ARHAM

السلام علیکم


وقت کے ساتھ ساتھ ہر چیز کا معیار بدلتا جاتا ہے ۔۔۔ اور پہلے سے کہیں گر بھی جاتا ہے ۔۔۔ اب اس ملی نغمے کو ہی لیجئے جو بچپن میں ہم اکثر یوم آزادی ، یوم پاکستان یا کسی بھی قومی دن کے موقعے پر گنگنایا کرتے تھے ۔۔۔ اور اس جیسے اور دوسرے پر مغز حب الوطنی کا جذبہ لیے دلوں کو گرما دینے والے ملی نغمات ٹی وی اور ریڈیو سے نشر کیے جاتے تھے اور تعلیمی اداروں میں تقریبات میں ایک عزم کے ساتھ کہ ہم اپنے پاک وطن کو حقیقی معنوں میں سجائیں گے ، سنواریں گے اور خوشحال ملک بنائیں گے ۔۔۔ گائے جاتے تھے ۔۔
وقت بدلتا رہا ۔۔۔ ملی نغموں کا معیار بھی بدلتا گیا ۔۔ افسوس کے ساتھ کہنا پڑتا ہے کہ اب جنہیں قومی ترانے کہا جاتا ہے اسے قومی کہنا قوم کی توہین ہو گی اس میں قوم کے لیے کوئی پیغام نام کی چیز تو ہوتی نہیں شاعری کا کچھ پتا نہیں ہوتا ہاں۔۔ ایک بے ہنگم سا شور شرابہ اور اچھل کود ہی رہ گیا ہے جو مغرب سے مستعار لیا گیا ہے جو ولولوں کو تازہ و جوان کرنے کے بجائے بہا کر کسی دوسری ہی سمت لے جاتا ہے۔۔جس کے بعد نہ کوئی وعدہ یاد رہتا ہے نہ اس سے تجدید کا خیال کبھی چھو کر گزرتا ہے۔
ہو سکتا ہے اس بات پر کسی کو مجھ سے اختلاف ہو جائے ۔۔۔ لیکن اپنا اپنا مشاہدہ اور نقطہءنظر ہے ۔


یہ وہ عہد تھا جو ہم ہر سال ،سال میں تین چار مواقعوں پر تو ضرور ہی کیا کرتے تھے ۔۔اور اس انتظار میں رہتے کہ شاید اس سال نہیں تو اگلے سال ، اگلے سال نہیں تو اس سے اگلے سال ضرور ہمارا یہ عہد وفا ہو گا اور اس میں جو جو اقرار اور عزم ہم کیا کرتے تھے وہ ان شاءاللہ پایہءتکمیل کو پہنچے گا ۔
اسی طرح ماہ سال کا سفر جاری رہا ، دن پر لگا کر اڑتے گئے اور آج ہم 2010میں بیٹھے ہیں ۔۔
لیکن ذرا نظر گھما کر دیکھیں تو واضح ہو جائے گا آج اور کل کا فرق یعنی ۔۔۔۔ معیار کا بتدریج گرتے چلے جانا ۔۔۔
کل پاکستان جس حال میں بھی تھا ،بہتر تھا ۔۔۔ آج جہاں کھڑا ہے یہ سوچ کر بدن پر کانٹے آجاتے ہیں کہ کیا حدا نحوستہ آنے والا وقت اس سے بھی وحشت ناک ، خوف ناک ہوگا ۔۔ اللہ نہ کرے ۔۔
23مارچ یوم پاکستان جس دن قرارداد پاکستان پیش کی گئی اور دو ٹوک الفاظ میں فیصلہ ہوا کہ اب بحیثیت مسلمان ہندو تہذیب کے ساتھ ملاپ کسی صورت ممکن نہیں مسلمان اپنا ایک علیحدہ اسلامی تشخص رکھتے ہیں جس کی بناءپر اب ہندو ریاست میں مسلمانوں کا رہنا ناقابل برداشت ہے
یعنی پاکستان کی بنیاد ہی کلمہ لا الہ اللہ لا بنا ۔۔
اب تو سجانے ، سنوارنے سے زیادہ بڑا سوال پاکستان کو بچانے کا ہے ۔۔

قائد اعظم نے فرمایا :
پاکستان قائم رہنے کے لیے بنا ہے اور یہ ہمیشہ قائم رہے گا ۔

پاکستان ان شا ءاللہ قائم رہے گا ۔۔۔ لیکن کس صورت میں ؟ آج ہمارے حکمرانوں نے جس طرح پاکستان کا سودا اس کے اسلامی اقدار کو بیچ کر کیا ۔۔ کیا اس صورت میں ؟کہ پاکستان سے آج اسلام کا نام مٹانے کی کوشش کی جارہی ہے ؟
کیونکہ ہم اب جن کے ہاتھوں میں کھیل رہے ہیں انھیں ہم سے سب سے بڑا ڈر ، خوف ہی اسلام کی وجہ سے نہیں ہے ؟
ہم مادر پدر آزاد زندگی ، شتر بے مہار کی طرح گزاریں تو انھیں ہم سے کوئی شکایت نہیں ہوگی ۔۔ ہاں جہاں ذرا بھی اسلامی رمق نظر آئی فورا ڈو مور کا مطالبہ ہو گیا ۔۔

ہندوستان کے ایک رہنما جسونت سنگھ کہتے ہیں :
آج قائد اعظم زندہ ہوتے تو پاکستان کی پوزیشن مضبوط ہوتی ۔

یہ رونا ہی بےکار ہے کہ یہ ہوتاتو یہ ہوجاتا ۔یہ نہیں تو ایسا بھی نہیں ۔
کیونکہ قائد اعظم اپنے حصے کا کام کر گئے ۔۔ ہمیں ہی قدر نہیں۔۔
لیکن اس میں ایک پیغام ضرور پوشیدہ ہے کہ جناح نہ سہی جناح جیسے کھرے اور مضبوط کردار کے حامل لیڈر اگر آج بھی ہمیں میسر آجائیں تو پاکستان کی پوزیشن مستحکم ہو جائے ۔۔
یقینا وہ ہم ہی میں سے ہوں گے ۔۔ تو ہمیں جائزہ لینا چاہیئے کہ کیا ہم اپنے آپ کو اس کے اہل ثابت کر رہے ہیں ۔۔ہم ایک طرف اپنی تقریروں اور تحریروں سے جس بات کی اہمیت کو اجاگر کر ہے ہوتے ہیں دوسری طرف اپنے طرز عمل سے اس کی نفی کررہے ہوتے ہیں
ہم ایک ایسی قوم بن گئے ہیں جس میں برداشت ، تہذیب ، اخلاق سب کچھ ختم ہو چکا ہے ۔۔بنیادی اخلاقیات کا جنازہ نکل چکا ۔۔ اسلامی اخلاقیات تو ناپید ہے بالکل ۔۔۔
جس کلمے کی بنیاد پر آزادی حاصل کی آج خود اس کا مذاق اڑا رہے ہیں ۔۔ پھر سے ساری دیواریں پاٹ کر ہندوستان سے یکجہتی کی باتیں ہمارے دانشور کر رہے ہیں ۔۔
جہاں سے چلے تھے پھر واپسی کا سفر وہیں ہے ۔۔ کیا ہمارے بزرگوں سے علیحدہ ملک کے لیے جدوجہد کوئی غلطی تھی ؟
جو اب ہم اس کا ازالہ کرہے ہیں ؟

اے روح قائد آج کے دن ہم تجھ سے وعدہ کرتے ہیں

اس وعدے کے دھجیاں بکھر گئیں ۔۔۔ بنگلہ دیش کی صورت میں ، تمام صوبوں کے آپس میں اختلافات کی صورت میں ، عوام کی لسانیت کی صورت میں ، غیر ملکیوں کے پاکستان پر قبضے کے صورت میں ، ایٹمی پروگروام تک امریکہ کی پہنچ کی صورت میں ، قتل غارت گری ، نفرت ، عداوت کی صورت میں ، افراتفری کی صورت میں ، صرف اپنے حق کی بات کرنے کی صورت میں ، اپنے لوگوں کے سودے اور ان پر بمباری کی صورت میں ، کشمیر سے دسبترداری کی صورت میں ، ہندوستان سے دوستی کی پینگیں بڑھانے کی صورت میں غرض اپنی بنیادوں کلمہ اور آزدی کے غلط مفہوم کی صورت میں ۔


ہم کیا وعدہ کرتے ہیں ؟ جبکہ ہمیں اپنی وہ حیثیت قبول ہی نہیں جو ایک مسلمان کی ہونی چاہیئے ۔۔
ہم نام کے مسلمان ہیں کام ہمارے غیروں جیسے ۔ ۔۔ہم پاکستانی کہلاتے ہیں لیکن ہمارے عمل ہمارے ہندوستانی ہونے کی چغلی کھا رہے ہیں ۔
لیکن آج اگر تجدید عہد کا دن ایک بار پھر ہمارے سامنے ہے تو ہم پھر بھی خوش نصیب ہیں کہ ایک موقع اور ہمیں مل رہا ہے ۔۔
اس موقع کو اب ہاتھ سے جانے نہ دیں اور ہم سب یہاں عہد کریں کہ
اپنے اسی معیار پر واپس آنے کی کوشش کریں گے جس سے کفار پر لرزا طاری ہوتا تھا ۔۔
ہم پاکستان کو اپنے کردار کی سچائی سے ، پوری لگن اور خلوص سے ، دیانتداری سے ، آپس کی محبت سے ، ایک اسلامی ، فلاحی ،خوشحال ، امن پسند ، غیروں کی غلامی سے آزاد ریاست اور مملکت بنائیں گے ۔۔۔ ان شاءاللہ

اے روح قائد آج کے دن ہم تجھ سے وعدہ کرتے ہیں
ہم تجھ سے وعدہ کرتے ہیں ، اے روح قائد ۔۔۔۔۔۔۔۔۔۔

جب ہم چلے تھے ایک نصب العین لے کر اللہ کے نام پر سرزمین کے حصول کے لیے تو اللہ نے مدد فرمائی تھی آج بھی اگر پلٹ جائیں تو یقینا اللہ پلٹنے والوں کو پسند کرتا ہے وہ آج بھی ہمیں تنہا نہیں چھوڑے گا ۔۔۔

اِنۡ يَّنۡصُرۡكُمُ اللّٰهُ فَلَا غَالِبَ لَـكُمۡ‌ۚ وَاِنۡ يَّخۡذُلۡكُمۡ فَمَنۡ ذَا الَّذِىۡ يَنۡصُرُكُمۡ مِّنۡۢ بَعۡدِه ط وَعَلَى اللّٰهِ فَلۡيَتَوَكَّلِ الۡمُؤۡمِنُوۡنَ‏ ﴿۱۶۰﴾ (ال- عمران )

اللہ تمھاری مدد پر ہو تو کوئی طاقت تم پر غالب آنے والی نہیں ، اور وہ تمھیں چھوڑ دے تو اس کے بعدکون ہے جو تمھاری مدد کر سکتا ہے ، پس جو سچے مومن ہیں ان کو اللہ ہی پر بھروسہ کرنا چاہیئے ۔

__________________

دختراسلام ڈاکٹر عافیہ صدیقی اور ان کے اہل خانہ کی عظمتوں کو سلام۔
مدہوش حکمرانو! ہوش میں آؤ۔۔۔

ھارون اعظم

ارحم بہن کی تحریر 23 مارچ کے لئے شیڈول کردی گئی ہے۔

راجہ اکرام

محترمہ ارحم بہن
سب سے پہلے تو معذرت کہ میں آپ ارحم جی کہتا رہا جو کہ آپ کو بالکل بھی پسند نہیں

میری عمر کا واقعی پتہ نہیں لیکن یہ یقین رکھیں کہ شاید ہی کوئی ایسا ہو سوائے دو چار کے جس کا میں چچا کہلانے کے قابل ہوں

بلکہ ابھی تو بچہ ہوں ۔ جو دیکھتا ہے پوچھتا ہے بیٹا کون سے کالج میں پڑھتے ہو

__________________
محتاج اصلاح و دعا

راجہ اکرام

واہ جی واہ
یہ کہاں کا اصول ہے، کوئی کتنا بھی بڑا ہو اس کو خالہ نہیں کہہ سکتے
اور ویسے آپس کی بات ہے
اگر کوئی میری بہن ہو سکتی ہے تو میری امی جان کی بہن نہیں ہو سکتی؟؟؟؟؟؟؟؟؟
یقینا ہو سکتی ہے تو پھر خالہ کہنے میں کیا ہرح ہے

شاہ جی 90

ہا ہا ہا
واہ واہ واہ بہنا
مزا آ گیا
راجہ بھائی کو اس قدر دندان شکن جواب کھی کوئی نہیں دے سکا
بولو راجہ جی کے بانڑیں او
"بولیں راجہ جی کیا کہتے ہیں "
اور ہمیں آپ لوگ کی کہیں گے جن کے نام کے ساتھہ جی لگا ہے
اصل بات یہ ہے کہ پوٹھوہار اور اٹک وغیرہ کے علاقوں میں جی عزت کی علامت سمجھا جاتا ہے جیسے کہ ملک جی ، راجہ جی ، شاہ جی وغیرہ

ام طلحہ

ٹاپک پر واپس آجائیں سب، یہ ارحم کی تحریر کہاں کھو گئی۔

راجہ اکرام

شاہ جی
محترمہ ارحم بہن سے کیا مقابلہ
اور ویسے آپ نے یہ کیسے کہا کہ کسی نے ایسا دندان شکن جواب نہیں دیا ؟ آپ لوگوں کے جوابوں کی وجہ سے میرے سارے دانت ہلنا شروع ہو گئے ہیں

راجہ اکرام

ام طلحہ بہن
آپ نے ٹھیک کہا کہ اصل موضوع تو زیر بحث ہی نہیں رہا، تو اب سب لوگ آ جائیے اصل موضوع کی جانب اور لکھئے 23 مارچ یوم پاکستان کے حوالے سے اپنے خیالات، اپنی معلومات

سحر

راجہ بھائی
آپ کے دانت ہل رہے ہیں ۔ تو کسی ڈینٹل سرجن سے کونٹیکٹ کریں جلدی سے

ARHAM

دانت ہلنا تو " چچا جان" ہونے پر مہر ثبت کردیتا ہے ۔
اب انکار کی کوئی گنجائش نہیں ۔۔

ویسے میرے تھریڈ کا بھی کم و بیش وہی حال ہوا ہے جو ۔۔ پاکستان کا ہوا ہے ۔۔۔

راجہ اکرام

جی سحر بہنا
ایک ڈینتل سرجن سے کیا ہے رابطہ لیکن
ایک تو وہ مصروف بہت ہیں دوسرا ان کی فیس بہت زیادہ ہے۔

راجہ اکرام

ہا ہا ہا ہا
واقعی آپ کا جواب نہیں ہے ارحم بہن
ایسے دو چار دندان شکن جواب اور دیئے تو یہ ہلتے دانت سجدے میں نہ گر پڑیں

اور اصل میں آپ نے اپنی عمر کے بارے میں وہی رویہ رکھا جو پاکستان کی حکومت حقائق کے بارے میں رکھتی ہے، اس لئے آپ کے تھریڈ کا بھی وہی حشر ہوا

رضی

ہم وعدہ کرتے ہیں کہ آپ کی اولاد کو بھی چین سے نہیں جینے دیں گے


یہاں دیکھیں

شاہ جی 90

اس تصویر کو دیکھہ کر دل بے طرح اداس ہو گیا
آخر ہم لوگ محسن کش کیوں ہے
کوئی اور بات کرنے کو اب جی نہیں چاہتا
لیجئیے ارحم آپ کی تھریڈ واپس موضوع پر ہے
اللہ پاکستان میں اس کے وجود کی اغراض و مقاصد کو ہماری زندگی میں پورا ہوتے دکھائے آمین ،
اے اللہ تو میرے پاک وطن کو لٹیروں سے بچا ، اسے سچے اور مخلص راہنما نصیب فرما
ہمارا اپنا ایک شعر یاد آگیا
تیری قسمت بھی میرے یار بدل ہی دیتے
واپس آ جاتے اگر اہل نظر شام کے بعد

عارف اقبال

السلام علیکم
بہت اچھی تحریر ہے بہن
اتنی اچھی تحریر کے لیئے بہت بہت شکریہ

رضی

یہ قائداعظم کے کسی بھائی یا بہن کی نواسی ہیں ۔ رشتہ دار کہہ سکتے ہیں ڈائریکٹ نواسی نہیں ہیں۔

__________________

اپنی ملت پر قیاس اقوام مغرب سے نہ تر
خاص ہے ترکیب میں قوم رسول ہاشمی