wajee

جیل کی زندگی میں لطیفو ں کی کمی نہ تھی ۔ ایک دن شا ہ صاحب نے قصہ سنایا کہ پٹنہ میں ایک مولوی صاحب وعظ فرما رہے تھے جس میں” لا تنا بز و ابالقاب“ کی تفسیر کے سلسلے میں انہو ں نے یہ بھی فرمایا کہ کسی کی چڑ مقرر نہ کر نی چاہیے ۔ یعنی کوئی ایسی بات نہ کہنی چاہیے جس سے دوسرا شخص چڑ جائے۔ مجلس وعظ میں ایک مقامی تحصیل دا ر صاحب بھی بیٹھے ہوئے تھے ۔ انہو ں نے پا س بیٹھے ہوئے ایک صاحب سے کہا کہ لوگ یونہی چڑ جا تے ہیں ۔اگر کوئی شخص کسی کو چڑانے کی کوشش کرے او روہ نہ چڑے تو کوئی با ت نہیں ۔مخاطب نے جوا ب دیا ، نہیں ، حضرت ، چڑ کی بات ہے ، آدمی چڑ ہی جاتاہے ، اس سے تغافل کر نا بڑا مشکل ہے ۔
تحصیل دار صاحب قائل نہ ہوئے تو دوسرے شخص نے خاموشی اختیا ر کر لی ۔ دو چار منٹ گزرے تھے کہ اس شخص نے تحصیل دار سے پو چھا، کیو ں صاحب ، آپ کے ہا ں شلجم کا اچار ہے ۔ جوا ب ملا ، نہیں صاحب ، میرے ہا ں شلجم کا اچار نہیں ہے ۔ کوئی دو منٹ کے بعد اس نے پھر سو ال کیا ۔ کیو ں صاحب، آپ کے پا س شلجم کا اچار ہے ۔ تحصیل دار نے جواب دیا ، میں عرض کر چکا ہو ں کہ نہیں ہے ۔ یہ بہت خوب کہہ کر پھر چپ ہو گئے ۔ لیکن ابھی پا نچ منٹ بھی نہ گزرے تھے کہ پھر پوچھا، تحصیل دار صاحب ، آپ کے ہاں شلجم کااچار تو ہو گا۔ اب تحصیل دار صاحب بر ہم ہوگئے اور کہنے لگے ، آپ برابر وہی چیز پو چھے جا رہے ہیں ۔ اس شخص نے معا فی ما نگی اور خا مو ش ہو گیا۔ لیکن دو ہی منٹ گزرے تھے کہ اس نے پھر وہ سوال دہرایا ، کیو ں صاحب ، آپ کے ہا ں شلجم کا اچار ہے۔
اب تحصیل دار صاحب کے ضبط کا پیما نہ چھلک گیا ۔ کہنے لگے ، عجب بدتمیز ہو تم ، یہ کیا بکواس ہے؟ شلجم کا اچار ہے ؟ شلجم کا اچار ہے؟ ساری مجلس ِ وعظ ان کی طر ف متوجہ ہو گئی ۔ مولو ی صاحب نے وعظ روک دیا اور اس شخص نے فقط اتنا کہا کہ صاحب میں نے تو صر ف یہ پو چھا تھا کہ شلجم کا اچار ہے؟ تحصیل دار صاحب نے جو تا پکڑ لیا ، اب آگے آگے وہ شخص اور پیچھے پیچھے تحصیل دار صاحب ، بھا گتے ہوئے مجلسِ وعظ سے نکل کر با زا ر میں پہنچ گئے ۔
وہ شخص بار بار پیچھے مڑ کر پو چھتا ، شلجم کا اچا رہے ۔ تحصیل دار صاحب گا لیا ں دیتے ہوئے اس کو مارنے دوڑے ۔یہاں تک کہ شلجم کا اچار شہر بھر میں مشہور ہو گیا ۔ تحصیل دار صاحب جدھر سے گزرتے ، لو گ بہا نے بہا نے شلجم کے اچار کا ذکر چھیڑ کر ان کو چڑاتے اور وہ چڑ کر گالیاں بکتے ۔

__________________

ابو عمار

واہ یار وقاص علی اچھی تحریر ہے۔

ویسے آپ کے پا س شلجم کا اچار ہے ؟

shafresha

وقاص بھائی تحریر کا حوالہ دینا مُناسب تھا۔

wajee

سرمد بھائی ہاں ہے شلجم کا اچار چاہیے کیا آپکو

شاہ فریشاہ بھائی کہیں کہیں پڑھتا ہو اچھا لگتا ہے تو لکھ دیتا ہو یہ چھوٹے موٹے قصے ناولوں میں پڑھتا ہو لکھنے والے کا نام ہوتا ہے چلو وہ بھی یاد کرنا پڑھے گا

ابو عمار

ہمممم ٹھیک ہے مگر کیا آپ کے پاس شلجم کا اچار ہے ؟

فیصل ناصر

کسی کے پاس شلجم کا اچار نہیں ہے
حیرت ہے

wajee

فیصل بھائی آپکے پاس شلجم کا اچار ہے

یاسر عمران مرزا

ہا ہا ہا ہا ہاہ اہ
زبردست جی، کیا مثال دی چڑ کی

wajee

یاسر بھائی آپکے پاس شلجم کا اچار ہے