shafresha

لاؤ دو 5 ہزار وپے!
اُس نے اپنے دونوں ہاتھ میری ٹیبل پر رکھتے ہوئے کہا۔
میں نے بادل نخواستہ سر اٹھا کر اُسے دیکھتے ہوئے اپنے میز کی دراز کھولی اور اُس میں رکھا ہوا چیک نکال کر اُس کے حوالے کردیا۔
کوئی چائے شائے کا پلانے کی ارادہ نہیں ہے میری جان؟
اُس نے خوامخوہ مُسکراتے ہوئے کہا،
میں نے بیل بجا کر پیون سے چائے اور بسکٹ لانے کو کہا۔

یہ اُس کا ہر ماہ کا معمول تھا، ہر مہینے کی پانچ تاریخ کو وہ ملک الموت کی طرح نازل ہوتا اور مجھے سے بائیس د ن کے وعدے پر پانچ ہزار روپے اُدھار لے جاتامزے کی بات یہ ہے کہ وہ پابندی سے ہر ماہ کی بائیس تاریخ کو مجھے وہ رقم واپس بھی کردیتا، یہ سلسلہ ڈھائی سال سے چل رہا تھا۔
پہلی مرتبہ جب اُس نے مجھ سے اُدھار کا تقاضہ کیا تو میں نے غور سے اُس کے چہرے کی طرف دیکھاتھا! دراصل مجھے پانچ ہزار روپے کی رقم سُن کر حیرت ہوئی تھی۔
تم دو گے کیسے؟ میں نے جھجکتے ہوئے ہوچھا تھا،
یار میں نے اپنے ایک دوست سے پیسے لینے ہیں وہ مجھے بیس بائیس دن میں دے دے گا تو اُس سے لے کر تمھیں دے دوں گا، اُس نے جواب دیا تھا۔
میں جانتا تھا کہ وہ ایک چھوٹی سی جاب کرتا ہے اور اُس کی ماہانہ تنخواہ تقریبا 8000 ہزار روپے ہے، مگر اگر وہ نہ دے سکا تو؟؟؟
میری آنکھوں میں اپنی بیوی کا چہرہ آگیا!

پھر ناجانے کس خیال کے تحت میں اپنی میز سے اُٹھا اور کیشئیر صاحب سے پانچ ہزار روپے ایڈوانس لے کر اُسے دے دیا۔ گھر آکر بیوی سے بھی اس بات ذکر نہیں کیا کیونکہ مجھے اُس کی خفگی کا احساس تھا۔

خالد اور میری دوستی اسکول کے بعد کی تھی۔ وہ مجھ سے ۲ سال بڑا تھا اور ہم ایک ساتھ ایک ہی محلے میں رہتے تھے پھر کرکٹ کے میدان میں میچ دیکھتے ہوئے ہماری ملاقات ہوئی اور اور آہستہ آہستہ یہ ملاقات دوستی میں بدل گئی ۔اُس وقت ہم دونوں ہی غیر شادی شدہ تھے۔ میں برسر روزگار تھا اور وہ کسی جاب کی تلاش میں تھا اُس کے مالی حالات اچھے نہیں تھے۔
پھر ایک روز وہ میرے گھر آیا اور مجھے بتایا کہ اُسے نوکری مل گئی ہے، شاید کوئی گارمنٹس فیکٹری تھی۔ تنخواہ پانچ ہزار روپے ماہانہ ہے اور پانچ سو روپے حاضری الاؤنس، اُس نے مجھے بتایا۔
اچھا میں نے جواب دیا، سچی بات ہے کہ مجھے خوشی ہوئی تھی۔

کچھ عرصے کے بعد ہم نے علاقہ تبدیل کرلیا تھا ، اب ہمارا ملنا جلنا کم ہوگیا تھا، اسی دوران میری شادی کا پلان بنا۔ مہمانوں میں وہ بھی شامل تھا۔ کچھ عرصے بعد اُس کی شادی کی بھی خبر ملی مگر مجھے دعوت نامہ نہیں ملا۔
ایک دن صدر سے گذرتے ہوئے مجھے اپنے نام کی صدا سُنائی دی، پیچھے مُڑ کر دیکھا تو اُسے اشارہ کرتے ہوئے پایا۔
کہاں ہو یار اُس نے اشتیاق سے پوچھا، میں نے اپنی مصروفیات سے آگاہ کیا۔
سوری یار تمھیں شادی پر نہیں بُلا سکا، وہ شرمندہ ہوتے ہوئے بولا، دراصل سب کچھ ہوا ہی اتنی جلدی کہ میں کسی کو بُلا ہی نہیں سکا، اُس نے وضاحت کرنی چاہی مگر میں نے منع کیا اور گفتگو کا موضوع تبدیل کردیا۔
وہ میرے گھر کا پتہ اور میرا فون نمبر لے کر رخصت ہوا۔

پھر ایک دن اتوار کے دن گھر کی بیل بجی میں نے دروازے پر جا کر دیکھا تو اُسے اور اُس کی بیوی کو موجود پایا۔ ہم نے حتی المقدور اُن کی خاطر مدارت کی۔اس مرتبہ وہ میرے آفس کا پتہ اور فون نمبر لے کر رخصت ہوا۔
چند روز کے بعد وہ میرے آفس میں موجود تھا!
یار مجھے پانج ہزار روپوں کی ضرورت ہے، ُاس نے لجاجت سے کہا!

یہ سلسلہ پچھلے ڈھائی سال سے چل رہا تھا
شروع شروع میں مرتبہ میری بیوی نے مجھ سے پوچھا کے یہ پانچ ہزار والا کیا معاملہ ہے؟
بس یار خالد نے مجھے لے لیئے ہیں وہ واپس کردیگا، میں نے بے یقینی سے جواب دیا تھا!

اب میرابچہ بڑا ہو گیا تھا، بیوی کا مطالبہ تھا کہ اُسے کسی مونٹیسوری میں ڈال دیا جائے جبکے میں اس بات کا مخالف تھا۔ کچھ ہفتوںکی بحث کے بعد میںنے ہتھیار ڈال دیئے بلاآخر یہ طے پایا کے گھر کے قریب کُھلنے والے ایک چھوٹے اسکول میں ننھے فیصل کا ایڈمیشن کروادیا جائے۔

پانچ ہزار روپےڈپازٹ اور اور ڈیڑھ ہزار روپے کورس و یونیفارم کی فیس ہے بیگم نے مجھے اطلاع دیتے ہوئے کہا!

میں نے وعدہ کیا کے اس تنخواہ پر ایڈمیشن کروادیا جائے گا۔

آنے والی پانچ تاریخ پر میں نے ارادہ کیا کے اس مرتبہ اُسے منع کردوں گا۔
پھر پانچ تاریخ بھی آپہنچی، وہ حسب معمول میرے آفس میں آدھمکا!
لاؤ دو 5 ہزار وپے!، اُس نے اپنا پرانا مطالبہ دُھیرے سے دُھرایا۔ ۔ ۔ ۔

آؤ یار چائے پینے باہر چلتے ہیں ، میں نے بات کو گول مول کرتے ہوئے کہا اوراُس کا ہاتھ پکڑ کر آفس سے باہر نکل آیا۔
ہوٹل پر جائے پیتے ہوئے اُسے میں نے اپنی مجبوری سے آگاہ کیا ور بتایا اب شاید میں آئندہ پیسے نہیں دے سکوں گا۔

تمم ایسا کیوں نہیں کرتے کے کسی دوست سے اُدھار لے لو اور پھر جب تنخواہ ملے تو اُسے واپس کردینا؟ میں نے تجویز دی۔
اگر میں تھاری جگہ ہوتا تو یہی کرتا، میں نے اپنی بات کی تائید میں دلیل دیتے ہوئے کہا!
دوست سے اُدھار!!! اُس کی آواز کسی کنوئیں سے آتی ہوئی محسوس ہوئی!
مجھے پانچ ہزار روپے کون اُدھار دیگا؟ اُس نے معصومیت سے کہا
تم ایسا بھی کرسکتے ہو کے قسطوں میں واپس کردو، میں نے اُسے قائل کرنے کی کوشش کی!

تم سے ڈھائی سال پہلے لیئے گئے 5000 ہزار روپے واپس دینے کے لیئے میں ہر ماہ کی بائیس تاریخ کو اپنے کیشئیر سے اُدھار لیتا ہوں اور پھر تم سے پانچ تاریخ کو اُدھار لے کر اُسے واپس کرتا ہوں، اور ایسا میں گذشتہ ڈھائی سال سے کررہا ہوں، اس دوران اتنے پیسے ہی جمع نہیں ہوتے کہ میں تمھارا اُدھار واپس کرسکوں، اُس نے چائے کا کپ تقریبا میز پر پٹختے ہوئے کہا!

(ماخوذ)

بطور خاص فیصل ناصر اور سحر بہن کے لیے!

محمدمبشرعلی

یہ کس کہانی کا خلاصہ / اقتباس/ حصہ ہے ؟؟؟؟؟؟؟؟

ڈاکٹرنور

-------------------------

ڈاکٹرنور

بہت اچھا طنز ہے۔۔۔۔۔
ان لوگوں پر جو کہتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔
خیر چھوڑیں۔۔۔۔
جو مرضی ہے کہتے رہیں
لیکن غریب اپنا پیٹ کب تک خالی رکھے گا۔۔۔
بھوک تو سب کو لگتی ہے۔۔۔
پانچ ہزار تنخواہ لینے والے کو بھی اور
لاکھوں روزانہ کمانے والے کو ۔۔۔

لیکن ہزارون دے کر کھانے والے کو گولی کے بغیر نیند نہیں آتی اور
مزدور

سوجاتا ہے فٹ پاتھ پہ اخبار بچھاکر
مزدور کبھی نیند کی گولی نہیں لیتا

__________________
آنسو اور مسکرا ہٹ دو انمول خزانے ہیں-پہلے خزانے کواپنے تک محدود رکھواور دوسرے کولوگوں پر نچھاور کردو(حضرت علی)
Visit My Blog
http://www.homeopathypakistan.blogspot.com

فیصل ناصر

اللہ سب کی مشکلات آسان کرے

shafresha

اب یہ بطور خاص، فیصل جانی،سحر آپی، جناب منتظمین اور کنعان بھائی جان کی خدمت میں‌پیش ہے!!!

حیدر

امیر بندوں کی خدمت میں ہی سوغاتیں پیش کرو۔
ہم جیسے غریب نہ کبھی یاد آئے ۔

راجہ اکرام

۔۔۔۔۔ اور نہ کبھی آئیں گے

wajee

شاہد بھائی یہ آپ نے لکھی ہے

shafresha

جی وجیہہ میں‌نے ہی لکھی ہے، کیا آپ کو کوئی شک ہے؟؟؟؟؟

وجہ ان خاتون و حضرات کو اچھی طرح‌معلوم ہے!!!!

منتظمین

بہت ہی عمدہ کہانی ہے۔۔۔ میرے خیال میں یہ کسی بھی اعلی درجے کے پبلشنگ ہاوس میں پبلش کی جا سکتی ہے۔

سرورق کے لیے اپلائی کریں۔

والسلام

__________________
تم سپاہی نہیں ہو پیشہ ور قاتلو!

ننھا بچہ

الفاظ نہیں مل رہے تعریف لے لئیے

ننھا بچہ

جناب اجازت دیں تو آپ کے نام کے ساتھ کہین اور شئیر کر لوں
؟

عروج

بہترین انداز سے لکھی آپ بیتی ھے یہ۔ ڈھیر ڈھیر مبارک۔ اللہ ایسی صلاحیتیں سبھی کو دان نہیں کرتا۔

__________________
اے اللہ میرےوالدین پر رحم فرما۔ جیساکہ انہوں نے بچپن میں مجھے پالا۔ آمین۔

skjatala

خالی تعریف سے توکسی کا پیٹ نہیں بھرتا-
مجبور ضرورت پڑنے پر اپنے میڈل بھی بیچ دیتے ہیں-