Haya 786

آج کل لگتا ھے لوگ ھی نہیں وقت بھی بھاگتا جا رھا ھے کب دن شروع ھوتا ھے کب ختم ھو جاتا ھے پتا ھی نہیں چلتا پھر نئ نئ ایجادات نے انسان کو اور بھی مصروف کر دیا ھے گھر میں ٹی وی ۔ کمپیوٹر - کبھی فون آرھے ھیں کبھی ایس ایم ایس آرھے ھیں پھر گھر سے باہر کی مصروفیات گھومنا پھرنا شاپنگ دوستوں ملنا ھزار مصروفیات ھیں اب تو انسان کو دو پل تنہا خود کے ساتھ بیٹھنے کا وقت نہیں ملتا ایسے میں کسی اور کو وقت دینا بہت مشکل ھے

اسی لیے اب سال کو تقسیم کر دیا گیا ھے ھر دن کسی نہ کسی کے نام محبت کرنے والوں کا دن دوستوں کا دن مزدوروں کا دن بے سہارا اور معذور بچوں کا دن امن کا دن عورتوں کا دن مختلف بیماریوں کے خلاف بھی کوئ نہ کوئ دن - اتنی مصروفیات میں لوگ پیدا کرنے والی جنم دینے والی ماں کو نہیں بھولے ایک دن ماں کے نام بھی کر دیا ھے

اس دن کروڑوں کا کاروبار ھوتا ھے کارڈ بھیجے جاتے ھیں ما ں سے محبت جتانے کے لیے ایس ایم ایس کیے جاتے ھیں کچھ لوگ وقت نکال کرفون بھی کر دیتے ھیں کچھ لوگ اس دن ملنے بھی جاتے ھیں - میری ایک دوست کہتی ھے ایک دن اپنا بھی ھونا چاھیے سارا سال ساری زندگی تو تقسیم ھو گئ
پہلے گھر سب کا ھوتا تھا ایک فرد کی ترقی سارے خاندان کی ترقی ھوتی تھی زندگی ھماری ھوتی تھی اب زندگی میری ھوتی ھے انسان انسانوں میں رھتے ھوئے تنہا ھوتا جا رھا ھے کیا کسی کے لیے ایک دن کافی ھوتا ھے نہیں چاھے اپنے ھوں یا آس پاس کے رھنے والے غریب اور بے سہارا لوگ ۔ کیا کسی کو اس بات کا یقین ھے کہ مدر ڈے پہ اپنی ماں سے پیار کا اظہار کے لیے وہ زندہ رھے گا مزدوروں کے حق کے لیے ایک دن لڑے گا عورتوں کے حق کے لیے بولے گا جو کام کرنا ھے وہ آج ھی اور ابھی کرنا ھے کیونکہ موت کا کوئ دن مقرر نہیں
میری ماں سارا سال میرے ساتھ ھوتی ھے اس کا کوئ ایک دن نہیں اس کی ساری زندگی ھے کیا ھم اپنے بزرگوں کو سارا سال تڑپائیں گے سارا سال انتظار کر وائیں گے یہ بتانے کے لیے کہ ھم ان سے پیار کرتے ھیں ھمارا کل بھی ان کا تھا آج بھی ان کا ھے جب تک وہ ھیں جب تک ھم ھیں دن تقسیم نہیں ھوں گے

فیصل ناصر

جواب نہیں حیا
میں تو پہلے تھریڈ کا عنوان دیکھ کر یہی سمجھا کے مدر ڈے کی تعریف و توصیف ہورہی ہوگی اور ابھی تبصرہ کرتا ہوں کے سارے دن ہی ماں کے ہوتے ہیں ہر لمحہ ماں کے لئے
لیکن پڑھا تو دل خوش ہوگیا
اپنی طرف سے ان خیالات پر آپکو دادوتحسین پیش کرتا ہوں

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

Haya 786

سلام اور شکریہ فیصل

زندگی کو دنوں میں کیوں تقسیم کرتے ھیں موت کا دن کیوں بھول جاتے ھیں جو بھی ھے وہ آج ھے اور ابھی ھے کل کا کس کو پتا

فیصل ناصر

ٹھیک کہا آپ نے
سرورق کے لئے تجویز کرتا ہوں

ایس اے نقوی

اسلام و علیکم! حیا جی
فی الحال تو معافی مانگتا ہوں انشاء اللہ کل اس کو تفصیل سے پڑھوں گا اور تجزیہ دوں گا
اس کے ساتھ انجم شاہ کو اجازت دیں زندگی نے وفا کی تو کل ملاقات ہو گی 13 گھنٹے ہوگئے ہیں ایک کرسی پر بیٹھے ہوئے اللہ نگہبان
کیونکہ صبح دس بجے آفس آتا ہوں اور رات گیارہ کے بعد واپسی ہوتی ہے اس لئے حیا تبصرہ تجزیہ کل

Haya 786

سلام اور شکریہ سید انجم

آپ کے تجزیے کا انتظار رھے گا

ایس اے نقوی

پاک نیٹ فورم کی ایہک سنئیر ممبر محترمہ حنا صاحبہ ماں کے بارے میں اپنے تاثرات کا اظہار کچھ ہوں کرتی ہیں
ماں کی محبت

ابّا جی مجھے مارتے تھے تو امّی بچا لیتی تھیں ۔ ایک دن سوچا امّی پٹائی کریں گی تو ابّا جی کیا کریں گے ۔۔۔۔۔۔ اور یہ دیکھنے کے لئے کہ کیا ہوتا ہے میں نے امّی کا کہا نہ مانا ۔ انہوں نے کہا بازار سے دہی لا دو میں نہ لایا ، انہوں نے سالن کم دیا میں نے زیادہ پر اصرار کیا ، انہوں نے پیڑھی پر بیٹھ کر روٹی کھاؤ میں نے زمین پر دری بچھائی اور بیٹھ گیا ۔ کپڑے بھی میلے کر لئے ، لحجہ بھی گستاخانہ تھا ، مجھے پوری توقع تھی کہ امّی آج ضرور ، مارے گی ، مگر انہوں نے سینے سے لگا کر کہا "کیوں دلاور پتر ! ۔۔۔۔۔ میں صدقے ، تو بیمار تو نہیں ہے ؟"

مصنّف : مرزا ادیب
کتاب : مٹی کا دیا



ماں کے نام

یہ کامیابیاں عزت یہ نام تم سے ہے
خدا نے جو بھی دیا ہے مقام تم سے ہے

تمھارے دم سے ہیں مرے لہو میں کھلتے گلاب
مرے وجود کا سارا نظام تم سے ہے

کہاں بساطِ جہاں اور میں کم سن و ناداں
یہ میری جیت کا سب اہتمام تم سے ہے

جہاں جہاں ہے میری دشمنی سبب میں ہوں
جہاں جہاں ہے مِرا احترام تم سے ہے

امید ہے کہ پسند کیا جائے گا شکریہ

ایس اے نقوی

ماں کے بارے میں شاعر کہتا ہے کہ
"Happy Mother's Day" means more
Than have a happy day.
Within those words lie lots of things
We never get to say.
It means I love you first of all,
Then thanks for all you do.
It means you mean a lot to me,
And that I honor you.

But most of all, I guess it means
That I am thinking of
Your happiness on this, your day,
With pleasure and with love

ایس اے نقوی

ماں۔ ۔ ۔ !!
سینے سے لگا کر کہا کرتی تھی میری ماں مجھ کو
توں لال ہے میرا نہ ستا مجھ کو
پچھتائے گا اک دن جب میں چلی جائوں گی
نہ چاہتے ہوئے بھی اکیلا دنیا میں چھوڑ جائوں گی
زمانہ دیکھائے گا گرمی کی شدت تجھ کو
یار کر کے روئے گا توں پھر مجھ کو
مدتوں سے میری ماں نے سینے سے نہیں لگایا
اب سو گئی خاک میں جب کچھ کہنے کا وقت آیا
۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔۔ ۔ ۔ ۔ ۔۔ ۔ ۔ ۔ ۔ ۔ ۔ ۔ ۔ ۔۔ ۔ !!!!!!!!!
حیا جی ان چند الفاظ میں بہت کچھ سمو دیا گیا ہے
حیا جی ماں ایک ایسی عظیم ہستی ہے کہ انسان جتنا گہرائی میں جائے گا اتنا ہی مزید جاننے کی کوشش کرے گی تاہم آپ کی اس تحریر کو آگے بڑھانا ہے اس لئے مزید اضافہ کرتا جائوں گا آہستہ آہستہ کیونکہ جتنا ماں پر لکھوں گا اتنا ہی دوست احباب دعائیں دیں گے انشاءاللہ اس تھریڈ کو رکنے نہیں دوں گا اور وسیے بھی دونوں تھریڈ کو چلانا ہے میں نے

ایس اے نقوی

[ستارہ جی موجودہ صورتحال میں ہم لوگوں نے خود کو اتنا مصروف کر لیا ہوا ہے کہ چاہتے ہوئے بھی ٹائم نہیں نکال پاتے اور کچھ مہنگائی امیت دیگر گھریلو مسائل نے انسان کو مصروف کر دیا ہے اور کچھ ہم خود بھی مصروف رہنا ہی پسند کرتے ہیں ہماری سوچ یہ ہے کہ جو ٹائم فارغ رہ کر گزارنا ہے بیوی بچوں کےلئے روٹی کما لو۔۔ ۔ ۔ ۔ ۔!!

ستارہ جی سال مین دنوں کی تقسیم تو ہماری اپنی ہے آپ دیکھو لو کہ جو دن کسی نہ کسی حوالے سے مخصوص ہوتا ہے اس دن بھی کتنےفیصد لوگ اس دن کو جانتے ہیں میرا خیال ہے صرف بیس فیصد اور کچھ ہم لوگوں کا یہ کہنا بھی ہے کہ یہ کیا اب پیار محبت ،مزدوروں کے حقوق،مدر ڈے،و دیگر دن بھی رکھے جائیں گے یہ کیا جو کام مغرب والے کرتے ہیں ہم بھی وہ ہی کریں فضول حکومت کے پاس اور کام ہی نہیں (یہ سوچ بن چکی ہے آپ سروے کر کے دیکھو زیادہ تعداد میں لوگ یہ ہی کہیں گے)

اقتباس:

پہلے گھر سب کا ھوتا تھا ایک فرد کی ترقی سارے خاندان کی ترقی ھوتی تھی زندگی ھماری ھوتی تھی ؟؟

ستارہ جی :پہلے تو یہ بھی ہوتا تھا کہ ایک شخص‌کماتا تھا اور دس لوگ کھاتے تھے اور اب دس کماتے ہیں تو پانچ کی کمائی سے بجلی ،گیس پانی وغیرہ کے بل کی ادائیگی پانچ کی کمائی سے گھریلو اخراجات پورے ہوتے ہیں اگر کوئی تقریب آجائے ایمرجنسی ہوجائے تو ہم منہ دیکھتے ہیں اور کسی کو نہیں پتہ کہ اگلا لمحہ اسکے لئے کیا لے کر آرہا ہے ماں سے پیار کرنے کےلئے ایک دن مقرر کرنا یہ ثابت لرتا ہے کہ ماں صرف اسی قابل ہے (معذرت کے ساتھ) کہ ہم اسکے ساتھ ایک دن پیار سے پیش آئیں ماں تو وہ عظمت کا مینارہ ہے جسے محبت کرنے میں ،خدمت کرنے میں مہماری زندگی بھی گزر جائے تب بھی ہم اسکی ایک رات کا قرض چکا نہیں سکتے!!

اقتباس:

میری ماں سارا سال میرے ساتھ ھوتی ھے اس کا کوئ ایک دن نہیں اس کی ساری زندگی ھے کیا ھم اپنے بزرگوں کو سارا سال تڑپائیں گے سارا سال انتظار کر وائیں گے یہ بتانے کے لیے کہ ھم ان سے پیار کرتے ھیں ھمارا کل بھی ان کا تھا آج بھی ان کا ھے جب تک وہ ھیں جب تک ھم ھیں دن تقسیم نہیں ھوں گے؟؟؟

بے شک ستارہ جی درست کہا ہے کہ بڑے بزرگوں سے پیار کرنے کےلئے ان کا خیال رکھنے کےلئے وقت کی کوئی اہمیت نہیں ہونی چاہیئے کیونکہ انہیں کی بدولت ہم لوگ دنیا میں ہیں اگر ہم انکی خدمت نہیں کر سکیں گے تو ہماری اولادیں بھی ہم سے ہی سبق سیکھتی ہیں جو جیسا کرتا ہے ویسا بھرتا ہے یہ قدرتی عمل ہے
اللہ ہم سب کو حقیقت سمجھنے کی توفیق عطا فرمائے آمین ثم آمین

راشد احمد

بہت عمدہ تحریر ہے۔

ایس اے نقوی

بہر شکریہ راشد آپ کا تاہم بھائی ہماری خواہش یہ ہے کہ آپ اپنے خیالات کا اظہار بھی کرو

منتظمین

سرورق کے لیے اپلائی کریں

ایس اے نقوی

حکم کی تعمیل ہوتی ہے

ایس اے نقوی

پاک نیٹ کی سنئیر ممبر محترمہ حنا صاحبہ کی چند الفاظ ایک عظیم رشتہ

انسان جب دنیا میں آتا تو بہت سے رشتے اس کے آس پاس ہوتے ہے ، وہ سب رشتے وقت کے ساتھ ساتھ ختم ہو جاتے ہے مگر ایک رشتہ جو مرتے دم تک انسان کے ساتھ رہتا ہے وہ رشتہ باپ اور ماں کا ہوتا ہے

ماں تو وہ عظیم ہستی ہے جس کے جذبوں اور محبت میں کوئی ملاوٹ نہیں ہوتی ۔ ماں کے بغیر یہ دنیا ادھوری ہے ۔بچہ جب پیدا ہوتا ہے تو جس رشتے سے سب سے پہلے ملتا ہے وہ رشتہ ماں کا ہوتا ہے ۔اللہ نے یونہی تو ماں کے قدموں تلے جنت نہیں رکھی ۔ ماں جو اپنی اولاد کی خوشی میں سب سے زیادہ خوش اور اس کے دکھ میں سب سے زیادہ دکھی ہو جاتی ہے ۔ دنیا میں سب سے زیادہ بد قسمت وہ ہے جو ماں کی قدر نہ کر سکے ۔ ماں کی قدر ان لوگوں سے پوچھو جن کی قسمت میں ماں کی محبت نہیں ہے ۔ چفقت بھری چھاؤں نہیں ہے ۔ اگر میں ساری عمر ماں پر لکھوں تو بھی یہ زندگی کم پڑجائے
میری ماں جس نے مجھے اس عمر تک پہچایا مجھے اس قابل بنایا کہ میں ماں کے بارے میں کچھ لکھ سکوں جس نے میری ہر خواہش کو لبوں تک آنے سے پہلے پورا کیا ۔ اللہ کبھی کسی کو اپنی اس عظیم نعمت سے محروم نہ کرے اور دنیا میں سب کی ماؤں کو سلامت رکھے تاکہ یہ دنیا ہمیشہ خوبصورت رہے