wajee

آج سے پانچ بر س پہلے کی با ت ہے ایک گھر میں چوری کی واردات ہوئی۔ اگلے روز اخبار میں چھوٹی سے خبر آئی ۔ ہفتہ دس دن پو لیس نے تفتیش کے بہانے گھر والو ں سے کھا نا کھایا اور بس.... ختم کہا نی ہو گئی ۔ ایسی کہانیا ں اسی طر ح ختم ہو جایا کر تی ہیں لیکن چوری کی اس کہانی کے بعد ایک کہا نی اور شروع ہوتی ہے جو جلدی ختم نہیں ہو سکتی یا ہو سکتا ہے کبھی ختم نہ ہو ۔
یہ گھرانہ جس میں چوری ہوئی، میا ں، بیوی، ایک بیٹے اور بیٹی پر مشتمل ہے ۔ میاں ایک ادنیٰ درجے کا ملاز م تھا۔ یہ لو گ ان لو گو ں میں سے ہیں جو شاید بیٹی کی پیدا ئش کے ساتھ ہی جہیز بنانا شرو ع کر دیتے ہیں۔ ان لو گو ں نے بھی اسی طر ح بیٹی کے لیے جہیز بنایا تھا ۔ شادی کے لیے قرضہ بھی لیا اور شادی کی تاریخ بھی مقرر ہو گئی تھی ۔
ایک رات ان کا بیٹا کمرے میں بیٹھا پڑھ رہا تھا ۔ کمرے کا ایک دروازہ گلی کی طرف کھلتا تھا جو اس وقت کھلا ہوا تھا ۔ ماں نے لڑکے کو کسی کا م سے آوا ز دی ۔ وہ صحن میں گیا اور واپس آگیا ۔ اس کے بعد وہ بیٹھا پڑھتارہا۔ رات زیا دہ ہو ئی تو اس نے دروازہ اندر سے بند کر لیا ۔ را ت کے دو بجے کے قریب اس کمرے کے صوفے کے پیچھے سے ایک آدمی ہا تھ میں پستول لئے ہوئے نکلا اور لڑکے کو دروازہ کھولنے کے لیے کہا۔ لڑکے کا دہشت سے براحال تھا ۔ اس نے کانپتے ہاتھوں سے دروازہ کھو لا اور تین چور اور اندر آگئے ۔ انہو ں نے سب گھر والو ں کو جگا یا اور ایک جگہ اکٹھا کر لیا۔ لڑکے کی ماںسے چابیا ں لیں اور سار ا جہیز مع گھر کے قیمتی سامان ، زیور اور پیسے کے،ساتھ لے گئے ۔
اس کے بعد لڑکے وا لو ں نے شادی یہ کہہ کر ملتوی کر دی کہ آپ کا سامان مل جائے تو شا دی کی تا ریخ پھر رکھ لی جائے گی۔ آج پانچ سال گذر گئے ہیں نہ سامان ملا ،نہ شادی ہوئی اورنہ ہی پھر سامان بن سکا۔ لڑکے والو ں نے کہیں اورلڑکا بیا ہ لیا او رجہیز حاصل کر لیا ۔ لڑکی کا با پ ریٹائرڈ ہو گیا اور بھائی (بی۔ اے) کر کے نو کری کی تلاش کرنے کا کام کر رہا ہے ۔
اس ساری کہا نی میں کوئی نئی با ت نہیں ۔ سوائے ایک با ت کے کہ ان چا ر افرا د کی بر با دی کے ذمہ دار وہ چور نہیں بلکہ وہ باعزت لٹیرے بھی ہیں جو جہیز کے نا م پر ان کو لوٹنا چاہتے تھے اور جب ان سے پہلے دوسرے چور یہ جہیز لوٹ کر لے گئے ، تو وہ بھی دوڑ گئے ۔ قانو ن نہ ان چوروں کو پکڑ سکا جو خون پسینے کی کما ئی سے بنایا ہو ا جہیز لے گئے تھے ، نہ قانون ان حریص لوگوں کا کچھ بگاڑ سکتا ہے جو جہیز کے بغیر کسی کی بیٹی کو قبول نہیں کر تے ۔

__________________

منتظمین

سر ورق پر پیش کریں ۔

wajee

جی شکریہ ابھی کرتا ہو ۔۔

imran786leo

شکریہ۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سحر

وقاص آپ نے بالکل سچ لکھا ہے ۔
لڑکی والوں کو تو بس لٹنا ہی ہوتا ہے چاہے انہیں ڈاکو لوٹے یا لڑکے والے ۔
پتا نہیں لوگوں کی آنکھوں سے ہوس کا پردہ کب ہٹے گا ۔

عبداللہ حیدر

کیوں نہ ایک سلسلہ شروع کیا جائے غیر شادی شدگان کے واسطے، جس میں وہ اپنی شادی و نکاح کو سادگی سے منتقد کرانے کا عزم کریں۔

تانیہ رحمان ستارہ

وقاص جی میں تو یہاں یہ کہوں گی کہ شکر کرو لڑکے والوں نے یہ کہہ کر انکار نہیں کیا کہ جس گھر پولیس آجائے اس گھر سے ڈولی نہیں اٹھتی ۔ یہ ہمارے معاشرے کا بہت بڑا المیہ ہے ۔ جس کے لیے سمجھ نہیں آتی کیا ہو گا

فیصل ناصر

میرا بیٹا بیچارا کیا کرے بہو نے بہت دبا کر رکھا ہو ہے ۔ پہلی تاریخ آتے ہی ساری تنخواہ جھپٹ لیتی ہے ۔ ۔ ۔ ۔ ۔

ارے بہن پوچھو مت میری بیٹی تو راج کر رہی ہے اپنے گھر میں اسکا خاوند پہلی تاریخ آتے ہی تنخواہ اسکے ہاتھ پر رکھ دیتا ہے لا کے ۔ ۔ ۔

ایک ہی خاتون کے دو موقف !

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

فیصل ناصر

DUPLICATE THREAD

ڈاکٹرنور

تجویز اچھی ہے اور مختلف افراد اور ادارے یہ کا م کر بھی رہے ہیں۔

سحر

یہی تو میں کہتی ہوں کہ اگر ہم اپنے لیے جو پسند کرتے ہیں وہ دوسروں کے لیے بھی پسند کریں تو تمام مسائل حل ہوجائیں ۔

تانیہ رحمان ستارہ

سحر ہم جو اپنے لیے نہیں پسند کرتے وہی دوسروں کے لیے پسند کرتے ہیں ۔ ورنہ پھر دو ایک جیسے ہو جاہیں یہ یسے برداشت ہو سکتا ہے ۔ ہمارے معاشرے میں غریب کو گھر میں فالتو پڑی ہوئی چیز یا پھر باسی کھانا دیا جاتا ہے ۔ اس پر بھی احسان ہوتا ہے کہ ہم نے کسی کو کچھ دیا ،کیونکہ یہ میرا ذاتی مشاہدہ ہے اس لیے بیان کر رہی ہوں ، 8 اکتوبر کو ہم نہیں بھول سکتے ایک ناگہانی آفت نے ملک میں جو تباہی مچائی تھی ۔ زلزلہ کی صورت میں جہاں لوگوں نے اپنے زیوارت تک دیے یہ سوچے بغیر کہ ان کی مالیت کیا ہے وہاں ذیادہ تر لوگ ایسے تھے جن کے گھروں سے ہم نے کپڑے اٹھنے تھے ۔ جس وقت ان کپڑوں کو کھول کر دیکھا تو آپ یقین کریں ۔ ہیمں دیکھتے ہوئے شرم آئی لیکن دینے والوں نے برا احسان کیا دے کر ۔ اور ایک دفعہ پھر باجوڑ کے نقل مکانی کرنے والوں کے سلسلے میں جانے کا اتفاق ہوا ۔ تو گھر کا التو فالتو گند دیا گیا ۔اور یہ وہ لوگ ہیں جن کو پیسے والے کہا جاتا ہے ۔ جبکہ غریب کا دل ان سے بڑا ہے اس کے اپنے گھر میں کھانے کو کم تھا لیکن ہماری مدد انھوں نے دل کھول کر کی، باقی انصاف آپ خود کر سکتے ہیں

ڈاکٹرنور

ثا نیہ جی ۔
یہ دنیا اچھے اور برے لوگوں کا مجموعہ ہے۔ اور جب تک اچھے لوگ مو جو د دنیا کا نظام چلتا رہے۔
کوثر نیا زی کا ایک شعرہے ۔ اسی بات کو بہت اچھے طرح بیان کر تا ہے۔

تبا ہی کی گھڑی شا ید زما نے پر نہیں آئی
ابھی اپنے کیے پر آدمی شرما ہی جا تا ہے

wajee

ویسے سو فیصد ہر لڑکا اور گھر والوں کی یہ سوچ ہوتی ہے کہ جہیز میں بہت مال ملے گا لیکن انکے آگے بھی بیٹی ہوتی ہے کوئی کسی کا نہیں‌ سوچتا ہر کوئی اپنا اپنا بھرنے میں‌ لگا ہوا ہے

یاسر عمران مرزا

بڑی افسوس ناک بات ہے، تاہم ایسی بہت سی کہانیاں پاکستان میں سننے کو مل جائیں گی