شاہ جی 90

یہ بہن اور بھائی کا رشتہ اللہ میاں نے کیسا بنایا ہے۔ ہم اپنی بہنوں سے لڑتے بھی ہیں اور ان سے پیار بھی بہت کرتے ہیں‌۔
جب ہم قریب ہوتے ہیں تو ہمیں احساس نہیں‌ہوتا لیکن جب یہی بہنیں ہم سے دور ہو جاتی ہیں تو تب پتا چلتا ہے کہ ہم کس قدر تنہا ہو گئے ہیں ۔
آج میری بہن کی رخصتی تھی ۔ وہ روتی ہوئی اس گھر سے چلی گئی ، اور میں جو اس کی آنکھہ میں ایک آنسو نہیں دیکھہ سکتا تھا ، اپنے ہاتھوں اسے ڈولی میں بٹھا آیا ۔ پیار تو سب بہن بھائیوں میں ہوتا ہے لیکن ہم میں شروع سے کچھہ زیادہ ہی پیار تھا ۔ وہ جب 6th میں پہنچی تو میں اسے سکول چھوڑنے جاتا اور لے کر آتا ، سکول سے واپسی پر وہ جب تک پورے دن کی روداد مجھے سنا نہ لیتی اسے چین نہیں آتا تھا ۔ ہمارا یہی معمول اس کے ایم اے کر لینے تک برقرار رہا ۔ میں کبھی اس کی سہیلیوں سے نہیں‌ملا تھا لیکن سبھی کو ایسے جانتا تھا کہ ان کی عادات تک کا مجھے علم ہوتا تھا ، وہ ہر بات میں مجھہ سے مشورہ کیا کرتی ۔
کیا کیا بتائوں ، یادوں کا ایک ہجوم ہے ، اور ایک کے بعد ایک یاد خنجر کی طرح دل پر ایک گہری لکیر کھینچتی ہوئی گزر رہی ہے ۔
آج جب وہ جا رہی تھی تو امی ، ابو ، میرا چھوٹا بھائی ، میری بیوی ، باقی خاندان والے ، سبھی رو رہے تھے ۔ لیکن میں نہیں‌رویا ، بڑے صبر کےساتھہ میں نے اس روتی بلکتی گڑیا کو رخصت کیا ۔ گھر واپس آئے تو بھی میں سب کے ساتھہ ہنس بول رہا تھا ، اور جب سب مہمان چلے گئے ، میں اپنے کمرے میں اکیلا رہ گیا تو ، ایسے لگا جیسے میری زندگی میرا ساتھہ چھوڑ‌گئی ہو ، اسے گڑیوں کا شوق تھا اور اب بھی وہ گھر کی ڈیکوریشن کے لیے بہت سی باربی ڈولز اور دیگر ایسی چیزیں لائی تھی ، ہمارے کمرے کی سجاوٹ میری بیگم اور وہ مل کر کرتی تھیں ، اس کی تصویریں ، اس کی گڑیاں اور اس کا ننھا سا پرس جو اس نے میرے ساتھہ جا کر بڑے شوق سے لیا تھا ۔ وہ سبھی چیزیں ہمارے کمرے میں موجود ہیں نہیں ہے تو بس وہ ، کل مہندی کا فنکشن تھا میں نے کیمرہ چارجنگ کے لیے لگایا ، دو گھنٹے بعد دیکھا تو کیمرے کا سوچ نکلا ہوا تھا اور اس کی جگہ موبائل کا چارجر لگا تھا ، میں نے ناراض ہوتے ہوے کہا کہ اب مزے کرنا اس بیٹری سے صرف 20 منٹ کی ریکارڈنگ ہو سکتی ہے ۔ بولی بھائی میری غلطی ہے ، میں نے اپنا موبائل چارجر لگایا تھا ، میرے غصے کو دیکھہ کر اس نے وہی کہا جو ہمیشہ کہا کرتی تھی بھائی غلطی ہو گئی، معاف کر دیں ۔ میں حسب معمول ہنس دیا ۔ تب تک پتا نہیں کیوں‌میرا دل اس حقیقت کو نہیں مانتا تھا کہ کل یہ ہم سے جدا ہو جائے گی ۔
اس وقت سے اب تک چار گھنٹے ہو گئے مجھے روتے ہوے ، آنسو اب بھی میرا کہا نہیں مان رہے بہتے چلے جا رہے ہیں ۔ پھر مجھے خیال آیا کہ میرا بھی ایک خاندان ہے جہاں میں کھل کر رو سکتا ہوں ، اپنا دکھہ درد بانٹ‌سکتا ہوں ۔
میری آپ سب سے ایک التجا ہے ۔ آپ جو میرے بھائی ، بہنیں ہیں ، وہ آپ کی بھی بہن تھی ۔
اپنی اس بہن کے لیے دل کی گہرائیوں سے دعا کیجئیے ۔
اللہ اسے ہمیشہ سکھی رکھے ۔
اس گھر میں اس پر کوئی پریشانی نہ آئے ۔
اے اللہ اس کا شوہر اور دیگر سسرال والے اس کے حق میں نیک ثابت ہوں ۔
وہ جو معصوم ہے ، اسے دنیا کے چھل فریب کا کوئی پتا نہیں ۔ اللہ اسے اپنی حفظ و امان میں رکھنا ۔
کی بورڈ بار بار دھندلا جاتا ہے ۔ الفاظ غلط لکھے جاتے ہیں اور مٹا کر دوبارہ لکھہ رہا ہوں ۔
ایک روتے ہوے بھائی کی التجا سمجھہ کر اسے دعا دینا مت بھولئیے گا ۔
آپ کا بھائی
معظم شاہ

ام طلحہ

اللہ تبارک و تعالیٰ انکے حالات بھی بہتر کرے۔اللہ ہر باپ اور بھائی کو بہنوں بیٹیوں کے غم سے محفوظ رکھے۔ اللہ سب کی بہنوں کو اپنے گھروں میں خوش رکھے۔ دل چھوٹا نہ کریں دعا کیا کریں۔ اسکے ہاں دیر ہے اندھیر نہیں۔ انشاءللہ سب ٹھیک ہو جائے گا۔

__________________
یا اللہ!! تمام دنیا سے قوم یہود کو اپنی ناپاک سوچ سمیت نیست و نابود کر دے۔ اس قوم کا نام و نشان ہی مٹا دے۔ آمین ثم آمین

شاہ جی 90

بہت شکریہ سدید بھائی اللہ تعالی آپ کو ہمیشہ شاد و آباد رکھے ، آمین

فرحان دانش

بہنیں ہمیں چھوڑ کر چلی اس لئے ‌جاتی ہیں‌ کیوں کہ

دستور دنیا کا ہم سب کو نہبانا ہے

سد ید مسعو د

جناب شاہ جی؛

سوال یہ نہیں ھے کہ کوئی ھمیں کیوں چھوڑ کر چلا جاتا ھے سوال یہ ھے کہ ھمیں کسی سے اسقدر پیار کیوں ھوتا ھے کہ ھم اسکی جدائی برداشت نہیں کر سکتے ۔ اس عالم ھست و بود میں کئی لوگ ھمیں چھوڑ جاتے ھیں مگر دکھ نہیں ھوتا مگر جونہی ھمارا کوئی پیارا داغ مفارقت دیتا ھے تو دل فگار ھوجاتا ھے محبت ایک خواھش رکھتی ھے اور وہ خواھش ھے فریق ثانی سے نہ بچھڑنے کی مگر جونہی وہ خواہش مرتی ھے انسان رنجیدہ ھو جاتا ھے اور عجیب بات ھے کہ بعض لوگ ساری زندگی اس اداسی سے باھر نہیں آ سکتے اور بعض کچھ عرصہ بعد جینے کے قابل ھو جاتے ھیں اور بس ایک کسک اور درد باقی رہ جاتا ھے،۔ میرا شعر ھے کہ

درد قایم ھے مگر زندہ ھوں
وہ تو کہتا تھا کہ مر جاو گے

مجھے امید ھے کہ آپ اس اداسی سے جلدی باھر آ جائیں گے لیکن خلا اور درد ساری زندگی رھے گا ۔

وہ دن تو اس کے ساتھ گئے بس یادیں باقی رھتی ھیں
وہ چہرہ باقی رھتا ھے وہ باتیں باقی رھتی ھیں


سد ید مسعود

شاہ جی 90

سدید بھائی ، میرے پاس الفاظ نہیں ہیں میں آپ کا شکریہ کس طرح ادا کروں
اللہ تعالی آپ کو ہمیشہ خوش و خرم اور اپنی حفظ و امان میں رکھے ، آمین

یاسر عمران مرزا

دعا ہے کہ
اللہ اسے ہمیشہ سکھی رکھے ۔
اس گھر میں اس پر کوئی پریشانی نہ آئے ۔
اے اللہ اس کا شوہر اور دیگر سسرال والے اس کے حق میں نیک ثابت ہوں ۔
وہ جو معصوم ہے ، اسے دنیا کے چھل فریب کا کوئی پتا نہیں ۔ اللہ اسے اپنی حفظ و امان میں رکھنا ۔

مجھے نہیں پتا آپ کون ہیں، کہاں سے تعلق رکھتے ہیں، لیکن آپ کی تحریر میں جذبات کی شدت نے مجھے مجبور کر دیا کہ میں اس دعا میں حصہ دار بنوں، میری اصل میں کوئی بہن نہیں ہے، ہماری والدہ صاحبہ کو بھی ایک بیٹی کی بہت تمنا تھی اور مجھے بہن کی، تاہم اللہ تعالی نے ہماری یہ خواہش ادھوری رکھی، خیر آپ غم نہ کریں، اپنی بہن کے لیے دعا کریں، شادی کے بعد سسرال میں ایڈجسٹ ہونا کچھ مشکل ہوتا ہے، آپ اس کی رہنمائی کرتے رہیں اور میری بھی دعا ہے کہ اللہ تعالی آپکی بہن کو خوشیاں عطا فرمائے ، آمین

شاہ جی 90

یاسر بھائی اسلام و علیکم
بہت شکریہ دعائوں کے لئیے اور آپ سب بہن بھائیوں‌کی دعائیں ہیں کہ وہ اپنے گھر میں بہت خوش ہے ۔ اس کے سسرال والے الحمد للہ اس کے ساتھہ بہت اچھے ہیں اور وہ جب بھی گھر واپس آتی ہیں اپنے سسرال کی تعریفیں ہی کرتی ہیں ۔
اور آپ نے یہ کیسے کہا کہ آپ کی بہن کوئی نہیں آپ میرے بھائی ہیں اور میری بہن آپ کی بھی بہن ہیں ، پھر جتنے خلوص سے آپ نے اتنی ڈھیر ساری دعائیں دی ہیں ایسے تو ایک بھائی ہی اپنی بہن کو دعا دے سکتا ہے ، کسی اور میں اتنا خلوص کہاں ۔
پاک نیٹ پر ہم سب بھائی بہنوں کی طرح رہتے ہیں اور میں بہت خوش نصیب ہوں‌کہ یہاں مجھے بہت سے دوست ، بھائی ، اور بہت اچھی اور پیاری بہنیں ملی ہیں ، انشاللہ آپ نے پاک نیٹ جوائن کر لیا ہے آپ کو بہنوں اور بھائیون‌کی کمی محسوس نہیں ہو گی ۔
واسلام
آپ کا بڑا بھائی
معظم شاہ

سیپ

السلام علیکم ورحمتہ اللہ و برکاتہ

قیصرجی

بھا ئی جان یہ اللہ کا نظام ہے اور صدیوں سے ایسے ہی چلتا آ رہا ہے۔ ہر بہن کو آخر اپنا گھر چھوڑ کر پیا کے گھر جانا ہی ہوتا ہے۔

راجہ اکرام

سلام قیصر جی
بڑے عرصے بعد چکر لگایا ہے
کیسے حالات ہیں اور کیسی گزر رہی ہے زندگی ؟

قیصرجی

راجہ جی، سب سے پھلے پڑھائی باقی سب کام بعد میں، میرا کورس ورک مکمل ہو گیا ہے، اور آج کل میں ریسرچ ورک کر رہا ہوں بس اسی لئیے میں کافی عرصے بعد آیا ہوں۔
کچھ اچھے تھریڈز تھے سوچا پاک نیٹ پے پوسٹ کردوں۔

راجہ اکرام

زبردست قیصر بھائی
پڑھائی واقعی پہلے اور یہ ہے بھی ایسی کہ تھوڑا ادھر ادھر ہوا گئے کام سے

محنت سے پڑھیں
ویسے کیا پڑھ رہے ہیں؟ِ

__________________
محتاج اصلاح و دعا

قیصرجی

راجہ جی لگتا ہے آپ نے تعارف والے سیکشن میں میرا تعارف والا تھرڈ نہیں پڑھا۔
جناب میں ایم فِل کر رہا ہوں الیکڑونکس انجینرنگ میں، اور اس سے پہلے میں نے بی ایس کیا تھا کمپیوٹر سائنسز میں۔

راجہ اکرام

ماشاء اللہ قیصر جی
آپ تو صاحب علم شخص ہیں، خوب محنت کیجئے
میں نے واقعی آپ کا تعارف نہیں دیکھا تھا۔

اللہ آپ کو کامیاب کرے ۔۔ آمین

قیصرجی

شکریہ جناب بس آپ کی دعاؤں کی ضرورت ہے۔