو خود سپورٹ کرنا بند نہیں کریں گے، اس بپھرے ہوے درندے کو کیسے روک سکیں گے۔

ہاں‌ یہ بات ٹھیک ہے، پھر بلائیے نا اس چیتے کو، اور کہیے، اپنے ملک کو ٹیکنالوجی میں آگے بڑھنے میں مدد دے۔

رضی

http://nawaiadab.com/khurram/?p=960

شاہ جی 90

بھیا آپ نے شاید غور نہیں کیا
یہ چیتا پاکستان میں ہی تھا ، امریکہ میں پڑھنے کی آفر تو اسے اب ہوئی ہے ، کیا اس سے پہلے پاکستانی گورنمنٹ اسے اس قسم کی آفر نہیں کر سکتی تھی لیکن ہمارا تو مزاج بن چکا ہے کہ پہلے ٹیلینٹ کو بھاگنے پر مجبور کرتے ہیں اور پھر اسے جانے پر لعن تعن کرتے ہیں ، یہ جینئیس لوگ بڑے حساس ہوتے ہیں اور ناقدری ان کے فن کی موت ثابت ہوتی ہے ، فیصل آباد کے ایک خرادئیے نے انرجی ری سائیکل یونٹ بنایا تھا اور اس نے ثابت کر دیا تھا کہ اس سسٹم کے ایک لیٹر پیٹرول سے عام حالات سے چار گنا زیادہ کام آپ لے سکتے ہیں ، اس سسٹم کو اگر سرکاری سطح پر استعمال کر لیا جاتا تو سوچیں کہ ایک لیٹر پیٹرول کی قیمت اس وقت 25 روپے ہوتی ، اس نے کہا تھا کہ اگر حکومت چاہے تو اسی سسٹم کو استعمال کرتے ہوے صرف غازی بروٹھا کینال پر ہر سو گز کے فاصلے پر ایک یونٹ لگا کر ہم پورے ایشیا کو بجلی سپلائی کرنے کے قابل ہو سکتے ہیں ۔ اب اگر حکومت اس کی بات مان لیتی تو رینٹل پاور سے پیسا کون کماتا ،
میں اس بات کے بالکل حق میں نہیں ہوں کہ ہمارا ٹیلینٹ غیروں کے کام آئے لیکن پاکستان میں بے کار جانے اور زنگ لگنے سے بہتر ہے کہ باہر کام کر کے ان کی صلاحیتیں پالش ہو جائیں اور جب پاکستان میں موجود سیاہ رات کی صبح ہو تو وہ زیادہ مفید بن کر وطن لوٹ سکیں ۔
اور ہاں ایک لڑنے والے سپاہی اور ایک جینئیس کا فرق اور ان کی ڈیمانڈز میں اختلاف سے تو آپ بخوبی واقف ہوں گے

راجہ اکرام

سلام شاہ جی
آپ نے وہی بات کی جو میں سوچتا ہوں
آخر یہ بچے کا چوتھا ایوارڈ تھا۔۔۔۔۔۔۔۔
پہلا ملا ۔۔۔۔۔ ہماری طرف سے کوئی لفٹ نہیں
دوسرا ملا۔۔۔۔۔ ہماری طرف سے کوئی لفٹ نہیں
تیسرا مالا۔۔۔۔۔ ہماری طرف سے کوئی لفٹ نہیں

اب چوتھا ملا۔۔۔۔۔ ہماری طرف سے اب بھی کوئی لفٹ نہیں، عربوں نے اس کو پر سہولیات دیں تو وہاں کام کرتا رہا ۔۔۔۔ امریکہ سے اسے مفت تعلیم کی آفر ہے تو ضرور وہ یہ موقع استعمال کرے گا۔۔

ہمارا کیا خیال ہے کہ وہ پاکستان سے محبت کا دعوی کرے، اور اپنے گاؤں کے ایک کچے سکول میں ایک پرانے کمپیوٹر کے سامنے بیٹھ کر پاکستان سے محبت کے ترانے گاتا رہے؟؟؟؟؟”

ایسا کبھی بھی نہیں ہوتا ۔۔۔۔۔۔ وہ چیتا پاکستانی ہے، لیکن ہم اس کی قدر نہیں کرتے
اس لئے اگر وہ باہر جاتا ہے تو اس کو کوسنے کے بجائے اپنے ارباب اختیار کو کوسیں