عرفان حیدر

سلام،

صبح کا وقت تھا اور اخبارات پڑھتے ہوئے مختلف خبریں میرے سامنے سے گزر رہی تھیں کہ ایک خبر پر نظر ٹھر گئی، وہ خبر کیا تھی ایک بچی کی تصویر تھی جس کا سر ایک گاڑی کے شیشے سے باہر جھکا ہوا تھا اور خون اس گاڑی کی شیشوں پر لگا ہوا تھا۔اسکے ہاتھوں میں اور کپڑوں پر خون لگا ہوا تھا اور تصویر کے نیچے خبر کچھ اسطرح تھی "اسرائلی حملہ میں ہلاک ہونے والی بچی"۔ یہ بکھرے ہوئے خون میں لتھڑے بال، یہ مٹی اور خون میں اٹا چہرہ، یہ ویران آنکھیں، اُف خدا کی پناہ، کیا میں ایسا ہونے دیتا؟ کیا میں اسے اسطرح مرنے دیتا؟ سوال بہت مگر جواب ایک بھی نہیں ؔآخر بوجھل دل کے ساتھ اخبار بند کردیا اور آنکھیں بند کرکے نہ معلوم کہاں کھو گیا۔

صبح کا وقت تھا اور اخبارات پڑھتے ہوئے مختلف خبریں میرے سامنے سے گزر رہی تھیں کہ ایک خبر پر نظر ٹھر گئی، وہ خبر کیا تھی ایک بچی کی تصویر تھی جس کی آنکھوں میں آنسو تھے، اور اسکے پیچھے ایک ٹینک کھڑا تھا اور ساتھ میں کچھ امریکی فوجی بھی تھے، اور تصویر کے نیچے لکھا ہواتھا "بغداد میں امریکی فوجیوں کی کاروائی کے دوران ایک بچی سڑک پر کھڑی رو رہی ہے"۔ یہ برہنہ سر، بکھرے ہوئے بال، آنکھوں میں آنسو، یہ اداس چہرہ میں لرز کر رہ گیا۔میرے سامنے میری اپنی چھوٹی بہن کی تصویر آگئی کہ اگر وہ اس طرح روتی تو کیا میں برداشت کرتا؟ کیا میں اسکے بالوں کو بکھرنے دیتا، کیا میں اسکے سر پر سے چادر کو ہٹنے دیتا؟ کیا اس کے چہری کی اداسی مجھ سے دیکھی جاتی؟ نجانے کتنے سوال میرے ذہن میں گھوم رہے تھے مگر جواب ایک بھی نہیں آخر بوجھل دل کے ساتھ اخبار بند کیا اور آنکھیں بند کرکے نہ معلوم کہاں کھو گیا۔

صبح کا وقت تھا اور اخبارات پڑھتے ہوئے مختلف خبریں میرے سامنے سے گزر رہی تھیں کہ ایک خبر پر نظر ٹھر گئی، وہ خبر کیا تھی ایک تصویر تھی ، ایک بچہ اپنی ماں کو اپنے سامنے دم توڑتا ہوا دیکھ رہا تھا، اسکی ماں کا حجاب خون سے سرخ تھا اور وہ اپنے سینے پر ہاتھ رکھ کر ابلتے ہو خون کو روکنے کی ناکام کوشش کررہی تھی جس میں اسکا بچہ بھی اسکا ساتھ دے رہا تھا،مکمل برقہ میں موجود اس عورت کا ایک ہاتھ سینے پر اور ایک اپنے بچے کے چہرے پر تھا اور وہ اپنے بچے کے چہرے کی طرف دیکھ رہی تھی اور بچہ رو رہا تھا۔تصویر کے نیچے خبر کچھ اسطرح تھی" لبنان پر اسرائلی بمباری کے نتیجے میں ایک قریب المرگ عورت اپنے بچے کو دلاسہ دیتے ہوئے"۔

آہ کیا یہی سب کچھ دیکھنے کو رہ گیا ہے؟

وسلام

منتظمین

ذرا فواد بھائی سے پوچھیں ایسا کیوں ہے۔ امریکہ کیا سپورٹ کرتا ہے؟