فاروق سرورخان

عربی جاننے والے برادران ، عادل سہیل اور عبداللہ حیدر صاحب سے اس مراسلے کی تصحیح اور مزید تنقید و تائید کی درخواست ہے۔

یہاں‌خبر دیکھیں جہاں دنیا بھر کے بنکوں سے شرح سود میں‌کمی کی درخواست امریکہ کے وزیر مالیات نے کی ہے۔ یہ شخص خود اس نظام کا کرتا دھرتا ہے اور جانتا ہے کہ سود کیا گل کھلاتا ہے۔


2:275
الَّذِينَ يَأْكُلُونَ الرِّبَا لاَ يَقُومُونَ إِلاَّ كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ذَلِكَ بِأَنَّهُمْ قَالُواْ إِنَّمَا الْبَيْعُ مِثْلُ الرِّبَا وَأَحَلَّ اللّهُ الْبَيْعَ وَحَرَّمَ الرِّبَا فَمَن جَاءَهُ مَوْعِظَةٌ مِّن رَّبِّهِ فَانتَهَى فَلَهُ مَا سَلَفَ وَأَمْرُهُ إِلَى اللّهِ وَمَنْ عَادَ فَأُوْلَـئِكَ أَصْحَابُ النَّارِ هُمْ فِيهَا خَالِدُونَ

جو لوگ کھاتے ہیں سُود، نہیں اُٹھیں گے وہ (روزِ قیامت) مگر جیسے اٹھتا ہے وہ شخص جسے باؤلا کر دیا ہو شیطان نے چھوکر۔ یہ (حال) اس لیے ہوگا کہ وہ کہتے ہیں آخر تجارت بھی تو سود ہی کی مانند ہے۔ حالانکہ حلال کیا ہے اللہ نے تجارت کو اور حرام کردیا ہے سود کو۔ لہٰذا جس کو پہنچ گئی نصیحت اس کے رب کی طرف سے اور وہ باز آگیا (سود خوری سے) تو اس کا ہے وہ جو پہلے لے چُکا وہ۔ اور معاملہ اس کا اللہ کے حوالے اور جس نے پھر لیا (سود) تو ایسے ہی لوگ ہیں جہنمی وہ اس میں ہمیشہ رہیں گے۔


اللہ تعالی نے سود (ربا)‌ حرام قرار دیا۔ اور ایک سے زیادہ بار سود کھانے سے منع کیا۔ چونکہ ہمارا علم کم ہے لہذا آج تک ہم اس آیت مبارکہ کو صرف ایسے سمجھتے رہے جیسے یہ صرف ایک شخص یا کچھ اشخاص کے بارے میں ہو۔ اللہ تعالی کے بیان کی خوبی یہ ہے کہ وہ ایک شخص کے لئے بھی درست ہوتا ہے اور ایک سے زیادہ شخص کے لئے بھی۔

آج کے دن کی بات کرتا ہوں جب کہ لوگ پچھلے دو ہفتوں میں اپنے متاع حیات کا نصف حصہ سودی نظام کی وجہ سے ضائع کرچکے ہیں اور جو جانتے ہیں وہ رو رہے ہیں، جو نہیں‌جانتے ان کو پتہ ہی نہیں کہ ان کے ساتھ کیا ہوگیا۔ حقیقت یہ ہے کہ تمام دنیا میں آج سودی نظام کی عمارت اس طرح گر رہی ہے کہ اس تیز رفتاری سے میں نے کوئی بھی مالیاتی نظام تباہ و برباد ہوتے نہیں دیکھا۔

اللہ تعالی کی اس لا متناہی عقل و دانش کے الفاظ کو اگر دیکھا جائے تو عقل حیران ہوجاتی ہے ۔ آئیے اس آیت کو ان لوگوں‌کے نظام پر لاگو کرکے دیکھتے ہیں جنہوں‌ نے اس سودی و ربائی نطام کو کھڑا کیا تھا۔

درج ذیل ترجمہ نہیں بلکہ ایک ممکنہ مفہوم ہے۔ بہتر عربی جاننے والوں سے استدعا ہے کہ اس کو درست فرمادیں:

مفہوم
سود کھانے والے لوگوں کا نظام(کاروبار) قطعاً نہیں قایم نہیں ہوسکے گامگر جیسے اس شخص کا نظام قائم ہوا ہو جس کو شیطان نے چھو کرپاگل کردیا ہو

سود کے خلاف یہ جنگ صرف ایک اللہ اور ایک رسول کی نہیں بلکہ تمام رسولوں کی تھی۔ رسول اللہ حضرت عیسی علیہ السلام نے بھی سب سے بڑے سناگاگ میں سود کا کاروبار کرنے والوں کی میزیں الٹ دی تھیں۔

امریکہ میں سودی نظام 1933 تک نہیں تھا۔ اس وقت تک ڈالر سونے سے منسلک تھا۔ 1933 میں امریکہ کے ان پرائیویٹ بنکرز نے سودی نظام اختیار کیا اور ان کی سفارشات پر امریکی حکومت نے اپنی قوم کا سارا سونا ضبط کرلیا۔ سونا رکھنے کی اجازت سودی نظام قائم ہونے کے بعد 1935 میں دوبار دی گئی۔ آج یہ سودی نظام امریکہ سے نکل کر ساری دنیا میں پھیل گیا ہے۔ ہمارے بہت سے معصوم برادران اس سودی نظام کے بارے میں بہت کم جانتے ہیں۔ یہ سودی نظام کیا ہے ؟‌ انشاء اللہ اس کے بارے میں‌ بعد میں لکھوں گا۔ اس وقت تک کے لئے اللہ سے دعا ہے کہ

اللہ تعالی ہم سب کو سود سے انفرادی، اجتماعی ، قومی ہر صورت میں‌ بچائے۔ آمین۔

والسلام