راشد احمد

یہ 1880 کی بات ہے. برطانیہ میں ایک غریب کسان کھیتی باڑی کرکے اپنے بچوں کا پیٹ پالتا تھا وہ انتہائی غریب تھا کہ وہ اپنے بچوں کو پڑھا نہیں سکتا تھا. ایک دن وہ کسان اپنے کھیتوں سے واپس آرہا تھا کہ اس نے کسی بچے کی چیخ سنی تو وہ چیخ کی سمت روانہ ہوگیا. یہ چیخیں ایک جنگل سے آرہی تھیں. وہ جنگل میں داخل ہوا تو اس نے ایک دلدل میں ایک پانچ سالہ بچے کو ڈوبتے ہوئے پایا جو گردن تک ڈوبا ہوا تھا اس نے فوری طور پر بچے کو کسی چیز کی مدد سے باہر نکالا اور اس نے بچے سے پوچھا کہ وہ کہاں رہتا ہے تو بچے نے بتایا کہ وہ اپنے ماں باپ کے ساتھ سیروتفریح کے لئے آیا تھا. کسان نے بچے کو اس جگہ چھوڑا جہاں اس کے ماں باپ رہائش پذیر تھے اور خود گھر کی طرف روانہ ہوگیا.

دوسرے دن اس کے گھر کے دروازے پر ایک بگھی رکی. اس میں سے وہ بچہ اور اس کا باپ باہر نکلے. اس نے کسان کو اپنا تعارف کرایا کہ وہ فلاں جگہ کا نواب ہے اور بچے کی جان بچانے پر کسان کا شکریہ ادا کیا. اس کے بعد نواب نے جیب میں ہاتھ ڈالا اور کچھ پیسے نکال کر کسان کو کہا کہ تم نے میرے بچےکو بچایا ہے اس لئے یہ رقم قبول کرلیں. کسان نے رقم لینے سے انکار کردیا. اسی اثناء میں کسان کا بیٹا کسان کے ساتھ کھڑا ہوگیا. نواب نے پوچھا کہ یہ تمہارا بیٹا ہے کسان نے ہاں میں سرہلایا. نواب نے پوچھا کہ تمہارا بیٹا پڑھتا ہے. کسان نے انکار میں سرہلادیا اور کہا کہ اسے پڑھنے کی کیا ضرورت ہے اس نے بھی ہماری طرح کھیتی باڑی کرنی ہے. نواب نے کسان کو تعلیم کی اہمیت بتائی اور کہا کہ وہ اس بچے کے تعلیمی اخراجات اٹھانے کو تیار ہے. کسان نے پھر انکار میں سرہلادیا تو نواب نے کہا کہ میں اس بچے پر چھوڑتا ہوں کہ یہ پڑھنا چاہتا ہے یا نہیں. نواب نے کسان کے بیٹے کے پوچھا کہ وہ پڑھناچاہتا ہے؟ تو بچے نے کہا کہ ہاں.

نواب نے خوش ہوکر کہا کہ اب فیصلہ ہوگیا ہے. یہ بچہ پڑھنا چاہتا ہے اس لئے میں اس کے سارے تعلیمی اخراجات اٹھاؤں گا. اس کے بعد نواب کا بیٹا اور کسان کا بیٹا دونوں اکٹھے سکول جاتے اور اعلٰی تعلیم حاصل کرنے کے بعد دنیا کی دو عظیم شخصیات بن گئیں. کسان کا بیٹا سر الیگزینڈر فلیمنگ تھا جس نے پنسلین ایجاد کی آج ہم جو انٹی بائیوٹک دوائیاں کھاتے ہیں وہ الیگزینڈر فلیمنگ کی مرہون منت ہیں جبکہ نواب کا بیٹا بعد ازاں برطانیہ کا وزیراعظم بنا اور سر ونسٹن چرچل کے نام سے مشہور ہوا. دونوں میں کافی چیزیں مشترک ہیں دونوں نے سر کا خطاب حاصل کیا اور دونوں نوبل انعام یافتہ ہیں.

مجھے یہ واقعہ پاکستان کے ٹونٹی ٹونٹی ورلڈ کپ جیتنے کے بعد شدت سے یاد آرہا ہے. وزیراعظم نے ان تمام کھلاڑیوں کے اعزاز میں عشائیہ دیا. بعدازاں انہیں انعام وکرام سے نوازا اور وزیراعظم نے ان کھلاڑیوں کے ساتھ گروپ فوٹو بنوائی لیکن اس گروپ فوٹو میں دیوار پر بلاول بھٹو زرداری، آصف زرداری، بے نظیر بھٹو، ذوالفقار علی بھٹو کی تصاویر تھیں لیکن قائداعظم کی تصاویر نہیں تھیں. اسی طرح ایک نجی ٹی وی نے اس قسم کی بہت سی تصاویر اور ویڈیوز دکھائیں جہاں قائداعظم کی تصویر سرے سے موجود نہیں تھی. ایک نواب نے اپنے بیٹے کو بچانے کے عوض ایک کسان کے بیٹے کو پڑھا لکھا کر ایک مشہور سائنسدان بنادیا. ایک کسان نے نواب کے بیٹے کو بچایا تو وہ برطانوی قوم کا مقدر بن گیا اس نے برطانوی قوم کو عظیم قوم بنایا اسے ایٹمی طاقت دلوائی لیکن ہمارے ہاں ایک شخص نے مسلمانوں کے لئے پاکستان بنایا اور ہم نے اس کے احسان کا بدلہ یہ دیا کہ اس کی تصاویر ہی دیواروں سے غائب کرادی. اس کی خدمات کو ہم اس طرح فراموش کرگئے کہ ہم نے صدارتی ہاؤس، وزیراعظم ہاؤس سے اس کی تصاویر ہی ہٹادیں اور وہاں بے نظیر، زرداری، ذوالفقار بھٹو اور بلاول زرداری کی تصاویر لگادیں. کیا ہی اچھا ہوتا کہ بلاول زرداری کی جگہ قائداعظم کی تصویر ہوتی. بلاول زرداری، بے نظیر بھٹو، آصف زرداری نے کسی موقع پر پاکستان کونہیں بچایا. بے نظیر کے دور میں بھی کرپشن، اقرباء پروری، ناانصافی کی عظیم الشان مثالیں قائم ہوئیں جیسی آج آصف زرداری کے دور میں ہورہی ہیں.

دوسری جانب آئیے! یوسف رضاگیلانی اور آصف زرداری نے ورلڈ کپ جیتنے کے بدلے فی کھلاڑی25 لاکھ روپے انعام دیا لیکن قائداعظم کو پاکستان بنانے کی سزا اس کی تصاویر ہٹاکردی اور وہ یہ بھول گئے کہ وہ جس ملک کے وزیراعظم اور صدر ہیں وہ ملک قائداعظم کی مرہون منت ہے. یونس خان نے ورلڈ کپ میں فتح باب وولمر کے نام کی لیکن وزیراعظم ہاؤس کے درودیوار پر قائداعظم کی اتری تصاویر نہ دیکھ سکے. پاکستانی کھلاڑی انعام وکرام لے کر تو گھر چلے گئے لیکن کیا ہی اچھا ہوتا کہ اپنے انعامات اور کمائی سے چند لاکھ روپے سوات متاثرین کو دے دیتے. ہرجماعت اپنے جلسے جلوسوں میں اپنے سیاسی قائدین کی بڑی بڑی قدآور تصاویر لگادیتی ہے لیکن قائداعظم کی تصویر لگانا گوارا نہیں کرتی. یہ سیاسی جماعتیں اپنی پارٹی کے جھنڈے اٹھاکر جلسے جلوس کرتی ہے لیکن پاکستان کا پرچم اٹھانا گوارا نہیں کرتی. شاید اسی لئے ہم غیرترقی یافتہ اور دنیا میں ذلیل ہورہے ہیں.

کبھی کبھی سوچتا ہوں کہ وہ کسان اس بچے کو نہ بچاتا تو نہ سر ونسٹن چرچل پیدا ہوتا اور نہ ہی سر الیگزینڈرفلیمنگ اور ونسٹن چرچل کا یہ مقولہ مشہور نہ ہوتا کہ برطانیہ کو کوئی خطرہ نہیں کیونکہ ہماری عدالتیں آزاد ہیں. ان سے ہمارے سیاستدانوں اور مفاد پرست عناصر کو سیکھنے کی ضرورت ہے

__________________
حکمران کے محبوب ہونے اور فرعون بننے میں رویے کا فرق ہے۔

shafresha

راشد بھائی یہ ہوئی نا بات!
آپ کی تحریر کا اصل رنگ، میری جانب سے مبارکباد قبول فرمائیں۔ سرورق کے لیئے تو اپلائی کرہی دو!

راشد احمد

حوصلہ افزائی کا شکریہ شاہد بھائی

منتظمین

عمدہ تحریر ہے۔ اور بہت ساری جغادری لکھاریوں سے اچھی ہے۔ سرورق کی تجویز تو پہلے ہی کر دی گئی ہے۔

__________________
تم سپاہی نہیں ہو پیشہ ور قاتلو!

ام طلحہ

بہت اعلیٰ تحریر ہے۔ جانے پہلے میری نظر سے کیوں اوجھل رہ گئی۔ خیر دیر تو ہو گئی ہے لیکن اسے دوسرے پڑھنے والوں کیلئے سامنے لا رہی ہوں،۔

__________________
یا اللہ!! تمام دنیا سے قوم یہود کو اپنی ناپاک سوچ سمیت نیست و نابود کر دے۔ اس قوم کا نام و نشان ہی مٹا دے۔ آمین ثم آمین

ھارون اعظم

اچھی تحریر ہے۔ واقعی پہلے میری نظر سے بھی اوجھل رہی یہ تحریر۔

فرحان دانش

بہت ہی اچھی تحریر ہے۔

اویسی

شاید اسی وجہ سے زرداری نے قائداعظم کی تصویر ہٹادی ہے؟

حیدر

پاکستان کھپے کا نعرہ اگر ایسا ہی معجزہ افریں ہے تو یہی نعرہ 1971 میں کیوں نہ لگا۔ شاید تب زر-داری نہ تھا ۔
زر-داری کھپے

عبدالقدوس

1971 میں تو انہوں نے یہ کارنامہ کیا تھا اب بھی کوشش تو کررہے ہیں

ایس اے نقوی

اسلام و علیکم!
ہمیشہ یہ کوشش رہی ہے کہ فورم پر شائع ہونے والی بہترین تحاریر کو سامنے لایا جائے
انہی میں سے ایک یہ تحریر ہے
راشد بھائی میری جانب سے مبارک قبول کریں
ایک بہترین تحریر پر آپکو شکریہ ادا کرتا ہوں

عدنان دانی

شمشاد احمد

بہت عمدہ تحریر ہے۔۔۔۔۔۔۔۔۔۔۔۔۔ اور نصیحت ہے۔۔۔۔ جو قوموں اپنے محسنوں کو فراموش کرتی ہیں وہ اسی طرح ربزوال ہوتی ہیں ۔۔۔۔۔ جس طرح ہم ہو رہے ہیں۔۔۔۔۔۔۔۔۔ ہماری بد قسمتی تو دیکھی۔۔۔۔ ہم نے پاکستان میں قائد اعظم رحمة اللہ علیہ تک کو متنازعہ بنا دیاہے۔۔۔۔۔۔۔۔۔۔۔

رہی بات رزداری کے فرمان کی کہ قائد کا پاکستان ٹوٹ ‌چکا ہے۔۔۔۔۔۔۔۔۔۔۔ یہ بھٹو کاتحفہ ہے۔۔۔۔۔۔۔۔ تو بھٹو ہی تو قائد کے پاکستان کو تو‎ڑنے والوں میں شامل تھا۔۔۔۔۔۔۔۔ ادھر تم ادھر ہم ۔۔۔۔۔۔۔۔۔ کا نعرہ کس نے لگایا تھا۔

__________________
بندے اور اللہ تعالی سے محبت کا فرق یہ ہے کہ۔ بندے کی محبت ہمیشہ انسان کی بڑی کمزوری بن جاتی ہے۔ اور اللہ تعالی کی محبت ہمیشہ انسان کی سب سے بڑی طاقت بن جاتی ہے۔

فاروق سرورخان

محترم مصنف نے اس کہانی کے برطانوی حصے کے چند حقائق پیش نہیں‌کئے۔

پیش کردہ حقائق:
1۔ الیگزنڈر فلیمنگ کے کسان باپ نے س ونسٹن چرچل کی جان دلدل سے بچائی۔
2۔ سر ونسٹن چرچل کے باپ نے الیگزینڈر فلیمنگ کو تعلیم دلوائی۔

حقائق جو موجود نہیں:
3۔ سالہا سال کے بعد جب سر ونسٹن چرچل بری طرح بیمار پڑا تو الیگزینڈر فلیمنگ کی ایجاد کردہ اینٹٰ بائیو ٹک ادویات سے اس کا علاج ہوا۔

کسان باپ کی نیکی، اس کے بیٹے کے کام آئی اور نواب باپ کی نیکی اس کے بیٹے کے کام آئی۔

اب دیکھنا یہ ہے کہ زرداری کی "نیکی" کس طرح اس کے بیٹے کے کام آتی ہے ؛)

__________________
فاروق سرور خان
ترے ضمیر پہ جب تک نہ ہو نزول کتاب
گرہ کشـا ہے نـہ رازی نـہ صـا حب کشـاف

منتظمین

کہانی اچھی ہے لیکن خیالی ہے۔

Alexander Fleming - Wikipedia, the free encyclopedia


دوسرا حوالہ

Sir Alexander Fleming Twice Saved Churchill's Life

The Churchill-Fleming Non-Connection: The story that Sir Alexander Fleming or his father (the renditions vary) saved Churchill's life has roared around the Internet for years. Charming as it is, it is certainly fiction.