ام غزل

اشیاء

کیریاں (ہرے کچے آم ) آدھا کلو
سونف : تین کھانے کے چمچے
کلونجی : ایک کھانے کا چمچہ
میتھی دانہ : ایک کھانے کا چمچہ
نمک ، لال کٹی مرچ : حسب ذائقہ
ہلدی : دو چائے کے چمچے
زیتون کا تیل : آدھا پاؤ
لال ثابت مرچ : چھ عدد
لہسن : چار جوے ( کچلے ہوئے اگر مرضی ہو اچار میں‌ڈالنے کی تو )


ترکیب

کیریوں‌کو اچھی طرح دھو کر کاٹ لیں‌ اور گھٹلی علیٰحدہ کر دیں‌ ۔ اب نمک اور ہلدی لگا کر کیریوں کو ایک دن کے لیے چھوڑ دیں‌ ۔ دھوپ میں ایسے رکھیں‌کہ یہ سایہ میں‌رہیں‌ ۔ڈائریکٹ دھوپ نہ پڑے ۔ اگلے دن اس میں تمام مصالحہ جات ڈالیں ۔ اگر ثابت نہ ڈالنا چاہیں‌تو کوٹ کر بھی ڈالے جا سکتے ہیں اس سے ذائقہ پر کوئی فرق نہیں‌پڑتا ہے ۔ دو تین دن کے لیے مزید چھوڑ دیں لیکن دن میں‌دو تین بار الٹ پلٹ کر دیں مرتبان یا بوتل کو ۔

زیتون کے تیل کو ایک پین میں‌اچھی طرح گرم کریں اور اس میں‌ لال ثابت مرچ تل کر نکال لیں‌ ۔ جب یہ ٹھنڈا ہو جائے تو اس کو اچار میں‌ملا دیں اور ثابت مرچ بھی ڈال دیں‌ ۔ ایک ڈیڑھ ہفتے تک اچار کو دھوپ میں‌رکھیں‌تاکہ کیریاں گل جائیں ۔مزیدار گھر کا اچار تیار ہے ۔

اگر کسی وجہ سے دھوپ میسر نہ ہو تو اچار کے مرتبان یا بوتل کو چولھے کے پاس رکھیں ۔ گرمائی سے بھی پھانکیں کچی نہیں رہیں گی اور گل جائیں گی ۔


فوائد
گھر میں‌اچار ڈالنے کا سب سے بڑا فائدہ تو یہ ہے کہ اس میں‌ ڈلنے والے تمام اجزاء کا ہمیں علم ہوتا ہے ۔ ہر چیز صاف چھان پھٹک کر ڈالی جاتی ہے ۔ اس کے علاوہ بازار کے اچار میں‌جو فوڈ پریزرویٹوز ڈالے جاتے ہیں‌وہ بھی اس میں‌نہیں‌ہوتے ۔ یہ اجزاء‌اچار کو گھلانے سے لیکر لمبے عرصے تک محفوظ رکھنے میں‌تو معاون ہوتے ہیں‌لیکن انسانی نظام ہضم کے لیے ممکن ہے کہ ان کا استعمال کچھ بہتر نہ ہوتا ہو ۔ میرے جیسے لوگ جو اچار کا بے دریغ استعمال کرتے ہیں ان کے لیے تو یہی بہتر ہے کہ گھر کے ہی اچار استعمال کریں‌ ۔

زیتون کا تیل کولسٹرول کو کم کرنے میں‌بھی معاون ہوتا ہے ۔ بازار میں‌ملنے والے اچار چاہے کتنی ہی اچھی کمپنی کے کیوں‌نہ ہوں ان میں‌کون سا آئل ڈالا جاتا ہے یہ کچھ معلوم نہیں‌ہوتا ہے ۔ زیتون کا اصلی تیل جو بھٹی سے ملتا ہے اگر وہ ملے تو بہترین ہے ورنہ آلیو ساسو سب سے اچھا تیل ہے زیتون کا ۔

شکریہ۔

فیصل ناصر

خواتین کہاں ہیں

ام غزل

تو پھر آپ یہاں‌کیسے؟؟؟؟؟؟؟؟؟؟؟؟؟؟: d

محمدخلیل

ویسے ہم تو اس کو امبیاں کہتے ہیں۔۔۔۔۔۔۔۔۔۔۔۔۔۔۔۔۔۔۔۔۔۔ جن کو آپ کیریاں کہہہ رہیں ہیں ویسے اچار کی ترکیب بہت اچھی ہے

ام غزل

جی بہت شکریہ۔۔۔۔۔۔۔۔۔

ایس اے نقوی

غزل دعا کریں کہ میری جلدی سے شادی ہو میں آپ کی ترکیب لکھ رہا ہوں اگر تو میری بیوی کو کچھ بنانا آتا ہوا تو ٹھیک ورنہ آپ کی ترکیبوں سے فائدۃ اٹھایا جائے گا آپ کا شکریہ

ام غزل

اللہ آپ کی مراد پوری فرمائے۔

ایس اے نقوی

آمین ثم آمین تاہم اسکے ساتھ یہ دعا بھی فرمائیں کہ اللہ تعالی بیوی نیک سیرت عطا کرے جو میرے ہمراہ میرے ماں باپ کی بھی خدمت کرے اور میرے غریب کے گھر کو اپنا گھر سمجھے آمین ثم آمین (آپکا بہت شکریہ)