سحر

پاکستان میں اگر ہم تبدیلی نظام کی بات سوچتے ہیں ، کہ اگر ابھی جو نظام چل رہا ہے اس کو بدل کر اسلام سے موافق نظام لایا جائے ۔ تو وہ کیا ہوگا اور اس نظام کے اصول کیا ہونگے اور اس کو نافذ کیسے کیا جائے گا ۔
پاکستان میں خلافت قائم نہیں ہوسکتی ہے ، کیونکہ خلافت ایک ایسا نظام ہے جس میں یہ ملکوں کی حد بندیاں نہیں ہیں ۔ خلافت کے نظام میں تمام اسلامی دنیا میں ایک ہی خلیفہ منتخب کیا جاسکتا ہے ۔ ہر ملک کا الگ الگ خلیفہ نہیں بنایا جاسکتا ہے ۔
پاکستان میں اس نظام سے قریب تر مجلس شوریٰ کا نظام قائم کیا جاسکتا ہے ۔


پاکستان میں‌کسی اور نظام کو نافذ کرنے سے پہلے ہم کو یہ دیکھنا ہوگا کہ آج پاکستان میں کونسا نظام قائم ہے ۔ پاکستان کا نظام بنیادی طور پر تین ادارے ظاہری طور پر اور ایک ادارہ درپردہ چلاتے ہیں ۔
ظاہری طور پر چلانے والے اداروں میں حکومت جن میں قومی اسمبلی ، ایوان صدر، وزیر اعظم ۔ اور ذیلی حکومتیں‌جن میں‌صوبائی اسمبلی ، گورنر اور وزیر اعلیٰ شامل ہیں ۔
ظاہر میں نظام چلانے والے دو مزید ادارے فوج اور عدلیہ ہیں

ایک ادارہ جو درپردہ کام کرتا ہے اور یہ ادارہ ان تینوں اداروں سے ذیادہ مضبوط
اور بااثر ۔ اس کو اسٹیبلشمنٹ کہتے ہیں ۔ اسٹیبشمنٹ میں بیوروکریٹس ، فوج کے اعلیٰ عہدہداران ، ایجنسیز کے اعلیٰ عہدہداران شامل ہیں ۔
اسٹیبلشمنٹ کا کام صرف یہ ہوتا کہ حکومت یا کسی اور ادارے کو ایسا کوئی قدم اٹھانے سے روکے جو پاکستان کی سالیمت کے خلاف ہو ۔
اگر ہم پاکستان میں جمہوریت کی بات کرتے ہیں تو جب نئی حکومت بنتی ہے تو اقتدار کی منتقلی نہیں ہوتی بلکہ اقتدار میں شراکت داری عمل میں آتی ہے ۔ اس کا مطلب یہ ہوتا ہے کہ پاکستان میں جمہوری حکومت خودمختار نہیں ہوتی ہے

یاد رہے پاکستان میں دو طرح کے نظام قائم ہوئے ہیں ۔ ایک جمہوریت اور دوسرا مارشل لاء ۔ نظام کی تبدیلی اسٹیبلشمنٹ کے زیر انتظام عمل میں آتے ہیں ۔ اگر اسٹیبلشمنٹ کو اسلام سے قریب ترہوجائے تو یہاں اسلامی نظام بھی نا فذ ہوسکتا ہے ۔

اب میں مجلس شوریٰ کے نظام کے بارے میں تفصیل بتاتی ہوں
کہ اس میں کیا ہوگا

حضرت عمر رضی اللہ عنہ نے مجلس شوریٰ بنائی تو اس میں عشرہ مبشرہ کو شامل کیا۔ اب ہمارے پاس اس معیار کے لوگ نہیں ۔ جن پر پوری امت کو کوئی
اخلتلاف نا ہو ۔
شاہ ولی اللہ نے خلافت راشدہ کے انعقاد پر جو اصول وضع کیے ۔ ان میں سے ایک ہے کہ عوام میں سے عالم ، قاضی اور نامور افراد بیعت کرلیں

اگر مجلس شوریٰ کے قوانین اور اس اصول کو ملا کر ایک اصول بنایا جائے
تو یہ صورت سامنے آتی ہے ۔
پاکستان میں عالم دو طرح کے ہیں ۔
دینی علماء
دنیاوی علماء
ہر فرقے سے تعلق رکھنے والے اپنا کوئی ایک جید عالم اپنے نمائندے کے طور پر پیش کرے
اسی طرح دنیاوی عالموں میں سے بھی پورے پاکستان میں سے تمام سائنٹسٹ اپنا ایک نمائندہ ،ڈاکٹرز میں سے ایک نمائندہ ،انجیینئرز میں سے ایک نمائندہ ،ججوں میں سے ایک نمائندہ ،تاجر برادری میں سے ایک نمائندہ ،مزدور میں سے ایک نمائندہ کسان میں سے ایک نمائندہ ،تمام شعبہ ہائے زندگی سے تعلق رکھنے والے اپنا ایک نمائندہ باہمی رضامندی سے پیش کریں ۔ بس خیال یہ رہے کہ تمام نمائندے ، مسلمان ، عاقل ، بالغ ، کبیرہ گناہوں سے بچنے والے اور صغیرہ گناہوں پر اصرار کرنے والے نا ہو ۔
اس طرح تقریباً 100 یا 150 کے قریب ممبران یا نمائندے جمع ہونگے جو پورے ملک کے تمام شعبہ ہائے زندگی کی نمائندگی کرتے ہونگے ۔ اب یہ نمائندے باہمی مشورے سے حکمران منتخب کرلیں ۔ حکمران انہی نمائندوں میں سے ایک ہی ہوگا ۔ اب اس طریقہ کار کے لیے ان میں ووٹنگ کرلیں ۔
یا جیسے حضرت عثمان رضی اللہ عنہ کے انتخاب کے لیے تمام مجلس شوریٰ
نے حضرت عبدلرحمنٰ بن عوف کو منتخب کیا تھا ۔ اسی طرح یہ تمام نمائندے چند ممبران پر ایک کمیٹی بنادیں جو ان نمائندوں میں سب سے بہتر شخص کو حکمران منتخب کرلیں ۔

نوٹ : اس مضمون جو بھی نظام کی رائے دی گئی ہے وہ خالصتہً میری ذاتی رائے ہے اس سے آپ بخوشی اختلاف کرسکتے ہیں ۔ اور یہ رائے سراسر غلط بھی ہوسکتی ہے ۔اگر میں نے کہیں غلط لکھا ہے تو میری اصلاح کردی جائے

__________________
اے اللہ
میرے ہر فیصلے میں تیری رضا ہو شامل
جو تیرا حکم ہو وہ میرا ارادہ کردے

حیدر

یہی تو میں بھی انکو سمجھانے کی کوشش کرتا رہا ہوں۔
اسکو یوں سمجھا جا سکتا ہے کہ ہمارا آئین۔ ۔ ۔ ۔اعتقادی طور پر تو مسلمان ہے لیکن عملی تو پر خراب ہوا پڑا ہے۔یہ ایسے ہی ہے جیسے ایک مسلمان ۔ ۔ ۔ ۔باوجود تمام تر کبائر گناہ کرنے کے ہوتا مسلمان ہی ہے۔ ہم اسی نظام میں رہ کر جدو جہد کر کے اس نظام کی خامیوں کو درست کر سکتے ہیں۔

حیدر

یہی تو میں بھی انکو سمجھانے کی کوشش کرتا رہا ہوں۔
اسکو یوں سمجھا جا سکتا ہے کہ ہمارا آئین۔ ۔ ۔ ۔اعتقادی طور پر تو مسلمان ہے لیکن عملی تو پر خراب ہوا پڑا ہے۔یہ ایسے ہی ہے جیسے ایک مسلمان ۔ ۔ ۔ ۔باوجود تمام تر کبائر گناہ کرنے کے ہوتا مسلمان ہی ہے۔ ہم اسی نظام میں رہ کر جدو جہد کر کے اس نظام کی خامیوں کو درست کر سکتے ہیں۔

رفیع انجم

دعوت و تبلیغ کا راستہ ایسا راستہ ہے کہ جس سے ایک پاکستان تو کیا پوری دنیا کا نقشہ بدل سکتا ہے
اور انشاء اﷲ بدلے گا
کیوں کہ ہمارے پیارے آقا ﷺ کے فرمان کا مفہوم ہے
کہ یہ دین جو آقا لے کر آئے ہیں وہ ہر گھر میں پہنچ کر رہے گا
اس دین کے پہنچانے میں ہم کتنا حصہ ملاتے ہیں یہ ہماری ہمت ہے۔

کنعان

السلام علیکم سسٹر سحر

مجلس شوری کا نظام لانے پر آپکا پورا مراسلہ پڑھا تو اس کے لئے عام شہری سے بہتر علماء کرام کی جماعت ہی بہتر جانتی ھے کہ اسے کس طرح نافذ کیا جانا چاہئے مگر مجلس شوری کے نظام کے لئے پہلے سب فرقوں کا ایک ہونا ضروری ھے اس کے بغیر ایسا ہونا ناممکن ھے، نہیں تو جمہوریت اور مجلس شوری میں کوئی فرق باقی نہیں‌ رہے گا، کیونکہ اسطرح جمہوریت میں بھی مختلف پارٹیوں کی طرف سے ان کے ممبران کو ٹکٹ ملتی ھے اور مجلس شوری کے لئے ہر فرقہ بھی ایک پارٹی کی حیثیت رکھے گا اور وہ پارٹی اپنے فرقے کے لوگوں کو ہی ٹکٹ دے گی اور پھر آخر میں‌ مجلس شوری کس نظام کی بنے گی اس میں جو قانون کس طرح تشکیل دئے جائیں گے اور خلیفہ کا انتخاب کون کرے گا اور کس جماعت کا خلیفہ منتخب ہو گا اس پر سوالیہ؟ نشان لگ جائے گا۔

والسلام

__________________

سحر

جزاک اللہ کنعان بھائی
میں اس رائے پر ایسا ہی تجزیہ چاہ رہی تھی تاکہ میں مزید تفصیل بیان کرسکوں ۔

پاکستان میں علماء کا کردار اتنا بھی برا نہیں جتنا اس کو ظاہر کیا جاتا ہے ۔
ہر جماعت کے جید علماء تفرقہ سے پرہیز کرتے ہیں ۔
اور پاکستان میں یہ فرقے بہت سی باتوں میں متفق ہیں ۔
جس کی ایک مثال قرارداد مقاصد ہیں ۔
قرارداد مقاصد بنانے کے لیے پاکستان کے تمام فرقوں کے علماء کو ایک جگہ جمع کیا گیا اور سب نے متفقہ طور پر قرارداد مقاصد بنایا اور آج تک تمام فرقے کے علماء اس کو تسلیم کرتے ہیں ۔

اب آتے ہیں باقی تفصیل کی طرف

پاکستان میں بنیادی طور دو فرقے ہیں ۔

1 اہل سنت و جماعت
2 اہل تشیع

اہل تشیع ، پاکستان میں اقلیتی فرقہ ہے

پاکستان کی اکثریت اہل سنت و جماعت سے تعلق رکھتی ہے
اہل سنت و جماعت میں
بریلوی
دیوبندی
اہل حدیث
شامل ہیں ۔

ان تنیوں فرقوں کی بنیاد ایک ہے ۔

ہم اگر اہل تشیع کے ایک عالم
بریلوی مسلک کے ایک عالم
دیوبندی مسلک کے ایک عالم
اہل حدیث مسلک کے ایک عالم

لیں تو 1:3 کے تناسب سے عالم ہونگے ۔
مطلب شیعہ ایک اور اہل سنت و جماعت کے تین ۔

پاکستان کا حکمران ضروری نہیں کہ کوئی دینی عالم ہی ہو لیکن جو بھی حکمران بنے اس کے بننے میں دینی علماء کا مشورہ اس میں شامل ہو ۔

سحر

مجلس شوریٰ خلافت کے نظام کا ایک اصول ہے ، پورا نظام نہیں ہے ۔

یہ میں نے صرف مجلس شوریٰ منتخب کرنے کا طریقہ لکھا ہے ۔
اس نظام میں حاکمیت اللہ کی ہوگی ۔
مجلس شوریٰ کا کام قانون سازی نہیں ہوگی
بلکہ صرف حکمران منتخب کرنا اور ایسے معاملات میں حکمران کو مشورہ دینا جن میں اللہ اور رسول صلی اللہ علیہ وسلم کا واضع حکم موجود نا ہو ۔
حکمران ضروری نہیں کہ دینی علوم رکھنے والا انسان ہو لیکن اس کے لیے ضروری ہے کہ وہ کبیرہ گناہوں سے بچنے والا اور صغیرہ گناہوں پر اصرار کرنے والا نا ہو ۔
اگر کوئی ایسا معاملہ جس کا تعلق اسلامی شریعت سے ہو تو اس کو مجلس شوریٰ کے علماء سے مشورہ کرے ۔
اگر کوئی ٹیکنیکل مسئلہ ہو تو دنیاوی علوم میں ماہر ممبر سے مشورہ کرے ۔

رضی

یہ میں نے آج دیکھا۔ اچھا ہوا ۔ اصل میں میں آپکا ایک تھریڈ جو خلافت ، ملوکیت اور جمہوریت پر تھا وہ تلاش کر رہا تھا تاکہ ایک تھریڈ میں اسکا حوالہ دے سکو۔ اب یہ بھی کام آئے گا ۔

اپنا مراسلہ اس لیئے درج کر رہا ہوں تاکہ جب مجھے اسکی ضرورت ہو آسانی سے تلاش کر سکوں۔

__________________

اپنی ملت پر قیاس اقوام مغرب سے نہ تر
خاص ہے ترکیب میں قوم رسول ہاشمی

عبداللہ آدم

السلام علیکم::

یہ عقیدے اور عمل کی علیحدگ کی بات میری سمجھ سے بالا تر ہے...........

کیا کوئی کافر یہ کہے کہ میں مسلمان تو ہوں لیکن ذہنی طور پر تو ہم مان لیں گے؟؟؟

اگر پاکستان::ذہنی:: طور پر مسلمان ہے تو ..................نظر بھی آنا چاہیے نا...............
اس موضوع پر مولنا مودودی مرحوم کی ایک عبارت ہے جو بڑی شاندار ہے وہ ڈھونڈ کو شیر کرتا ہوں

والسلام

سحر

آپ کی بات کچھ سمجھ نہیں آئی
ذرا وضاحت کریں‌گے ۔
کہ اس بات کا تعلق اس مضمون سے کیسے ہے
شکریہ