wajee

بےوفا ہیرو

بہت دنوں سے خواجہ بے وفا لاہوری سے میری ملاقات نہیں ہوئی گزشتہ روز سر راہے مل گئے۔۔انہیں ایک قریبی ریسٹورنٹ میں لے گیا‘ میں نے کہا۔۔
”خواجہ صاحب ! جب سے موسم بدلا ہے‘ آپ سے ملاقات ہی نہیں ہوئی ۔ ۔ ۔ ۔؟"
بولے۔”میں موسم کے مزید بدلنے کا انتظار کر رہا تھا ۔ ۔ ۔" میں نے پوچھا۔۔
”خواجہ صاحب ! بائی دا وے ‘ آپ کو موسم کون سا پسند ہے؟"
کہنے لگے ۔۔”آرام دہ موسم !"
”بے وفا ! آپ کو پھول کونسا پسند ہے؟"
”جس میں خوشبو نہ ہو ۔۔"
”کوئی پسندیدہ شعر ؟"
صداقت چھپ نہیں سکتی بناوٹ کے اصولوں سے
کہ خوشبو آ نہیں سکتی کبھی کاغز کے پھولوں سے

”گویا آپ کو کاغز کے پھول پسند ہیں؟"
”جی ہاں یہ صرف دیکھنے کے کام آتے ہیں۔۔۔نہ انہیں قبروں پر چڑھایا جاسکتا ہے نہ یہ کسی کے گلے میں ڈالے جاسکتے ہیں۔۔۔"
”تاہم کوئی خوشبو بھی آپ کو پسند ہوگی؟"
”جی ہاں ‘ نئے کرنسی نوٹوں کی ۔۔"
آپ صبح اٹھ کر سب سے پہلا کام کیا کرتے ہیں؟
”اخبار پڑھتا ہوں تاکہ پتا چل سکے کہ کون مضبوط جارہا ہے۔۔۔۔"
”اس کا مقصد؟"
”اس کا مقصد واضح یے جو مضبوط ہو‘ اس کے ہاتھ مزید مضبوط کئے جائیں اس سے انسان جلدی اپنی منزل پر پہنچ جاتا ہے۔۔۔"
”آپ کو اداکار کون سا پسند ہے؟"
کوئی بھی نہیں ‘ کوئی بھی نہیں۔۔۔"
”اور اداکارہ؟"
”سب ہی پسند ہیں۔۔۔۔"
آپ کا پسندیدہ رنگ؟"
”سفید۔۔"
”میں نے خون کا رنگ نہیں پوچھا۔۔۔۔۔"
”تو پھر سیاہ۔۔۔۔۔۔"
”وہ کیوں؟"
”کیونکہ مجھے ماتمی ماحول سازگار ہے انسان کسی کے بھی گلے لگ کر اسے پرسا دے سکتا ہے۔جبکہ عام حالات میں س کی صرف تمنا ہی کی جاسکتی ہے۔"
”آپ نے کبھی کسی سے محبت کی ہے؟"
”جی ہاں ! جو شخص محبت نہیں کرسکتا میں اسے انسان ہی نہیں سمجھتا‘ میں اب تک ڈیڑھ دو سو محبتیں کرچکا ہوں۔۔۔۔۔۔"
”آپ کنفیشن کرنے بیٹھ گئے ہیں‘ میں نے محبت کا پوچھا آپ بڑ ہانکنے لگے ہیں۔۔۔"
”ایل بزرگ خاتون سے محبت کی تھی۔۔"
”بزرگ خاتون سے؟"
”وہ کوئی ستر کے پیٹے میں تھیں‘بے اولاد تھیں اور تازہ تازہ بیوہ ہوئی تھیں۔۔میں ان کو دل دے بیٹھا مگر میری یہ محبت آغاز ہی میں ناکام ہوگئی۔۔۔۔"
”وہ کیسے؟"
”مرحومہ نے اپنی ساری جائیداد اپنے ایک دور پار کے عزیز کے نام کردی۔۔مجھے اس کا بہت صدمہ ہوا۔"
”لوگ آپ کو خوامخواہ بے وفا کہتے ہیں حالانکہ بے وفائی تو آپ کے ساتھ ہوئی ہے آپ سے ایک آخری سوال کا آپ فلم میں کام کرنا پسند کریں گے؟"
”کیوں نہیں ‘ کیوں نہیں۔۔مگر مجھے اداکاری کرنا نہیں آتی۔۔"
”یہ تو آپ انکساری سے کام لے رہے ہیں ‘ویسے بھی فلم میں آپ کا کردار بے وفا ہیرو کا ہے اور یوں آپ کو اداکاری کرنا ہی نہیں پڑے گی۔۔"
(از روزن دیوار عطا الحق قاسمی

__________________

منتظمین

سر ورق پر پیش کریں۔

ویسے اس کو پڑھ کر نا جانے کیوں مجھے "فضلو" یاد آ گیا۔

فیصل ناصر

بہت اچھے وقاص
اچھی شئرنگ ہے
آجکل لوگ" بے وفا" کے نقش قدم پر چل رہے ہیں

wajee

جی بہت شکریہ پسند کرنے کا ابھی سرورق کے لیے پیش کرتا ہوں

تانیہ رحمان ستارہ

اجکل لوگ بےوفا ہو گے ہیں وفا نام کی کوئی چیز ہے ہی نہیں دنیا میں ۔ چلنا تو دور کی بات

فیصل ناصر

اب ایسی بات بھی نہیں ہے ستارہ جی
ہم تو 12 سال سے ایک ہی بیوی سے وفائی کررہے ہیں

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

رضی

فیصل بھائی ارادہ خطرناک لگتا ہے میں ابھی غزل باجی سے کہتا ہوں کہ بھابھی جی سے رابطہ کریں۔