عبداللہ حیدر

تقريبا ايك برس سے ميرى ايك نوجوان كے ساتھ منگنى ہو چكى ہے اور اب ہمارا عقد نكاح ہو چكا ہے، ليكن عقد نكاح سے قبل وہ ميرا ہاتھ پكڑتا اور ميرا بوسہ ليا كرتا تھا، اور مجھے علم تھا كہ ايسا كرنا شرعا حرام ہے، تو كيا ہمارے نكاح كے بعد اللہ تعالى نے ہميں معاف كر ديا ہے، يا كہ گناہ ابھى تك ہم پر ہے، اور اس سے استغفار كرنا اور اس كا كفارہ ادا كرنا واجب ہے ؟
جواب:

الحمد للہ :

الخطوبۃ ( منگنى ) كا لفظ بہت سے لوگوں كے ہاں عقد نكاح كے بعد اور رخصتى سے قبل پر بولا جاتا ہے، اگر تو سوال سے يہى مراد ہے تو پھر آپ كے مابين جو كچھ ہوا اس ميں كوئى حرج نہيں، كيونكہ عقد نكاح مكمل ہوتے ہى عورت مرد كى زوجيت ميں آجاتى ہى، تو اس طرح ہر ايك دوسرے سے نفع اٹھا سكتا ہے.

اور اگر خطبہ يعنى منگنى سے مراد صرف شادى كا وعدہ اور شادى كرنے پر اتفاق ہے اور عقد نكاح نہيں ہوا تھا تو پھر آپ كے مابين جو كچھ ہوا ہے وہ حرام فعل تھا، اور منگنى كى مدت كے مابين شريعت نے لڑكى كو ديكھنے سے زيادہ كچھ مباح قرار نہيں كيا، اور ديكھنے كا مقصد بھى يہ ہے كہ مرد اور عورت منگنى اور شادى كا عزم كر سكيں.

اور آپ دونوں پر ـ اس حالت ميں ـ توبہ و استغفار كرنى اور اپنے كيے پر ندامت واجب ہے، ان گناہوں كے كفارہ كے ليے عقد نكاح ہى كافى نہيں، بلكہ آپ پر توبہ و استغفار واجب ہے.

اور كفارہ كے بارہ ميں گزارش ہے كہ آپ دونوں نے جو كچھ كيا ہے اس كا كوئى معين كفارہ تو نہيں ہے، صرف يہ ہے كہ جو شخص توبہ كرتا ہے اس كے ليے مشروع ہے كہ وہ نفلى نماز، و روزہ، اور صدقہ وغيرہ جيسے اعمال صالحہ زيادہ سے زيادہ كرے.

اللہ سبحانہ وتعالى كا فرمان ہے:

﴿ اور يقينا ميں اسے بہت زيادہ معاف كرنے والا ہوں جو توبہ كرتا ہے، اور ايمان لاتا اور نيك اعمال كرتا ہے اور پھر ہدايت پر رہتا ہے﴾ طہ ( 82 ).

طارق راحیل

بہت خوب۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔

عادل سہیل

السلام علیکم و رحمۃ اللہ و برکاتہ ،
بھتیجے ، سوال کا جواب واضح کیجیے ، و السلام علیکم۔

عبداللہ حیدر

و علیکم السلام و رحمۃ اللہ و برکاتہ
چچا جی، کیا واضح کروں؟
والسلام علیکم

مسافر

اللہ ہم سب پر اپنا رحم فرمائے

فرخ ظفر

اچھی شیرنگ ہے ۔۔۔۔۔۔۔۔۔۔۔۔۔۔

یاسر عمران مرزا

بہت شکریہ
بہت سارے ایسے سوالات ہوتے ہیں جو انسان پوچھنے میں شرماتا ہے اور اسکی بلاشبہ ایسی بہت سے غلطیاں بھی ہوتی ہیں جن پر اللہ تعالی نے پردہ ڈال رکھا ہوتا ہے اگر وہ سب کے سامنے آ جائیں تو انسان کی عزت نیلام ہو کر رہ جائے۔ منگیتر کا ہاتھ پكڑنا ہی ایک غیر مناسب کام ہے اور بوسہ لینا مزید غیر مناسب کام، یہ سب کام شادی کے بعد اللہ تعالی کی اجازت سے ایک خاتون کو نکاح میں لے لینے کے بعد جائز اور حلال ہوتے ہیں۔ اکثر لوگ ایک دوسرے کے ساتھ گھومنے جاتے ہیں یا ٹیلی فون پر لمبی لمبی بات کرتے ہیں اور ان باتوں میں‌ بھی اسی قسم کی باتیں ہوتی ہیں جو ان کو شادی کے بعد ہی کرنی چاہیں۔ وہ سب بھی غیر مناسب ہے۔

اللہ تعالی کی بتائی ہوئی حدوں میں رہنا ہی انسان کے لیے منافع کا سودا ہے۔

عبداللہ بھائی بہت شکریہ اس مفید موضوع کو شئر کرنے کے لیے۔۔۔۔۔۔۔۔

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

تانیہ رحمان ستارہ

اسلام کے مطابق لڑکا لڑکی ایک دوسرے کو دیکھ سکتے ہیں ۔۔۔ ہم جیس معاشرہ میں رہتے ہیں ۔ وہاں لڑکی کو دیکھنے کے لیے خواتین آتی ہیں ۔ اور پسند کرتی ہیں ۔ لیکن آج کل یہ بات عام ہو گئی ہے اور سنت کے مطابق کہا جاتا ہے کہ لڑکا لڑکی کو دیکھے گا ۔۔ دیکھنے کے بعد لڑکے کو اگر لڑکی پسند نہیں آتی وہ انکار کر دیتا ہے ۔۔۔ پھر اگلے رشتے میں بھی یہی ہوتا ہے ۔ تو کیا اس سے لڑکی کی عزت مجرو نہیں ہو گی ۔ اور اگر یہ لڑکا اور لڑکی کا دیکھنا کب تک ہے ۔۔ ؟

یاسر عمران مرزا

ہمیشہ سے یہی ہوتا آیا ہے۔ اور اسلامی لحاظ سے یہی درست طریقہ ہے۔
اپنے شریک حیات کو ایک نظر دیکھنا ضروری ہے۔ تاہم زیادہ بات چیت اور نت نئے رواج جیسے گھومنے پھرنے وغیرہ کی اجازت نہیں۔

عبداللہ حیدر

السلام علیکم،
تانیہ بہن!‌
ایکدوسرے کو دیکھنے کی اجازت اور ترغیب لڑکے اور لڑکی دونوں‌کے لیے ہے۔ اگر لڑکی ناپسند کرے تو رد کرنے کا اختیار اس کو بھی ہے اگرچہ والدین کی بات ماننے میں عموما ‌خیر ہوتی ہے۔ ہمارے معاشرے میں‌ اس کا قابل عمل طریقہ یہ ہو سکتا ہے کہ لڑکی اور لڑکے کے گھر والے ایک دوسرے کو جان پرکھ لیں، جب یقین ہو جائے کہ فریق ثانی نکاح‌کے لیے سنجیدہ ہے تو دونوں‌کی ایک ملاقات کرا دی جائے جو علیحدگی میں‌ نہ ہو۔
یہ لنک بھی دیکھیں:
پردہ اور پسند کی شادی
والسلام علیکم

تانیہ رحمان ستارہ

بھائی بہت شکریہ ۔۔۔۔۔۔۔۔۔۔۔ لیکن اب تو الٹا ہے ۔ دونوں فریق بعد میں آتے ہیں ۔ لڑکے کی یہ ضد ہے کہ میں لڑکی دیکھ کر باقی باتیں طے ہوں گی ۔۔۔ اب لڑکی ملنے سے انکاری ہے ۔ وہ کہتی ہے کہ گھر والے کریں ۔ میں نہیں ملنا چاہتی ۔ میری تصویر دیکھا دو ،،، جب کہ لڑکا لڑکی کے گھر والوں کی موجودگی میں ملنا چاہتا ہے ۔ اس سے پہلے بھی ایک لڑکا دیکھ چکا ہے ۔ اور انکار کر چکا ہے ۔ جس کی وجہ سے لڑکی سامنے نہیں انا چاہتی ۔۔۔ جب لڑکے کو بتاتے ہیں تو وہی قرآن و سنت کی بات ۔۔۔

عبداللہ حیدر

السلام علیکم،
مسلمانوں کے درمیان ایسے لوگوں کی کمی نہیں جنہوں نے قرآن و سنت کے تقریبا ہر حکم کو مذاق یا اپنے مفادات پورے کرنے کا بہانہ بہا رکھا ہے۔ اس کا اصل حل اللہ کا ڈر اور تقویٰ ہے۔ اللہ تعالیٰ نےقرآن مجید میں نکاح اور طلاق کے مسائل کے بیان کرتے ہوئے بار بار تنبیہ فرمائی ہے کہ ان معاملات میں اللہ کا ڈر اپنے دل میں‌رکھو، اللہ تمہارے کاموں سے بے خبر نہیں‌ ہے، اللہ تمہارے سینوں کے راز تک جانتا ہے وغیرہ۔ اس کی وجہ یہ ہے کہ اللہ کا ڈر اور اس کی حدود کی پاسداری کا خیال ہی وہ چیز ہے جو قرآن و حدیث‌میں‌بیان ہونے والے مسائل کے غلط استعمال سے باز رکھتا ہے۔
لڑکی کو دیکھنے کا مطلب یہ نہیں‌ ہے کہ وہ کوئی شو پیس ہے جس کا جی چاہے اسے دیکھتا رہے۔ یہ اجازت صرف اس شخص‌کو دی جا سکتی ہے جس کی نیت کی درستگی کا حال قرائن سے معلوم ہو چکا ہو۔ اس کے بعد اگر لڑکے یا لڑکی میں‌سے کوئی ایک دوسرے کو ریجیکٹ‌کرتا ہے تو یہ شادی کے بعد کی جدائی سے بہرحال بہتر ہے۔
والسلام علیکم