عادل سہیل

::::::: تین چیزیں بدبختی میں سے اور تین چیزیں نیک بختی میں سے :::::::

محمد بن سعد بن ابی وقاص اپنے والد سعد بن ابی وقاص رضی اللہ عنہُ اور وہ اپنے والد ابی وقاص رضی اللہ عنہُ سے روایت کرتے ہیں کہ رسول اللہ صلی اللہ علیہ وعلی آلہ وسلم نے فرمایا ((((( مِن سَعَادَةِ بن آدَمَ ثَلاَثَةٌ وَمِنْ شِقْوَةِ بن آدَمَ ثَلاَثَةٌ من سَعَادَةِ بن آدَمَ (1) الْمَرْأَةُ الصَّالِحَةُ وَ (2) الْمَسْكَنُ الصَّالِحُ وَ (3) الْمَرْكَبُ الصَّالِحُ وَمِنْ شِقْوَةِ بن آدَمَ (1) الْمَرْأَةُ السُّوءُ وَ (2) الْمَسْكَنُ السُّوءُ وَ (3) الْمَرْكَبُ السُّوءُ ::: تین چیزیں (ملنا ) آدمی کی خوش بختی میں سے ہیں اور تین چیزیں (ملنا) آدمی کی بد بختی میں سے ہیں ، خوش بختی میں سے ( تین چیزیں یہ ہیں ) (1) نیک بیوی (2) با برکت رہائش گاہ (3) با برکت سواری ، اور آدمی کی بد بختی میں سے (تین چیزیں یہ ہیں) (1) بُری عورت (2) بُری رہائش گاہ (3) بُری سواری )))))
مُسند احمد /حدیث 1445 ، المعجم الکبیر /حدیث 329 ، المعجم الاوسط/حدیث 3610 ، صحیح الترغیب و الترھیب /حدیث 1914 ،
وضاحت بھی رسول اللہ صلی اللہ علیہ وعلی آلہ وسلم کے الفاظ میں میسر ہے ، ملاحظہ فرمایے :::
سعد بن ابی وقاص رضی اللہ عنہُ سے روایت ہے کہ رسول اللہ صلی اللہ علیہ وعلی آلہ وسلم نے فرمایا ((((( ثلاثة من السعادة و ثلاثة من الشقاء ::: تین (چیزیں) خوش بختی میں سے ہیں اور تین بدبختی میں سے ،
فمن السعادة ::: پس خوش بختی میں سے (یہ) ہیں ،،، (1) المرأة الصالحة تراها فتعجبك و تغيب عنها فتأمنها على نفسها و مالك ، و ::: نیک بیوی جس کو تُم دیکھو تو وہ تمہیں اچھی لگے اور (جب) تُم اس سے غائب ہو تو وہ اسےاُس کی ذات پر اور تُمہارے مال پر امین بنا سکو اور،
(2) الدابة تكون و طيئة فتلحقك بأصحابك ، و ::: سواری کا جانور جو تیز رفتار اور آرام دینے والا ہو اور تمہیں تمہارے ساتھیوں سے ملا دینے والا ہو اور
(3) الدار تكون واسعة كثيرة المرافق ::: وسیع گھر جس کے ساتھ بہت سے وابستہ (اضافی ) حصےہوں ، ( مرافق سے مراد پڑوسی بھی لیے جا سکتے ہیں )
و مِن الشقاء ::: اور بدبختی میں سے (یہ) ہیں ،
(1) المرأة تراها فتسوؤك و تحمل لسانها عليك و إن غبت عنها لم تأمنها على نفسها و مالك ، و ::: ایسی بیوی جسے جب تم دیکھو تو تمہیں پریشان کرے اور تم اس کی زبان درازی برداشت کرو اور اگر تم اس سے غائب ہو تو اسے اُس کی ذات پر اور تمہارے مال پر امین نہ بنا سکو ، اور،
(2) الدابة تكون قطوفا فإن ضربتها أتعبتك و إن تركتها لم تلحقك بأصحابك ، و::: ایسی سواری جو سست رفتار ہو اگر تُم اس کو مارو تو وہ تمہیں مشقت دے اور اگر تُم سے چھوڑ دو تو وہ تمہیں تمہارے ساتھیوں تک نہ پہنچائے ، اور ،
(3) الدار تكون ضيقة قليلة المرافق ::: ایسا گھر جو تنگ ہو اور جس کے (اضافی) حصے تھوڑے ہوں ( مرافق سے مراد پڑوسی بھی لیے جا سکتے ہیں ) )))))
المستدرک الحاکم /کتاب النکاح کی حدیث 13 ، امام الالبانی نے درجہ حدیث حسن قرار دیا ، صحیح الجامع الصغیر و زیادتہ /حديث3056 ۔
اللہ تعالی ہمیں خوش بختی والی چیزیں عطا فرمائے اور بدبختی والی چیزوں سے بچائے ۔ و السلام علیکم۔

__________________
اب نہ ہو گا کہیں کوئی نزول کتاب ::: بند کر دیا رب العالمین نے یہ باب
ہے جو بھی صحیح سنت رسالت مآب ::: بے شک ہے وحیء رب الارباب

wajee

جزاک اللہ
ّّّّّّّّّّّّّّّّ________________

عادل سہیل

السلام علیکم ورحمۃ اللہ و برکاتہ،
و ایاک ، و السلام علیکم۔

مسٹر شیف

جزاک اللہ عادل بھائی آپ کی بیان کی ھوئی حدیث مبارکہ سے میں کم از کم یہ تو سمجھ گیا ھوں کہ میں بہت خوش نصیب ھوں بہت خوش بخت ھوں یا اللہ آپ کا شکریہ کہ آپ نے بن مانگے مجھے خوش بخت بنایا جب بن مانگے خوش بخت بنایا تو مانگے سے آپ کیا کچھ نہیں دے سکتے شکریہ عادل بھائی آپ کا اس سوچ پر سبب بننے کا شکریہ

عادل سہیل

السلام علیکم ورحمۃ اللہ و برکاتہ ،
جزاک اللہ خیرا ، بھائی شیف ،
اللہ تعالیٰ آپ پر مزید کرم فرمائے ، اس کا قولی اور عملی شکر ادا کرتے رہیے ، شکر ادا کرنے والوں کے لیے اس کا وعدہ ہے ((((( وَإِذ تَأَذَّنَ رَبُّكُمْ لَئِن شَكَرتُمْ لأَزِيدَنَّكُم وَلَئِن كَفَرتُم إِنَّ عَذَابِي لَشَدِيدٌ ::: اور جب تُم لوگوں کے رب نے آگاہ فرما دیا کہ اگر تم لوگ شکر کرو گے تو میں تمہیں (ہر خیر میں ) بڑھاوا دوں گا اور اگر تُم کفر کرو گے تو بے شک میرا عذاب بہت شدید ہے ))))) سورت إبراهيم ، آیت 7 ،
ان شاء اللہ شکر کے بارے میں کچھ مختصر سی گفتگو ایک دو دن میں ""' عید منانے کے سلسلے """ میں پیش کروں گا ، و السلام علیکم۔

یاسر عمران مرزا

بہت شکریہ جناب اچھی باتیں بتانے کا، اللہ آپ کا بھلا کرے

طاھر

السلام علیکم،

بہت اچھے - اچھی بات شئیر کرنے پر عادل بھائی کا شکریہ !
یہ حدیث میرے لیئے بھی بالکل نئی تھی لہذا علم میں اضافہ کرنے کا شکریہ
اللہ آپ کو جزائے خیر عطا فرمائے - آمین

والسلام

طاہر

__________________
ہمیں خبر ہے لٹیروں کے سب ٹھکانوں کی
شریک جرم نہ ہوتے تو مخبری کرتے

عادل سہیل

و علیکم السلام و رحمۃ اللہ و برکاتہ ،
جزاک اللہ خیرا ، طاہر بھائی ، اللہ تعالی آپ کی دعا قبول فرمائے ، اور آپ کو اس سے بہترین عطا فرمائے جس کی آپ میرے لیے دعا کر رہے ہیں ،
طاہر بھائی ، جو کچھ میں سیکھ پاتا ہوں ، لکھ پاتا ہوں یہ سب اللہ کی عطا کردہ توفیق ہے ، اگر مجھ ذریعہ بنا کر اللہ تبارک و تعالی کسی کو کوئی مثبت بات سکھا دیتا ہے تو وہ اللہ کی مجھ پر عنایت ہے ، الحمد للہ ، و السلام علیکم۔

مسٹر شیف

السلام علیکم ورحمۃ اللہ و برکاتہ
محترم جناب عادل سہیل صاحب آپ کی جانب سے شکر کے موضوع پر پیش کی جانے والے تحریر کا کافی عرصے سے انتظار ھے یا ھو سکتا ھے کہ آپ نے اس موضوع پر لکھا ھو اور مجھے نا ملے ھو برائے کرم مطلع فرما دیں شکریہ

عادل سہیل

السلام علیکم ورحمۃ اللہ و برکاتہ ،
بھائی مسٹر شیف ، فی الحال تو شکر کے موضوع پر کوئی مواد یہاں ارسال نہیں کیا ، کچھ لکھا ہوا تو ہے لیکن ایسا ہے کہ اسے سمجھانے کے لیے مخلتف عناوین بنا کر کافی تشریح بھی لکھنا ہو گی اور الحمد للہ جس انداز میں میں لکھتا ہوں اس طرح تفصیل سے بیان کرنے کے لیے کافی وقت درکار ہے ،
میرے لیے دعا کیا کیجیے ، ان شا اللہ پوری کوشش کروں گا کہ یہ موضوع آپ کی خدمت میں پیش کر سکوں ، و السلام علیکم۔

مسٹر شیف

السلام علیکم ورحمۃ اللہ و برکاتہ
بہت شکریہ جواب عنایت فرمانے کا اور آپ کی تحریر کا انتظار رھے گا شکریہ