حیدر

اردو ہے جس کا نام ،ہم جانتے ہیں داغ
سارے جہاں میں دھوم ہماری زباں کی ہے

کہا جاتا ہے کہ اردو ترکی زبان کا لفظ ہے جس کا مطلب "لشکریا لشکری زبان " کے ہیں چناچہ مورخین یہ نتیجہ اخذ کرتے ہیں کہ جب ہندوستان پر بیرونی حملہ آوروں نے قبضہ کیا تو انکو مقامی افراد کے ساتھ بات چیت کرنے میں دشواری پیش آئی۔ چنانچہ ان غیر ملکی حملہ آوروں کے مقامی افراد کے ساتھ میل جول کے نتیجہ میں اردو زبان تشکیل میں آئی۔ کچھ یہ بھی کہتے ہیں کہ ایک ہی لشکر میں کئی اقوام کے افراد ہوا کرتے تھے جن کے آپس میں رابطہ ہونے کی وجہ سے اردو وجود میں آئی۔ کچھ اسکی تاریخ سکندر اعظم کے حملہ سے جوڑتے ہیں توکچھ اس کے منصئہ شہود پر آنے کی وجہ عرب افواج کو قرار دیتے ہیں۔
سچ کچھ بھی ہو ہمیں اس سے غرض نہیں۔ ہم کو تو چوسنے کے لیے آم مل گئے اس کے پیڑ کیوں گنیں۔ تاہم کہا جاتا ہے کہ اردو کو عروج مغلیہ دور میں سن 1600 کے بعد ملا اور یہ عروج 1700 کے آخر تک جاری رہا۔ تاہم اس کے عروج کے زمانہ سے قبل اس پر فارسی الفاظ کا غلبہ رہا ۔ اردو کا زوال سترھویں صدی کے آخر میں شروع ہوا اور غور کرنے کی بات یہ ہے کہ اسی وقت ہی ہندوستان میں مسلمانوں کا زوال بھی شروع ہو چکا تھا۔ انگریزوں کے مستقل قبضہ کے وقت تک اس زبان پر فارسی الفاظ کا غلبہ رہا تاہم انگریزوں کے حکومت میں آنے کے بعد اس میں انگریزی کے الفاظ بھی شامل ہونا شروع ہو گئے۔

پھر ایک مولوی عبدالحق صاحب تھے جنہوں نے اردو کے احیا کے لیے از حد کوششیں کیں حتیٰ کہ تاریخ میں اپنا نام بابائے اردو رقم کروا گئے۔

یہ تو تھے ماضی کے قصے آج اردو 160 ملین سے زائد افراد کی زبان ہے ۔ پاکستان میں اسکو سرکاری حیثیت دینے کا وعدہ کیا گیا تھا جس کے ایفا ہونے کی کوئی توقع نہیں نظر آتی۔ آج تک اردو ہر زبان کو اپنے دامن میں سموتی آئی ہیے لیکن اج اردو ایک ایسا ملغوبہ زبان بنتی جا رہی ہے کہ جس کی پہچان مشکل سے مشکل تر ہوتی جا رہی ہے۔
کسی بھی ثقافت یا زبان کی ترویج میں اس سے متعلق ابلاغ/میڈیا ایک اہم کردار ادا کرتا ہے۔ اور برقی ابلاغ عامہ(الیکٹرونک میڈیا) اس سلسلہ میں اہم ترین ہے۔ تاہم اگر ہم پاکستانی میڈیا پر اردو کو دیکھیں تو عجب صورت حال نطر آتی ہے۔
جدید تراش خراش کا لباس پہنے میزبان خواتین و حضرات کوئی غیر مانوس سی زبان بولتے نظر آتے ۔ ایسی زبان کہ جو نہ تو کسی غیر ملکی کی سمجھ میں آتی ہے اور نہ ہی کسی دیسی کی عقل میں سماتی ہے۔ کبھی اتنا سمجھ میں آتا ہے کہ انگلش کے الفاظ بیان ہو رہے ہیں۔ ۔ ۔ دماغ انگلش حساب سے متوجہ ہوتا ہے تو معلوم پڑتا ہے کہ اچانک سے ہی چھلانگ کسی اردو کے لفظ پر ماری گئی ہے۔ اس چُوں چُوں کے مربہ زبان کو آجکل کی لڑکیاں خاص طور سے بہت پسند کرتی پائی جاتی ہیں ۔ اس نقالی کا اثر اتنابڑھتا جا رہا ہے کہ اب تو عام کالجز میں بھی ایسے نمونے پائے جاتے ہیں۔

اس کو ہم اردو کا نام دیں تو یہ اردو کے ساتھ زیادتی ہے۔ بہتر ہو گا ہم اس کو کوئی نیا نام عنایت کر دیں تاکہ ہماری جان بھی چھُوٹے ان کالے انگریزوں پر تنقید کرنے سے۔ بہتر ہوگا کہ اس زبان کو سرکاری طور پر کوئی الگ زبان کی حیثیت دے دی جائے۔
اگر ہم سوچیں کہ اس زبان کو کیا نام دیا جائے تو ہم اس زبان کی ہیئت ترکیبی کو مد نظر رکھتے ہوئے کہہ سکتے ہیں کہ یہ بھی ایک زبان نہیں بلکہ دو مختلف زبانوں پر مشتمل ہے۔
میں تو ان زبانوں کو بالترتیب انگلدو اور اردش کا نام دوں گا:
آئیے دیکھتے ہیں کہ انکی ہیئت ترکیبی کیا ہے اور انکا یہ نام دینے کی کیا وجہ ہو سکتی ہے۔

اِنگلدُو(اِنگل- دُو):
اس زبان کے بولنے والے بولتے تو اردو+انگلش ہی ہیں لیکن اسکی ہیت ترکیبی یہ ہے کہ اس کے ایک جملے میں 60 سے 70 فیصد یا 80 فیصد تک انگلش کے الفاظ اور باقی ماندہ بیچاری اردو کے الفاط ہوتے ہیں۔ آجکل یہ کافی مشہور اور پسند کی جانوے والی زبان ہے۔ اکثر نیا اور احساس کمتری کا شکارپاکستانی طبقہ اسی زبان کے استعمال کو ترجیح دیتا ہے۔ اس میں جملہ کچھ یوں معلوم ہو سکتا ہے
When I was in collegeتوI was just shocked to see a bigدرخت کہ جس پر Crows were sitting.
چونکہ اس میں زیادہ الفاظ انگلش سے مستعار لیے جاتے ہیں اور ساتھ میں اردو پر بھی نظر کرم کر دی جاتی ہے تو اسی لیے اس کے نام انگلدُو کا زیادہ حصہ انگلش اور تھڑا سا حصہ اردو کے ناموں پر مشتمل ہے۔

اُردش (اردو+انگلش):
اس زبان کے بولنے والے بھی کافی بڑی تعداد میں پائے جاتے ہیں ۔ بلکہ بزعم خویش اردو بولنے افراد کی ایک بہت بڑی تعداد اسی زبان کو بولتی ہے۔ اس زبان کی ہیت ترکیبی کا جائزہ لینے پر معلوم ہوتا ہے کہ اس میں 70-60 فیصد اردو کے الفاظ اور 30 سے 40 فیصد تک انگلش کے الفاظ شامل ہوتے ہیں۔ اس میں عموماً انگلدو زبان بولنے والوں سے متاثر افراد کی بہت بڑی تعداد بھی شامل ہوتی ہے کہ جو کشش کر کے اپنی زبان میں یہ چاشنی پیدا کرتے ہیں۔ الفاظ کے تناسب کو مد نظر رکھتے ہوئے اس زبان کو اُردش کا نام دیا گیا ہے اس اردش زبان کا زیادہ حصہ اردو سے اور تھوڑا حصہ انگلش سے مستعار لیا گیا ہے۔

اس کے علاوہ ایک اور بھی مخلوق میرا مطلب ہے افراد پائے جاتے ہیں جو کوئی اور ہی نامانوس زبان بولتے ہیں۔ کافی غور کرنے پر پتا چلا کہ الفاظ کا 90 فیصدی حصہ مشتمل تو اردو پر ہی ہے لیکن ان الفاظ کا تلفظ انگریزی میں ادا کیا جا رہا ہے۔ میں اس زبان کو کوئی نام دینے سے قاصر ہوں۔

wajee

واہ بدر بھائی مزہ آ گیا

افسوس تو ہوتا ہے کہ کیا ہو رہا ہے اردو زبان کے ساتھ ویسے یہ بھی دیکھنے میں آ رہا ہے جیسے جیسے قومی زبان پر اثر پڑھ رہا ہے ویسے ویسے علاقائی زبان پر بھی اثر پڑھ رہا ہے یعنی کہ ہمیں دونوں طرف سے صرف نقصان ہی نقصان ہو رہا ہے

__________________

محمد الیاس

اُردوکان
ہر چیز نہایت سستی قیمت پر دستیاب ہے، حتی کہ دوکاندار اپنی زبان بھی کم قیمت پر بیچ رہا ہے۔

رضی

مسئلہ یہ ہے ہمیں دونوں زبانیں ٹھیک سے نہیں آتی اور دونوں کا کچومر نکال رہے ہیں مجھھ جیسے

محمد الیاس

میں آپکی اس بات سے راضی ہوں۔ خاص طور پر یہ بگڑی ہوئی زبان بولنے والے جن میں اکثر دوسرے درجے کے سیاستدان اور عکسبندی کے اپنی تعلیم کا مظاہرہ کرنے والے اداکار انگریزی کے دو الفاظ پر انکا مطلب جانے بغیر زیادہ ظلم کرتے ہیں جنکا وہ ہر جگہ سب سے زیادہ استعمال کرتے ہیں۔

Obviously
اور Ultimately۔ جنکا بالترتیب مطلب اردو میں واضح طور پر/ یقینی طور پر اور انتہائی/ بالکل/آخری طور پر ہے۔
آپ دیکھئے کہ جملوں میں یہ الفاظ یہ لوگ کسطرح لاتے ہیں۔
رہی اردو کی بات تو اسکے بنیادی الفاظ بہت کم لوگ استعمال کرتے ہیں مگر اگر ایک آدھ کریں تو بھی نہ سمجھتے ہوئے کرتےہیں۔

ام طلحہ

ان زبانوں کی سب سے بڑی ماہر میرا دی گریٹ

محمد الیاس

میرا اب ایک ضخیم عربی لفظ ' عتیق الرحمٰن قبول ' میں پھنس گئی ہے۔

Haya 786

اس پہ میں کیا تبصرہ کروں
میں خود ایسی اردو بولتی ھوں

کچھ رشتے دار یورپ میں ھیں کچھ امریکہ اور کینیڈا میں سب اردو انگلش مکس بولتے ھیں
پاکستان میں جو رھتے ھیں ان کا بھی یہی حال ھے میں نے جب سے لکھنا شروع کیا ھے میری اردو بہتر ھو گئ ھے
کوشش کرتی ھوں کوئ لفظ انگلش کا استعمال نہ کروں روانی سے نہیں لکھ سکتی جیسے لکھنا چاھتی ھوں
مگر لکھنا چھوڑتی بھی نہیں

محمد الیاس

آپ بگڑی اردو کی بجائے خالص انگریزی بولیں تو بہتر ہوگا۔

حیدر

ادھر تو آپ اردو ہی لکھ رہی ہیں ۔ اس وقت تو آپ نہ انگلدو میں بول رہی ہیں نا اردش میں۔ ویسے آپ عموماِِ گھر(یا باہر )میں کونسی زبان بولتی ہیں ۔ ۔ ۔انگلدو یا اردش؟

Haya 786

میں گھر میں اردش بولتی ھوں

ویسے ھم صرف اردو ھی بگاڑ کر بولتے دنیا کی ھر زبان کو بگاڑ کر بولتے ھیں یہ ان لوگوں کی ھمت ھے جو ھم سے اپنی زبان کا ایسا حال دیکھ کر بھی چپ رھتے ھیں ھنستے نہیں ھمارے سامنے کوئ پٹھان جاتی ھے آتی ھے بولتا ھے تو ھسنا شروع کر دیتے ھیں مذاق بناتے ھیں ھم فرنچ جرمن اٹالئین لینگوئجز کا اس سےبھی برا حال کرتے ھیں

حیدر

نہیں ۔ ۔ ۔ میں شاید اپنا مقصد واضح نہیں کر پایا ۔ جس سے شدید غلط فہمی بھی پیدا ہو سکتی ہے۔ میرا مقصد ان لوگوں پر توجہ کرنا ہے کہ جنکو اردو آتی ہے پھر بھی محض احساس کمتری کا شکار ہو کر بلا وجہ کی انگریزی بولتے ہیں۔ اب اگر کوئی سیکھنے کے دورا ن ایسا کرتا ہے تو یہ سیکھنے کا عمل ہے اس کو بُرا نہیں کہا جا سکتا ۔ ۔ ۔
جیسا کہ آپ کی بات سے اندازا ہوا کہ آپکو ماحول ایسا ملا ۔ ۔ ۔ اور یہ کہ اپ کوشش کرتی ہیں اردو لکھنے بولنے کی۔ تو اسکا مطلب یہ ہے کہ آپ میں خواہش موجود ہے ۔ بد قسمت لوگ تو وہ ہیں کہ جو اردو جانتے ہیں ۔ ۔ پھر بھی اسکی ٹانگ توڑنے کا تہیہ کرتے ہیں

عبدالقدوس

ویسے ویکیپیڈیا پر اردو کو فارسی اور عربی کا تڑکا لگایا جاتا ہے

فیصل ناصر

ایکچولی آج کل کی دنیا میں کمپٹیشن اتنا کٹ تھروٹ ہوگیا ہے کہ اپوننٹ کو لائٹلی نہیں لینا چاہئیے۔جب تک ہماری پروڈکٹ کمپی ٹیٹوو نہیں ہوگی۔اٹ از امپوسیبل ٹو سروائیوو ان دس ماحول۔میرے کو میری مدر کی یہ بات یاد آرہی ہے کہ جب تک ہم ٹرتھ فل نہیں ہوئیں گے۔ہمارے ورڈز کو کوئی امپورٹینس نہیں دے گا!۔

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

فیصل ناصر

تسی اس طرحاں کرو کہ لیفٹ ٹرن لے کے جدوں راونڈ اباؤٹ کروس کروگے تے یو ول فائنڈ اے پان والا کھوکھا۔دیٹ بندہ نوز می ویل۔او تواہنوں میرے ہاؤس ول گائیڈ کردیوے گا۔میرا گھر از ویری ایزی ٹو فائنڈ۔تسی مس ہی نئی کرسکدے!