ایس اے نقوی

اسلام و علیکم!‌قارئین محترم ایک طویل عرصہ سے اس تحریر کو لکھنا چاہ رہا تھا مگر ناگریز وجوہات کی بناء پر لکھ نہ سکا آج لکھنے کی جسارت کر رہا ہوں صاحب علم حضرات سے التجا ہے کہ میری راہنمائی فرمائی جائے اور منتظمین سے درخواست ہے کہ اگر تحریر میں کوئی لفظ قوانین کی رہ سے مناسب نہ ہے تو نشاندہی کریں آپ سب کے تعاون کا طلبگار سید انجم شاہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔
جس سکول ،جس ادارے ،جس دفتر چلے جائیں ،اسمبلی ہال ہو یا گورنر ہائوس،مختصر یہ کہ ہر دفتر میں آپ کو قائد اعظم کی تصویر ہمیشہ نظر آئے گی
کہیں یہ تصویر مسکراتی وہئی نظر آتی ہے تو کہیں یہ ہی تصویر درد و غم کے عالم میں اور کہیں گم صم سی نظر آتی ہے
مسکراتی ہوئی تصویر اصل میں طنز ہے جو پورے پاکستان پر ہے اسکے باسیوں پر ہے ارباب اختیار پر ہے
انکے چہرے کا کرب اس بات کو ظاہر کرتا ہے کہ ملک آج کن ہاتھوں میں ہے کبھی اس تصویر کو ذرا قریب سے دیکھیئے گا
یہ آپ کو بولتی ہوئی نظر آئے گی
یہ ہم سے پوچھتی ہے کہ
ہم سے سوال کرتی ہے
کیا ہم اس کے سوال کا جواب دے سکتے ہیں؟
کیا وہ مقاصد جنکو پورا کرنے کےلئے پاکستان بنایا گیا تھا پورے ہو چکے ہیں؟
کیا وہ قواعد و ضوابط جو پاکستان کےلئے بنائے گئے تھے عملی طور پر ہمیں کہیں نظر آتے ہیں؟
وہ مقاصد جو ہم حاصل کرنا چاہتے تھے انہیں کیوں نہ حاصل کر سکے؟
ہم اپنی راہوں سے کیوں بھٹک گئے؟
ہم قائد کے پیغام کو کیوں بھول گئے؟
ہم نے قائد کی باتوں پر عمل کیوں نہ کیا؟
یہ وہی ملک ہے جو اسلام کے نام پر حاصل کیا گیا ،لیکن یہاں اسلام قانون نافذ ہے؟
کیا یہاں ہر کام اسلام کے مطابق ہو رہا ہے؟
یہاں ظلم تو نہیں ہو رہا؟
کیا یہاں بیوائوں اور یتیموں کا حق ادا کیا جا رہا ہے؟
کیا یہاں مجرم کو قانون کے مطابق سزا مل رہی ہے؟
کیا یہاں انصاف دکانوں پر بک تو نہیں رہا؟
کیا یہاں اپنوں کو نوازنے کاکام جاری ہے؟
یہاں انصاف کی کس طرح تزلیل کی جارہی ہے؟
اگر ہم ان تمام سوالوں کے جواب دینے کی کوشش کریں تو ہم سے انکا تسلی بخش جواب نہیں دیا جا سکے گا
ہم سوچنے پر مجبور ہوجائیں گے کہ معاشرہ اب تک قائم کیسے ہے
کیونکہ کوئی بھی معاشرہ کفر کی بنیاد پر تو قائم رہ سکتا ہے مگر ظلم کی بنیاد پر نہیں
حیران کرنے والی بات ہے کہ یہ معاشرہ پوری آب و تاب کے ساتھ ظلم کی بنیاد پر قائم ہے
کیا ہم آنے والی نسل کو اس پس منظر سے آگاہ کر رہے ہیں ؟
یا ہم خود بھی اس پس منظر کو بھول چکے ہیں جو پاکستان بنانے کا باعث بنا،؟
جو چیز انسان کو بنی بنائی مل جائے انسان کی فطرت ہے کہ اس کی قدر نہیں کرتا شاید اس لئے ہمیں بھی پاکستان کی قدر نہیں ہے
اگر ہمیں پاکستان کی قدر ہوتی تو آج اسکا یہ حشر نہ ہوتا آج یہاں پر تخریب کاری نہ ہوتی ایک زرعی ملک ہونے کے باوجود زرعی اجناس باہر سے نہ آتیں
انصاف کا اس طرح خون نہ ہوتا عدل صرف کتابوں میں نظر نہ‌آتا اسکی کوئی عملی صورت بھی نظر آتی(تاہم کافی حد تک انصاف کی فراہمی کویقینی بنایا جا رہا ہے)
لوگ امن و سکون سے رہتے یہ بدامنی ہمیں کہیں نظر نہ‌آتی ہم کسی کے سر سے دوپٹہ کھینچنے والے ہاتھ کو کٹوا دیتے کاش!
کاش! ہمیں آزادی کی قدر کرنا‌ آجائے کیونکہ جو قومیں آزادی کی قدر نہیں کرتی انکے گلے میں غلامی کا طق پہنا دیا جاتا ہے وہ قوم ذلیل و خوار ہو جاتی ہے تباہی و بربادی اس کا مقدر بن کہ رہ جاتی ہے تاریخ عروج و زوال کی داستانوں سے بھری پڑی ہے جس نے اسکی پرواہ نہیں کی اسکا نام تک مٹ گیا
کیا قائد کی روح تڑپتی ہوگی؟
کیا اقبال کی روح خون کے آنسو روتی ہو گی؟
ہم کب تک اپنے آپ کو اور ان مقدس روحوں کو دھوکا دیں گے؟
ہم اور کتنی ٹھوکریں کھائیں گے؟
ہم اتنے بے حس کیوں ہو چکے ہیں؟
ہمارے سینے علم کے نور سے خالی کیوں ہوتے جارہے ہیں؟
ہماری آنکھوں سے چمک کیوں غائب ہوتی جا رہی ہے؟
کیا ہم زندہ بھی ہیں یا بدتر ہیں مردوں سےِ؟
ہمارے اندر سے عمل کی قوت کیوں چھن چکی ہے؟
ہم بے عملی کی زندگی گزارنے پر مجبور کیوں ہے؟ِ
آج ہمارے ہاں خالد بن ولید اور محمد بن قاسم پیدا کیوں نہیں ہو رہے؟
اس لئے کہ ہمارے اندر سے وہ تربیت ختم ہو چکی ہے ہماری سوچیں سطحی ہو چکی ہیں ہمارے اندر سے اسلام کردار کی جھلک مٹتی جا رہی ہے
ہمارے عقائد ٹوٹ پھوٹ کا شکار ہو چکے ہیں
پاکستان کو اس حالت میں دیکھ کو ہم قائد کی آنکھوں میں آنکھیں ڈال کو جواب دے سکتے ہیں؟؟
کیا ہمیں حق ہے کہ ان ہستیوں کی تصویریں ہر جگہ لگائیں؟
ہم ان تصویروں کی کیا عزت کرتے ہیں؟
اس تصویر کے سامنے رشوت بھی لی جاتی ہے
منافقت بھی کی جاتی ہے
ملک توڑنے کی باتیں بھی کی جاتی ہیں
عدل و انصاف کی دھجیاں بھکیری جاتی ہیں
انصاف دولت کے ترازو میں تولا جاتا ہے
آخر یہ کیوں ہو رہا ہے اور یہ کب تک ہوتا رہے گا؟؟؟؟؟؟؟؟؟؟؟؟؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔
اگر آج ہم اپنے فرائض منصبی بہتر طرح سے سر انجام دیں تو ہوسکتا ہے آنے والی نسلوں تک کوئی نہ کوئی بہتری ممکن ہو جائے آج سب واقف ہیں کہ روشنیوں کا شہر کراچی خون کے رنگ میں رنگا ہوا ہے آخر کیوں ؟ کراچی شہر کے مکینوں پر اللہ رحم کرے آمین ثم آمین
انصاف کو عدلیہ والا انصاف نہ سمجھا جائے انصاف فراہم کرنے کےلئے دیگر ادارے بھی موجود ہیں میرا انصاف سے عدلیہ مقصد نہ ہے
اللہ ہم پر اپنا کرم کرے اور ہم کو سیدھی راہ پر چلنے کی توفیق فرمائے

shafresha

شاہ جی اتنی میٹھی زبان سے اتنی کڑوی باتیں!
کیا آپ کو ان باتوں کو سننے والے کڑوے کان بھی مل جائیں گے؟
شئیرنگ کا شکریہ!

ایس اے نقوی

صدیقی بھائی حقیقت یہ ہے کہ اس تحریر کو بہت عرصہ سے لکھنا چاہ رہا تھا اور اب کی بار میں نے لکھ کر
اپنے اندر کا چول نکالا ہے یعنی اپنے دل کی بھڑاس نکالی ہے
آپ کا شکریہ

منتظمین آپ نے تحریر کو پڑھ لیا ہو گا واضح کر دیں کوئی قوانین سے ہٹ کر الفاظ کا استعمال تو نہیں ہوا جواب کا منتظر خادم اعلی

سیپ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔

محمدخلیل

ہو نہ ہو یہ کوئی سچ بولنے والا ہے قتیل
جس کے ہاتھ میں قلم اور پائوں میں زنجیریں ہیں

__________________
جب تک میری انفریکشن ختم نہیں ہوگی میں فورم میں نہیں آونگا۔

Real_Light

انجم صاحب بہت ہی زبردست اندازمیں اپنا مقصد عوام کی نظر کیا ہے ،، فکر انگیز اور موثر اور دلکش انداز
امید ہے ہمیں اپنی تازہ ترین تحریروں کے لئے صفِ اول میں شمار رکھیں گے

التماس دُعا حجت

__________________

ایس اے نقوی

بہت شکریہ بھائی جی آپ کا
اس تحریر کے لکھنے کے بعد میں نے فیصل ناصر کی تحریر ”بےشرم حکمران اور بے شرم عوام
پڑھی جس میں انہوں نے بہت واضح انداز میں حقائق بتا دیئے ہیں فیصل ناصر کی تحریر پڑھ کر مجھے اندازہ ہوا ہے کہ ابھی میں اس قابل نہین ہو سکا کہ اچھی تحریر لکھ سکوں فیصل ناصر کی تحریر اور میری تحریر میں کافی کچھ مشترک ہے
اور میں سمجھتا ہوں کہ فیصل نے بھی دل کی بھڑاس نکالی ہے
آپ کا بہت شکریہ

wajee

شاہ جی آپ تو بہت ہی عمدہ لکھتے ہو آپ اپنی کوئی کتاب بھی بنائیں یا چھاپے

ایس اے نقوی

نہیں جناب میں اس قابل کہاں ہوں یہ تو پاک نیٹ انتظامیہ اور ممبران کی مہربانی ہے جو تعاون فرماتے ہیں

فیصل ناصر

بہت اچھے شاہ جی
آپ کی محبتیں ہیں میں تو بھائی لکھنا جانتا ہی نہیں‌صرف پڑھنے کا شوقین ہوں
مذکورہ مراسلہ میرا نہیں ہے صفدر ھمدانی صاحب کے ایک کالم سے اقتباس نکالا ہے
آپ کی دعا ہو گی تو کچھ نا کچھ لکھ ہی لونگا
آپ اور شافرشہ کا شمار لکھاریوں‌میں ہوتا ہے

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

ایس اے نقوی

فیصل جی بخوبی جانتا ہوں کہ وہ تحریر ہمدانی صاحب کی تھی مگر پاک نیٹ پر پیش تو آپ نے کی وہ تحریر یہاں پر آپ کی وجہ سے پہچانی گئی ہے اور اللہ جانتا ہے کہ میں لکھنا نہیں جانتا بس کبھی کبھی لکھنے کی کوشش کرتا ہوں جس میں اکثر اوقات ناکامی دیکھنا پڑتی ہے آپ کا شکریہ

راشد احمد

بہت اثر انگیز تحریر لکھی ہے لیکن یہ مت بھولیں کہ آج جو کچھ ہورہا ہے وہ ہمارا ہی پیدا کردہ ہے۔ حکمرانوں کو الزام مت دیں خود اپنے گریبان میں جھانکیں۔ میری تحریر ذلت اور رسوائی یہاں شائع ہوئی ہے اسے پڑھیں گے تو اپنے آپ پر ندامت محسوس ہوگی۔
یہ لنک ملاحظہ فرمائیں
ذلت اور رسوائی

ایس اے نقوی

بہت خوب کہا آپ نے
مگر میں نے تحریر میں لکھا ہوا ہے کہ
”کاش! ہمیں آزادی کی قدر کرنا‌ آجائے کیونکہ جو قومیں آزادی کی قدر نہیں کرتی انکے گلے میں غلامی کا طق پہنا دیا جاتا ہے وہ قوم ذلیل و خوار ہو جاتی ہے تباہی و بربادی اس کا مقدر بن کہ رہ جاتی ہے تاریخ عروج و زوال کی داستانوں سے بھری پڑی ہے جس نے اسکی پرواہ نہیں کی اسکا نام تک مٹ گیا “

حکمرانوں کو مورود الزام ضرور ٹھہرایا ہے مگر ساتھ یہ بھی لکھا ہے کہ کاش ہمیں آزادی کی قدر کرنا آجائے اور پڑھ لیں آپ کی تنقید پڑھ کو بہت زیادہ خوشی ہوئی اور میں اس تحریر میں تنقید کرنے والے ممبران کو زیادہ پسند کروں گا کیونکہ انکو تنقید کرتے وقت محسوس ہو گا کہ وہ خود کیا ہیں اور کیا وہ خود کو پاکستانی کہلانے کے لائق ہیں
غصہ نہ کیجئے گا آپ کا شکریہ مزید تبصرہ ضرور کریں

راشد احمد

آزادی کی قدر باشعور قومیں کرتی ہیں۔ ہم میں‌پہلے شعور تو آئے

انگریز آپ پر مسلط تھے۔ اب انگریز نما لوگ آپ‌ اپنے آپ پر خود ہی مسلط کرتے ہیں۔

تانیہ رحمان ستارہ

انجم جی آپ نے بہت اچھی کوشش کی ہے لیکن یہ جو ہم لکھتے ہیں صرف اور صرف اپنی ذات کو تسلی دینے کے لیے ۔اس لیے کے خود سے سوال جواب کر کر کے تھک گیے ہیں ۔ کب سے ملک کے حالات خراب ہیں ہر صبح اس امید اور آس پر کہ آج کا دن شاہد کل سے اچھا ہو ۔لیکن بے کار ہر کوئی دوسرے کو دیکھتا ہے وہ کرئے جب اپنا پیٹ بھرا ہو تو کوئی بھوکا نظر نہیں آتا ۔ قاہد نے بھی مسلمانوں کے لیے الگ وطن کے خواب کو پورا کیا لیکن ان کے وہم و گمان میں بھی نہیں ہو گا کہ ایک وقت آئے گا مسلمان ہو کر ایک دوسرے کو موت کی وادی میں سلا دیا جائے گا ورنہ کافروں کے ساتھ ہی رہ لیتے اس بات کا دکھ تو نا ہوتا ۔ کہ مسلمان ، مسلمان کو مار رہا ہے