محبوب عالم

اُردو زبان انسائیکلوپیڈیا پر مقالہ لکھنا اتنا ہی آسان ہے جتنا کہ کسی چوپال پر مراسلہ لگوانا.

اُردو زبان انسائیکلوپیڈیا پر ایک سافٹ وئیر استعمال کیا جارہا ہے جو کہ اُردو ویکیپیڈیا پر بھی زیرِ استعمال ہے. اِس کا مطلب ہے کہ اگر کوئی اُردو ویکیپیڈیا پر مقالات لکھنے کا تجربہ رکھتا ہو تو وہ اُردو زبان انسائیکلوپیڈیا پر بھی مقالہ لکھ سکتا ہے.

اُردو زبان انسائیکلوپیڈیا ویب سائیٹ کی اگر آپ زیارت کریں تو آپ کے سامنے سب سے پہلے صفحۂ اوّل رونما ہوگا. ہر صفحہ کے دائیں جانب ایک لائحہ یا مینیو بنا ہوا ہے. راہنمائی مینیو کے نیچے ایک تلاش کا خانہ بنایا گیا ہے. جس میں آپ کوئی بھی مقالے کا عنوان لکھ کر تلاش کرسکتے ہیں.

اگر آپ کوئی مقالہ نئے سرے سے تخلق کرنا چاہتے ہیں تو آپ کو سب سے پہلے یہ یقین کرلینا ہوگا کہ مطلوبہ مقالہ پہلے سے اُردو زبان انسائیکلوپیڈیا پر موجود نہیں ہے. یا بات ذہن نشین کرلیں کہ آپ ایک ہی عنوان پر دو مقالات مرتب نہیں کرسکتے.

اپنے مطلوبہ مقالے کا عنوان تلاش کے خانے میں لکھ کر ‘‘چلو’’ کا بٹن دبائیے. اگر آپ کا مطلوبہ عنوان اُردو زبان انسائیکلوپیڈیا پر موجود ہے تو وہ مقالہ خود بخود ہی آپ کے سامنے آجائے گا. اور اگر وہ مقالہ پہلے سے موجود نہیں ہے تو اُس سے ملتے جلتے مقالات کے عنوانات ایک صفحۂ تلاش پر آپ کے سامنے آجائیں گے. یہ یقین کرلینے کے بعد کہ آپ کا مطلوبہ مقالہ پہلے سے موجود نہیں ہے، آپ یہ مقالہ تخلیق کرسکتے ہیں.

مقالہ تخلیق کرنے کیلئے صفحۂ تلاش پر ‘‘صفحۂ بناسکتے ہیں’’ پر کلک کیجئے. اِس پر کلک کرنے کے بعد آپ کے سامنے ایک ایڈیٹنگ ونڈو کھل جائے گی. اِس صفحہ پر ایک ایڈیٹنگ باکس بنا ہوا ہے. جس پر چوپال کے ایڈیٹنگ باکس کی طرح ایڈیٹنگ ٹولز دئیے گئے ہیں. جو آپ کو مقالہ کی ساخت اور شکل و صورت بنانے میں مدد فراہم کریں گے.

آپ اپنے مقالہ کا ٹیکسٹ یا متن اِس ایڈیٹنگ باکس میں لکھ کر نیچے دیئے گئے ‘‘محفوظ’’ کا بٹن دبائیں گے تو آپ کا مقالہ اُردو زبان انسائیکلوپیڈیا پر محفوظ ہوجائے گا. تاہم، محفوظ کرنے سے پہلے مقالے کی نمائش دیکھنا بہتر رہے گا. مقالے کی نمائش دیکھنے کے لئے ‘‘نمائش’’ کا بٹن دبائیے.

اگر آپ پہلے سے موجود کسی مقالے میں ترمیم کرنا چاہتے ہیں تو مطلوبہ مقالہ کا عنوان تلاش کے خانے میں لکھنے کے بعد چلو کا بٹن دبانے سے وہ مقالہ کھل جائے گا. اب آپ اُوپر دیا گیا ‘‘ترمیم’’ کا بٹن دبائیے. جس سے ایک ترمیمی ونڈو کھل جائے گی جس میں آپ مقالہ کے متن میں تبدیلی کرسکتے ہیں.

مزید تفصیل کیلئے اُردو زبان انسائیکلوپیڈیا کے صفحۂ اوّل پر ‘‘کیسے لکھیں؟’’ کا ربط ملاحظہ فرمائیے.

منتظمین

بہت عمدہ محبوب بھائی ۔ بس تھوڑی سی ہمت کی دیرہے اور کام چل نکلے گا۔

ابن جلال

محبوب صاحب ۔ میں نے خبریں دینی ہو تو اس کے لیے کیا کرنا پڑے گا ۔

محبوب عالم

زین بھائی! آپ سب سے پہلے اُردوزبان.کام پر اپنا کھاتہ بنائیں. اُس کے بعد کچھ مقالات لکھنے کی کوشش کریں، تاکہ آپ وہاں کے نظام سے مانوس ہوں. اُس کے بعد اِس بارے میں بات ہوگی. شکریہ!

محبوب عالم

منظمین صاحب سے درخواست ہے کہ کسی کو بھی اُردوزبان.کوم کی انتظامیہ میں شامل کرنے سے پہلے یہ یقین کرلیں کہ وہ بندہ وہاں کے نظام و عمل سے واقف ہے اور اُس نے کچھ مقالات بھی تحریر کئے ہوں.

king nasir

Nice .........................