حیدر

جب ہم چھوٹے ہوا کرتے تھے تو سنا کرتے تھے کہ بلوچستان میں ساری دنیا کے خزانے دفن ہیں اور جب یہ خزانے نکیلں گے تو ہم سب امیر ہو جائیں گے۔ جب تھوڑے سے بڑے ہوئے تو دیکھا کہ بلوچستان میں تو پینے کو پانی نہیں ۔ ۔ ۔ خزانے کہاں سے آئیں گے۔ ہر طرف سرداروں کی کرپشن نے بلوچ عوام کو زندہ درگور کر رکھا تھا ۔ ۔ ۔ غربت اور افلاس پر کھولے عوام پر ناچ رہی تھی۔ تو سوچا کہ ادھر خزانے ہوتے تو یہ لوگ اتنے غریب ہوتے۔ان کے پاس محلات نہ ہوتے۔ انکے پاس پینے کو پانی نہ ہوتا، انکو ایک وقت کی روٹی کے لیے سردار کا محتاج کیوں ہونا پڑتا۔ ادھر خزانے ہوتے تو بلوچوں کے چہروں پر یاسیت اور نفرت کے سائے نہ ہوتے ۔ ۔ ۔

تاریخ:
انگریزوں کے دور میں لورا لائی کے نزدیک کے علاقے چمالنگ میں کوئلے کی کانیں دریافت ہوئیں۔ نا معلوم وجوہات کی بنا پر انگریزوں نے ان کانوں کو ادھورا چھوڑ دیا۔ 1973 میں حکومت پاکستان نے اس کانوں کا دوبارہ سروے کروایااور ان کانوں کو آپریشنل کرنے کا فیصلہ کیا۔ ۔ ۔ ۔ لیکن پھر نا جانے کیا ہوا ۔ ۔ ۔
اس علاقے میں موجود لونی قبائل اور مری قبائل کے درمیان ان کانوں کی ملکیت کے تنازع پر جنگ چھڑ گئی۔ ایسی جنگ جس نے اس علاقے کی تقدیر کو گہنا دیا۔ یہ جنگ عرصہ تیس سال سے زائد جاری رہی۔ اسی اثنا میں روس بھی افغانستان میں اپنے خونی پنجے گاڑ چکا تھا اور اب اسکی نظریں پاکستان پر جمی ہوئیں تھی۔ روس کی وجہ سے پاکستاننی بلوچستان میں بھی حالات خراب ہو گئے ۔ قبائل کی جنگ اور بلوچستان کے حالات خراب ہونے کی وجہ سے کالے موتیوں کا یہ خزانہ تیس سال سے زائد زمین کے نیچے دبا پڑا رہا۔

اہمیت:
چمالنگ کول مائنز کا ایریا کوئی 60 ضرب 12 کلومیٹر طویل ہے ۔ اس علاقے میں ہر طرف کوئلے کی کانیں نظر آتی ہیں۔اس علاقے میں کوئلے کے ذخائر اس قدر زیادہ ہئں کہ محض چند فُٹ کی کھدائی کے بعد صاف شفاف کوئلہ نکل آتا ہے۔ ایک محتاط اندازے کے مطابق ان کانوں کی وجہ سے 40000 سے زائد ملازمتیں پیدا ہوں گی ۔آغاز میں اس میں دو کمپنیاں کام کرنے پر رضامند ہوئی تھیں اور اسکی روزانہ کی پیداوار 6000ٹن تھی تاہم ایک اندازے کے مطابق اسی استعداد کار 25000ٹن روزانہ ہے۔ فی الوقت روزانہ 200 سے زائد ٹرک کوئلہ لے کر ملک کے مختلف علاقوںً کے لیے روانہ ہوتے ہیں۔ ان کانوں کے آپریشنل ہونے سے پاکستان کو سالانہ 100-300 (ایک سے تین ارب )ملین روپے کا فائدہ ہوگا۔ جبکہ ملازمتوں کی صورت میں ہونے والا فائدہ الگ ہوگا کیونکہ اس علاقے میں کام کرنے والے کان کن کی ماہانہ آمدنی 25000 سے 30000 تک ہے جو کہ وہ کسی اور جگہ (سوائے دہشت گردی کے) سے نہیں کما سکتا تھا۔

پاکستان آرمی کا اس علاقہ پر احسان:
حکومت پاکستان نے کوئی تین سال قبل اس علاقہ میں جاری بد امنی اور بغاوت کو کچلنے کے لیے پاکستان آرمی کو ذمہ داری تفویظ کی۔ پاکستان آرمی نےحآلات پر قابو پانے کے لیے نہ صرف سختی سے کام لیا بلکہ انکی وجوہات کو بھی ختم کرنے کے لیے کو شش کی۔ چونکہ غربت اور بیروزگاری اس علاقے کی سب سے بڑی پہچان تھی جو نوجوانوں کو دہشت گردی کی طرف راغب کرتی تھی۔اس کے ساتھ ساتھ پاکستان آرمی نے دونوں قبائل میں موجود کئی دہایوں سے جاری جنگوں کے خاتمہ کے لیے کوششوں کا بھی آغاز کیا۔ پاکستان آرمی نے اس علاقے میں موجود کوئلوں کی کانوں کے آغآز کا فیصلہ کیا۔ اس مقصد کے لیے سروے کروایا گیا تو انکشاف ہوا کہ یہاںتو دنیا کا کوئلوں کا سب سے بڑا ذخیرہ پایا جاتا ہے۔ پاکستان آرمی نے مستقبل میں ان قبائل کے درمیان کسی قسم کے تنازع سے بچاانے کے لیے ان کے درمیان باقاعدہ معاہدہ کروایا جو کہ دونوں قبائل نے بخوشی تسلیم کیا۔ اس معاہدہ کے بعد اس علاقہ میں جاری تیس سالہ بد امنی کا اختتام ہوا۔ پاکستان آرمی نے چمالنگ کول فیلڈ دکا انتظام سنبھال لیا اور ان قبائل کی زیر نگرانی اس علاقہ میں کوئلے کو نکالنے کے کام کا آغآز کر دیا گیا۔ پاکستان آرمی نے اس تنازع یعنی کہ اس فیلڈ پر پاکستان آرمی نے قبضہ جما رکھا ہے ہزاروں مقامی افراد پر مبنی ایک فیلڈ فورس بھی تشکیل دی ہے جس کو ٹریننگ دی جا رہی ہے۔ یہ فورس عنقریب اس علاقہ کا انتظام سنبھال لے گی۔

پاکستان آرمی نے اس علاقہ کی ویلفیر کے لیے کئی مزید اقدامات بھی کئیے ہیں جو کہ مندرجہ ذیل ہیں

سکول کا قیام:
پاکستان آرمی نے اپنی زیر نگرانی 3000 بچوں کے لیے ایک سکول قائم کیا ہے۔ اس سکول میں علاقہ کے بچوں کو مفت تعلیم، کتابیں، یونیفارم وغیرہ دی جاتی ہے اس کے علاوہ بچوں کو تعلیم کی طرف راغب کرنے کے لیے انکو ماہانہ 500 روپے وظیفہ بھی دیا جاتا ہے۔ یہ سب کول مانرز کے فنڈ سے دیا جاتا ہے۔ آغآز میں بچوں کو بہت مشکل پیش آئی کیوں کہ وہ بلوچی اور پشتو کے علاوہ کوئی اور زبان نہیں جانتے تھے۔ تاہم اب کافی بچے تعلیم میں دلچسپی لینا شروع کر چکے ہیں اور حوصلہ افزا نتائج سامنے آ رہے ہیں۔

فری میڈیکل کیمپ:
اس علاقہ میں غربت کی وجہ سے بہت بیماریاں پائی جاتی تھیں ۔ لیکن علاج معالجہ کی معمولی سی سہولت میسر نہ تھی۔ پاکستان آرمی نے اس علاقہ میں فری میڈیکل کیمپ قائم کیا ہے جہاں مریضوں کا مفر علاج کیا جاتا ہے۔ اس کی وجہ سے علاقہ میں پاکستان آرمی کی بہت عزت و توقیر کی جاتی ہے اور اس کے لیے محبت میں اضافہ ہوا ہے۔

سڑکوں کی تعمیر:
پاکستان آرمی نے اپنے خرچے پر چمالنگ سے نزدیکی شہر تک کئی کلومیٹر لمبی شاہراہ بنا کر دی ہے تاکہ کول مائنرز کو آسانی ہو سکے۔

خون بہا کی ادائگی:
ہر سال کروڑوں روپے بطور خون بہا ادا کیا جاتا ہے ایسے افراد کے لیے جو ان علاقوں میں فائرنگ یا کان کی کھدائی کے دوران ہلاک ہو جاتے ہیں۔

امید کی جاتی ہے کہ اس علاقہ میں قائم ہونے والا امن اس علاقہ کے لیے خوش بختی کا باعث ہوگا ارو اہل معاہدہ غیروں کے بھڑکائے میں آ کر اس معاہدہ کی خلاف ورزی نہیں کریں گے ۔ کیونکہ اس معاہدہ سے انکی نسلوں کی بہتری پوشیدہ ہے۔

حیدر

اسی سلسلہ میں پاکستان آرمی کی بنائی جانے والی ویڈیو بھی قابل دید ہے۔ میں مشورہ دوں کا کہ وقت نکال کر اسکو ضرور دیکھا جائے:

رضی

بدر بھائی ویڈیو کہاں ہے ۔

wajee

ہاں یہ ویڈیوں ہے کہاں

حیدر

اوہ لگتا ہے کوئی غلطی ہو گئی۔ ہاں اصل میں ویدیو کا یو آر ایل پیسٹ کر بیٹھا بجائے Embeddکرنے کے/۔ اب ٹھیک کر دیا ہے۔ امید ہے نظر آ جائے گی ویڈیو۔ شکریہ

فیصل ناصر

شاید آپ ان دو ویڈیو کی بات کررہے ہیں
یو ٹیوب کی ویڈیو لگانے کے لئے صرف ویڈیو " کوڈ" ڈالیں پورا ایڈریس لکھنے کی ضرورت نہیں ہے بدر بھائی
مثلاً
زیر نظر ویڈیو کے لئے

تاکہ آپکی ویڈیو اسطرح سے دکھائی دے

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

فیصل ناصر

لو جی ہمارے جواب لکھتے لکھتے آپ نے ٹھیک بھی کرلیا

حیدر

شکریہ بھائی ۔ ۔ ۔ مجھ سے غلطی ہوئی تھی ۔ نا جانے کن سوچوں میں تھا

محمدعدنان

بدر بھائی بہت اچھی تحریر لکھی آپ نے
اللہ ان لوگوں کو ہدایت دے اور وہ کوئی اوٹ پٹانگ حرکت نہ کریں۔ اور بھائی کیا یہ ہماری حکومت کو نظر نہیں‌آتا کہ اس میں ہمارے ملک کی بہتری اور خوشحالی ہے اور وہ پھر بھی کوئی اقدامات نہیں کررہی ۔
اصل میں اب ہمیں‌مانگ کر کھانے کی عادت پڑچکی ہے اور محنت کرنا ہم بھول گئے ہیں

حیدر

شکریہ بھائی ڈوناشن دینے کا

The Great

اچھی شیرنگ ھے جناب کی۔۔۔