shafresha

بھارتی اداکار عامر خان اپنی فلموں میں‌فلم بینوں کو کوئی نا کوئی پیغام ضرور دیتے ہیں (اُن کی فلم گجنی کے پیغام کے لیئے لوگ اپنے موبائل فون کے اِن بکس کو چیک ہی کرتے رہے مگر وہ نا آیا) ۔

میں‌عموما اُردو فلمیں‌دیکھنے سے دانستاً گریز ہی کرتا ہوں مگر اپنے ایک آفس گولیگ کشور آسمل کے اصرار پر پچھلے دنوں ‌ریلیز ہونے والی فلم 3 Idiots کو دیکھنے کا اتفاق ہوا۔ اُس فلم کو دیکھ کر مجھے ایک شخص کی یاد آ گئی سوچا آپ سے بھی شئیر کیا جائے۔

چناچہ اس بات پر بحث کی جاسکتی ہے کہ کیا ڈگری ہولڈر ہونا کسی کے پڑھے لکھے یا قابل ہونے کی دلیل ہے؟
یا
علم محض درسگاہوں اور مدارس کے ذریعے ہی حاصل کیا جا سکتا ہے؟
یا
کسی ارادے سے سند یافتہ ہونا آپ کے متعلقہ فن میں‌ماہر کا ثبوت ہے وغیرہ وغیرہ

اُس نے ایک غریب گھرانے میں‌آنکھ کھولی تھی۔ اگرچہ گھر میں پیسے کی ریل پیل نا تھی مگر گزارہ باآسانی ہوتا تھا۔ محلے کے دیگر بچوں کی بنسبت اُسے کتابیں اچھی لگتی تھیں۔ نانا کے گھر میں پڑی موٹی موٹی کتابوں‌کی دیکھ کر وہ دلچسپی سے اُنھیں‌اٹھاتا اور جھوٹ‌موٹ پڑھنے لگتا۔

کاغذ اُس کی کمزوری تھا خواہ وہ کسی اخبار کا تراشہ ہو یا کسی رسالے کا ٹائٹل وہ اُسے ایک مرتبہ دیکھتا ضرور تھا۔ اسکول میں داخلے کے بعد اُس کا یہ جنون بڑھتا گیا۔ وہ سب کچھ بہت جلدی پڑھ لینا چاہتا تھا۔ گھر میں‌بھی وہ اپنی کاپیوں پر لکھتا رہتا، کاپیوں کے جلد سیاہ ہونے جانے پر ڈانٹ‌ پڑنے لگی تو اُس نے اپنے بستے میں‌اسکول سے ملنے والے ردی کاغذ بھرنے شروع کردیئے۔ وہ سب سے بے خبر گھر میں‌لگے بیری کے درخت پر بیٹھا کچھ نا کچھ لکھتا یا پڑھتا رہتا۔

دوسری جماعت ہی سے اخبار پڑھنے کے قابل ہوگیا۔ امی سودے کب منگوائیں گی؟ وہ ناشتہ کرکے سوال کرتا۔ محلے کے دُکاندار کے یہاں جنگ اخبار آتا ہے وہ یہ جانتا تھا۔ سودا لینے کے بہانے وہ چھپ چھپ کر اخبار پڑھا کرتا تھا۔طریقہ واردات یہ تھا کہ وہ دُکان سے دور کھڑا ہوکر دُکان پر بھیڑ لگ جانے کا انتظار کرتا اور پھر چپکے سے دُکان کے اندر داخل ہو کر اخبار اُچک لیتا جو عموماً چاول کی کھلی بوری پر رکھا ہوا ہوتا تھا۔ جلد ہی اُس کی یہ چالاکی پکڑی گئی جب دُکاندار نے اُسے تازہ اخبار پڑھتے ہوئے "رنگے ہاتھوں" پکڑ لیا۔
یہ کیا ہے بے؟ دُکاندار اُس پر برسا!
مم مم مہ وہ ممیایا۔ ۔ ۔ ۔ ۔

اُس دن کے بعد کچھ دنوں تک وہ خوف کے مارے دُکان پر نہیں‌گیا۔ پھر کچھ دنوں کے بعد جب دُبارہ جانا ہوا تو تازہ اخبار کو دیکھ کر اُس کی آنکھوں میں‌"تازی ڈبل روٹی"‌گھوم گئی۔ دُکاندار بھی یہ بات بھانپ گیا اور پھر اُس روز اُس کے اور دُکاندار کے درمیان ایک معاہدہ طے پایا کہ جب رش ہوگا تو وہ سامان کے دینے میں‌دُکاندار کی مدد کرے گا اور اُس کے صلے میں‌اُسے اخبار پڑھنے کی اجازت ہوگی، مگر سُرخیوں والا صفحہ پہلے دُکاندار پڑھے گا۔ اُس نے فوراً حامی بھر لی۔ یوں وہ سُرخیوں‌سے پہلے کالم والا صفحہ پڑھتا۔ کالم والے صفحے پر رئیس امرہوی کے اشعار (قطعہ) اُس کی معصوم سمجھ میں‌نہیں آتے تھے، ایک دن اُس نے دُکاندار سے اُن کا مطلب پوچھا، ہا ہا ہا ابے میں‌کیا جانو! اُسے جواب ملا۔

پھر اُس نے یہ اشعار ایک کاغذ پر نوٹ‌کرنا شروع کردیئے۔ وہ یہ اشعار لے کر اپنے اُستاد کی خدمت میں ‌حاضر ہوا تیسری کلاس کے بچے کے ہاتھ میں‌ "ہزار عالم و آدم ہزار خالق و خلق ابھی ہیں عرصہِ تخلیق میں" جیسا مصرعہ کہنے والے شاعر و فلسفی کے اشعار دیکھ کر حیراں ہوئے اور پھر اُس دن سے وہ بچہ اُن کی نگاہوں‌کا مرکز بن گیا۔

وہ ایک گورنمنٹ اسکول تھا، لائیبریری کا کوئی تصور نا تھا۔ پانچویں‌کلاس میں‌اُسے کسی نے بتایا کہ ڈیڑھ گھنٹے کی مُسافت پر ایک لائیبریری ہے جہاں ‌بے شمار کتابیں‌ہیں اور اُنھیں پڑھنے پر کوئی پابندی نہیں‌ہے‌، اچھا! اُس کی نگاہوں کے سامنے سینکڑوں‌ڈبل روٹیاں‌ ناچنے لگیں۔

لائبریری میں‌داخل ہوکر اُس کی آنکھیں کھلی کی کھلی رہ گئیں چاروں طرف قد آدم الماریوں‌کی شیشے سے جھانکتی رنگ برنگی جلدوں میں‌کتابیں اُسے دادی کی کہانیوں کی پریوں‌کی مانند لگیں‌۔
مجھے ایک کتاب چاھیئے اُس نے جھجھکتے ہوئے کہا ، کون سی؟ لائبریریئن نے چشمے کے پیچھے سے جھانکتے ہوئے کہا۔
کوئی سی بھی اُس نے کاندھے اُچکا کر کہا!
میاں‌ پہلے معلوم کرکے کے آؤ کون سی چاھیئے ورنہ وہاں انڈیکس پڑی ہے اُس میں‌دیکھ لو! بوڑھا لائبریریئن منہ ہی منہ میں‌کچھ بڑبڑایا۔
انڈیکس میں‌لگے کارڈز دیکھ کر اُس کا دماغ چکرانے لگا پھر اچاننک اُس کی نظر الف لیلۃ پر پڑھی۔ یہ والی! اُس نے بھاری انڈیکس اُٹھا کر لائبریریئن کے سامنے رکھتے ہوئے اشارے سے کہا۔

الف لیلۃ جانتے ہو اس کا کیا مطلب ہے؟ بوڑھا لائبریریئن چیخا!
ایک ہزار کہانیاں ہیں اس میں‌تم کیسے پڑھو گے؟
اچھا یہ لو اُس نے "عمرو عیار کے کسی کارنامے"‌ کی کوئی کتاب اُس کے سامنے رکھ دی، وہاں سامنے بیٹھ کر پڑھ لو اور دیکھو یہ پھٹے نہیں‌ورنہ پورے پیسے بھرنے پڑیں‌گے، لائبریریئن نے کہا۔

جی وہ حسب معمول ممیایا!
یہ اُس کا لائیبریری سے پہلا رشتہ تھا!


جاری ہے ۔ ۔ ۔ ۔ ۔ ۔ ۔۔

اجنبی انسان

انشاءاللہ
اللہ پاک آپ کو اپنی حفاظت میں رکھے شاھد بھائی آمین

حیدر

سست الوجود ہیں آپ شافی بھائی

shafresha

آپ نے درست کہا بدر بھائی!
لیکن فی الوقت اس کی وجہ کمپیوٹر کی عدم دستیابی ہے ۔۔ ۔ ۔

شاہ جی 90

بھیا اللہ تعالی جلد آپ کو اچھا سا جدید ترین کمپیوٹر عطا فرمائے آمین
کوشش کریں کہ اسے جلد از جلد لکھتے رہیں

shafresha

چوتھا حصہ

اس واقعے نے اُس کی ذات پر گہرا اثر ڈالااُس کا اعتماد متزلزل ہوگیا تھا۔ اس کے بعد سے یہی ہونے لگا وہ انگلش کے پیرئڈ سے خوف ذدہ سا ہوگیا تھا۔ بعد میں ہوا کا بہانہ کرکے پیچھے والی ڈسک ہر بیٹھنے لگا۔ اساتذہ سمیت کسی نے یہ خیال ہی نہیں کیا کے پہلی جماعت سے کلاس میں سب سے آگے بیٹھنے والے لڑکا اب سب سے پیچھے کیوں بیٹھنے لگا ہے؟
نئی کلاس میں دیگر مضامین کے ساتھ انگلش کے ٹیسٹ بھی ہونے لگے، "انگلش " کا نام سُنتے ہی اُسے کوفت ہونے لگی، حالانکہ کے انگلش کے اسباق دیگر ساتھیوں کی بہ نسبت جلدی پڑھ لیتا تھا مگر لکھتے ہوئے اکثر غلطیاں کر جاتا۔

پھر ایک دن وہ ایک نئی اصطلاح سے واقف ہوا اور وہ تھی "ٹلا" یعنی ٹیسٹ والے دن اسکول سے بلااجازت غیر حاضری!
چند دوستوں کے ساتھ مل کر "ٹلا مارنے" کا پلان بنایا اور کامیابی سے اُس پر عمل بھی کیا۔ اس عمل کی پاداش میں دوسرے دن اُسے انگلش ٹیچر کی بارگاہ میں پیش ہونا پڑا اور "ٹلا مارنے" کی جزا ہتھیلی پر پڑنےوالی 12 ضربیں تھی!
ہاتھوں کو چھڑی کے سامنے کا یہ تجربہ بھی "ٹلا مارنے" کی طرح اُس کے لیے نیا تھا، تکلیف کی شدت سے اُس کی آنکھوں سے آنسو نکل آئے،اُس کی آنکھوں سے سے اُس کی بےچارگی اور عاجزی ٹپک رہی تھی، کسی نے یہ جاننے کی کوشش ہی نہیں کی کہ ہر سال اپنی اٹینڈنس مکمل رکھنے کا عادی ایک بچہ اب کیوں کلاس سے بھاگ رہا ہے۔
پڑنے والی آخری ضرب اُس کی شہادت کی اُنگلی کے کنارے کو چھوتی ہوئی گذری!
گھر واپسی تک اُس کی انگلی عجیب ڈھنگ سے سوجھ گئی تھی۔ اب میں گھر کا کام کیسے کروں گا؟ اُسے یہ فکر ستائے جارہی تھی!

چھڑی کے آگے دست درازی کا سلسلہ جب ایک مرتبہ شروع ہوا تو پھر شروع ہی ہوگیا۔ ہر بدھ کو صبح سے یا پھر انگلش پیرئڈ سے فورا پہلے پیشاب کرنے کے بہانے کلاس سے نکل جانا اب بہت آسان معلوم ہوتا تھا۔ انگلش ٹیچر کو بھی شاید اب اُن کو "پیٹنے" سے لطف اندوز ہونے میں مزا آنے لگا تھا۔

آنے والے ششماہی امتحانات میں سوائے انگلش کے تمام پیپرز میں رزلٹ اچھا تھا، مگر چوں کے انگلش کے ٹیچر حساب کی کلاس بھی لیتے تھے لہذا انگلش کا غصہ متھیس کے رزلٹ پر بھی اُتارا گیا۔

سر میرے حساب کے نمبر!
اُس نے سر کے سامنے ممیانے کی کوشش کی، یہ تمھارے لیئے ایک سزا ہے، جواب ملا!

حالانکہ یہ ششماہی امتحان تھا مگر وہ غصے میں آگیا تھا۔
کیا حق تھا اُنھیں میرے نمبر کاٹنے کا؟
دوسرے دوستوں کے ساتھ اسکول کے باتھ روم کی چھت پر بیٹھے بیٹھے اُس نے اچانک چیخ کر کہا!

اُس چیز کی گونج اب تک اُس کانوں میں گونج رہی ہے!

محمدعدنان

بہت خوب شاہد بھائی
لیکن بھائی سپیڈ کچھ زیادہ کریں

بزم خیال

بہت اچھے شاہد بھائی کہانی دلچسپی اختیار کرتی جارہی ہے ۔ اب کچھ مزید لائنوں کا اضافہ نا گزیر ہے ۔ تشنگی رہ جاتی ہے ۔

__________________

شاہ جی 90

شافریشہ بھائی
بے چینی سے انتظار رہے گا

shafresha

پانچواں حصہ

چھٹی جماعت کے بعد تو گویا وقت کو پر لگ گئے تھے، وقت تیزی سے گزرتا جا رہا تھا۔ کلاس کا ایک اچھا سمجھدار، ذہین بچہ اپنی تمام تر ذہانت اور قابلیت کے باوجود نکموں اور "ٹلا" مارنے والے بچوں کی فہرست میں شامل ہوچکا تھا۔ فائنل کا نتیجہ بھی حسب معمول تھا ۔ انگلش اور میتھس میں نمبرز دیگر مضامین کی بہ نسب بہت کم آئے تھے (دونوں مضامین کو پڑھانے والے اُستاد ایک ہی تھے) ۔

یہ سلسلہ دراز ہوا اور پھر گنتی یوں آگے بڑھنے لگی، چھٹی، ساتویں، آٹھویں، نویں اور پھر آخر میں میڑک!

میڑک میں وہ "D" گریڈ سے پاس ہوا یہ بظاہر بڑی کامیابی تھی کیونکہ اگر دوران امتحان ساتھی اُس کی "پھّروں" سے مدد نہ کرتے تو یقینا وہ انگلش اور متھیس میں رہ جاتا۔ شاید بورڈ کی بھی یہ پالیسی تھی کے کسی طرح ان طلبا ککے جم غفیر کو "دھکا" دیا جائے تاکہ پیچھے آنے والوں کے لیئے جگہ بن سکے۔ وہ بمشکل پاسنگ مارکس لے سکا تھا۔

میٹرک کے امتحانات کے بعد وہ تقریبا فارغ تھا ۔ اب اُس کا ارادہ آگے پڑھنے کا نہیں تھا۔
اگلو آئسکریم والوں کو دہ ماہ کے لیئے پیکنگ کرنے والے لڑکے چاھیئے، کسی نے اُسے بتایا !

گھر والوں کو اس بات پر کوئی اعتراض نا تھا، وہ اُس کے آگے نا پڑھنے کے ارادے سے بے خبر تھے۔اگلو (اب والز کی ملکیت میں ہے) کمپنی میں پیکنگ کرنے کا معاوضہ 450 روپے ماہوار تھا۔ اب میں کتابیں خرید سکوں گا!
پہلی تنخواہ حاصل کے بعد پہلا خیال اُس کے ذہن میں آیا!

یہ اُنیس سو ستاسی کا زمانہ تھا، معاشرے میں بڑی حد تک مذہبی لوگوں اور کردار کی عزت کی جاتی تھی۔
اپنے نانا سے ملنے والے مذہبی رجحانات کی بنا پر وہ جلد ہی ایک مذہبی جماعت سے وابستہ ہوگیا۔ بریلوی مسلک سے وابستہ یہ جماعت آج ایک بہت بڑی جماعت بن چکی ہے۔
اب اُس کے مطالعے میں دیگر موضوعات کے ساتھ ساتھ خالص مذہبی کتابوں کو بھی اضافہ ہوگیا تھا۔ ان کتابوں میں درج عربی میں لکھی قرآنی آیات ، احادیث اور روایات کو پڑھتے وقت اُس کے دل میں انہیں اُن کے اصل، مطالیب ومفاہیم کے ساتھ پڑھنے کی خواہش جاگتی۔
تنظیم سے وابستگی کی بنا پر جلد ہی اُسے دارلعلوم امجدیہ کے ایک اُستاد کی صحبت نصیب ہوگئی۔
یہ اُس کے عربی زبان کے قوائد انشاءسے آشنائی کا آغاز تھا۔

شاہ جی 90

شافریشہ بھائی
کاش کہ ہمارے لیئے ممکن ہوتا اور ہم ایک کمپیوٹر معہ مانیٹر وغیرہ آپ کو پیش کر سکتے ، اس تحریر کے لیئے تو کچھہ بھی کیا جا سکتا ہے

محمدعدنان

ہاہاہاہاہاہاہا
معظم بھائی ہتھ ہولا رکھو
تے نال صبر وی کرو

شاہ جی 90

صبر ہی تو ہوتا نہیں ہم سے

حیدر

آہا شافی بھائی ایک ہفتے میں دو قسطوں سے گزارا ہو جائے گا۔ میں تو ایک ہی دن میں پڑھتا ہوں نا۔
خیر اس بار کراچی کے وزٹ میں بالکل وقت نہیں ہے ورنہ آپکی قدم بوسی کے لیے ضرور حاضر ہوتا۔ افسوس رہے گا آپکی زیارت نہ ہونے کا۔

shafresha

بدر بھائی جان مجھے کیوں ‌شرمندہ کرتے ہیں؟؟؟

حیدر

بس بھائی میری خواہش ہے آپ سب بھائیوں سے ملنے کی ۔ انشا اللہ کبھی نہ کبھی تو پوری ہو گی۔ خیر آپکی پیش کردہ اگلی قسط کا انتظار رہے گا۔