شاہ جی 90

یہ بہن اور بھائی کا رشتہ اللہ میاں نے کیسا بنایا ہے۔ ہم اپنی بہنوں سے لڑتے بھی ہیں اور ان سے پیار بھی بہت کرتے ہیں‌۔
جب ہم قریب ہوتے ہیں تو ہمیں احساس نہیں‌ہوتا لیکن جب یہی بہنیں ہم سے دور ہو جاتی ہیں تو تب پتا چلتا ہے کہ ہم کس قدر تنہا ہو گئے ہیں ۔
آج میری بہن کی رخصتی تھی ۔ وہ روتی ہوئی اس گھر سے چلی گئی ، اور میں جو اس کی آنکھہ میں ایک آنسو نہیں دیکھہ سکتا تھا ، اپنے ہاتھوں اسے ڈولی میں بٹھا آیا ۔ پیار تو سب بہن بھائیوں میں ہوتا ہے لیکن ہم میں شروع سے کچھہ زیادہ ہی پیار تھا ۔ وہ جب 6th میں پہنچی تو میں اسے سکول چھوڑنے جاتا اور لے کر آتا ، سکول سے واپسی پر وہ جب تک پورے دن کی روداد مجھے سنا نہ لیتی اسے چین نہیں آتا تھا ۔ ہمارا یہی معمول اس کے ایم اے کر لینے تک برقرار رہا ۔ میں کبھی اس کی سہیلیوں سے نہیں‌ملا تھا لیکن سبھی کو ایسے جانتا تھا کہ ان کی عادات تک کا مجھے علم ہوتا تھا ، وہ ہر بات میں مجھہ سے مشورہ کیا کرتی ۔
کیا کیا بتائوں ، یادوں کا ایک ہجوم ہے ، اور ایک کے بعد ایک یاد خنجر کی طرح دل پر ایک گہری لکیر کھینچتی ہوئی گزر رہی ہے ۔
آج جب وہ جا رہی تھی تو امی ، ابو ، میرا چھوٹا بھائی ، میری بیوی ، باقی خاندان والے ، سبھی رو رہے تھے ۔ لیکن میں نہیں‌رویا ، بڑے صبر کےساتھہ میں نے اس روتی بلکتی گڑیا کو رخصت کیا ۔ گھر واپس آئے تو بھی میں سب کے ساتھہ ہنس بول رہا تھا ، اور جب سب مہمان چلے گئے ، میں اپنے کمرے میں اکیلا رہ گیا تو ، ایسے لگا جیسے میری زندگی میرا ساتھہ چھوڑ‌گئی ہو ، اسے گڑیوں کا شوق تھا اور اب بھی وہ گھر کی ڈیکوریشن کے لیے بہت سی باربی ڈولز اور دیگر ایسی چیزیں لائی تھی ، ہمارے کمرے کی سجاوٹ میری بیگم اور وہ مل کر کرتی تھیں ، اس کی تصویریں ، اس کی گڑیاں اور اس کا ننھا سا پرس جو اس نے میرے ساتھہ جا کر بڑے شوق سے لیا تھا ۔ وہ سبھی چیزیں ہمارے کمرے میں موجود ہیں نہیں ہے تو بس وہ ، کل مہندی کا فنکشن تھا میں نے کیمرہ چارجنگ کے لیے لگایا ، دو گھنٹے بعد دیکھا تو کیمرے کا سوچ نکلا ہوا تھا اور اس کی جگہ موبائل کا چارجر لگا تھا ، میں نے ناراض ہوتے ہوے کہا کہ اب مزے کرنا اس بیٹری سے صرف 20 منٹ کی ریکارڈنگ ہو سکتی ہے ۔ بولی بھائی میری غلطی ہے ، میں نے اپنا موبائل چارجر لگایا تھا ، میرے غصے کو دیکھہ کر اس نے وہی کہا جو ہمیشہ کہا کرتی تھی بھائی غلطی ہو گئی، معاف کر دیں ۔ میں حسب معمول ہنس دیا ۔ تب تک پتا نہیں کیوں‌میرا دل اس حقیقت کو نہیں مانتا تھا کہ کل یہ ہم سے جدا ہو جائے گی ۔
اس وقت سے اب تک چار گھنٹے ہو گئے مجھے روتے ہوے ، آنسو اب بھی میرا کہا نہیں مان رہے بہتے چلے جا رہے ہیں ۔ پھر مجھے خیال آیا کہ میرا بھی ایک خاندان ہے جہاں میں کھل کر رو سکتا ہوں ، اپنا دکھہ درد بانٹ‌سکتا ہوں ۔
میری آپ سب سے ایک التجا ہے ۔ آپ جو میرے بھائی ، بہنیں ہیں ، وہ آپ کی بھی بہن تھی ۔
اپنی اس بہن کے لیے دل کی گہرائیوں سے دعا کیجئیے ۔
اللہ اسے ہمیشہ سکھی رکھے ۔
اس گھر میں اس پر کوئی پریشانی نہ آئے ۔
اے اللہ اس کا شوہر اور دیگر سسرال والے اس کے حق میں نیک ثابت ہوں ۔
وہ جو معصوم ہے ، اسے دنیا کے چھل فریب کا کوئی پتا نہیں ۔ اللہ اسے اپنی حفظ و امان میں رکھنا ۔
کی بورڈ بار بار دھندلا جاتا ہے ۔ الفاظ غلط لکھے جاتے ہیں اور مٹا کر دوبارہ لکھہ رہا ہوں ۔
ایک روتے ہوے بھائی کی التجا سمجھہ کر اسے دعا دینا مت بھولئیے گا ۔
آپ کا بھائی
معظم شاہ

فیصل ناصر

اللہ آپ کی بہن کو ہمیشہ خوش و خرم رکھے
آمین

رضی

شاہ جی اللہ ہماری بہن کو ہمیشہ خوش و خرم رکھے اور اسے ہمیشہ پھولوں کی طرح تروتازہ اور مہکتا رہے۔


شاہ جی آپ نے مجھے بھی رلا دیا ہے مجھے بھی وہ دن یاد آگئے ہیں جب میری بہنوں کی رخصتی ہوئی تھی۔

اللہ ہماری بنہوں کو خوش و خرم رکھے اور خوشیاں ہی خوشیاں دے آمین

__________________

اپنی ملت پر قیاس اقوام مغرب سے نہ تر
خاص ہے ترکیب میں قوم رسول ہاشمی

فیصل ناصر

میری کوئی بہن تو نہیں
لیکن اپنی بیٹی کی شادی اور رخصتی کا تصور ہی لرزا دیتا ہے
بہت ہمت کی بات ہے

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

عبداللہ حیدر

اپنی اور آپ کی اس بہن کے لیے ہم انہی الفاظ کےساتھ دعا کرتے ہیں جن کے ساتھ رسول اللہ صلی اللہ علیہ وعلی آلہ وسلم نے اپنی پیاری بیٹی فاطمہ رضی اللہ عنہا اور اپنے محبوب صحابی علی رضی اللہ عنہ کی شادی کے موقع پر دعا فرمائی تھی۔

اللهم بارك فيهما ، وبارك لهما في بنائهما

رواه ابن سعد والطبراني في " الكبير " بسند حسن . و ذکرہ الشیخ الالبانی فی الآداب الزفاف ص 101

بارك الله لك ، وبارك الله عليك ، وجمع بينكما في خير
رواه سعيد بن منصور وكذا أبو داود ، والترمذي و ذکرہ الشیخ الالبانی فی "آداب الزفاف"

شاہ جی 90

بہت بہت شکریہ بھائی
اللہ تعالی آپ کو بھی ہمیشہ خوش و خرم رکھے

شاہ جی 90

رضی بھائی ، جس پر گزرتی ہے یا گزر چکی ہوتی ہے وہی جانتا ہے ۔
اللہ تعالی ہماری بہنوں کے حصے کے غم بھی مجھے دے دے آمین

شاہ جی 90

بھائی بہنوں اور بیٹیوں کا اندیکھا نصیب رلاتا ہے ۔
اللہ تعالی ہماری بھتیجی کو زندگی صحت اور خوشیاں عطا کرے اور اس کی خوشیاں آپ کی زندگی میں بہار لے آئیں آمین

شاہ جی 90

میری سب بھائی بہنوں سے گزارش ہے کہ آپ جتنے بھی پاک نیٹ ممبرز کو جانتے ہیں ۔ ان سے اپنی اس بہن کے لیے دعا کی درخواست کیجئیے ۔
اور ہاں اپنے والدین سے بھی میری جانب سے التجا کیجئیے کہ وہ اپنی اس بیٹی کی خوشیوں کے لیے دعا کریں

محمدعدنان

ہاہ بھائی
مجھے اپنی بہنا کی یاد آگئی جو کہ اس وقت ہم سے دور سات سمندر پار بیٹھی ہوئی ہے
اللہ عزوجل سے التجا ہے کہ وہ ہم سب کی بہنوں کو ان کے گھروں میں ہمیشہ خوش و خرم اور شاد آباد رکھے
ان پہ کبھی کوئی غم /پریشانی کا سایہ نہ آئیں
وہ جس گھر میں بھی جائیں وہ گھر امن و خوشیوں کا گہوارا بن جائے

آمین

شاہ جی 90

بہت بہت شکریہ عدنان بھائی ، اللہ ہماری بہنوں کو ہمیشہ اپنی حفظ‌و امان میں‌رکھے آمین

محمدعدنان

آمین
ثم آمین ۔

منتظمین

سر ورق کے لیے اپلائی کریں

راجہ اکرام

معظم شاہ بھائی
سلام مسنون
یقین کریں یہ تحریر پڑھ کر نہ جانے کیوں دل دکھی سا ہو گیا اور آنکھوں میں بے اختیار آنسو آنے لگے۔ یقین مانئے کئی سال ہو گئے ہیں مجھے روئے ہوئے۔ در اصل بہن اور بھائی کا رشتہ ہی ایسا ہے جدائی کا تصور ہی رلا دیتا ہے۔
اللہ ہماری بہن کو ڈھیروں خوشیاں دے اور ہمیشہ سکھی رکھے۔ اور تمام بہنوں کے نصیب اچھے ہوں،
خدا کرے کہ اس کا پل پل خوشیوں‌بھرا ہو آمین۔

__________________
محتاج اصلاح و دعا

ام طلحہ

ارے بھائی یہ کیا؟
ایسے موقعوں پر اداس تھوڑی ہوتے ہیں۔خوش ہوتے ہیں کہ اللہ نے اس ذمہ داری میں سرخرو کیا۔ نبیوں نے بھی بیٹیاں رخصت کی ہیں۔ کون روک سکا ہے آج تک؟اللہ تعالیٰ اسے لاکھوں کروڑوں اربوں بلکہ ان گنت خوشیاں دے۔ اس شادی کو دونوں کے لئے مبارک بنادے ۔غم کا سایہ بھی اس کے قریب نہ آئے۔اداسی چھوڑ دیں۔ شادی کے بعد جب وہ اسی طرح ہنستی کھلکھلاتی آپ کے پاس آیا کرے گی تو میں بتا نہیں سکتی آپکے دل کو کتنا سکون ملے گا۔ اب ولیمے میں اسے یہ اداس صورت دکھا کر مت ملئے گایہ والی نہیں یہ والی

__________________
یا اللہ!! تمام دنیا سے قوم یہود کو اپنی ناپاک سوچ سمیت نیست و نابود کر دے۔ اس قوم کا نام و نشان ہی مٹا دے۔ آمین ثم آمین