ایم اے راجا

ماہ رمضان میں گراں فروشی کا ذمہ دار کون؟

Attached Thumbnails

 

ایم اے راجا

آپ اپنی رائے سے اس کالم کے متعلق ضرور نوازیئے گا۔ شکریہ۔

منتظمین

سلام!
ساگر ھائی اپ نے ایک بہت ہی اہم معاشی و معاشرتی ناسور کی طرف توجہ مبذول کروائی ہے۔ اس مسلے کہ وجہ سے ماہ رمضان بجائے رحمت کے غریب عوام کے لیے باعث زحمت بن جاتا ہے۔
میرے خیال سے اس مسلے کی وجہ یہ چھوٹے چھوٹے دوکاندار نہیں ہیں‌ بلکہ تجارتی دنیا کہ وہ بڑے بڑے مگرمچھ ہیں‌جو سیاستدانوں‌ کی کرم نوازی کی بدولت رمضان سے بہت قبل ہی ذخیرہ اندوزی شروع کر لیتے ہیں۔ اور بازار میں مصنوعی قلت پیدا کر دیتے ہیں۔ جس کی واضح‌ مثال اس دفعہ رمضان سے بہت پہلے ہی اشیاء صرف کی قیمتوں‌میں گرانی ہے-
اس کا دوسرا بڑا سبب صاحب خثیت لوگوں‌کا بڑی مقدار میں اشیاء صرف کی خریداری ہے۔ ان کی خریداری دیکھتے ہوئے کچھ اس طرح سے لگتا ہے کہ جیسے رمضان کی بجائے میدان جنگ کی تیاریاں‌کر رہے ہیں یاں پھر روزے رکھنے کی بجائے زیادہ کھانے کا مقابلہ منعقد کروانے والے ہیں۔ جس کا واضح ثبوت رمضان میں‌ وزن میں‌ ایک غیر معمولی آضافہ ہے۔
اس کا سب سے مناسب حل یہ ہے کہ ان بڑے بڑے تجارتی مگرمچھوں کو مثالی سزائیں دی جائیں تا کہ ان سے چھوٹے دوکاندار عبرت پکڑیں۔ اگر بڑے مگرمچھ پکڑے جائیں تو چھوتے چھوٹے دوکاندار تو اتنے کم دل ہوتے ہیں کہ گھاٹا کھا کر بھی سرکاری قیمت پر اشیاء صرف فروخت کریں گے۔

معذرت کے ساتھ- ہمارے مولوی حضرات ہر کسی کام میں‌اپنی کارگردگی دکھانے میں ماہر ہیں لیکن آج تک معاشی و معاشرتی مسائل میں ان کا کار خیر تقریبا نا ہونے کے برابر ہے- آج تک کسی مذہبی جماعت نے عوام کے مسائل پر کوئی جلسہ جلوس کیا ہوا یا کوئی "دھرنا دیا " ہو۔ مجھے تو آج تک یاد نہیں پڑتا ایسی کوئی غلط ان سے سر زد ہوئی ہو- ویسے بھی جس ملک میں " ڈیل اور ڈھیل" کا کلچر پروان چڑھ رہا ہو وہاں ایسے مسلے مسائل کے لیے ان کے پاس وقت کہاں-

__________________
تم سپاہی نہیں ہو پیشہ ور قاتلو!

ایم اے راجا

منتظمین صاحبان آپ نے ٹھیک کہا میں نے اپنے اس مختصر کالم میں بڑے تاجروں کا ذکر بھی کیا ہے لیکن اسکی ذمہ دار حکومتِ وقت ہے، ایک بار حضرت عمررضی اللہ و تعالی عنہ خچر پر سوار تھے اور لوگ آپ کی آمد کے منتظر تھے ( آپ اسوقت خلیفہ تھے) ایک پل سے گذر ہو رہا تھا کہ خچر کا پیر اس پل میں موجود ایک گڑھے میں چلا گیا آپ نیچے اتر آئے اور اسی وقت پل کی مرمت کے احکامات دیئے اور خود بھی مصروف ہو گئے آپکے ساتھیوں نے کہا کہ آپکا لوگ انتظار کر رہے ہیں آپ چلیں مرمت ہو جائے گی تو آپ نے فرمایا کہ نہیں یہ خچر روزِ قیامت مجھ سے پوچھے گا کہ تمہیں اللہ نے حکومت عطا کی اور میرا پائوں زخمی ہوا تو میں کیا جواب دوں گا۔ ایک بار آپ نے فرمایا کہ اگر سلطنتِ اسلامی کے کسی دوردراز علاقے میں ایک کتہ بھی بھوک سے مر گیا تو اسکا حساب مجھ ( عمر) سے لیا جائے گا، یہ تھے حکمِ وقت اور آجکل۔۔۔۔۔۔۔۔۔۔۔