عبداللہ حیدر

میں آج صبح سے بہت بے کل ہوں۔ ملکی حالات بدتر سے بدتر ہوتے جا رہے ہیں۔ قوم سے عدلیہ کے نام پر ووٹ لے کر اس سے آنکھیں پھیری جا رہی ہیں۔ بجلی کا بحران شدید ہو چکا۔ لوگ خودکشی جیسی حرام موت مر رہے ہیں۔ آئین اور قانون کی دھجیاں وہ شخص بکھیر رہا ہے جسے ان کا پاسبان ہونا چاہیے تھا۔
یہ سارے مسائل اپنی جگہ موجود ہیں۔ لیکن مجھے جامعہ حفصہ میں فاسفورس بموں کا نشانہ بن جانے والی بچیاں چین نہیں لینے دے رہیں۔ جو قرآن پڑھتی تھیں لیکن ان کے گوشت کے ٹکڑے کوڑے کرکٹ کے ڈھیروں میں مل رہے ہیں۔ جن کی ہڈیاں اور اعضاء ملبے کے ساتھ ندی نالوں میں پھینک دیے گئے۔ وہ بھی ہماری بہنیں تھیں۔ اکتوبر کے زلزلے میں فوت ہو جانے والے والدین کی یتیم و یسیر بچیاں جن کے والدین نے انہیں کیسے نازونعم سے پالا ہو گا لیکن گردش ایام نے انہیں وہاں لا پھینکا تھا۔ قبائلی اور سرحدی مسلمانوں کی بچیاں جن کے چہرے کی جھلک چاند نے بھی نہ دیکھی تھی۔ یہود و صلیب کے ایجنٹ نے ان کے ٹکڑے ٹکڑے کر کے اسلام آباد کے کتوں کو کھلا دیے لیکن کسی کے کان پر جوں تک نہ رینگی۔
کیا قصور تھا؟ کیا مطالبہ تھا؟ یہی نا کہ جس اسلام کے لیے ملک حاصل کیا اس کے قوانین نافذ کرو۔ طریقہ کار درست نہ ہونے کے باوجود کوئی ایسا جرم نہیں کیا تھا جس کی پاداش میں انہیں فاسفورس بموں کا نشانہ بنا دیا جائے۔
واللہ، اے اہل پاکستان! مجھے اپنی آخرت سے بڑا ڈر لگ رہا ہے۔ آؤ، سب مل کر اللہ کے حضور توبہ کریں۔ شاید وہ عذاب ہم سے ٹل جائیں جو ہمارے اپنے کرتوتوں کی وجہ سے آئے ہیں۔
اللھم انی ابرا الیک مما صنع ھٰئولاء۔ اللھم انا نستغفر من جمیع الذنوب و الخطایا و نتوب الیک۔

The Great

اچھا لکھا ھے اپ نے جناب۔

تفسیر حیدر

اچھا نہیں، بہت اچھا لکھا ھے اپ نے ۔