زبیر

ایک تھا گورو ، بڑا نیک دھر ماتما ۔ دو اس کے چیلے تھے ، وفادار جاں نثار ۔ گورو کے خون کی جگہ اپنا پسینہ بہانے کے لیے تیار ۔ ایک کا شبھ نام پوربو مل تھا ، دوسرے کا پچھمی چند ۔ گوروجی جب لوگوں کو اپدیش دینے اور ان کی مرادیں پوری کرنے کے بعد آرام کرنے کو لیٹتے تو چیلا پوربومل ان کی داہنی ٹانگ دباتا اور پچھمی چند بائیں ٹانگ کی ٹہل سیوا کرتا ۔ دونوں اپنے اپنے حصے کی ٹانگ کی مٹھی چاپی کرتے ، تیل چپڑ کر اسے چمکاتے ، جھنڈیاں اور گھنگرو باندھ کر اسے سجاتے ۔ اس پر مکھی بھی نہ بیٹھنے دیتے تھے۔ ایک روز کرنا پرماتما کا ایسا ہوا کہ گورو جی ایک کروٹ لیٹ گئے اور ان کی بائیں ٹانگ داہنی ٹانگ کے اوپر جا پڑی ۔ چیلے پوربومل کو بہت غصہ آیا ۔ اس نے فورا ایک ڈنڈا اٹھایا اوربائیں ٹانگ پر رسید کر دیا ۔ گوروجی نے بلبلا کر داہنی ٹانگ اوپر کر لی ۔ اب پچھمی چند کی غیرت نے جوش مارا ۔ اس نے اپنی لٹھیا اٹھائی اور داہنی ٹانگ کی خوب مرمت کی ۔ گوروجی بہت چلائے کہ ظالمو کیوں مارے ڈالتے ہو ہائے ، لیکن چیلے کب مانتے تھے ۔ گوروجی کی ٹانگیں سوج کر کُپا ہو گئیں ، مدتوں ہلدی چونا لگانا پڑا ۔

اب آگے چلیے ، کہانی ابھی ختم نہیں ہوئی ۔ لالہ پچھمی چند کے کئی بیٹے تھے ، بڑے ہونہار اور ہوشیار ؛ پشاوری مل ، سندھو رام ، لاہوری مل اور بلوچ رائے ۔ لالہ جی کا دیہانت ہوا تو یہ ٹانگ انہوں نے ورثے میں پائی ۔ وہ گوروجی کی ٹانگ دباتے تھے لیکن کوئی ران کا حصہ زیادہ دباتا تھا ۔ کوئی پنڈلی پر زیادہ توجہ دیتا تھا ۔ اُخر ایک زبردست جھگڑا ہو اور طے ہوا کہ ہم اپنا حصہ الگ کر لیں گے ۔ لالہ پوکو مل نے کہا ، ہاں ہاں ٹھیک کر رہے ہو میں بھی اپنے حصے کی ٹانگ کاٹ کر لے جا رہا ہوں ۔ اب ان برخورداروں نے گنڈاسا منگوایا ۔ ایک نے ران سنبھالی ، بوری میں ڈالی ۔ دوسرے نے پنڈلی لے لی ، تیسرے نے گھٹنا ، چوتھے نے باقی کو سمیٹا اور گھر کی راہ لی اور اس کے بعد سبھی ہنسی خوشی زندگی بسر کرنے لگے ۔ گوروجی کیا کیا ہوا؟ مرے یا جیئے ۔ جیئے تو کتنے دن تک جیئے ۔ اس کا کہانی میں ذکر نہیں ۔

مصنف: ابنِ انشاء

__________________
[SIGPIC][/SIGPIC]

عبدالقدوس

انشا جی بہت زبردست لکھارئ تو ہیں‌ہی لیکن زبیر بھائی بھی زبردست شیئرنگ کرتے ہین
:

محمدعدنان

زبردست

زبیر

یہ تو آپ کی نوازش ہے

محمدعدنان

خرم شہزاد خرم

بہت خوب جناب

Zullu230

زبیر بھائی بہت خوب۔

جاوید

گروجی چیلے بہت۔۔۔۔۔۔۔۔۔۔۔

Real_Light

السلام علیکم و رحمتہ اللہ و برکاتہ

بہت اچھا مراسلہ ہے
امید ہے آپ مزید مراسلات بھیجتے رہیں گے
بہت شکریہ

__________________

عروج

جب سبھی حق جمانے پر دھیان دینے لگیں تو اصل کی توجہ ختم ھو جاتی ھے پھر بٹوارہ ھی خسارہ بن جاتا ھے۔ اسلیے اپنی ذات سے نکل کر ملک وقوم کے فائدے اور نقصان کا سوچنا ھے۔