shafresha

بھارتی اداکار عامر خان اپنی فلموں میں‌فلم بینوں کو کوئی نا کوئی پیغام ضرور دیتے ہیں (اُن کی فلم گجنی کے پیغام کے لیئے لوگ اپنے موبائل فون کے اِن بکس کو چیک ہی کرتے رہے مگر وہ نا آیا) ۔

میں‌عموما اُردو فلمیں‌دیکھنے سے دانستاً گریز ہی کرتا ہوں مگر اپنے ایک آفس گولیگ کشور آسمل کے اصرار پر پچھلے دنوں ‌ریلیز ہونے والی فلم 3 Idiots کو دیکھنے کا اتفاق ہوا۔ اُس فلم کو دیکھ کر مجھے ایک شخص کی یاد آ گئی سوچا آپ سے بھی شئیر کیا جائے۔

چناچہ اس بات پر بحث کی جاسکتی ہے کہ کیا ڈگری ہولڈر ہونا کسی کے پڑھے لکھے یا قابل ہونے کی دلیل ہے؟
یا
علم محض درسگاہوں اور مدارس کے ذریعے ہی حاصل کیا جا سکتا ہے؟
یا
کسی ارادے سے سند یافتہ ہونا آپ کے متعلقہ فن میں‌ماہر کا ثبوت ہے وغیرہ وغیرہ

اُس نے ایک غریب گھرانے میں‌آنکھ کھولی تھی۔ اگرچہ گھر میں پیسے کی ریل پیل نا تھی مگر گزارہ باآسانی ہوتا تھا۔ محلے کے دیگر بچوں کی بنسبت اُسے کتابیں اچھی لگتی تھیں۔ نانا کے گھر میں پڑی موٹی موٹی کتابوں‌کی دیکھ کر وہ دلچسپی سے اُنھیں‌اٹھاتا اور جھوٹ‌موٹ پڑھنے لگتا۔

کاغذ اُس کی کمزوری تھا خواہ وہ کسی اخبار کا تراشہ ہو یا کسی رسالے کا ٹائٹل وہ اُسے ایک مرتبہ دیکھتا ضرور تھا۔ اسکول میں داخلے کے بعد اُس کا یہ جنون بڑھتا گیا۔ وہ سب کچھ بہت جلدی پڑھ لینا چاہتا تھا۔ گھر میں‌بھی وہ اپنی کاپیوں پر لکھتا رہتا، کاپیوں کے جلد سیاہ ہونے جانے پر ڈانٹ‌ پڑنے لگی تو اُس نے اپنے بستے میں‌اسکول سے ملنے والے ردی کاغذ بھرنے شروع کردیئے۔ وہ سب سے بے خبر گھر میں‌لگے بیری کے درخت پر بیٹھا کچھ نا کچھ لکھتا یا پڑھتا رہتا۔

دوسری جماعت ہی سے اخبار پڑھنے کے قابل ہوگیا۔ امی سودے کب منگوائیں گی؟ وہ ناشتہ کرکے سوال کرتا۔ محلے کے دُکاندار کے یہاں جنگ اخبار آتا ہے وہ یہ جانتا تھا۔ سودا لینے کے بہانے وہ چھپ چھپ کر اخبار پڑھا کرتا تھا۔طریقہ واردات یہ تھا کہ وہ دُکان سے دور کھڑا ہوکر دُکان پر بھیڑ لگ جانے کا انتظار کرتا اور پھر چپکے سے دُکان کے اندر داخل ہو کر اخبار اُچک لیتا جو عموماً چاول کی کھلی بوری پر رکھا ہوا ہوتا تھا۔ جلد ہی اُس کی یہ چالاکی پکڑی گئی جب دُکاندار نے اُسے تازہ اخبار پڑھتے ہوئے "رنگے ہاتھوں" پکڑ لیا۔
یہ کیا ہے بے؟ دُکاندار اُس پر برسا!
مم مم مہ وہ ممیایا۔ ۔ ۔ ۔ ۔

اُس دن کے بعد کچھ دنوں تک وہ خوف کے مارے دُکان پر نہیں‌گیا۔ پھر کچھ دنوں کے بعد جب دُبارہ جانا ہوا تو تازہ اخبار کو دیکھ کر اُس کی آنکھوں میں‌"تازی ڈبل روٹی"‌گھوم گئی۔ دُکاندار بھی یہ بات بھانپ گیا اور پھر اُس روز اُس کے اور دُکاندار کے درمیان ایک معاہدہ طے پایا کہ جب رش ہوگا تو وہ سامان کے دینے میں‌دُکاندار کی مدد کرے گا اور اُس کے صلے میں‌اُسے اخبار پڑھنے کی اجازت ہوگی، مگر سُرخیوں والا صفحہ پہلے دُکاندار پڑھے گا۔ اُس نے فوراً حامی بھر لی۔ یوں وہ سُرخیوں‌سے پہلے کالم والا صفحہ پڑھتا۔ کالم والے صفحے پر رئیس امرہوی کے اشعار (قطعہ) اُس کی معصوم سمجھ میں‌نہیں آتے تھے، ایک دن اُس نے دُکاندار سے اُن کا مطلب پوچھا، ہا ہا ہا ابے میں‌کیا جانو! اُسے جواب ملا۔

پھر اُس نے یہ اشعار ایک کاغذ پر نوٹ‌کرنا شروع کردیئے۔ وہ یہ اشعار لے کر اپنے اُستاد کی خدمت میں ‌حاضر ہوا تیسری کلاس کے بچے کے ہاتھ میں‌ "ہزار عالم و آدم ہزار خالق و خلق ابھی ہیں عرصہِ تخلیق میں" جیسا مصرعہ کہنے والے شاعر و فلسفی کے اشعار دیکھ کر حیراں ہوئے اور پھر اُس دن سے وہ بچہ اُن کی نگاہوں‌کا مرکز بن گیا۔

وہ ایک گورنمنٹ اسکول تھا، لائیبریری کا کوئی تصور نا تھا۔ پانچویں‌کلاس میں‌اُسے کسی نے بتایا کہ ڈیڑھ گھنٹے کی مُسافت پر ایک لائیبریری ہے جہاں ‌بے شمار کتابیں‌ہیں اور اُنھیں پڑھنے پر کوئی پابندی نہیں‌ہے‌، اچھا! اُس کی نگاہوں کے سامنے سینکڑوں‌ڈبل روٹیاں‌ ناچنے لگیں۔

لائبریری میں‌داخل ہوکر اُس کی آنکھیں کھلی کی کھلی رہ گئیں چاروں طرف قد آدم الماریوں‌کی شیشے سے جھانکتی رنگ برنگی جلدوں میں‌کتابیں اُسے دادی کی کہانیوں کی پریوں‌کی مانند لگیں‌۔
مجھے ایک کتاب چاھیئے اُس نے جھجھکتے ہوئے کہا ، کون سی؟ لائبریریئن نے چشمے کے پیچھے سے جھانکتے ہوئے کہا۔
کوئی سی بھی اُس نے کاندھے اُچکا کر کہا!
میاں‌ پہلے معلوم کرکے کے آؤ کون سی چاھیئے ورنہ وہاں انڈیکس پڑی ہے اُس میں‌دیکھ لو! بوڑھا لائبریریئن منہ ہی منہ میں‌کچھ بڑبڑایا۔
انڈیکس میں‌لگے کارڈز دیکھ کر اُس کا دماغ چکرانے لگا پھر اچاننک اُس کی نظر الف لیلۃ پر پڑھی۔ یہ والی! اُس نے بھاری انڈیکس اُٹھا کر لائبریریئن کے سامنے رکھتے ہوئے اشارے سے کہا۔

الف لیلۃ جانتے ہو اس کا کیا مطلب ہے؟ بوڑھا لائبریریئن چیخا!
ایک ہزار کہانیاں ہیں اس میں‌تم کیسے پڑھو گے؟
اچھا یہ لو اُس نے "عمرو عیار کے کسی کارنامے"‌ کی کوئی کتاب اُس کے سامنے رکھ دی، وہاں سامنے بیٹھ کر پڑھ لو اور دیکھو یہ پھٹے نہیں‌ورنہ پورے پیسے بھرنے پڑیں‌گے، لائبریریئن نے کہا۔

جی وہ حسب معمول ممیایا!
یہ اُس کا لائیبریری سے پہلا رشتہ تھا!


جاری ہے ۔ ۔ ۔ ۔ ۔ ۔ ۔۔

shafresha

چھٹا حصہ

اُس نے اگلو کمپنی سے جلد نوکری چھوڑ دی۔
انگلش بسکٹ فیکڑی کے باہر "بھرتی" کا بینر لگا ہو اتھا، وہ بھی لائن میں کھڑا ہو گیا۔

فیکڑی کی جانب سے دیئے جانے والے لیٹر کے مطابق یہ نوکری صرف 88 دن کے لیئے تھی اور ۸۸ دن کے بعد از خود ٓپ کی نوکری ختم ہوجائے گی۔ دوسرے لوگوں نے تو شاید یہ پڑھا بھی نا ہو لیکن وہ انگلش پڑھ سکتا تھا۔

فیکڑی کا ماحول بہت خراب تھا، کام کرنے والوں کی اکثریت پنجاب اور فرنٹئیر سے آئے ہوئے اِن پڑھ لوگوں پر مشتمل تھی، یہ لوگ قریبی ہی بسی ہوئی ایک کالونی (قیوم آباد) میں رہتے تھے۔ ورکرز سپر وائزر البتہ پڑھے لکھے تھے مگر اکثر یت بے راہروی کا شکار تھی۔ فیکٹری میں داخلے کے پہلے ہی روز اُس کی ملاقات اپنے محلے کے خالد بھائی سے ہوئی۔
تم یہاں کیا کررہے ہو؟ اُنہوں نے حیرت سے پوچھا!
میں آج ہی یہاں آیا ہوں وہ حسب معمول ممیایا۔
میں تمھارے ابو سے بات کروں گا، خالد بھائی بولے، وہ شاید کسی بات سے پریشان تھے!

فیکٹری کی جانب سے تنخواہ 555 روپے ملتی تھی اور ساتھ ہیمہنے کے آخر میں محض پندہ روپے میں کے کوپن کے عیوض تین کلو ٹوٹے ہوئے بسکٹ ملتے تھے، یہ بسکٹ فیکٹری کے باہر کھڑے ہوئے ٹھیلے والے 70 روپے فی تھیلی کے حساب سے خرید لیتے تھے۔
کام کرنے کے دوران اُسے معلوم ہوگیا کہ یہاں پر نووارد ورکروں کے ساتھ ناشائستہ حرکتیں کی جاتی ہیں۔ کچھ دنوں کے بعد اُسے "C" شفٹ میں کام کرنے کے لیئے کہا گیا۔ اُس رات تقریبا ۱یک بجے لائٹ چلی گئی۔ ہر طرف ایک بھگدڑ سی مچھ کئی اُسی اندھیرے میں ایک ہاتھ نے اُسے چلینے والی بیلٹ کے نیچے کھینچ لیا۔
خاموش! ایک انجانی سی آواز نے سرگوشی میں کہا!

اُس کا نام پیران شاہ تھا!
لائٹ آنے پر اُس نے دیکھا کہ ایک انتہائی حسین نوجوان تھا اُس کے ساتھ بیلٹ کے نیچے دُبکا بیٹھا ہے، یہ پیران شاہ تھا، اُس کا تعلق ہزارے سے تھا۔

اسکول کے بعد کسی شخص سے دوستی کی ابتداءتھی۔

کچھ دن خالد بھائی گھر پر موجود تھے، وہ ناجانے اُس کے والد سے کیا کچھ کہہ رہے تھے،۔
تم اُس فیکٹری میں نہیں جاؤ گے،خالد بھائی کے جانے کے بعد اُس کے والد نے اپنا حکم سُنایا!
مگر ابو! اُس نے ممیانے کی کوشش کی مگر بے سود رہی۔ ۔ ۔

کچھ دنوں بعد خالد بھائی خود اُس کے گھر آئے اور اُسے دوسرے دن فیکٹری ساتھ چلنے کو کہا ،

انگلش بسکٹ فیکری( جو کے 'Peek Freans' کے نام سے بھی کچھ برانڈ بناتی تھی) نے"ویفرز" بنانے کا پلانٹ لگایاتھا۔اُسے خالد بھائی اپنے ساتھ "ویفرز" ڈیپارٹمنٹ میں لے گئے۔ یہ مکمل طور پر "ائرکنڈیشنڈ" جگہ تھی۔ اُس نے جلد ہی اُس پلانٹ کی سب سے اہم مشین (کریمنگ) چلانا سیکھ لی تھی۔ وہ جلد ہی کنفرم ہوگیا، کمپنی کی جانب سے ملنے والی اشیاءمیں ایک لاکر، وردی، اور چھوٹی موٹی ضروری اشیاءتھیں۔

اپنے کم عمری کے باوجود اپنی طرز گفتگو اور اطوار کی وجہ سے وہ جلد ہی دیگر ورکروں میں مقبول ہوگیا، اس کی ایک بڑی وجہ اُس کا ایک مشین آپریٹر کی حثیت سے کام کرنااور کچھ ظفر بھائی کی وجہ سے بھی اُسے عزت ملی ہوئی تھی، اکثر لوگ اُسے ظفر بھائی کا چھوٹابھائی سمجھتے تھے۔

پیران شاہ کی دوستی نے اُسے ویفر ڈیپارٹمنٹ سے دوبارہ جنرل ڈیپارٹمنٹ میں جانے پر مجبور کردیا۔
سب کچھ ٹھیک چل رہا تھا پھر ایک دن ایک بڑا واقعہ رونما ہوا!

شاہ جی 90

ایک مکمل سیلف میڈ انسان کے خد و خال واضح ہو رہے ہیں
بھیا اب تو بے چینی سے مزید کا انتظار ہے
جلدی سے اگلا حصہ نکالئیے

shafresha

اپنے نئے ساتھیوں‌کی خدمت میں پیش ہے!

ام طلحہ

مزید بھی تو لکھئے ۔

معظم

آگے کیا۔۔۔۔۔ بھائی پلیززززززززززززز اسے مکمل کریں۔۔۔

احمد بلال

میں پہلے اس دہاگے پہ نہیں‌آیا۔ آج پہلی بار آیا ہوں تو پورے صفحآت تبصروں‌سمیت مکمل پڑہ لئے ہیں۔
شافریشہ بھائی بہت ہی پیارا انداز تحریر ہے۔ بہت سادہ،رواں اور ہمہ وقت قاری کی توجہ پکڑے رکھنے والا۔ آپ اکاونٹنٹ‌ہیں‌لیکن آپکی تحاریر ۔۔۔۔۔ ماشاءاللہ (یہی الفاظ ملے ہیں تعریف کے لئے )

جب میں نے یہ لائن پڑہی جس میں وہ لائبریرئن سے کتابیں‌صاف کرنے کی اجازت مانگ رہاتھا تو مجھے لگا یہ لڑکا "بل گیٹس " ‌ہے۔ اس کے بارے میں‌بھی پڑہا تھا کہ انکا تعلق بھی لائبریری سے رہا ہے بچپن میں۔

رضی

اسلام علیکم!
پلیز مزید بھی لکھیے ۔

آج کافی دنوں بعد پاکنیٹ پر آنا ہوا اس کی وجہ لیپ ٹاک کی خرابی تھی آج لیپ ٹاک کو ٹھیک کروایا اور ارادہ کیا کہ خاموشی سے بس پڑھوں گا لاگ ان نہیں کروں گا مگر میری طرح تحریر ادھوری چھوڑ جانے کی آپ کی عادت نہیں مجھے لاگ ان ھونے پر مجبور کردیا ہے ۔ پلیز مزید لکھیے

سام

بھائی پوری کہانی پلک جھپکائےبغیرپڑھی ہےلیکن یہ نامکمل کیوں ہے؟

shafresha

بھائی فُرصت ملتے ہی اسے مکمل کرنے کی کوشش کرتا ہوں۔

دراصل میں‌خود کچھ لکھنے کی صلاحیت نہیں‌رکھتا، البتہ قلم چاہے تو مجھ سے لکھوا لیتا ہے!!!

حیدر

اے گلاں چنگیاں نئیں۔

عروج

شاھد بھیا اللہ نے آپ کو بہت بڑی نعمت سے نوازا ھے یعنی لکھنے کا سلیقہ۔ یہ قرض ھؤا کرتاھےاس کا دھیان ر کھیے گا۔

__________________
اے اللہ میرےوالدین پر رحم فرما۔ جیساکہ انہوں نے بچپن میں مجھے پالا۔ آمین۔

عبداللہ آدم

ٹن کر دیا جی اس کہانی نے.......................

تعریف کیا کروں اب، سمجھ نہیں ارہی....... اس کو مکمل کریں جناب!ورنہ یہ تو ویسی ہی بات ہوئی جیسے ہم میں سے ایک شرارتی کزن عمران سیریز کے اخری صفحات پھاڑ دیتا تھا .......... اور کبھی کبھی تو انجام سے پہلے ہی نتیجہ لکھ دیتا تھا!!!

__________________
قال الشيخ محمد نجيب المطيعي - رحمه الله- في تصوير طبيعة طريق المجاهد :
"وإنما يجاهد المؤمن في الله جهاده، إن أخفق فإفادة أو أوذي فإرادة، أو نفي فريادة،
أو سجن فعبادة، أو عاش فقيادة، أو مات فشهادة، فله الحسنى وزيادة"

شمشاد احمد

لو كر لو گل
ميں نے آج ہي اس كہاني كا پہلا حصہ پڑھا تو آخر ميں لكھا تھا جاري ہے۔۔۔۔ سوچا كہ اگلي پوسٹ ميں ہو گا۔۔۔۔ مگر وہاں لكھا تھا ۔۔۔ چھٹہ حصہ۔۔۔۔ مجھے تعجب ہوا كہ كہ بقيہ حصے كہاں گے۔۔۔كہاني كي دلچسپي كي بدولت ميں نے ان گم شدہ حصوں كو تلاش كرنے كے بجائے‌چھٹہ حصہ ہي پڑہنا شروع كر ديا كہ چلو يہاں سے آگے ديكھتے‌ہيں كيا ہوا۔۔۔۔ ليكن جب وہ ختم ہوا تو معلوم ہوا كہ كہاني ابھي تك مكمل نہيں‌ہے۔۔۔۔اور ساتھ دھاگے كے صفحات پر نظر پڑي تو ديكھا كہ ميں صفحہ نمبر 4 كا مطالعہ كر رہا ہوں۔۔۔۔ بس پھر كيا تھا كس كو كوسوں اور كس كو روؤں سمجھ‌نہيں آ رہا تھا

اور اب كہاني كا يہ انجام معلوم كر كر كے ابھي يہ نا مكمل بھي ہے اور شافي بھائي كا قلم نہ جانے كب ان سے لكھوائے گا۔۔۔۔‌بيچ كے ميرے گم شدہ حصوں‌كے مطالعہ كي ہمت ہي ٹوٹ‌گئي۔۔۔۔۔

شافي بھائي مكمل كيجئے تا كہ تشنگي ختم ہو۔


اللہ تعالي زور قلم ميں اور اضافہ كرے۔۔۔۔۔۔۔۔۔ آمين

__________________
بندے اور اللہ تعالی سے محبت کا فرق یہ ہے کہ۔ بندے کی محبت ہمیشہ انسان کی بڑی کمزوری بن جاتی ہے۔ اور اللہ تعالی کی محبت ہمیشہ انسان کی سب سے بڑی طاقت بن جاتی ہے۔

عروج

بھیا کہانی مکمل کردیں بڑی مہربانی ھو گی۔ دراصل اس میں سیکھنے کی کئی باتیں ھیں۔